കൈയേറ്റക്കാർക്ക് നിയമ സാധുത; ഭരണഘടന ലംഘനം

ന്യൂ​ഡ​ൽ​ഹി: കൈ​യേ​റ്റ​ക്കാ​ർ​ക്ക് നി​യ​മ​സാ​ധു​ത ന​ൽ​കു​ന്ന വ​ഖ​ഫ് ഭേ​ദ​ഗ​തി നി​യ​മ​ത്തി​ലെ മി​ക്ക വ്യ​വ​സ്ഥ​ക​ളും ഭ​ര​ണ​ഘ​ട​ന​യു​ടെ 26ാം അ​നു​ച്ഛേ​ദ​ത്തി​ന്റെ ലം​ഘ​ന​മാ​ണെ​ന്ന് വ​ഖ​ഫ് ബി​ല്ലി​നെ​തി​രാ​യ പ​ക്ഷ​ത്തു​നി​ന്നു​ള്ള വാ​ദം ന​യി​ച്ച മു​തി​ർ​ന്ന സു​പ്രീം​കോ​ട​തി അ​ഭി​ഭാ​ഷ​ക​ൻ ക​പി​ൽ സി​ബ​ൽ ബോ​ധി​പ്പി​ച്ചു. പാ​ർ​ല​മെ​ന്റി​ലെ നി​യ​മ നി​ർ​മാ​ണ​ത്തി​ൽ പാ​ലി​ക്കേ​ണ്ട കാ​ര്യ​ങ്ങ​ൾ പ​ല​തും ചെ​യ്യാ​തെ​യാ​ണ് വ​ഖ​ഫ് ഭേ​ദ​ഗ​തി നി​യ​മം കൊ​ണ്ടു​വ​ന്ന​തെ​ന്ന് ജം​ഇ​യ്യ​തു​ൽ ഉ​ല​മാ​യെ ഹി​ന്ദി​നും ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗി​നും​വേ​ണ്ടി ഹാ​ജ​രാ​യ സി​ബ​ൽ വാ​ദി​ച്ചു. മ​ത സ്ഥാ​പ​ന​ങ്ങ​ൾ സ്ഥാ​പി​ക്കാ​നും പ​രി​പാ​ലി​ക്കാ​നും സ്ഥാ​വ​ര, ജം​ഗ​മ സ്വ​ത്തു​ക്ക​ൾ സ്വാ​യ​ത്ത​മാ​ക്കാ​നും അ​വ​കാ​ശ​മു​ണ്ട്. വ​ഖ​ഫി​ന്റെ നി​ർ​വ​ച​നം​ത​ന്നെ മാ​റ്റി ക​ഴി​ഞ്ഞ അ​ഞ്ചു വ​ർ​ഷ​മാ​യി ഇ​സ്‍ലാം അ​നു​ഷ്ഠി​ക്കു​ന്ന ആ​ൾ ആ​ക​ണ​മെ​ന്നാ​ക്കി. ഡ​ൽ​ഹി ജ​മാ മ​സ്ജി​ദ് പോ​ലു​ള്ള 300 കൊ​ല്ല​ത്തി​ല​ധി​കം പ​ഴ​ക്ക​മു​ള്ള മ​ത​സ്ഥാ​പ​ന​ത്തി​നും വ​ഖ​ഫ് ഡീ​ഡ് ചോ​ദി​ക്കു​ക​യാ​ണ്.

ഏ​തെ​ങ്കി​ലും വ​ഖ​ഫ് സ്വ​ത്തു​ക്ക​ൾ സ​ർ​ക്കാ​ർ സ്വ​ത്താ​ണെ​ന്ന് പ​റ​ഞ്ഞാ​ൽ അ​ത് വ​ഖ​ഫ് സ്വ​ത്താ​കി​ല്ല. ത​ർ​ക്ക​മു​ണ്ടാ​യാ​ൽ സ​ർ​ക്കാ​ർ ഉ​ദ്യോ​ഗ​സ്ഥ​ൻ തീ​രു​മാ​നി​ക്കു​ന്ന​ത് വ​രെ അ​ത് വ​ഖ​ഫ് സ്വ​ത്താ​യി പ​രി​ഗ​ണി​ക്കി​ല്ല. ഇ​തും ഭ​ര​ണ​ഘ​ട​ന​ക്ക് വി​രു​ദ്ധം. എ​ല്ലാ കൈ​യേ​റ്റ​ക്കാ​ർ​ക്കും നി​യ​മ​സാ​ധു​ത ന​ൽ​കു​ന്ന​താ​ണ് നി​യ​മം. വ​ഖ​ഫ് അ​ല​ൽ ഔ​ലാ​ദി​ൽ കൈ​വെ​ച്ച് ഇ​സ്‍ലാ​മി​ന്റെ അ​ന​ന്ത​രാ​വ​കാ​ശ​ത്തി​ലാ​ണ് അ​വ​ർ പി​ടി​കൂ​ടി​യ​ത്.

മു​സ്‍ലിം​ക​ളാ​യ ഗോ​ത്ര​വ​ർ​ഗ​ക്കാ​രു​ണ്ടാ​യി​രി​ക്കേ അ​വ​രു​ടെ ഭൂ​മി​ക​ൾ വ​ഖ​ഫ് സ്വ​ത്താ​ക്കാ​ൻ പ​റ്റി​ല്ലെ​ന്ന വ്യ​വ​സ്ഥ​യും ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന് സി​ബ​ൽ വാ​ദി​ച്ച​പ്പോ​ൾ ആ​ദി​വാ​സി ഭൂ​മി സം​ര​ക്ഷി​ക്ക​ണ​മെ​ന്ന​ത് നി​യ​മ​ത്തി​ൽ പ​റ​ഞ്ഞ​ത​ല്ലേ എ​ന്ന് ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന തി​രി​ച്ചു​ചോ​ദി​ച്ചു. ആ​ദി​വാ​സി​ക​ൾ ത​മ്മി​ൽ ഭൂ​മി കൈ​മാ​റാ​മ​​ല്ലോ എ​ന്ന് ഇ​തി​ന് സി​ബ​ൽ മ​റു​പ​ടി ന​ൽ​കി.

ഭൂ​രി​ഭാ​ഗം അം​ഗ​ങ്ങ​ളെ​യും അ​മു​സ്‍ലിം​ക​ളാ​ക്കാ​നു​ള്ള വ്യ​വ​സ്ഥ കൊ​ണ്ടു​വ​ന്ന് വ​ഖ​ഫ് ബോ​ർ​ഡി​നെ സ​ർ​ക്കാ​ർ പൂ​ർ​ണ​മാ​യും ഏ​റ്റെ​ടു​ക്കു​ക​യാ​ണ്. കേ​ന്ദ്ര വ​ഖ​ഫ് കൗ​ൺ​സി​ലി​ലെ 22 വ്യ​ക്തി​ക​ളി​ൽ എ​ല്ലാ​വ​രും മു​സ്‍ലിം​ക​ളാ​യി​രു​ന്നു. എ​ല്ലാ ഉ​ദ്യോ​ഗ​സ്ഥ​രും മു​സ്‍ലിം​ക​ൾ ആ​ക​ണ​മാ​യി​രു​ന്നു. ഇ​പ്പോ​ൾ ഒ​രാ​ളും മു​സ്‍ലിം ആ​ക​ണ​മെ​ന്നി​ല്ല. മാ​ത്ര​മ​ല്ല, അ​മു​സ്‍ലി​മാ​യ എ​ക്സ് ഒ​ഫി​ഷ്യോ അം​ഗ​ത്തെ അ​യോ​ഗ്യ​നാ​ക്കാ​നും പ​റ്റി​ല്ല. ഭ​ര​ണ​ഘ​ട​ന​യു​ടെ 14ാം അ​നു​ച്ഛേ​ദ​വു​ം ഇ​തി​ലൂ​ടെ ലം​ഘി​ച്ചു. വ​ഖ​ഫ് നി​ർ​ണ​യ​ത്തി​ൽ ക​ല​ക്ട​റു​ടെ തീ​രു​മാ​ന​ത്തി​നെ​തി​രെ ട്രൈ​ബ്യൂ​ണ​ലി​ൽ പോ​കാ​മെ​ന്ന് പ​റ​യു​ന്നി​ല്ല.