പൊട്ടിമുളച്ച്​ സൗന്ദര്യചികിത്സ കേന്ദ്രങ്ങൾ, തൊടാൻ മടിച്ച്​ ആരോഗ്യവകുപ്പ്​

തി​രു​വ​ന​ന്ത​പു​രം: സൗ​ന്ദ​ര്യ വ​ർ​ധ​ക ചി​കി​ത്സ​യു​ടെ പേ​രി​ൽ അ​ന​ധി​കൃ​ത കേ​ന്ദ്ര​ങ്ങ​ൾ വ്യാ​പ​ക​മാ​കു​മ്പോ​ഴും ഇ​ട​പെ​ടാ​നോ നി​യ​ന്ത്രി​ക്കാ​നോ ക​ഴി​യാ​തെ ആ​രോ​ഗ്യ​വ​കു​പ്പ്. ആ​​ശു​പ​ത്രി തു​ട​ങ്ങാ​ൻ വേ​ണ്ട ന​ട​പ​ടി ക്ര​മ​ങ്ങ​ളും അ​നു​മ​തി​ക​ളു​മെ​ല്ലാം ഇ​ത്ത​രം ക്ലി​നി​ക്കു​ക​ൾ​ക്കും അ​നി​വാ​ര്യ​മെ​ങ്കി​ലും ന​ട​പ​ടി​യി​ല്ല. ഇ​വ​യു​ടെ കൃ​ത്യ​മാ​യ വി​വ​രം പോ​ലും ആ​രോ​ഗ്യ​വ​കു​പ്പി​ന്‍റെ കൈ​വ​ശ​മി​ല്ല.

ബ്യൂ​ട്ടി​പാ​ർ​ല​റു​ക​ളു​ടെ​യും ഹെ​യ​ർ ഫി​ക്സി​ങ്​ കേ​ന്ദ്ര​ങ്ങ​ളു​ടെ​യു​മെ​ല്ലാം മ​റ​വി​ൽ സൗ​ന്ദ​ര്യ​വ​ർ​ധ​ക ചി​കി​ത്സ പൊ​ടി​പൊ​ടി​ക്കു​ക​യാ​ണ്. ഈ ​ചി​കി​ത്സ​ക​ൾ​ക്ക്​ ഇ​ര​യാ​യി ഗു​രു​ത​ര ആ​രോ​ഗ്യ​പ്ര​ശ്​​ന​ങ്ങ​ൾ നേ​രി​ടു​ന്ന​വ​രു​ടെ എ​ണ്ണ​വും കൂ​ടു​ക​യാ​ണ്.

ത​ല​സ്​​ഥാ​ന​ത്ത്​ വ​യ​റ്റി​ലെ കൊ​ഴു​പ്പു നീ​ക്കാ​ൻ​ ശ​സ്ത്ര​ക്രി​യ ന​ട​ത്തി​യ യു​വ​തി​ക്ക്​ അ​ണു​ബാ​ധ​യു​ണ്ടാ​വു​ക​യും വി​ര​ലു​ക​ൾ മു​റി​ച്ചു​മാ​റ്റു​ക​യും ചെ​യ്യേ​ണ്ടി വ​ന്ന​ത്​ ഇ​തി​ൽ ഒ​ടു​വി​ല​ത്തെ സം​ഭ​വം. ഗു​രു​ത​ര വീ​ഴ്​​ച​യു​ണ്ടാ​യി​ട്ടും ​മെ​ഡി​ക്ക​ൽ ബോ​ർ​ഡ്​ രൂ​പ​വ​ത്​​ക​ര​ണ​ത്തി​ല​ട​ക്കം ആ​രോ​ഗ്യ​വ​കു​പ്പ്​ ഒ​ളി​ച്ചു​ക​ളി​ക്കു​ക​യാ​ണ്.

കോ​സ്​​മെ​റ്റി​ക്​ കേ​​ന്ദ്ര​ങ്ങ​ളു​ടെ എ​ണ്ണം സം​സ്ഥാ​ന​മെ​ങ്ങും പെ​രു​കി വ​രി​ക​യാ​ണ്. യു​വാ​ക്ക​ളും മ​ധ്യ​വ​യ​സ്ക​രു​മാ​ണ്​ പ്ര​ധാ​ന ഉ​പ​ഭോ​ക്​​താ​ക്ക​ൾ. വ​യ​ർ, തു​ട​ക​ൾ, കൈ​ക​ൾ, ക​ഴു​ത്ത്, ഇ​ടു​പ്പ് എ​ന്നി​വി​ട​ങ്ങ​ളി​ലെ കൊ​ഴു​പ്പ്​ നീ​ക്കം ചെ​യ്യു​ന്ന​തി​നു​ള്ള ലി​പോ സ​ക്ഷ​നാ​ണ്​ അ​ധി​ക​വും ന​ട​ക്കു​ന്ന​ത്. അ​ധി​ക ച​ർ​മ​വും കൊ​ഴു​പ്പും നീ​ക്കം ചെ​യ്യു​ന്ന​തി​നു​ള്ള അ​ബ്ഡി​നോ പ്ലാ​സ്റ്റി​യാ​ണ്​ മ​റ്റൊ​ന്ന്. ഇ​വ​യ്​​ക്കെ​ല്ലാം പാ​ർ​ശ്വ​ഫ​ല സാ​ധ്യ​ത​യു​ണ്ട്.

വ്യാ​ജ സൗ​ന്ദ​ര്യ​വ​ർ​ധ​ക വ​സ്തു​ക്ക​ളു​ടെ മോ​ഹ​വി​പ​ണി

വ്യാ​ജ സൗ​ന്ദ​ര്യ​വ​ർ​ധ​ക വ​സ്​​തു​ക്ക​ളു​ടെ വ​ലി​യ വി​പ​ണി​യാ​യും കേ​ര​ളം മാ​റു​ക​യാ​ണ്. സൗ​ന്ദ​ര്യ​വ​ർ​ധ​ക വ​സ്തു​ക്ക​ളു​ടെ നി​ർ​മാ​ണ​ത്തി​നും ഇ​റ​ക്കു​മ​തി​ക്കും മാ​ത്ര​മേ ഡ്ര​ഗ്​​സ്​ ആ​ൻ​ഡ് കോ​സ്മെ​റ്റി​ക്സ് ആ​ക്ട് പ്ര​കാ​രം നി​യ​ന്ത്ര​ണ​മു​ള്ളൂ. എ​ന്നാ​ൽ സം​സ്ഥാ​ന​ത്ത് വി​ൽ​ക്കു​ന്ന സൗ​ന്ദ​ര്യ വ​ർ​ധ​ക വ​സ്തു​ക്ക​ളി​ൽ 90 ശ​ത​മാ​ന​വും ഇ​ത​ര​സം​സ്ഥാ​ന​ങ്ങ​ളി​ൽ നി​ർ​മി​ക്കു​ന്ന​വ​യോ വി​ദേ​ശ​രാ​ജ്യ​ങ്ങ​ളി​ൽ നി​ന്ന് ഓ​പ​ൺ ജ​ന​റ​ൽ ലൈ​സ​ൻ​സ് (ഒ.​ജി.​എ​ൽ) വ​ഴി ഇ​റ​ക്കു​മ​തി ചെ​യ്യു​ന്ന​വ​യോ ആ​ണ്.

ഇ​വ​യു​ടെ വി​ൽ​പ​ന നി​യ​ന്ത്രി​ക്കു​ന്ന​തി​നു​ള്ള നി​യ​മ​ങ്ങ​ളൊ​ന്നും പ്രാ​ബ​ല്യ​ത്തി​ലി​ല്ല. സ​മീ​പ​കാ​ല​ത്ത്​ ഡ്ര​ഗ്സ് ക​ണ്‍ട്രോ​ള്‍ ന​ട​ത്തി​യ പ​രി​ശോ​ധ​ന​യി​ൽ മ​തി​യാ​യ ലൈ​സ​ന്‍സോ കോ​സ്മെ​റ്റി​ക്സ് റൂ​ള്‍സ് നി​ഷ്‌​ക​ര്‍ഷി​ക്കു​ന്ന മാ​ന​ദ​ണ്ഡ​ങ്ങ​ളോ പാ​ലി​ക്കാ​​തെ വി​ത​ര​ണം ന​ട​ത്തി​യ ഏ​ഴ്​ ല​ക്ഷ​ത്തി​ല​ധി​കം രൂ​പ വി​ല വ​രു​ന്ന വി​വി​ധ കോ​സ്മെ​റ്റി​ക് ഉ​ത്​​പ​ന്ന​ങ്ങ​ള്‍ പി​ടി​ച്ചെ​ടു​ത്തി​രു​ന്നു. അ​നു​വ​ദ​നീ​യ​മാ​യ അ​ള​വി​ല്‍നി​ന്ന് 12,000 ഇ​ര​ട്ടി​യോ​ളം മെ​ര്‍ക്കു​റി പ​ല സാ​മ്പി​ളി​ലും ക​ണ്ടെ​ത്തി.