തൊഴിലുറപ്പ് പദ്ധതിയിൽ ചെലവ് പരിധിയുമായി കേന്ദ്രം

ന്യൂ​ഡ​ൽ​ഹി: ച​രി​ത്ര​ത്തി​ലാ​ദ്യ​മാ​യി തൊ​ഴി​ലു​റ​പ്പ് പ​ദ്ധ​തി​യി​ൽ ചെ​ല​വ് നി​യ​ന്ത്ര​ണ​ത്തി​നൊ​രു​ങ്ങി കേ​ന്ദ്രം. 2025-26 സാ​മ്പ​ത്തി​ക വ​ർ​ഷ​ത്തി​ന്റെ ആ​ദ്യ​പ​കു​തി​യി​ൽ മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി (എം.​ജി.​എ​ൻ.​ആ​ർ.​ഇ.​ജി.​എ​സ്) പ്ര​കാ​ര​മു​ള്ള ചെ​ല​വ് വാ​ർ​ഷി​ക വി​ഹി​ത​ത്തി​ന്റെ 60 ശ​ത​മാ​ന​മാ​ക്കി. ആ​വ​ശ്യം പ​രി​ഗ​ണി​ച്ച് ചെ​ല​വ് എ​ന്ന​താ​യി​രു​ന്നു ഇ​തു​വ​രെ​യു​ള്ള പ​ദ്ധ​തി പ്ര​വ​ർ​ത്ത​നം. പ​ദ്ധ​തി​യെ പ്ര​തി​മാ​സ/​പാ​ദ​വാ​ർ​ഷി​ക ചെ​ല​വ് പ​ദ്ധ​തി​ക്ക് (എം.​ഇ.​പി/​ക്യൂ.​ഇ.​പി) കീ​ഴി​ൽ കൊ​ണ്ടു​വ​രു​മെ​ന്ന് ധ​ന​കാ​ര്യ മ​ന്ത്രാ​ല​യം ഗ്രാ​മ​വി​ക​സ​ന മ​ന്ത്രാ​ല​യ​ത്തെ അ​റി​യി​ച്ചു. ഇ​തു​വ​രെ, തൊ​ഴി​ലു​റ​പ്പ് പ​ദ്ധ​തി​ക്ക് ബാ​ധ​ക​മാ​ക്കാ​തി​രു​ന്ന സം​വി​ധാ​ന​മാ​ണ് ഇ​ത്.

മ​ന്ത്രാ​ല​യ​ങ്ങ​ളു​ടെ പ​ദ്ധ​തി​ച്ചെ​ല​വു​ക​ൾ നി​യ​ന്ത്രി​ക്കാ​നും ക​ടം വാ​ങ്ങേ​ണ്ടി​വ​രു​ന്ന സാ​ഹ​ച​ര്യം ഒ​ഴി​വാ​ക്കാ​നു​മാ​ണ് 2017ൽ ​കേ​ന്ദ്ര ധ​ന​കാ​ര്യ മ​ന്ത്രാ​ല​യം പ്ര​തി​മാ​സ/​പാ​ദ​വാ​ർ​ഷി​ക ചെ​ല​വ് മാ​ന​ദ​ണ്ഡ​ങ്ങ​ൾ രൂ​പ​വ​ത്ക​രി​ച്ച​ത്.

ആ​വ​ശ്യ​ക​ത അ​നു​സ​രി​ച്ച് ചെ​ല​വെ​ന്ന തൊ​ഴി​ലു​റ​പ്പ് പ​ദ്ധ​തി​യു​ടെ സ്വ​ഭാ​വ​ത്തി​ൽ മാ​റ്റം വ​രു​ത്തു​ന്ന​ത് പ്രാ​വ​ർ​ത്തി​ക​മ​ല്ലെ​ന്ന് ഗ്രാ​മ​വി​ക​സ​ന ​മ​ന്ത്രാ​ല​യം നേ​ര​ത്തേ നി​ല​പാ​ട​റി​യി​ച്ചി​രു​ന്നു. എ​ന്നാ​ൽ, 2025-26 സാ​മ്പ​ത്തി​ക വ​ർ​ഷം മു​ത​ൽ പ​ദ്ധ​തി​ക്ക് ചെ​ല​വ് പ​രി​ധി​യേ​ർ​പ്പെ​ടു​ത്താ​ൻ ധ​ന​കാ​ര്യ​മ​ന്ത്രാ​ല​യം നി​ർ​ദേ​ശം ന​ൽ​കി​യെ​ന്നാ​ണ് വി​വ​രം.

മേ​യ് 29ന് ​ധ​ന​കാ​ര്യ മ​ന്ത്രാ​ല​യം ഗ്രാ​മ​വി​ക​സ​ന ​മ​ന്ത്രാ​ല​യ​ത്തി​ന് ന​ൽ​കി​യ അ​റി​യി​പ്പ​നു​സ​രി​ച്ച് പ​ദ്ധ​തി​യു​ടെ വാ​ർ​ഷി​ക വി​ഹി​ത​ത്തി​ന്റെ 60 ശ​ത​മാ​നം​വ​രെ, അ​താ​യ​ത് 86,000 കോ​ടി രൂ​പ മാ​ത്ര​മാ​ണ് സാ​മ്പ​ത്തി​ക വ​ർ​ഷ​ത്തി​ന്റെ ആ​ദ്യ പ​കു​തി​യി​ൽ ചെ​ല​വ​ഴി​ക്കാ​നാ​വു​ക. ക​ഴി​ഞ്ഞ സാ​മ്പ​ത്തി​ക വ​ർ​ഷം പ​ദ്ധ​തി​യി​ൽ 21,000 കോ​ടി രൂ​പ​യു​ടെ കു​ടി​ശ്ശി​ക​യു​ണ്ടെ​ന്നാ​ണ് ക​ണ​ക്ക്. അ​തി​നാ​ൽ, സെ​പ്റ്റം​ബ​ർ അ​വ​സാ​നം​വ​രെ പ​ദ്ധ​തി​ക്ക് 51,600 കോ​ടി രൂ​പ മാ​ത്ര​മേ ല​ഭ്യ​മാ​കൂ.

ന​ട​പ​ടി പ​ദ്ധ​തി വി​ഹി​തം വ​ർ​ധി​പ്പി​ക്ക​ണ​മെ​ന്ന ശി​പാ​ർ​ശ​ക്കി​ടെ

തൊ​ഴി​ലു​റ​പ്പ് പ​ദ്ധ​തി​യു​ടെ അ​ടു​ത്ത അ​ഞ്ച് വ​ർ​ഷ​ത്തേ​ക്കു​ള്ള വി​ഹി​തം 12 ശ​ത​മാ​നം വ​ർ​ധി​പ്പി​ക്ക​ണ​മെ​ന്ന് ഗ്രാ​മ​വി​ക​സ​ന മ​ന്ത്രാ​ല​യം എ​ക്സ്​​പെ​ൻ​ഡി​ച്ച​ർ ഫി​നാ​ൻ​സ് ക​മ്മി​റ്റി​യോ​ട് (ഇ.​എ​ഫ്‌.​സി) ശി​പാ​ർ​ശ ചെ​യ്തി​രു​ന്നു. സ​ർ​ക്കാ​ർ പ​ദ്ധ​തി​ക​ൾ വി​ല​യി​രു​ത്താ​നാ​യി ധ​ന​കാ​ര്യ മ​ന്ത്രാ​ല​യ​ത്തി​ന് കീ​ഴി​ൽ പ്ര​വ​ർ​ത്തി​ക്കു​ന്ന സ​മി​തി​യാ​ണ് ഇ.​എ​ഫ്.​സി. ഇ​തു​പ്ര​കാ​രം, 2026-30 പ​രി​ധി​യി​ൽ 5.3 ല​ക്ഷം കോ​ടി രൂ​പ നീ​ക്കി​വെ​ക്ക​ണ​മെ​ന്ന് മ​ന്ത്രാ​ല​യം മേ​യ് 15ന് ​ന​ൽ​കി​യ ശി​പാ​ർ​ശ​യി​ൽ ആ​വ​ശ്യ​പ്പെ​ട്ടി​രു​ന്നു.

വി​ഹി​ത​ത്തി​ൽ കേ​ന്ദ്രം ക​ടും​വെ​ട്ട് ന​ട​ത്തു​​ന്നു​വെ​ന്ന ആ​ക്ഷേ​പ​ത്തി​നി​ടെ, പ​ദ്ധ​തി​ക്കു​ള്ള കേ​ന്ദ്ര വി​ഹി​തം കു​റ​ഞ്ഞ് ക​ഴി​ഞ്ഞ അ​ഞ്ച് വ​ർ​ഷ​ത്തി​നി​ട​യി​ലെ ഏ​റ്റ​വും താ​ഴ്ന്ന നി​ര​ക്കാ​യ 85,680 കോ​ടി​യി​ലെ​ത്തി. തൊ​ഴി​ൽ ദി​ന​ങ്ങ​ളി​ലെ കു​റ​വും കൂ​ലി വൈ​കു​ന്ന​തും സ​മ​യ​ബ​ന്ധി​ത​മാ​യ വേ​ത​ന പ​രി​ഷ്ക​ര​ണ​ത്തി​ന്റെ അ​ഭാ​വ​വും വെ​ല്ലു​വി​ളി​യാ​യ​തോ​ടെ തൊ​ഴി​ലാ​ളി​ക​ളു​ടെ എ​ണ്ണ​വും ഗ​ണ്യ​മാ​യി കു​റ​ഞ്ഞു.