തമിഴ്നാട് മന്ത്രി കെ.എൻ.നെഹ്റുവിന്റെയും ബന്ധുക്കളുടെയും വസതികളിൽ ഇ.ഡി റെയ്ഡ്

ചെ​ന്നൈ: ത​മി​ഴ്‌​നാ​ട് മു​നി​സി​പ്പ​ൽ അ​ഡ്മി​നി​സ്ട്രേ​ഷ​ൻ മ​ന്ത്രി​യും ഡി.​എം.​കെ പ്രി​ൻ​സി​പ്പ​ൽ സെ​ക്ര​ട്ട​റി​യു​മാ​യ കെ.​എ​ൻ. നെ​ഹ്റു​വി​ന്റെ​യും കു​ടും​ബാം​ഗ​ങ്ങ​ളു​ടെ​യും തി​രു​ച്ചി തി​ല്ലൈ ന​ഗ​റി​ലെ വ​സ​തി ഉ​ൾ​പ്പെ​ടെ സം​സ്ഥാ​ന​ത്തെ 14 കേ​ന്ദ്ര​ങ്ങ​ളി​ൽ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് (ഇ.​ഡി) റെ​യ്ഡ് ന​ട​ത്തി. നെ​ഹ്റു​വി​ന്റെ സ​ഹോ​ദ​ര​ന്മാ​രാ​യ അ​ന്ത​രി​ച്ച രാ​മ​ജ​യം, ര​വി​ച​ന്ദ്ര​ൻ, മ​ണി​വ​ണ്ണ​ൻ എ​ന്നി​വ​രു​ടെ​യും മ​ക​നും പെ​ര​മ്പ​ലു​ർ ലോ​ക്സ​ഭാം​ഗ​വു​മാ​യ അ​രു​ൺ നെ​ഹ്റു​വി​ന്റെ​യും ചെ​ന്നൈ​യി​ലും തി​രു​ച്ചി​യി​ലു​മു​ള്ള വീ​ടു​ക​ളി​ലും അ​വ​രു​ടെ സ്ഥാ​പ​ന​ങ്ങ​ളി​ലും പ​രി​ശോ​ധ​ന ന​ട​ക്കു​ന്നു​ണ്ട്.

തി​ങ്ക​ളാ​ഴ്ച രാ​വി​ലെ ഡ​ൽ​ഹി​യി​ൽ​നി​ന്നെ​ത്തി​യ സം​ഘ​മാ​ണ് പ​രി​ശോ​ധ​ന ന​ട​ത്തു​ന്ന​ത്. കേ​ന്ദ്ര വ്യ​വ​സാ​യ സു​ര​ക്ഷ സേ​നാം​ഗ​ങ്ങ​ളെ ഡ്യൂ​ട്ടി​ക്കാ​യി നി​യോ​ഗി​ച്ചി​രു​ന്നു. നെ​ഹ്റു കു​ടും​ബാം​ഗ​ങ്ങ​ളു​ടെ ഉ​ട​മ​സ്ഥ​ത​യി​ലു​ള്ള റി​യ​ൽ എ​സ്റ്റേ​റ്റ് സ്ഥാ​പ​ന​മാ​യ ട്രൂ ​വാ​ല്യൂ ഹോം​സു​മാ​യി (ടി.​വി.​എ​ച്ച്) ബ​ന്ധ​പ്പെ​ട്ട സ്ഥാ​പ​ന​ങ്ങ​ളി​ലും റെ​യ്ഡ് ന​ട​ന്നു. നെ​ഹ്‌​റു​വി​ന്റെ സ​ഹോ​ദ​ര​ൻ കെ.​എ​ൻ. ര​വി​ച​ന്ദ്ര​ൻ ‘ട്രൂ​ഡം ഇ.​പി.​സി ലി​മി​റ്റ​ഡി’​ന്റെ ഡ​യ​റ​ക്ട​റാ​ണ്. ര​വി​ച​ന്ദ്ര​ൻ ന​ട​ത്തു​ന്ന മ​റ്റൊ​രു വ്യ​വ​സാ​യ സം​രം​ഭ​ത്തി​നെ​തി​രെ 22 കോ​ടി​യു​ടെ ബാ​ങ്ക് ത​ട്ടി​പ്പ് കേ​സും നി​ല​നി​ൽ​ക്കു​ന്നു​ണ്ട്. 2018ൽ ​നെ​ഹ്റു​വി​ന്റെ വ​സ​തി​ക​ളി​ലും മ​റ്റും ആ​ദാ​യ​നി​കു​തി റെ​യ്ഡ് ന​ട​ന്നി​രു​ന്നു. ​റെ​യ്ഡ് ന​ട​ക്കു​ന്ന സ​മ​യ​ത്ത് മ​ന്ത്രി കെ.​എ​ൻ. നെ​ഹ്റു നി​യ​മ​സ​ഭ​യി​ലാ​യി​രു​ന്നു. പ​രി​ശോ​ധ​ന ന​ട​ക്കു​ന്ന കേ​ന്ദ്ര​ങ്ങ​ളി​ൽ ഡി.​എം.​കെ പ്ര​വ​ർ​ത്ത​ക​ർ ത​ടി​ച്ചു​കൂ​ടി.