ആറു ലക്ഷം തൊഴിലാളികൾ എവിടെ ?

സം​സ്ഥാ​ന​ത്ത് തൊ​ഴി​ലു​റ​പ്പ് പ​ദ്ധ​തി അ​വ​താ​ള​ത്തി​ൽ. രാ​ജ്യ​ത്ത് കാ​യി​ക തൊ​ഴി​ൽ ചെ​യ്യാ​ൻ സ​ന്ന​ദ്ധ​ത​യു​ള്ള​വ​ർ​ക്ക് വ​ർ​ഷ​ത്തി​ൽ നൂ​റ് ദി​വ​സം തൊ​ഴി​ൽ ഉ​റ​പ്പാ​ക്കു​ന്ന മ​ഹാ​ത്മാ ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യി​ൽ സം​സ്ഥാ​ന​ത്ത് ര​ജി​സ്റ്റ​ർ ചെ​യ്ത​വ​ർ കൂ​ട്ട​ത്തോ​ടെ കൊ​ഴി​ഞ്ഞു​പോ​കു​ന്ന​താ​യി ക​ണ​ക്കു​ക​ൾ.

നാ​ല് വ​ർ​ഷ​ത്തി​നി​ടെ, ആ​കെ ര​ജി​സ്റ്റ​ർ ചെ​യ്ത തൊ​ഴി​ലാ​ളി​ക​ളു​ടെ എ​ണ്ണ​ത്തി​ൽ 6.32 ല​ക്ഷ​ത്തി​ന്റെ കു​റ​വ് വ​ന്ന​താ​യി കേ​ന്ദ്ര ഗ്രാ​മീ​ണ വി​ക​സ​ന മ​ന്ത്രാ​ല​യം രേ​ഖ​ക​ൾ വ്യ​ക്ത​മാ​ക്കു​ന്നു. പു​തു​താ​യി ര​ജി​സ്റ്റ​ർ ചെ​യ്യു​ന്ന​വ​രു​ടെ എ​ണ്ണ​വും ഗ​ണ്യ​മാ​യി കു​റ​ഞ്ഞി​ട്ടു​ണ്ട്.

2021-22 സാ​മ്പ​ത്തി​ക വ​ർ​ഷ​ത്തി​ൽ സം​സ്ഥാ​ന​ത്ത് 63.57 ല​ക്ഷം തൊ​ഴി​ലു​റ​പ്പ് തൊ​ഴി​ലാ​ളി​ക​ളാ​ണു​ണ്ടാ​യി​രു​ന്ന​ത്. 2025 മാ​ർ​ച്ച് 26 വ​രെ​യു​ള്ള ക​ണ​ക്കു​പ്ര​കാ​രം, ഇ​ത് 57.24 ല​ക്ഷ​മാ​യി കു​റ​ഞ്ഞു. ര​ജി​സ്ട്രേ​ഷ​ൻ പു​തു​ക്കാ​ത്ത​തു​മൂ​ല​മാ​ണ് ഈ ​കു​റ​വ്. സ​മാ​ന്ത​ര​മാ​യി, പു​തു​താ​യി ര​ജി​സ്റ്റ​ർ ചെ​യ്യു​ന്ന​വ​രു​ടെ എ​ണ്ണ​വും കു​റ​ഞ്ഞി​ട്ടു​ണ്ട്.

2021-22ൽ 3.47 ​ല​ക്ഷം പേ​ർ ര​ജി​സ്റ്റ​ർ ചെ​യ്തി​രു​ന്ന​ത് നാ​ലു​വ​ർ​ഷ​ത്തി​നി​പ്പു​റം 1.53 ല​ക്ഷ​മാ​യി കു​റ​ഞ്ഞു. ഏ​റ്റ​വും കൂ​ടു​ത​ൽ തൊ​ഴി​ലു​റ​പ്പ് തൊ​ഴി​ലാ​ളി​ക​ളു​ള്ള തി​രു​വ​ന​ന്ത​പു​രം ജി​ല്ല​യി​ലാ​ണ് വ​ലി​യ കൊ​ഴി​ഞ്ഞു​പോ​ക്ക്. നാ​ലു​വ​ർ​ഷ​ത്തി​നി​ടെ ഇ​വി​ടെ ഒ​ന്നേ കാ​ൽ ല​ക്ഷം പേ​ർ പ​ണി​യു​പേ​ക്ഷി​ച്ചു.

തൊ​ട്ടു​പി​ന്നി​ലു​ള്ള കോ​ഴി​ക്കോ​ട് മു​ക്കാ​ൽ ല​ക്ഷം പേ​ർ ര​ജി​സ്ട്രേ​ഷ​ൻ പു​തു​ക്കി​യി​ല്ല. അ​തേ​സ​മ​യം, തൃ​ശൂ​ർ ജി​ല്ല​യി​ൽ 22,000 പേ​ർ കൂ​ടി. നി​ല​വി​ലു​ള്ള 57.24 ല​ക്ഷ​ത്തി​ൽ 22 ല​ക്ഷം പേ​ർ മാ​ത്ര​മാ​ണ് തൊ​ഴി​ലു​റ​പ്പ് പ​ദ്ധ​തി​യി​ലെ സ​ജീ​വ തൊ​ഴി​ലാ​ളി​ക​ളെ​ന്നും മ​ന്ത്രാ​ല​യം പ​റ​യു​ന്നു. ഡീ​ൻ കു​ര്യാ​ക്കോ​സ് എം.​പി​യു​ടെ ചോ​ദ്യ​ത്തി​ന് മ​റു​പ​ടി​യാ​യാ​ണ് മ​ന്ത്രാ​ല​യം ഇ​തു​സം​ബ​ന്ധി​ച്ച വി​വ​ര​ങ്ങ​ൾ പു​റ​ത്തു​വി​ട്ട​ത്.

എ​ങ്ങ​നെ കു​റ​യാ​തി​രി​ക്കും?

കേ​ര​ള​ത്തി​ൽ തൊ​ഴി​ലു​റ​പ്പ് പ​ദ്ധ​തി​യി​ൽ അ​നി​ശ്ചി​ത​ത്വ​ങ്ങ​ളു​ണ്ടെ​ന്ന് സം​സ്ഥാ​ന സ​ർ​ക്കാ​റും സ​മ്മ​തി​ക്കു​ന്നു​ണ്ട്. നി​ല​വി​ൽ 39.71 ല​ക്ഷം കു​ടും​ബ​ങ്ങ​ളാ​ണ് പ​ദ്ധ​തി​യി​ൽ ര​ജി​സ്റ്റ​ർ ചെ​യ്തി​രി​ക്കു​ന്ന​തെ​ന്ന് വ്യ​ക്ത​മാ​ക്കി​യ ത​ദ്ദേ​ശ സ്വ​യം ഭ​ര​ണ വ​കു​പ്പ് മ​ന്ത്രി എം.​ബി. രാ​ജേ​ഷ്, പു​തു​താ​യി ര​ജി​സ്റ്റ​ർ ചെ​യ്ത കു​ടും​ബ​ങ്ങ​ളു​ടെ എ​ണ്ണ​ത്തി​ൽ കു​റ​വ് വ​ന്ന​താ​യും പ​റ​യു​ന്നു.

2022ൽ, 1.1 ​ല​ക്ഷം കു​ടും​ബ​ങ്ങ​ൾ ര​ജി​സ്റ്റ​ർ ചെ​യ്ത​പ്പോ​ൾ 2024-25ൽ ​അ​ത് 84,372 ആ​യി കു​റ​ഞ്ഞു. ഏ​ക​ദേ​ശം 1.40ല​ക്ഷം പേ​ർ വ​രു​മി​ത്. ഇ​ത് ഡി​സം​ബ​ർ വ​രെ​യു​ള്ള ക​ണ​ക്കാ​ണ്. മാ​ർ​ച്ച് വ​രെ​യു​ള്ള ക​ണ​ക്കെ​ടു​ക്കു​മ്പോ​ൾ കേ​ന്ദ്ര​ത്തി​ന്റെ ക​ണ​ക്കു​മാ​യി ഒ​ത്തു​വ​രും.

തൊ​ഴി​ലാ​ളി​ക​ൾ​ക്കു​ള്ള പ്ര​തി​ഫ​ലം കൃ​ത്യ​മാ​യി ല​ഭി​ക്കാ​ത്ത​താ​ണ് ഈ ​അ​നി​ശ്ചി​ത​ത്വ​ത്തി​ന് കാ​ര​ണ​മാ​യി വി​ല​യി​രു​ത്ത​പ്പെ​ടു​ന്ന​ത്. 2024 ഡി​സം​ബ​ർ 19 മു​ത​ൽ വേ​ത​നം മു​ട​ങ്ങി​യി​ട്ടു​ണ്ട്. 2024-25 സാ​മ്പ​ത്തി​ക വ​ർ​ഷം അ​വി​ദ​ഗ്ധ വേ​ത​ന ഇ​ന​ത്തി​ൽ 534.84 കോ​ടി രൂ​പ കേ​ന്ദ്ര​ത്തി​ൽ​നി​ന്ന് ല​ഭി​ക്കാ​നു​ണ്ടെ​ന്ന് നി​യ​മ​സ​ഭ​യി​ൽ ചോ​ദ്യ​ത്തി​ന് ഉ​ത്ത​ര​മാ​യി മ​ന്ത്രി വ്യ​ക്ത​മാ​ക്കി. തൊ​ഴി​ലു​റ​പ്പ് പ​ദ്ധ​തി​യി​ലെ ആ​സൂ​ത്ര​ണം പ്രാ​ദേ​ശി​ക​മാ​യി നി​ർ​വ​ഹി​ക്കാ​ത്ത​തും പ്ര​ശ്ന​ങ്ങ​ൾ​ക്കി​ട​യാ​ക്കി​യി​ട്ടു​ണ്ട്.

നി​ല​വി​ൽ 266 ത​രം പ്ര​വൃ​ത്തി​ക​ളാ​ണ് പ​ദ്ധ​തി​യു​ടെ ഭാ​ഗ​മാ​യി​ട്ടു​ള്ള​ത്. പ​ദ്ധ​തി​ക​ൾ ആ​സൂ​ത്ര​ണം ചെ​യ്യു​മ്പോ​ൾ പ്രാ​ദേ​ശി​ക ഘ​ട​ക​ങ്ങ​ൾ കേ​ന്ദ്ര മാ​ന​ദ​ണ്ഡ​ങ്ങ​ളു​ടെ കു​രു​ക്കി​ൽ പ​രി​ഗ​ണി​ക്ക​പ്പെ​ടാ​ത്ത​ത് തൊ​ഴി​ലാ​ളി​ക​ളെ ബു​ദ്ധി​മു​ട്ടി​ക്കു​ന്നു​ണ്ട്. തൊ​ഴി​ലാ​ളി​ക​ളു​ടെ ഹാ​ജ​ർ സം​വി​ധാ​ന​വും ശാ​സ്ത്രീ​യ​മ​ല്ല. 2024-25 വ​ർ​ഷ​ത്തേ​ക്ക് 10.5 കോ​ടി തൊ​ഴി​ൽ ദി​ന​ങ്ങ​ളു​ടെ ബ​ജ​റ്റ് പ്രൊ​പ്പോ​സ​ൽ കേ​ന്ദ്ര​ത്തി​ന് സ​മ​ർ​പ്പി​ച്ചി​രു​ന്നു​വെ​ങ്കി​ലും, ആ​റു​കോ​ടി തൊ​ഴി​ൽ ദി​ന​ങ്ങ​ൾ മാ​ത്ര​മാ​ണ് അ​നു​വ​ദി​ച്ച​തെ​ന്നും മ​ന്ത്രി വ്യ​ക്ത​മാ​ക്കി.