വെന്തുകരിഞ്ഞ മൃതദേഹങ്ങളിൽ ഉറ്റവരെ തിരയുന്നവരു​ടെ നിസ്സഹായത...

വ്യാ​ഴാ​ഴ്ച രാ​ത്രി എ​ട്ട​ര​യോ​ടെ​യാ​ണ് അ​പ​ക​ടം ന​ട​ന്ന അ​ഹ്മ​ദാ​ബാ​ദ് മേ​ഘ​നി ന​ഗ​റി​ലെ ബി.​ജെ മെ​ഡി​ക്ക​ൽ കോ​ള​ജ് കാ​മ്പ​സി​ന​ടു​ത്തെ​ത്തു​ന്ന​ത്. ഉ​ള്ളു​ല​ക്കു​ന്ന ദൃ​ശ്യ​ങ്ങ​ളാ​യി​രു​ന്നു എ​ങ്ങും. ക​ത്തി​ക്ക​രി​ഞ്ഞ മാം​സ​ഗ​ന്ധം അ​ത്ര​മേ​ൽ അ​സ്വ​സ്ഥ​ത​യും ഭീ​തി​യും ഉ​ള​വാ​ക്കു​ന്ന​താ​യി​രു​ന്നു. ഞ​ങ്ങ​ൾ എ​ത്തു​​മ്പോ​ഴേ​ക്കും തീ ​ഏ​താ​ണ്ട് നി​യ​ന്ത്ര​ണ​വി​ധേ​യ​മാ​യി​രു​ന്നു. ക​ഴി​ഞ്ഞു​പോ​യ സം​ഘ​ർ​ഷ​ഭ​രി​ത​മാ​യ മ​ണി​ക്കൂ​റു​ക​ളു​ടെ ഭീ​ക​ര​ത​യോ​ർ​മി​പ്പി​ച്ചു​കൊ​ണ്ട് കെ​ട്ടി​ട​ങ്ങ​ളി​ൽ പ​ല​യി​ട​ത്തു​നി​ന്നും ക​ന​ത്ത പു​ക​യു​യ​രു​ന്നു​ണ്ടാ​യി​രു​ന്നു.

വി​മാ​ന​ത്തി​​ന്റെ യ​ന്ത്ര​ഭാ​ഗ​ങ്ങ​ളും ക​ത്തി​ക്ക​രി​ഞ്ഞ അ​വ​ശി​ഷ്ട​ങ്ങ​ളും ചി​ത​റി​ക്കി​ട​ന്നു. വി​മാ​നം ഇ​ടി​ച്ചി​റ​ങ്ങി​യ മെ​ഡി​ക്ക​ൽ ഹോ​സ്റ്റ​ലി​ലേ​ക്ക് ക​ട​ന്ന​പ്പോ​ൾ കൂ​ടു​ത​ൽ വി​മാ​നാ​വ​ശി​ഷ്ട​ങ്ങ​ൾ ക​ണ്ടു​തു​ട​ങ്ങി. ഹോ​സ്റ്റ​ലി​നോ​ട് ചേ​ർ​ന്ന കെ​ട്ടി​ട​ത്തി​ന്റെ ഒ​ന്നാ​​മ​ത്തെ നി​ല​യി​ലാ​ണ് എ​ൻ​ജി​ൻ കു​ടു​ങ്ങി​ക്കി​ട​ന്ന​ത്. വി​മാ​നം ഹോ​സ്റ്റ​ലി​ലേ​ക്ക് ഇ​ടി​ച്ചു​ക​യ​റി​യ​തി​ന് പി​ന്നാ​ലെ വ​ലി​​യൊ​രു പൊ​ട്ടി​ത്തെ​റി​യു​ണ്ടാ​യെ​ന്നും എ​ൻ​ജി​ൻ ഭാ​ഗ​മ​ട​ക്കം സ​മീ​പ​ത്തെ കെ​ട്ടി​ട​ത്തി​ലേ​ക്ക് തു​ള​ച്ചു​ക​യ​റി​യെ​ന്നും അ​വി​ടെ​യു​ണ്ടാ​യി​രു​ന്ന​വ​ർ പ​റ​ഞ്ഞു.

ഹോ​സ്റ്റ​ലി​ന്റെ മു​ൻ​വ​ശ​ത്ത് വി​മാ​ന​യാ​ത്ര​ക്കാ​രു​ടെ ബാ​ഗു​ക​ൾ കൂ​ട്ടി​യി​ട്ടി​രി​ക്കു​ന്നു. പ​ല​രും അ​വ​ധി​ക്കെ​ത്തി മ​ട​ക്ക​യാ​ത്ര​യി​ൽ നാ​ട്ടി​ൽ​നി​ന്ന് എ​ന്തെ​ല്ലാം കൈ​യി​ൽ ക​രു​തി​യി​രി​ക്കാം. എ​ത്ര സ​മ്മാ​ന​ങ്ങ​ളും ഓ​ർ​മ​ക​ളും അ​വ​യി​ലു​ണ്ടാ​കാം. വീ​ട്ടു​കാ​ർ സ്നേ​ഹ​പൂ​ർ​വം ന​ൽ​കി​യ പ​ല​തും ബാ​ഗു​ക​ളി​ൽ​നി​ന്ന് പു​റ​ത്തേ​ക്ക് ചി​ന്നി​ച്ചി​ത​റി​ക്കി​ട​ക്കു​ന്നു.

വി​ദ്യാ​ർ​ഥി​ക​ളു​ടെ ഭ​ക്ഷ​ണ​ശാ​ല സ്ഥി​തി​​ചെ​യ്യു​ന്ന ഹോ​സ്റ്റ​ലി​ന്റെ ഒ​ന്നാം നി​ല​യി​ലെ കാ​ഴ്ച ക​ണ്ണു​ന​ന​ച്ചു. വി​ദ്യാ​ർ​ഥി​ക​ൾ ഭ​ക്ഷ​ണം ക​ഴി​ച്ചു​കൊ​ണ്ടി​രു​ന്ന പാ​ത്ര​ങ്ങ​ളും ഭ​ക്ഷ​ണ​വും ​തീ​ൻ​മേ​ശ​ക​ളി​ലും നി​ല​ത്തു​മാ​യി പ​ര​ന്നു​കി​ട​ക്കു​ന്നു. സ​മീ​പ​ത്തെ മു​റി​ക​ളി​ൽ ക​ട്ടി​ലു​ക​ളും ബെ​ഡു​ക​ളും പു​സ്ത​ക​ങ്ങ​ളും പ​ഠ​നോ​പ​ക​ര​ണ​ങ്ങ​ളു​മെ​ല്ലാം അ​ല​ങ്കോ​ല​മാ​യി കി​ട​ക്കു​ന്നു.

ഹോ​സ്റ്റ​ലി​ലെ നാ​ല് വി​ദ്യാ​ർ​ഥി​ക​ൾ മ​രി​ച്ചു​വെ​ന്നാ​ണ് ആ​ദ്യം വി​വ​രം ല​ഭി​ച്ച​ത്. ഇ​തി​നി​ടെ, കൂ​ടു​ത​ൽ വി​ദ്യാ​ർ​ഥി​ക​ളെ കാ​ണാ​നി​ല്ലെ​ന്ന് മ​റ്റു വി​ദ്യാ​ർ​ഥി​ക​ൾ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​യു​ന്നു​ണ്ടാ​യി​രു​ന്നു. കോ​ള​ജി​നോ​ട് ചേ​ർ​ന്ന് പ്ര​വ​ർ​ത്തി​ച്ചി​രു​ന്ന ചെ​റു ചാ​യ​ക്ക​ട​ക​ളും ക​ത്തി​യി​ട്ടു​ണ്ട്. ചാ​യ​ക്ക​ട​യി​ലെ ജോ​ലി​ക്കാ​രി​യാ​യ വ​യോ​ധി​ക വി​ല​പി​ച്ചു​കൊ​ണ്ടി​രു​ന്നു. അ​പ​ക​ട​ത്തി​ൽ അ​വ​രു​​ടെ ചെ​റു​മ​ക​ൻ മ​രി​ച്ചി​രു​ന്നു.

അ​പ​ക​ട​ത്തി​ൽ​പെ​ട്ട​വ​രെ എ​ത്തി​ച്ച ആ​ശു​പ​ത്രി​യു​ടെ പ​രി​സ​ര​ത്ത് ഹോ​സ്റ്റ​ലി​ലെ വി​ദ്യാ​ർ​ഥി​ക​ളും മാ​താ​പി​താ​ക്ക​ളും പ്ര​ദേ​ശ​വാ​സി​ക​ളും തി​ങ്ങി​നി​റ​ഞ്ഞി​രു​ന്നു. ചി​ല​ർ സം​ഭ​വ​ത്തി​നി​ടെ കാ​ണാ​താ​യ ബ​ന്ധു​ക്ക​ളെ തി​ര​യു​ന്നു​ണ്ടാ​യി​രു​ന്നു. 24 പ്ര​ദേ​ശ​വാ​സി​ക​ൾ മ​രി​ച്ചു​​വെ​ന്നാ​ണ് സ​ർ​ക്കാ​ർ ക​ണ​ക്ക്. ഈ ​ക​ണ​ക്കു​ക​ൾ ഇ​നി​യും വ്യ​ക്ത​മാ​വേ​ണ്ട​തു​ണ്ടെ​ന്ന് തോ​ന്നി. വി​മാ​നം വീ​ണ​തി​ന് സ​മീ​പ​ത്തെ ചേ​രി​പ്ര​ദേ​ശ​ത്ത് താ​മ​സി​ക്കു​ന്ന നി​ര​വ​ധി പേ​രെ കാ​ണാ​നി​ല്ലെ​ന്ന് ബ​ന്ധു​ക്ക​ൾ പ​റ​ഞ്ഞു.

വി​ങ്ങി​പ്പൊ​ട്ടി​യും പ്രാ​ർ​ഥ​ന​ക​​ളു​രു​വി​ട്ടും കാ​ണാ​താ​യ മ​ക്ക​ളെ​യും അ​ച്ഛ​നെ​യും അ​മ്മ​യെ​യും സ​ഹോ​ദ​രി​യെ​യു​മൊ​ക്കെ ആ​ശു​പ​ത്രി പ​രി​സ​ര​ത്തും മോ​ർ​ച്ച​റി​യി​ലു​മെ​ല്ലാം തി​ര​ഞ്ഞു ന​ട​ക്കു​ന്ന മ​നു​ഷ്യ​ർ. വെ​ന്തു​ക​രി​ഞ്ഞ മൃ​ത​ദേ​ഹ​ങ്ങ​ളി​ൽ ഉ​റ്റ​വ​രെ തി​ര​യു​ന്ന​വ​രു​​ടെ നി​സ്സ​ഹാ​യ​ത. ഇ​തി​നി​ട​യി​ലും ആ​ശു​പ​ത്രി പ​രി​സ​ര​ത്ത് സ​ന്ന​ദ്ധ​പ്ര​വ​ർ​ത്ത​ക​രാ​യി ഓ​ടി​ന​ട​ക്കു​ന്ന​വ​ർ. രാ​പ്പ​ക​ലി​ല്ലാ​തെ ആ​തു​ര​ശു​ശ്രൂ​ഷ ന​ട​ത്തു​ന്ന ആ​രോ​ഗ്യ​പ്ര​വ​ർ​ത്ത​ക​ർ. തീ​യോ​ട് പ​ട​വെ​ട്ടി ത​ക​ർ​ന്നി​രി​ക്കു​ന്ന അ​ഗ്നി​ശ​മ​ന സേ​നാം​ഗ​ങ്ങ​ൾ. ഏ​തൊ​രു വി​ലാ​പ​ത്തി​നും കാ​തോ​ർ​ക്കു​ന്ന അ​സം​ഖ്യം മാ​ധ്യ​മ​പ്ര​വ​ർ​ത്ത​ക​ർ... ക​ര​ളു​രു​ക്കു​ന്ന കാ​ഴ്ച​ക​ളി​ൽ​നി​ന്ന് ക​ണ്ണും മ​ന​സ്സും മ​ട​ങ്ങു​ന്നി​ല്ല.