ബ്രൂവറി: വഴങ്ങാതെ സി.പി.എം

തി​രു​വ​ന​ന്ത​പു​രം: പ്ര​ക​ട​ന പ​ത്രി​ക ലം​ഘ​ന​മ​ട​ക്കം നി​ര​ത്തി ഘ​ട​ക​ക​ക്ഷി​ക​ൾ ഉ​യ​ർ​ത്തി​യ ക​ടു​ത്ത വി​യോ​ജി​പ്പു​ക​ൾ മു​ഖ​വി​ല​ക്കെ​ടു​ക്കാ​തെ​യാ​ണ്​ എ​ല​പ്പു​ള്ളി​യി​ലെ വി​വാ​ദ ബ്രൂ​വ​റി​ക്കു​ള്ള അ​നു​മ​തി മു​ന്ന​ണി​യി​ൽ സി.​പി.​എം പാ​സാ​ക്കി​യെ​ടു​ത്ത​ത്. മൂ​ന്ന്​ മ​ണി​ക്കൂ​ർ നീ​ണ്ട ച​ർ​ച്ച​യി​ൽ ആ​ർ.​​ജെ.​ഡി​യും സി.​പി.​ഐ​യും എ​തി​ർ​പ്പു​ക​ൾ നിരത്തിയെ​ങ്കി​ലും തീ​രു​മാ​ന​ത്തി​ൽ നി​ന്ന്​ പി​ന്നോ​ട്ടില്ലെ​ന്ന ക​ടു​ത്ത നി​ല​പാ​ടാ​യി​രു​ന്നു മു​ഖ്യ​മ​ന്ത്രി.

സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ അതി​നെ പി​ന്തു​ണ​ച്ചു. എ​ല​പ്പു​ള്ളി​യി​ൽ നി​ന്ന്​ മ​റ്റെ​വി​ടേ​ക്കെ​ങ്കി​ലും പ്ലാ​ന്‍റ്​ മാ​റ്റി​ക്കൂ​ടേ​യെ​ന്ന ബി​നോ​യ്​ വി​ശ്വ​ത്തി​ന്‍റെ ഒ​ത്തു​തീ​ർ​പ്പ്​ അ​ഭ്യ​ർ​ഥ​ന​യും ത​ള്ളി. ഇ​തോ​ടെ, ഏ​ക​പ​ക്ഷീ​യ​മാ​യി അ​ജ​ണ്ട പാസായി.മു​ഖ്യ​മ​ന്ത്രി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ ക​ൺ​വീ​ന​ർ ടി.​പി. രാ​മ​കൃ​ഷ്​​ണ​നാ​ണ്​ വി​ഷ​യ​മ​വ​ത​രി​പ്പി​ച്ച​ത്. തു​ട​ർ​ന്ന്,​ ഓ​രോ ക​ക്ഷി​യോ​ടും അ​ഭി​പ്രാ​യം പ​റ​യാ​നാ​വ​ശ്യ​പ്പെ​ട്ടു. ബ്രൂ​വ​റി മേ​ഖ​ല​യി​ലെ കു​ടി​വെ​ള്ള​ത്തെ ബാ​ധി​ക്കു​മെ​ന്നും എ​ന്തൊ​ക്കെ നേ​ട്ട​ങ്ങ​ൾ പ​റ​ഞ്ഞാ​ലും പ​രി​സ്ഥി​തി​യെ ബാ​ധി​ക്കു​ന്ന പ​ദ്ധ​തി​യെ അം​ഗീ​ക​രി​ക്കാ​നാ​വി​ല്ലെ​ന്നും ​ബി​നോ​യ്​ വി​ശ്വം തു​റ​ന്ന​ടി​ച്ചു.

മ​ഴ​വെ​ള്ള സം​ഭ​ര​ണി കൊ​ണ്ട്​ ജ​ലാ​വ​ശ്യ​ക​ത പ​രി​ഹ​രി​ക്ക​പ്പെ​ടു​മെ​ന്ന മ​​ന്ത്രി എം.​ബി. രാ​ജേ​ഷി​ന്‍റെ വാ​ദ​ം ത​ള്ളി​യാ​യി​രു​ന്നു ബി​നോ​യി​യു​ടെ വാ​ദ​മു​ഖ​ങ്ങ​ൾ. പ​ദ്ധ​തി കൃ​ഷി​ക്ക്​ തി​രി​ച്ച​ടി​യാ​കും. മാ​ത്ര​മ​ല്ല, മ​ഴ​വെ​ള്ള സം​ഭ​ര​ണി കൊ​ണ്ട്​ പ്ലാ​ന്‍റി​ലേ​ക്കാ​വ​ശ്യ​മാ​യ വെ​ള്ളം സം​ഭ​രി​ക്കാ​നാ​വി​ല്ല. കു​ടി​വെ​ള്ളം വ​ഴി​തി​രി​ച്ച്​ ന​ൽ​കേ​ണ്ടി​വ​രു​ം. ഈ ​സാ​ഹ​ച​ര്യ​ത്തി​ൽ പ​ദ്ധ​തി​യി​ൽ നി​ന്ന്​ പി​ന്മാ​റ​ണ​മെ​ന്നാ​ണ്​ സി.​പി.​ഐ നി​ല​പാ​ടെ​ന്നും ബി​നോ​യ്​ അ​വ​ർ​ത്തി​ച്ചു.

ഇ​തി​ന​കം ഉ​ന്ന​യി​ച്ച പ്ര​ശ്ന​ങ്ങ​ൾ​ക്കൊ​പ്പം പ്ര​ക​ട​ന പ​ത്രി​ക ചൂ​ണ്ടി​ക്കാ​ട്ടി​യാ​യി​രു​ന്നു ആ​ർ.​ജെ.​ഡി​യു​ടെ വി​യോ​ജി​പ്പ്. ‘മ​ദ്യ​ല​ഭ്യ​ത കു​റ​ക്കും’ എ​ന്നാ​ണ് പ്ര​ക​ട​ന​പ​ത്രി​ക​യി​ൽ പ​റ​ഞ്ഞ​ത്. എ​ന്നാ​ൽ, മ​ദ്യ നി​ർ​മാ​ണ​ശാ​ല ആ​രം​ഭി​ക്കു​ന്ന​തു​ത​ന്നെ പ്ര​ക​ട​ന പ​ത്രി​ക​യി​ൽ നി​ന്നു​ള്ള വ്യ​തി​ച​ല​ന​വും വാ​ഗ്​​ദാ​ന​ വി​രു​ദ്ധ​വു​മാ​ണ്. മാ​ത്ര​മ​ല്ല, ബ്രൂ​വ​റി​ക്കു​ള്ള ഭൂ​മി അ​നു​മ​തി ഭൂ​പ​രി​ഷ്ക​ര​ണ നി​യ​മ​ത്തി​ന്‍റെ​യും ത​ണ്ണീ​ർ​ത്ത​ട നി​യ​മ​ത്തി​ന്‍റെ​യും ലം​ഘ​ന​മാ​ണെ​ന്നും ഒ​രു കാ​ര​ണ​വ​ശാ​ലും മു​ന്നോ​ട്ടു​പോ​ക​രു​തെ​ന്നു​മാ​യി​രു​ന്നു ആ​ർ.​ജെ.​ഡി​യു​ടെ ആ​വ​ശ്യം.

മ​ന്ത്രി​സ​ഭ ഇ​തി​ന​കം തീ​രു​മാ​നി​ച്ച വി​ഷ​യ​മാ​ണെ​ന്നും മ​ന്ത്രി​ത​ല​ത്തി​ൽ ന​ട​പ​ടി ആ​രം​ഭി​ച്ചെ​ന്നും വി​ശ​ദീ​ക​രി​ച്ച മു​ഖ്യ​മ​ന്ത്രി പെ​ർ​മി​റ്റ്​ കൊ​ടു​ത്ത സാ​ഹ​ച​ര്യ​ത്തി​ൽ ഇ​നി പി​ന്നോ​ട്ട് പോ​കാ​നാ​കി​ല്ലെ​ന്ന്​ ക​ട്ടാ​യം പ​റ​ഞ്ഞു. ഇ​തോ​ടെ, ഭി​ന്ന​ത രൂ​ക്ഷ​മാ​യി​രി​ക്കെ​യാ​ണ്​ വി​ഷ​യ​ത്തി​ൽ ഏ​ക​പ​ക്ഷീ​യ തീ​രു​മാ​ന​മു​ണ്ടാ​യ​ത്.