വേട​ന്റെ പുലിപ്പല്ലിൽ നടപടി; വയനാട് കലക്ടറുടെ തലക്കുമീതെ ആനക്കൊമ്പ്

ക​ൽ​പ​റ്റ: പു​ലി​പ്പ​ല്ല് കൈ​വ​ശം​വെ​ച്ച സം​ഭ​വ​ത്തി​ല്‍ റാ​പ് ഗാ​യ​ക​ന്‍ വേ​ട​നെ​തി​രെ വ​നം​വ​കു​പ്പ് സ്വീ​ക​രി​ക്കു​​ന്ന​ത് ക​ർ​ശ​ന ന​ട​പ​ടി​ക​ൾ. എ​ന്നാ​ൽ, വ​യ​നാ​ട് ജി​ല്ല ക​ല​ക്ട​റു​ടെ ചേം​ബ​റി​ൽ ത​ല​ക്ക് മു​ക​ളി​ൽ ആ​ന​ക്കൊ​മ്പ് സ്ഥാ​പി​ച്ചി​ട്ട് വ​ർ​ഷ​ങ്ങ​ളാ​യി​ട്ടും പേ​രി​നു​പോ​ലും ന​ട​പ​ടി​യി​ല്ല. ക​ഞ്ചാ​വ് കേ​സി​ൽ വേ​ട​ന് പൊ​ലീ​സ് സ്റ്റേ​ഷ​നി​ൽ​നി​ന്ന് ജാ​മ്യം ല​ഭി​ച്ചെ​ങ്കി​ലും അ​ണി​ഞ്ഞ മാ​ല​യി​ലെ ലോ​ക്ക​റ്റ് പു​ലി​പ്പ​ല്ലാ​ണെ​ന്ന് ക​ണ്ടെ​ത്തി​യ​തോ​ടെ വ​നം​വ​കു​പ്പ് ഏ​ഴു വ​ര്‍ഷം​വ​രെ ത​ട​വ് ല​ഭി​ക്കാ​വു​ന്ന ജാ​മ്യ​മി​ല്ലാ കു​റ്റ​മാ​ണ് ചു​മ​ത്തി​യ​ത്.

വ​യ​നാ​ട് ജി​ല്ല ക​ല​ക്ട​റു​ടെ ചേം​ബ​റി​ൽ ഇ​രി​പ്പി​ട​ത്തി​നു മു​ക​ളി​ലാ​യാ​ണ് വ​ർ​ഷ​ങ്ങ​ളാ​യി ആ​ന​ക്കൊ​മ്പു​ക​ൾ പ്ര​ദ​ർ​ശി​പ്പി​ക്കു​ന്ന​ത്. ഇ​തു​സം​ബ​ന്ധി​ച്ച് പ​രാ​തി​ക​ൾ വ​നം​വ​കു​പ്പി​ന് കി​ട്ടി​യി​രു​ന്നെ​ങ്കി​ലും ന​ട​പ​ടി​യു​ണ്ടാ​യി​ട്ടി​ല്ല. 1989ൽ ​അ​ന്ന​ത്തെ ക​ല​ക്ട​ർ മൈ​ക്കി​ൾ വേ​ദ​ശി​രോ​മ​ണി​യെ പു​ൽ​പ​ള്ളി​യി​ലെ ചേ​കാ​ടി​യി​ൽ ആ​ക്ര​മി​ച്ച ആ​ന​യു​ടെ കൊ​മ്പു​ക​ളാ​ണി​തെ​ന്നാ​ണ് അ​റി​യു​ന്ന​ത്.

ഈ ​ആ​ന പി​ന്നീ​ട് വ​ന​ത്തി​നു​ള്ളി​ൽ മ​റ്റൊ​രാ​ന​യു​മാ​യു​ള്ള ഏ​റ്റു​മു​ട്ട​ലി​ൽ ​ചെ​രി​ഞ്ഞു. തു​ട​ർ​ന്ന് ഇ​തി​ന്റെ കൊ​മ്പു​ക​ൾ വ​നം​വ​കു​പ്പ് സൂ​ക്ഷി​ക്കു​ക​യാ​യി​രു​ന്നു. ക​ല​ക്ട​റു​ടെ ചേം​ബ​റി​ൽ ആ​ന​ക്കൊ​മ്പു​ക​ൾ പ്ര​ദ​ർ​ശി​പ്പി​ക്കാ​ൻ അ​നു​മ​തി ന​ൽ​കി 1990 ഡി​സം​ബ​റി​ൽ വ​നം​വ​കു​പ്പ് അ​ണ്ട​ർ സെ​ക്ര​ട്ട​റി ഉ​ത്ത​ര​വി​ട്ടി​ട്ടു​ണ്ട്. 24 വ​ർ​ഷം മു​മ്പ് വ​നം​വ​കു​പ്പ് വി​ട്ടു​ന​ൽ​കി​യ​താ​ണ് ഇ​വ.

എ​ന്നാ​ൽ, ആ​ന​​ക്കൊ​മ്പി​ന്റെ കാ​ര്യ​ത്തി​ൽ 2012ൽ ​സു​ൽ​ത്താ​ൻ ബ​ത്തേ​രി​യി​ലെ സാ​മൂ​ഹി​ക പ്ര​വ​ർ​ത്ത​ക​ൻ ടി.​എ. മു​ഹ​മ്മ​ദ്കു​ഞ്ഞി വി​വ​രാ​വ​കാ​ശ മ​റു​പ​ടി ആ​വ​ശ്യ​പ്പെ​ട്ടി​രു​ന്നു. 1996 ജ​നു​വ​രി 27 മു​ത​ൽ സം​സ്ഥാ​ന​ത്ത് ആ​ന​ക്കൊ​മ്പു​ക​ൾ കൈ​വ​ശം വെ​ക്കാ​ൻ ന​ൽ​കി​യ ലൈ​സ​ൻ​സു​ക​ൾ സം​ബ​ന്ധി​ച്ച് പ​രി​ശോ​ധി​ച്ചെ​ങ്കി​ലും വ​യ​നാ​ട് ക​ല​ക്ട​റു​ടെ പേ​രി​ൽ ലൈ​സ​ൻ​സ് ന​ൽ​കി​യ​തി​ന്റെ വി​വ​ര​ങ്ങ​ൾ ഇ​ല്ലെ​ന്നാ​ണ് ഡെ​പ്യൂ​ട്ടി ഫോ​റ​സ്റ്റ് ക​ൺ​സ​ർ​വേ​റ്റ​ർ (വ​ന്യ​ജീ​വി വി​ഭാ​ഗം) അ​ന്ന് മ​റു​പ​ടി ന​ൽ​കി​യ​ത്. നി​ല​വി​ലെ നി​യ​മ​ങ്ങ​ൾ പ്ര​കാ​രം ആ​ന​ക്കൊ​മ്പു​ക​ൾ സൂ​ക്ഷി​​ക്കേ​ണ്ട​ത് ട്ര​ഷ​റി​യി​ലെ സ്ട്രോ​ങ് റൂ​മി​ലാ​ണ്. അ​തേ​സ​മ​യം, ക​ല​ക്ട​റേ​റ്റി​ലെ ആ​ന​ക്കൊ​മ്പ് യ​ഥാ​ർ​ഥ​മ​ല്ലെ​ന്ന വാ​ദ​വു​മു​ണ്ട്.

ക​ല​ക്ട​റേ​റ്റി​ൽ ആ​ന​ക്കൊ​മ്പ് സൂ​ക്ഷി​ക്കു​ന്ന​തി​നെ​തി​രെ, വ​യ​നാ​ട് മ​ട​ക്കി​മ​ല സ്വ​ദേ​ശി ഇ​ള​ങ്ങോ​ളി അ​ബ്ദു​റ​ഹ്മാ​ൻ ന​ൽ​കി​യ പ​രാ​തി​​യു​ടെ അ​ടി​സ്ഥാ​ന​ത്തി​ൽ ഫോ​റ​സ്റ്റ് വി​ജി​ല​ൻ​സ് ആ​ൻ​ഡ് ഇ​ന്റ​ലി​ജ​ൻ​സ് ക​ൽ​പ​റ്റ യൂ​നി​റ്റ് അ​ന്വേ​ഷ​ണം ന​ട​ത്തി​യി​രു​ന്നു. എ​ന്നാ​ൽ, അ​ന്വേ​ഷ​ണം പ്ര​ഹ​സ​ന​മാ​യി​രു​ന്നു​വെ​ന്ന് പ​രാ​തി​ക്കാ​ര​ൻ പ​റ​യു​ന്നു.

മൈ​ക്കി​ൾ വേ​ദ​ശി​രോ​മ​ണി​ക്ക് ശേ​ഷം ചു​മ​ത​ല​യേ​റ്റ ഒ​രു ക​ല​ക്ട​ർ ആ​ന​ക്കൊ​മ്പു​ക​ൾ ഇ​രി​പ്പി​ട​ത്തി​ന് മു​ക​ളി​ൽ സ്ഥാ​പി​ക്കാ​ൻ ഉ​ത്ത​ര​വ് നേ​ടി​യെ​ടു​ത്ത​താ​യും പ​റ​യു​ന്നു. ഇ​ത​ട​ക്ക​മു​ള്ള​വ സം​ബ​ന്ധി​ച്ച വി​വ​ര​ങ്ങ​ൾ​ക്കാ​യി അ​ടു​ത്ത ദി​വ​സം വി​വ​രാ​വ​കാ​ശ നി​യ​മ​പ്ര​കാ​രം അ​പേ​ക്ഷ ന​ൽ​കു​മെ​ന്ന് അ​ബ്ദു​റ​ഹ്മാ​ൻ പ​റ​ഞ്ഞു.

വേ​ട​നെ​തി​രാ​യ വ​നം​വ​കു​പ്പി​ന്റെ ക​ർ​ശ​ന ന​ട​പ​ടി​ക​ളു​ടെ പ​ശ്ചാ​ത്ത​ല​ത്തി​ൽ, ജി​ല്ല ഭ​ര​ണാ​ധി​കാ​രി​യാ​യ ക​ല​ക്ട​റു​ടെ ത​ല​ക്കു​മു​ക​ളി​ൽ​ത​ന്നെ ആ​ന​​​​ക്കൊ​മ്പ് പ്ര​ദ​ർ​​ശി​പ്പി​ക്കു​ന്ന​തി​നെ​തി​രെ വി​മ​ർ​ശ​നം ശ​ക്ത​മാ​യി​ട്ടു​ണ്ട്. ‘വ​യ​നാ​ട് ജി​ല്ല ക​ല​ക്ട​റു​ടെ ഓ​ഫി​സി​ൽ വെ​ച്ചി​രി​ക്കു​ന്ന​ത് ഒ​റി​ജി​ന​ൽ ആ​ന​ക്കൊ​മ്പ് ആ​ണോ? മ്യൂ​സി​യ​ങ്ങ​ളി​ല​ല്ലാ​തെ മ​റ്റ് സ​ർ​ക്കാ​ർ ഓ​ഫി​സു​ക​ളി​ൽ ഇ​ങ്ങ​നെ ആ​ന​ക്കൊ​മ്പും പു​ലി​ന​ഖ​വു​മൊ​ക്കെ സൂ​ക്ഷി​ക്കാ​ൻ നി​യ​മ​പ​ര​മാ​യി അ​നു​വാ​ദ​മു​ണ്ടോ?’ എ​ന്ന് കോ​ൺ​ഗ്ര​സ് നേ​താ​വ് വി.​ടി ബ​ൽ​റാം സ​മൂ​ഹ​മാ​ധ്യ​മ​ങ്ങ​ളി​ൽ കു​റി​ച്ചു.