സൗ​ദി-​സി​റി​യ​ൻ നി​ക്ഷേ​പ ഫോ​റത്തിന് തുടക്കം; 2,400 കോ​ടി റി​യാ​ലി​ന്റെ 47 വാ​ണി​ജ്യ ക​രാ​റു​ക​ൾ ഒ​പ്പി​ട്ടു

റി​യാ​ദ്​: സി​റി​യ​ൻ-​സൗ​ദി നി​ക്ഷേ​പ സ​മ്മേ​ള​നം സി​റി​യ​ൻ ത​ല​സ്ഥാ​ന​മാ​യ ഡ​മ​സ്​​ക​സി​ൽ ആ​രം​ഭി​ച്ചു. 2,400 കോ​ടി റി​യാ​ലി​​ന്റെ 47 ക​രാ​റു​ക​ൾ ഒ​പ്പി​ട്ടു. സി​റി​യ​ൻ പ്ര​സി​ഡ​ന്റ്​ അ​ഹ​മ്മ​ദ് അ​ൽ​ഷ​റാ, സൗ​ദി നി​ക്ഷേ​പ മ​ന്ത്രി ഖാ​ലി​ദ് അ​ൽ​ഫാ​ലി​ഹ്, ഇ​രു രാ​ജ്യ​ങ്ങ​ളി​ലെ​യും ഉ​ന്ന​തോ​ദ്യോ​ഗ​സ്ഥ​ർ, ബി​സി​ന​സു​കാ​ർ എ​ന്നി​വ​ർ സ​മ്മേ​ള​ന​ത്തി​ൽ പ​ങ്കെ​ടു​ത്തു. കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​​ന്റെ നി​ർ​ദേ​ശാ​നു​സ​ര​ണ​മാ​ണ്​​ സൗ​ദി ഉ​ന്ന​ത​ത​ല പ്ര​തി​നി​ധി സം​ഘം ഡ​മ​സ്​​ക​സി​ലെ​ത്തി​യ​തെ​ന്ന്​ നി​ക്ഷേ​പ മ​ന്ത്രി പ​റ​ഞ്ഞു.

സി​റി​യ​യു​ടെ സാ​മ്പ​ത്തി​ക വ​ള​ർ​ച്ച, സ​മൃ​ദ്ധി, സ​മ​ഗ്ര​വി​ക​സ​നം എ​ന്നി​വ​ക്കാ​യി സൗ​ദി ന​ൽ​കു​ന്ന ഉ​റ​ച്ച പി​ന്തു​ണ​യു​ടെ ഭാ​ഗ​മാ​ണി​ത്. സ​ൽ​മാ​ൻ രാ​ജാ​വി​ന്റെ​യും കി​രീ​ടാ​വ​കാ​ശി​യു​ടെ​യും ആ​ശം​സ​ക​ൾ നി​ക്ഷേ​പ മ​ന്ത്രി സി​റി​യ​ൻ പ്ര​സി​ഡ​ന്റി​നെ​യും ജ​ന​ത​യെ​യും അ​റി​യി​ക്കു​ന്ന​താ​യും ഉ​ദ്​​ഘാ​ട​ന ച​ട​ങ്ങി​ൽ പ​റ​ഞ്ഞ മ​ന്ത്രി ഊ​ഷ്മ​ള​മാ​യ സ്വീ​ക​ര​ണ​ത്തി​ന് ന​ന്ദി പ​റ​ഞ്ഞു.

2,400 കോ​ടി റി​യാ​ലി​ന്റെ മൊ​ത്തം മൂ​ല്യ​മു​ള്ള 47 ക​രാ​റു​ക​ളി​ലും ധാ​ര​ണ​പ​ത്ര​ങ്ങ​ളി​ലും ഒ​പ്പു​വെ​ക്കു​ന്ന​തി​നാ​ണ്​ ഫോ​റം സാ​ക്ഷ്യം വ​ഹി​ക്കു​ന്ന​തെ​ന്നും നി​ക്ഷേ​പ മ​ന്ത്രി കൂ​ട്ടി​ച്ചേ​ർ​ത്തു. രാ​ജ്യ​ത്തെ 20 ല​ധി​കം സ​ർ​ക്കാ​ർ ഏ​ജ​ൻ​സി​ക​ളും 100 ല​ധി​കം പ്ര​മു​ഖ സ്വ​കാ​ര്യ മേ​ഖ​ല​യി​ലെ ക​മ്പ​നി​ക​ളും ഫോ​റ​ത്തി​ൽ പ​ങ്കെ​ടു​ക്കു​ന്നു​ണ്ട്. ഈ ​ഫോ​റ​ത്തി​ൽ പ​ങ്കെ​ടു​ക്കാ​ൻ 500 ബി​സി​ന​സു​കാ​ർ അ​ഭ്യ​ർ​ഥി​ച്ചി​രു​ന്നെ​ങ്കി​ലും യാ​ത്ര ഉ​ൾ​​പ്പ​ടെ​യു​ള്ള സൗ​ക​ര്യ​ങ്ങു​ടെ പ​രി​മി​തി കാ​ര​ണം എ​ണ്ണം കു​റ​ച്ച​താ​ണെ​ന്ന്​ മ​ന്ത്രി സൂ​ചി​പ്പി​ച്ചു.

ഫോ​റ​ത്തി​ൽ പ​ങ്കെ​ടു​ക്കു​ന്ന 100 ക​മ്പ​നി​ക​ൾ രാ​ജ്യ​ത്ത് മാ​ത്ര​മ​ല്ല, ഭൂ​ഖ​ണ്ഡ​ങ്ങ​ളി​ലു​ട​നീ​ളം നി​ക്ഷേ​പം ന​ട​ത്തു​ന്ന അ​ന്താ​രാ​ഷ്​​ട്ര ക​മ്പ​നി​ക​ളാ​ണ്. സി​റി​യ​യി​ൽ ഊ​ർ​ജം, വ്യ​വ​സാ​യം, അ​ടി​സ്ഥാ​ന സൗ​ക​ര്യ​ങ്ങ​ൾ, സാ​മ്പ​ത്തി​ക സേ​വ​ന​ങ്ങ​ൾ, കൃ​ഷി, ക​രാ​ർ, വി​ദ്യാ​ഭ്യാ​സം തു​ട​ങ്ങി​യ മേ​ഖ​ല​ക​ളി​ൽ നി​ക്ഷേ​പം ന​ട​ത്താ​ൻ അ​വ​ർ ആ​ഗ്ര​ഹി​ക്കു​ന്നു. എ​സ്.​ടി.​സി, എ​ൽ, സൈ​ബ​ർ തു​ട​ങ്ങി​യ പ്ര​മു​ഖ സൗ​ദി ടെ​ലി​കോം ക​മ്പ​നി​ക​ൾ സി​റി​യ​യു​മാ​യി 400 കോ​ടി റി​യാ​ലി​ന്റെ സം​യു​ക്ത ക​രാ​റു​ക​ളി​ൽ ഒ​പ്പു​വെ​ക്കും. ഡി​ജി​റ്റ​ൽ ഇ​ൻ​ഫ്രാ​സ്ട്ര​ക്ച​റും ഓ​ട്ടോ​മേ​ഷ​നും വി​ക​സി​പ്പി​ക്കു​ക, സൈ​ബ​ർ സു​ര​ക്ഷ ശേ​ഷി വ​ർ​ധി​പ്പി​ക്കു​ക, പ്രോ​ഗ്രാ​മി​ങ്, ആ​ർ​ട്ടി​ഫി​ഷ​ൽ ഇ​ന്റ​ലി​ജ​ൻ​സ്, ഡേ​റ്റ സെ​ന്റ​റു​ക​ൾ, വി​ദ്യാ​ഭ്യാ​സ അ​ക്കാ​ദ​മി​ക​ൾ എ​ന്നി​വ​യി​ൽ നൂ​ത​ന സം​വി​ധാ​ന​ങ്ങ​ൾ നി​ർ​മി​ക്കു​ക എ​ന്നി​വ​യാ​ണ് ക​രാ​റു​ക​ളു​ടെ ല​ക്ഷ്യം. അ​ടി​സ്ഥാ​ന സൗ​ക​ര്യ വി​ക​സ​ന മേ​ഖ​ല​ക​ളി​ലും റി​യ​ൽ എ​സ്​​റ്റേ​റ്റ് വി​ക​സ​ന മേ​ഖ​ല​ക​ളി​ലും 1,100 കോ​ടി റി​യാ​ൽ മൂ​ല്യ​മു​ള്ള നി​ര​വ​ധി ക​രാ​റു​ക​ൾ ഫോ​റ​ത്തി​ൽ ഒ​പ്പു​വെ​ക്കും.

അ​ടി​സ്ഥാ​ന സൗ​ക​ര്യ വി​ക​സ​ന​ത്തെ പി​ന്തു​ണ​ക്കു​ന്ന​തി​നും ഈ ​സു​പ്ര​ധാ​ന മേ​ഖ​ല​യി​ലെ വി​ത​ര​ണ ശൃം​ഖ​ല​ക​ൾ ശ​ക്തി​പ്പെ​ടു​ത്തു​ന്ന​തി​നു​മാ​യി മൂ​ന്ന്​ പു​തി​യ സി​മ​ന്റ്​ ഫാ​ക്ട​റി​ക​ൾ സ്ഥാ​പി​ക്കു​ന്ന​ത്​ സം​ബ​ന്ധി​ച്ച ക​രാ​റും കൂ​ട്ട​ത്തി​ലു​ണ്ടെ​ന്ന്​ നി​ക്ഷേ​പ മ​ന്ത്രി പ​റ​ഞ്ഞു. സൗ​ദി പ്ര​തി​നി​ധി സം​ഘം ബു​ധ​നാ​ഴ്ച​യാ​ണ്​ സി​റി​യ​യി​ലെ​ത്തി​യ​ത്.