ത​ട്ടി​പ്പി​ന്‍റെ രൂ​പ​വും ഭാ​വ​വും മാ​റു​മ്പോ​ള്‍; പ​ണം ന​ഷ്ട​പ്പെ​ടു​ന്ന​വ​രും ഏ​റെ

അ​ജ്മാ​ന്‍: ന​മു​ക്ക് ചു​റ്റും ത​ട്ടി​പ്പു​ക​ള്‍ പ​ല​താ​ണ്. പ്ര​തീ​ക്ഷി​ക്കാ​തെ​യാ​ണ് ത​ട്ടി​പ്പു​ക​ള്‍ ന​മ്മെ പ​ല രീ​തി​ക​ളി​ല്‍ തേ​ടി​യെ​ത്തു​ന്ന​ത്. ന​മ്മ​ള്‍ ചി​ന്തി​ക്കു​ന്ന​തി​ന് മു​മ്പേ​ത​ന്നെ ത​ട്ടി​പ്പു​കാ​ര്‍ ന​മ്മു​ടെ വി​ല​പ്പെ​ട്ട സ​മ്പ​ത്ത് കൈ​ക്ക​ലാ​ക്കി ക​ഴി​ഞ്ഞി​രി​ക്കും. പി​ന്നീ​ട് ഖേ​ദി​ച്ചി​ട്ട് കാ​ര്യ​മു​ണ്ടാ​കി​ല്ല. ആ​വ​ശ്യ​ക്കാ​ര​നെ ക​ണ്ടെ​ത്തി അ​വ​രു​ടെ മ​ന​ശ്ശാ​സ്ത്രം മ​ന​സ്സി​ലാ​ക്കി ന​ട​ത്തു​ന്ന ത​ട്ടി​പ്പാ​ണ് ലൈ​വ് ത​ട്ടി​പ്പ്.

പ​ല​യി​ട​ങ്ങ​ളി​ലാ​യി അ​ര​ങ്ങേ​റു​ന്ന ഇ​ത്ത​രം ത​ട്ടി​പ്പു​ക​ള്‍ ഈ ​ഗ​ണ​ത്തി​ല്‍ ആ​ദ്യ​ത്തേ​തോ അ​വ​സാ​ന​ത്തേ​തോ അ​ല്ല. ഇ​ത്ത​രം ത​ട്ടി​പ്പു​ക​ളെ കു​റി​ച്ച് നി​ര​വ​ധി ത​വ​ണ ആ​ളു​ക​ളെ ബോ​ധ്യ​പ്പെ​ടു​ത്തി​യി​ട്ടു​ണ്ടെ​ങ്കി​ലും പി​ന്നെ​യും നി​ര​വ​ധി​യാ​ളു​ക​ള്‍ ഇ​വ​രു​ടെ വ​ല​യി​ല്‍ ദി​നം​പ്ര​തി വീ​ണു​കൊ​ണ്ടി​രി​ക്കു​ക​യാ​ണ്.

ക​ഴി​ഞ്ഞ ദി​വ​സം അ​ജ്മാ​നി​ലെ മു​സ​ല്ല സൂ​ക്കി​ല്‍നി​ന്നും വ​സ്ത്രം വാ​ങ്ങി പു​റ​ത്തി​റ​ങ്ങു​ക​യാ​യി​രു​ന്നു തൃ​ശൂ​ര്‍ സ്വ​ദേ​ശി​യാ​യ ഒ​രു വ്യ​ക്തി. സൂ​ക്കി​ന് താ​ഴെ​യെ​ത്തി​യ ഇ​ദ്ദേ​ഹ​ത്തെ ഒ​രു അ​പ​രി​ചി​ത​ന്‍ സ​മീ​പി​ക്കു​ക​യാ​യി​രു​ന്നു. താ​ങ്ക​ളു​ടെ ക​ണ്ണി​നു​ചു​റ്റും ബു​ദ്ധി​മു​ട്ട് ഉ​ണ്ട​ല്ലേ എ​ന്ന് ചോ​ദി​ച്ചാ​ണ് ഈ ​ഹി​ന്ദി​ക്കാ​ര​ന്‍ ഇ​ദ്ദേ​ഹ​ത്തെ സ​മീ​പി​ച്ച​ത്. ശ്ര​ദ്ധി​ച്ചി​ല്ലെ​ങ്കി​ല്‍ മു​ടി വ​ല്ലാ​തെ ന​ര​ക്കു​മെ​ന്നും.

മ​രു​ന്ന് ക​ഴി​ക്ക​ണ​മെ​ന്നും നി​ര്‍ദേ​ശി​ച്ചു. ഈ ​വി​വ​രം പ​ക​ര്‍ന്നു ന​ല്‍കി​യ​തി​ന് ത​നി​ക്ക് വേ​ണ്ടി പ്രാ​ര്‍ഥി​ച്ചാ​ല്‍ മ​തി​യെ​ന്നും നി​ര്‍ദേ​ശി​ച്ച് വി​ശ്വാ​സം നേ​ടി​യെ​ടു​ക്കാ​ന്‍ ശ്ര​മി​ക്കു​ക​യാ​യി​രു​ന്നു ആ​ഗ​ത​ന്‍. നി​ര്‍ദേ​ശി​ച്ച മ​രു​ന്ന് എ​വി​ടെ കി​ട്ടു​മെ​ന്ന് ചോ​ദി​ച്ച​പ്പോ​ള്‍ ദൂ​രെ ഒ​രു ക​ട കാ​ണി​ച്ചു കൊ​ടു​ത്തു. തു​ട​ര്‍ന്ന് കൂ​ടെ ചെ​ന്നാ​ല്‍ വാ​ങ്ങി​ത്ത​രാം എ​ന്ന സ​ഹാ​യ വാ​ഗ്ദാ​ന​വും ഇ​ദ്ദേ​ഹം ന​ല്‍കി.

ത​ട്ടി​പ്പാ​ണെ​ന്ന് എ​ന്തോ ഭാ​ഗ്യ​ത്തി​ന് തി​രി​ച്ച​റി​ഞ്ഞ മ​ല​യാ​ളി നീ ​ആ​ളെ ക​ളി​പ്പി​ക്കു​ക​യാ​ണോ, ഈ ​വി​വ​രം മാ​ധ്യ​മ​ങ്ങ​ളെ അ​റി​യി​ക്കും എ​ന്ന് പ​റ​ഞ്ഞ​തോ​ടെ ത​ടി​മി​ടു​ക്ക​നാ​യ ഹി​ന്ദി​ക്കാ​ര​ന്‍ ഉ​ട​ൻ ഭീ​ഷ​ണി​യു​ടെ സ്വ​രം പു​റ​ത്തെ​ടു​ത്തു. ഇ​തോ​ടെ അ​വി​ടെ​നി​ന്നും ര​ക്ഷ​പ്പെ​ട്ട മ​ല​യാ​ളി ഏ​റ്റ​വും അ​ടു​ത്തു​ള്ള സു​ഹൃ​ത്തു​ക്ക​ളെ​യും കൂ​ട്ടി തി​രി​ച്ചു വ​ന്നു.

ഈ ​സ​മ​യം ഹി​ന്ദി​ക്കാ​ര​ന്‍ അ​ടു​ത്ത ഇ​ര​യെ വ​ല​യി​ലാ​ക്കി കൊ​ണ്ട് ന​ട​ക്കു​ന്നു. ഇ​തോ​ടെ ബ​ഹ​ളം വെ​ച്ച് പൊ​ലീ​സി​നെ വി​വ​രം അ​റി​യി​ക്കു​മെ​ന്ന് പ​റ​ഞ്ഞ​പ്പോ​ള്‍ ആ​ദ്യം ഭീ​ഷ​ണി​യും പി​ന്നെ ഒ​തു​ങ്ങു​ക​യു​മാ​യി​രു​ന്നു. ഒ​രു മ​രു​ന്നും ന​ല്‍കാ​തെ പു​തി​യ ഇ​ര​യു​ടെ കൈ​യ്യി​ല്‍നി​ന്നും ഇ​തി​ന​കം ഇ​വ​ര്‍ പ​ണം കൈ​ക്ക​ലാ​ക്കി​യി​രു​ന്നു. ഇ​തോ​ടെ ഇ​യാ​ൾ ബ​ഹ​ളം വെ​ക്കു​ക​യും പൊ​ലീ​സി​നെ വി​ളി​ക്കും എ​ന്ന് പ​റ​ഞ്ഞ​തോ​ടെ പ​ണം ഇ​വ​ര്‍ തി​രി​കെ ന​ല്‍കി. അ​പ്പോ​ഴാ​ണ്‌ ഒ​രാ​ഴ്ച മു​മ്പ്​ ഇ​തു​പോ​ലെ പ​റ്റി​ക്ക​പ്പെ​ട്ട ഒ​രു മ​ല​യാ​ളി അ​തു​വ​ഴി വ​ന്ന​ത്.

വ​യ​ര്‍ കു​റ​ക്കാ​നെ​ന്നു പ​റ​ഞ്ഞു എ​ന്തൊ​ക്കെ​യോ മ​രു​ന്നു​ക​ള്‍ ഇ​യാ​ളെ​യും പി​ടി​പ്പി​ച്ചി​രു​ന്ന​ത്രേ ഇ​വ​ര്‍. ഈ ​മ​രു​ന്ന് ത​ട്ടി​പ്പും ബ​ഹ​ള​ങ്ങ​ളും ഇ​വി​ടെ സ്ഥി​ര​മാ​ണെ​ന്നാ​ണ് അ​ടു​ത്ത ക​ട​ക്കാ​ര്‍ പ​റ​യു​ന്ന​ത്. മ​റ്റൊ​രു മ​ല​യാ​ളി​യെ മ​രു​ന്ന് വാ​ങ്ങി​പ്പി​ച്ച് ബി​ല്‍ തു​ക 500 ദി​ര്‍ഹം ആ​യ​പ്പോ​ള്‍ ഇ​ദ്ദേ​ഹ​ത്തി​ന്‍റെ കൈ​യ്യി​ല്‍ പ​ണം ഉ​ണ്ടാ​യി​രു​ന്നി​ല്ല. കാ​ര്‍ഡാ​ണ് ഉ​ള്ള​ത് എ​ന്ന​റി​ഞ്ഞ​പ്പോ​ള്‍ ത​ട്ടി​പ്പു​കാ​ര​ന്‍ അ​ടു​ത്തു​ള്ള ക​ട​യി​ല്‍ കാ​ര്‍ഡ് വ​ലി​ക്കാ​ന്‍ ഇ​ദ്ദേ​ഹ​ത്തെ കൊ​ണ്ടു​പോ​യി.

ത​ട്ടി​പ്പി​ന്‍റെ രൂ​പം മ​ന​സ്സി​ലാ​യ മ​ല​യാ​ളി​യാ​യ ക​ട​ക്കാ​ര​ന്‍ കാ​ര്‍ഡി​ല്‍ പ​ണം ഇ​ല്ലെ​ന്ന് പ​റ​ഞ്ഞ് ഇ​ര​യെ ര​ക്ഷ​പ്പെ​ടു​ത്താ​ന്‍ ശ്ര​മി​ച്ചു. എ​ന്നാ​ല്‍ ഇ​തൊ​ന്നും തി​രി​ച്ച​റി​യാ​തെ മ​റ്റൊ​രു സു​ഹൃ​ത്തി​നെ വി​ളി​ച്ച് ഇ​ദ്ദേ​ഹ​ത്തി​ന്‍റെ കാ​ര്‍ഡി​ല്‍ പ​ണം ഇ​ടീ​പ്പി​ച്ച് മ​രു​ന്നും വാ​ങ്ങി​പ്പോ​വു​ക​യാ​യി​രു​ന്നു ആ ​മ​ല​യാ​ളി. പ്ര​ദേ​ശ​ത്തെ പ​ച്ച​മ​രു​ന്നു​ക​ള്‍ ല​ഭി​ക്കു​ന്ന ഹെ​ര്‍ബ​ല്‍ ക​ട കേ​ന്ദ്രീ​ക​രി​ച്ചാ​ണ് ത​ട്ടി​പ്പു​ക​ള്‍ അ​ര​ങ്ങേ​റു​ന്ന​ത്.

വ​ലി​യൊ​രു ടീം ​ത​ന്നെ ഇ​തി​ന് പി​റ​കി​ല്‍ പ്ര​വ​ര്‍ത്തി​ക്കു​ന്നു​ണ്ട്. മു​ടി ന​ര​ച്ച​വ​രെ​യും അ​ത്യാ​വ​ശ്യം വ​യ​ര്‍ ഉ​ള്ള​വ​രെ​യും നി​റം കു​റ​ഞ്ഞ​വ​രെ​യും എ​ന്ന് വേ​ണ്ട ആ​രെ​യും പ​റ്റി​ക്കാ​ന്‍ കെ​ല്‍പ്പു​ള്ള​വ​രാ​ണ് ഈ ​ത​ട്ടി​പ്പി​ന്‍റെ പി​റ​കി​ല്‍. പ​റ്റി​ക്ക​പ്പെ​ടു​ന്ന​വ​ര്‍ പൊ​ലീ​സി​നോ​ടോ മ​റ്റു അ​ധി​കൃ​ത​രോ​ടോ പ​രാ​തി​പ്പെ​ടാ​ന്‍ പോ​കാ​റി​ല്ല എ​ന്ന​താ​ണ് ഇ​വ​രു​ടെ ഏ​റ്റ​വും വ​ലി​യ ആ​നു​കൂ​ല്യം.