ഗുജറാത്തിൽ ആദ്യമായി ഹാരപ്പൻ വാസമേഖല കണ്ടെത്തി ‘കേരള’ സംഘം

തി​രു​വ​ന​ന്ത​പു​രം: ഗു​ജ​റാ​ത്തി​ൽ ആ​ദ്യ​മാ​യി ഹാ​ര​പ്പ​ൻ വാ​സ​മേ​ഖ​ല ക​ണ്ടെ​ത്തി. കേ​ര​ള സ​ർ​വ​ക​ലാ​ശാ​ല​യി​ലെ പു​രാ​വ​സ്‌​തു ശാ​സ്ത്ര വി​ഭാ​ഗം ഗു​ജ​റാ​ത്തി​ലെ ക​ച്ച് ജി​ല്ല​യി​ലെ ല​ഖ്പ​ത് താ​ലൂ​ക്കി​ൽ ന​ട​ത്തി​യ ഉ​ദ്​​ഖ​ന​ന​ത്തി​ലാ​ണ്​ 5300 വ​ർ​ഷം (ബി.​സി 3300) പ​ഴ​ക്ക​മു​ള്ള പ്രാ​രം​ഭ ഹാ​ര​പ്പ​ൻ വാ​സ​സ്ഥ​ലം ക​ണ്ടെ​ത്തി​യ​ത്. ഗു​ജ​റാ​ത്തി​ൽ നി​ര​വ​ധി പ്രാ​രം​ഭ ഹാ​ര​പ്പ​ൻ ശ​വ​സം​സ്‌​കാ​ര സ്ഥ​ല​ങ്ങ​ൾ ക​ണ്ടെ​ത്തി​യി​ട്ടു​ണ്ടെ​ങ്കി​ലും, അ​വ​യു​മാ​യി ബ​ന്ധ​പ്പെ​ട്ട താ​മ​സ​സ്ഥ​ല​ങ്ങ​ൾ ക​ണ്ടെ​ത്താ​ൻ ഇ​തു​വ​രെ​യും ക​ഴി​ഞ്ഞി​രു​ന്നി​ല്ല.

ഗു​ജ​റാ​ത്തി​ലെ പ്ര​ഭാ​സ് പാ​ട്ട​ൻ, ദാ​ത്രാ​ണ, ജ​നാ​ൻ എ​ന്നി​വി​ട​ങ്ങ​ളി​ൽ മാ​ത്രം മു​മ്പ്​ ക​ണ്ടെ​ത്തി​യ ‘പ്രീ-​പ്ര​ഭാ​സ്’ എ​ന്നു പേ​രി​ട്ടി​ട്ടു​ള്ള അ​പൂ​ർ​വ​മാ​യ മ​ൺ​പാ​ത്ര ശേ​ഖ​ര​വും ഇ​വി​ടെ നി​ന്ന്​ ല​ഭി​ച്ചി​ട്ടു​ണ്ട്. പ്ര​ത്യേ​ക രൂ​പ​വും ഘ​ട​ന​യു​മു​ള്ള ഈ ​പാ​ത്ര​ങ്ങ​ൾ പ്രാ​രം​ഭ ഹാ​ര​പ്പ​ൻ (Early Harappan) കാ​ല​ഘ​ട്ട​ത്തി​ലെ ജ​ന​ങ്ങ​ളു​ടെ പ്രാ​ദേ​ശി​ക ചെ​മ്പു-​ശി​ലാ​യു​ഗ സ​മൂ​ഹ​ങ്ങ​ളു​മാ​യു​ള്ള ബ​ന്ധ​ത്തെ സൂ​ചി​പ്പി​ക്കു​ന്ന​വ​യാ​ണ്.

താ​മ​സ​സ്ഥ​ല​ത്തി​നു​ള്ളി​ൽ അ​ട​ക്കം ചെ​യ്തി​രു​ന്ന മ​നു​ഷ്യ​ശ​രീ​ര​ത്തോ​ടൊ​പ്പം പ്രീ-​പ്ര​ഭാ​സ് ശൈ​ലി​യി​ലു​ള്ള മ​ൺ​പാ​ത്ര​ങ്ങ​ളും മു​ത്തു​ക​ളും ക​ണ്ടെ​ത്തി​യെ​ങ്കി​ലും അ​സ്ഥി​ക​ൾ പ​ല​തും കാ​ല​പ്പ​ഴ​ക്ക​ത്താ​ൽ ത​ക​ർ​ന്ന നി​ല​യി​ലാ​യി​രു​ന്നു. പ്രീ-​പ്ര​ഭാ​സ് പാ​ത്ര​ങ്ങ​ൾ ക​​ണ്ടെ​ത്തി​യ ഏ​ക ശ​വ​സം​സ്‌​കാ​ര​മാ​ണി​ത്. മ​റ്റ് മ​ൺ​പാ​ത്ര​ങ്ങ​ളി​ൽ വ​ലി​യൊ​രു പ​ങ്ക് ജു​ന​ഖ​ട്ടി​യ ശ്മ​ശാ​ന​ത്തി​ൽ നി​ന്ന്​ മു​മ്പ് ല​ഭി​ച്ച സി​ന്ധ് ശൈ​ലി​യി​ലു​ള്ള പ്രാ​രം​ഭ ഹാ​ര​പ്പ​ൻ പാ​ത്ര​ങ്ങ​ളു​മാ​യി സാ​മ്യ​മു​ള്ള​വ​യാ​ണ്.

കാ​ർ​ണീ​ലി​യ​ൻ, അ​ഗേ​റ്റ്, ആ​മ​സോ​ണൈ​റ്റ്, സ്റ്റി​യാ​റ്റൈ​റ്റ് തു​ട​ങ്ങി​യ അ​ർ​ധ​മൂ​ല്യ​ക്ക​ല്ലു​ക​ളി​ൽ നി​ർ​മി​ച്ച മു​ത്തു​ക​ൾ, ശം​ഖി​ലു​ള്ള മു​ത്തു​ക​ൾ, വ​ള​ക​ൾ, ചെ​മ്പ് വ​സ്തു​ക്ക​ൾ, ചു​ട്ട ക​ളി​മ​ൺ വ​സ്തു​ക്ക​ൾ, അ​ര​ക​ല്ലു​ക​ൾ, മ​റ്റ് ക​ല്ലാ​യു​ധ​ങ്ങ​ൾ തു​ട​ങ്ങി​യ​വ​യും ക​ണ്ടെ​ത്തി​യി​ട്ടു​ണ്ട്. റോ​ഹ്രി ചെ​ർ​ട്ട് (പ്ര​ത്യേ​ക ത​രം ശി​ല) കൊ​ണ്ട് നി​ർ​മി​ച്ച ഉ​പ​ക​ര​ണ​ങ്ങ​ളു​ടെ സാ​ന്നി​ധ്യം ഈ ​പ്ര​ദേ​ശ​ത്തി​ന്‍റെ സി​ന്ധ് മേ​ഖ​ല​യു​മാ​യു​ള്ള ബ​ന്ധം തെ​ളി​യി​ക്കു​ന്നു. ഇ​വി​ടെ നി​ന്ന്​ ല​ഭി​ച്ച പ​ശു, ആ​ട്, എ​രു​മ തു​ട​ങ്ങി​യ വ​ള​ർ​ത്തു​മൃ​ഗ​ങ്ങ​ളു​ടെ അ​സ്ഥി​ക​ൾ, മ​ത്സ്യ അ​സ്ഥി​ക​ൾ, ശം​ഖു​ക​ളു​ടെ ഭാ​ഗ​ങ്ങ​ൾ എ​ന്നി​വ ഇ​വ​രു​ടെ ആ​ഹാ​ര ജീ​വി​ത​ശൈ​ലി​ക​ളി​ലേ​ക്ക് വെ​ളി​ച്ചം വീ​ശു​ന്നു.

പ​ഴ​യ സ​സ്യ​ങ്ങ​ളു​ടെ ഉ​പ​യോ​ഗ​ത്തെ പ​ഠി​ക്കാ​ൻ വേ​ണ്ടി​യു​ള്ള ഗ​വേ​ഷ​ണ സാ​മ്പി​ളു​ക​ളും ശേ​ഖ​രി​ച്ചി​ട്ടു​ണ്ട്. കേ​ര​ള സ​ർ​വ​ക​ലാ​ശാ​ല​യു​ടെ പു​രാ​വ​സ്തു വി​ഭാ​ഗ​ത്തി​ലെ അ​സി. പ്ര​ഫ​സ​ർ​മാ​രാ​യ ഡോ. ​അ​ഭ​യ​ൻ ജി.​എ​സ്, ഡോ. ​രാ​ജേ​ഷ് എ​സ്.​വി എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു ഉ​ദ്ഖ​ന​നം.