‘താനെന്നും കോൺഗ്രസുകാരൻ; പിതാവിന്‍റെ ആഗ്രഹം പോലെ തനിക്കും കോൺഗ്രസ് പതാക പുതച്ച് യാത്രയാവണം’

മലപ്പുറം: നിലമ്പൂർ നിയമസഭ ഉപതെരഞ്ഞെടുപ്പിൽ ഇടത് സ്ഥാനാർഥിയാകുമെന്ന പ്രചരണത്തിന് മറുപടിയുമായി അന്തരിച്ച മുതിർന്ന കോൺഗ്രസ് നേതാവ് ആര്യാടൻ മുഹമ്മദിൻ്റെ മകനും കെ.പി.സി.സി സെ​ക്ര​ട്ട​റിയുമായ ആ​ര്യാ​ട​ൻ ഷൗ​ക്ക​ത്ത്. താനെന്നും കോൺഗ്രസുകാരനാണെന്ന് ആ​ര്യാ​ട​ൻ ഷൗ​ക്ക​ത്ത് പറഞ്ഞു.

മരിക്കുമ്പോൾ കോൺഗ്രസിന്‍റെ ത്രിവർണ പതാക പുതച്ച് യാത്രയാവണമെന്നാണ് ആഗ്രഹം. ആശുപത്രിയിൽ പിതാവ് ആര്യാടൻ മുഹമ്മദ് മരിക്കുന്നതിന് തൊട്ടുമുമ്പ് തന്നോട് ആവശ്യപ്പെട്ടതും ഇതാണെന്ന് ഷൗ​ക്ക​ത്ത് പറഞ്ഞു.

നിലമ്പൂരിൽ ആര്യാടൻ മുഹമ്മദ് 1965ലും 67ലും മത്സരിച്ച് പരാജയപ്പെട്ടിരുന്നു. പിന്നീട് അദ്ദേഹം ഉണ്ടാക്കിയെടുത്ത കോൺഗ്രസും മണ്ണുമാണ് നിലമ്പൂരിലുള്ളത്. കോൺഗ്രസ് ഹൈക്കമാൻഡ് പ്രഖ്യാപിക്കുന്ന സ്ഥാനാർഥി വിജയിക്കുമെന്നും ഷൗക്കത്ത് പറഞ്ഞു.

2024ലെ രാഹുൽ ഗാന്ധിയുടെയും തുടർന്നുള്ള പ്രിയങ്ക ഗാന്ധിയുടെയും തെരഞ്ഞെടുപ്പുകളിൽ അടിത്തട്ട് പ്രവർത്തനം സജ്ജമാക്കാൻ പാർട്ടിക്ക് സാധിച്ചു. വോട്ട് ചേർക്കലും ചുമരെഴുത്തും നടന്നുവരുന്നു. സ്ഥാനാർഥിയെ പ്രഖ്യാപിച്ചാൽ മാത്രം മതി. നിലമ്പൂരിന്‍റെ ചരിത്രത്തിൽ ഇത്തരത്തിലൊരു ആവേശം ഉണ്ടായിട്ടില്ല.

നിലമ്പൂരിൽ സ്ഥാനാർഥി ചർച്ചകളൊന്നും കോൺഗ്രസ് നേതൃത്വം പൂർത്തിയാക്കിയിട്ടില്ല. ഹൈക്കമാൻഡ് തീരുമാനിക്കുന്ന സ്ഥാനാർഥിക്ക് വേണ്ടി നിലമ്പൂരിന്‍റെ മണ്ണും മനസും സജ്ജമായിരിക്കുകയാണെന്നും ആ​ര്യാ​ട​ൻ ഷൗ​ക്ക​ത്ത് വ്യക്തമാക്കി.

അതേസമയം, ര​ണ്ടു ത​വ​ണ കൈ​വി​ട്ടു​പോ​യ മ​ണ്ഡ​ല​ത്തി​ൽ ഇ​ത്ത​വ​ണ എ​ല്ലാ ഘ​ട​ക​ങ്ങ​ളും അ​നു​കൂ​ല​മാ​ണെ​ന്ന് യു.​ഡി.​എ​ഫ് വി​ല​യി​രു​ത്തു​മ്പോ​ഴും കോൺഗ്രസ് സ്ഥാ​നാ​ർ​ഥി ​നി​ർ​ണ​യം കീ​റാ​മു​ട്ടി​യാ​യി തു​ട​രു​ക​യാ​ണ്. തെ​ര​ഞ്ഞെ​ടു​പ്പ് പ്ര​ഖ്യാ​പ​നം ഈ​യാ​ഴ്ച​യു​ണ്ടാ​വു​മെ​ന്നാ​ണ് ​ക​രു​തു​ന്ന​ത്. അ​ന്നു​ത​ന്നെ സ്ഥാ​നാ​ർ​ഥി​യെ​യും പ്ര​ഖ്യാ​പി​ക്കാ​നാ​ണ് കോ​ൺ​ഗ്ര​സ് തീ​രു​മാ​നം.

ഡി.​സി.​സി പ്ര​സി​ഡ​ന്റ് വി.​എ​സ്. ജോ​യി, കെ.​പി.​സി.​സി സെ​ക്ര​ട്ട​റി ആ​ര്യാ​ട​ൻ ഷൗ​ക്ക​ത്ത് എ​ന്നി​വ​രാ​ണ് സ്ഥാ​നാ​ർ​ഥി​പ്പ​ട്ടി​ക​യി​ലു​ള്ള​ത്. ര​ണ്ടു​പേ​രും പി​ന്മാ​റാ​ൻ സ​ന്ന​ദ്ധ​ര​ല്ല. കോ​ൺ​ഗ്ര​സ് മ​ണ്ഡ​ല​ത്തി​ൽ ന​ട​ത്തി​യ സ​ർ​വേ​യി​ൽ ജോ​യി​ക്കാ​ണ് കൂ​ടു​ത​ൽ പി​ന്തു​ണ ല​ഭി​ച്ച​ത്. അ​തേ​സ​മ​യം, സീ​റ്റ് വേ​ണ​മെ​ന്ന വാ​ശി​യി​ലാ​ണ് ആ​ര്യാ​ട​ൻ ഷൗ​ക്ക​ത്ത്. മ​ണ്ഡ​ല​ത്തി​ൽ പ്ര​ധാ​ന ഘ​ട​ക​മാ​യ പി.​വി. അ​ൻ​വ​റി​ന്റെ പി​ന്തു​ണ തു​ട​ക്കം മു​ത​ൽ ജോ​യി​ക്കാ​ണ്.

കെ.​പി.​സി.​സി രാ​ഷ്ട്രീ​യ​കാ​ര്യ സ​മി​തി അം​ഗ​വും ഉ​പ​തെ​ര​ഞ്ഞെ​ടു​പ്പി​ന്‍റെ യു.​ഡി.​എ​ഫി​ന്റെ ചു​മ​ത​ല​ക്കാ​ര​നു​മാ​യ എ.​പി. അ​നി​ൽ​കു​മാ​ർ എം.​എ​ൽ.​എ പി.​വി. അ​ൻ​വ​റു​മാ​യി ച​ർ​ച്ച ന​ട​ത്തി​യി​ട്ടു​ണ്ട്. ജോ​യി​ക്കു​ ത​ന്നെ​യാ​ണ് ത​ന്റെ പി​ന്തു​​ണ​യെ​ന്നാ​ണ് അ​ൻ​വ​ർ അ​റി​യി​ച്ച​തെ​ന്നാ​ണ് സൂ​ച​ന. മു​സ്‍ലിം ലീ​ഗ് ആ​ർ​ക്ക് അ​നു​കൂ​ല​മാ​വു​മെ​ന്ന​തും പ്ര​ധാ​ന​മാ​ണ്. ലീ​ഗു​മാ​യി ഷൗ​ക്ക​ത്തി​നേ​ക്കാ​ൾ ബ​ന്ധം ജോ​യി​ക്കാ​ണ്.

സ്ഥാ​നാ​ർ​ഥി​നി​ർ​ണ​യം കീ​റാ​മു​ട്ടി​യാ​യ സ്ഥി​തി​ക്ക് കോ​ൺ​ഗ്ര​സ് പ​ട്ടി​ക​യി​ൽ മൂ​ന്നാ​മ​തൊ​രു സ്ഥാ​നാ​ർ​ഥി​യെ​ക്കു​റി​ച്ചും ആ​ലോ​ച​ന ന​ട​ക്കു​ന്നു​ണ്ട്. അ​ങ്ങ​നെ​യെ​ങ്കി​ൽ അ​വ​സാ​ന നി​മി​ഷം കോ​ൺ​ഗ്ര​സ് പ​ട്ടി​ക​യി​ൽ ട്വി​സ്റ്റ് ഉ​ണ്ടാ​വും. കെ.​പി.​സി.​സി സെ​ക്ര​ട്ട​റി കെ.​പി. നൗ​ഷാ​ദ​ലി​യെ​പ്പോ​ലു​ള്ള​വ​ർ പ​ട്ടി​ക​യി​ൽ ഇ​ടം നേ​ടാ​നും സാ​ധ്യ​ത​യു​ണ്ട്.

ഭ​ര​ണ​വി​രു​ദ്ധ​വി​കാ​രം, അ​ൻ​വ​ർ ഫാ​ക്ട​ർ, വെ​ള്ളാ​പ്പ​ള്ളി​യു​ടെ വ​ർ​ഗീ​യ പ​രാ​മ​ർ​ശ​ങ്ങ​ളെ വെ​ള്ള​പൂ​​ശി​യ മു​ഖ്യ​മ​ന്ത്രി​യു​ടെ പ​രാ​മ​ർ​ശ​ങ്ങ​ൾ എ​ന്നി​വ​യെ​ല്ലാം മ​ണ്ഡ​ല​ത്തി​ൽ ത​ങ്ങ​ൾ​ക്ക​നു​കൂ​ല ഘ​ട​ക​മാ​വു​മെ​ന്ന പ്ര​തീ​ക്ഷ​യി​ലാ​ണ് യു.​ഡി.​എ​ഫ്. ഇ​ട​തു​മു​ന്ന​ണി​യു​ടെ സ്ഥാ​നാ​ർ​ഥി പ്ര​ഖ്യാ​പ​നം കോ​ൺ​ഗ്ര​സ് പ്ര​ഖ്യാ​പ​ന​ത്തി​നു​ ശേ​ഷ​മേ ഉ​ണ്ടാ​വൂ എ​ന്നാ​ണ് നേ​താ​ക്ക​ൾ ന​ൽ​കു​ന്ന സൂ​ച​ന.