അ​ൽ​ന​ഹ്​​ദ തീ​പി​ടി​ത്തം വൈ​ദ്യു​ത ത​ക​രാ​റ്​ മൂ​ല​മെ​ന്ന്​ അ​ധി​കൃ​ത​ർ

ഷാ​ർ​ജ: ക​ഴി​ഞ്ഞ ഞാ​യ​റാ​ഴ്ച അ​ൽ ന​ഹ്​​ദ​യി​ലെ കെ​ട്ടി​ട​ത്തി​ലു​ണ്ടാ​യ തീ​പി​ടി​ത്തം വൈ​ദ്യു​ത ത​ക​രാ​റും ട്രാ​ൻ​സ്‌​ഫോ​ർ​മ​ർ ഓ​വ​ർ​ലോ​ഡും മൂ​ല​മാ​ണെ​ന്ന്​ വെ​ളി​പ്പെ​ടു​ത്തി ഷാ​ർ​ജ സി​വി​ൽ ഡി​ഫ​ൻ​സ്. 52 നി​ല കെ​ട്ടി​ട​ത്തി​ന്‍റെ മു​ക​ളി​ലെ നി​ല​ക​ളി​ലൊ​ന്നി​ലു​ണ്ടാ​യ തീ​പി​ടി​ത്ത​ത്തി​ൽ അ​ഞ്ചു​പേ​ർ മ​രി​ക്കു​ക​യും 19 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

ട്രാ​ൻ​സ്‌​ഫോ​ർ​മ​റി​ലെ മെ​റ്റാ​ലി​ക്, ഇ​ല​ക്ട്രി​ക്ക​ൽ സ​ർ​ക്യൂ​ട്ടു​ക​ളു​ടെ താ​പ​നി​ല ഓ​വ​ർ​ലോ​ഡ്​ മൂ​ലം വ​ർ​ധി​ച്ച​താ​ണ് തീ​പി​ടി​ത്ത​ത്തി​ന് കാ​ര​ണ​മെ​ന്ന് പ്രാ​ഥ​മി​ക അ​ന്വേ​ഷ​ണ​ത്തി​ൽ വ്യ​ക്ത​മാ​യ​താ​യി ഷാ​ർ​ജ സി​വി​ൽ ഡി​ഫ​ൻ​സ് അ​തോ​റി​റ്റി ഡ​യ​റ​ക്ട​ർ ജ​ന​റ​ൽ ബ്രി. ​ജ​ന​റ​ൽ സാ​മി അ​ൽ ന​ഖ്ബി പ​റ​ഞ്ഞു.

സം​ഭ​വ​ത്തി​ൽ അ​ന്വേ​ഷ​ണം തു​ട​രു​ക​യാ​ണെ​ന്നും കെ​ട്ടി​ട​ത്തി​ന്‍റെ എ​ല്ലാ ലൈ​സ​ൻ​സു​ക​ളും അ​നു​മ​തി​ക​ളും പ​രി​ശോ​ധി​ക്കാ​ൻ പ്ര​ത്യേ​ക ക​മ്മി​റ്റി രൂ​പ​വ​ത്ക​രി​ച്ച​താ​യും അ​ദ്ദേ​ഹം അ​റി​യി​ച്ചു.

ട​വ​ർ മാ​നേ​ജ്​​മെ​ന്‍റി​ന്‍റെ അ​ശ്ര​ദ്ധ​യു​ണ്ടാ​യ​താ​യി തെ​ളി​യി​ക്ക​പ്പെ​ട്ടാ​ൽ നി​യ​മ​പ​ര​മാ​യ ന​ട​പ​ടി​യു​ണ്ടാ​കു​മെ​ന്നും വ്യ​ക്ത​മാ​ക്കി​യി​ട്ടു​ണ്ട്. തീ ​പ്ര​തി​രോ​ധി​ക്കു​ന്ന​ത​ല്ലാ​ത്ത അ​ലു​മി​നി​യം ക്ലാ​ഡി​ങ്​ നീ​ക്കം ചെ​യ്യാ​നു​ള്ള സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ നി​ർ​ദേ​ശ​ങ്ങ​ൾ തീ ​വ്യാ​പി​ക്കു​ന്ന​ത്​ പ​രി​മി​ത​പ്പെ​ടു​ത്താ​ൻ സ​ഹാ​യി​ച്ചെ​ന്നും അ​ൽ ന​ഖ്ബി അ​ഭി​പ്രാ​യ​പ്പെ​ട്ടു.

ഇ​ത്ത​രം സം​ഭ​വ​ങ്ങ​ൾ ത​ട​യു​ന്ന​തി​ന്​ ഇ​ട​വി​ട്ട സ​മ​യ​ങ്ങ​ളി​ൽ വൈ​ദ്യു​ത വ​യ​റി​ങ്​ പ​രി​ശോ​ധ​ന ന​ട​ത്ത​ണ​മെ​ന്നും സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന നി​ർ​മാ​ണ സാ​മ​ഗ്രി​ക​ൾ ഉ​പ​യോ​ഗി​ക്ക​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടു.