മാറ്റം സുധാകരനെ കൂടി വിശ്വാസത്തിലെടുത്ത്​; നീക്കം അനുചിത സമ​യത്തെന്ന്​ ഒരു വിഭാഗം

തി​രു​വ​ന​ന്ത​പു​രം: കെ.​പി.​സി.​സി നേ​തൃ​മാ​റ്റ​ത്തി​ൽ കെ. ​സു​ധാ​ക​ര​ൻ ഇ​ട​ഞ്ഞ​തോ​ടെ, അ​ദ്ദേ​ഹ​​ത്തെ കൂ​ടി വി​ശ്വാ​സ​ത്തി​ലെ​ടു​ത്തു​ള്ള പു​നഃ​സം​ഘ​ട​ന ശ്ര​മ​ങ്ങ​ൾ​ക്ക്​ ഹൈ​ക​മാ​ൻ​ഡ്​. ത​ല​​പ്പ​ത്ത്​ മാ​റ്റം വേ​ണ​മെ​ന്ന തീ​രു​മാ​ന​ത്തി​ൽ നി​ന്ന്​ പി​ന്നോ​ട്ടു​പോ​യി​ട്ടി​​ല്ലെ​ങ്കി​ലും അ​തി​ന്​ ഏ​ത്​ മാ​ർ​ഗ​വും സ​മീ​പ​ന​വും സ്വീ​ക​രി​ക്ക​ണ​മെ​ന്ന​തി​ലാ​ണ്​ ച​ർ​ച്ച​ക​ൾ.

വി​യോ​ജി​പ്പും അ​തൃ​പ്തി​യും പ​ര​സ്യ​മാ​ക്കി​യ കെ. ​സു​ധാ​ക​ര​നെ അ​നു​ന​യി​പ്പി​ക്കാ​തെ​യു​ള്ള മാ​റ്റ​ങ്ങ​ൾ വി​പ​രീ​ത ഫ​ല​മു​ണ്ടാ​ക്കു​മെ​ന്ന ബോ​ധ്യം നേ​തൃ​ത്വ​ത്തി​നു​ണ്ട്. അ​തേ സ​മ​യം ​പ്ര​സി​ഡ​ന്‍റ്​ മാ​റ്റ ച​ർ​ച്ച​ക​ളി​ലേ​ക്ക്​ ക​ട​ക്കു​ക​യും അ​ഭി​പ്രാ​യ​വ്യ​ത്യാ​സ​ങ്ങ​ൾ പ​ര​സ്യ​പ്പെ​ടു​ക​യും ചെ​യ്തി​ട്ടും ഹൈ​ക​മാ​ൻ​ഡ്​​ കൃ​ത്യ​മാ​യി നി​ല​പാ​ട്​ വ്യ​ക്ത​മാ​ക്കാ​ത്ത​ത്​ പാ​ർ​ട്ടി​ക്കു​ള്ളി​ൽ വ​ലി​യ അ​നി​ശ്ചി​ത​ത്വം സൃ​ഷ്ടി​ച്ചി​ട്ടു​ണ്ട്.

നേ​തൃ​മാ​റ്റ ച​ർ​ച്ച​ക​ൾ​ക്ക്​ തെ​ര​ഞ്ഞെ​ടു​ത്ത സ​മ​യം അ​നു​ചി​ത​മാ​യി എ​ന്ന വി​കാ​ര​വും ഒ​രു​വി​ഭാ​ഗം നേ​താ​ക്ക​ളി​ലു​ണ്ട്. 2026 ലെ ​നി​യ​മ​സ​ഭ തെ​ര​ഞ്ഞെ​ടു​പ്പ് കോ​ൺ​ഗ്ര​സി​നെ സം​ബ​ന്ധി​ച്ച് ജീ​വ​ന്മ​ര​ണ പോ​രാ​ട്ട​മാ​ണ്. സി.​പി.​എ​മ്മാ​ക​ട്ടെ, മൂ​ന്നാം ഭ​ര​ണം വ​രാ​ൻ പോ​കു​ന്നെ​ന്ന രാ​ഷ്ട്രീ​യ അ​ജ​ണ്ട സെ​റ്റ് ചെ​യ്യു​ക​യും ചെ​യ്തു​ക​ഴി​ഞ്ഞു.

ഭ​ര​ണ​വി​രു​ദ്ധ വി​കാ​രം കൊ​ണ്ട് മാ​ത്രം അ​ധി​കാ​ര​ത്തി​ലെ​ത്താ​ൻ ക​ഴി​യി​ല്ലെ​ന്ന തി​രി​ച്ച​റി​വ് കോ​ൺ​ഗ്ര​സി​നു​ണ്ട്. ആ ​സ്വ​പ്നം 2021ൽ ​പൊ​ലി​ഞ്ഞ​തു​മാ​ണ്. അ​തു​കൊ​ണ്ടു​ത​ന്നെ ച​ടു​ല​മാ​യി ഇ​ട​പെ​ടേ​ണ്ട സ​മ​യ​ത്താ​ണ്​ നേ​തൃ​മാ​റ്റ​ത്തി​ന്‍റെ പേ​രി​ൽ രൂ​പ​പ്പെ​ട്ട അ​നി​ശ്ചി​ത​ത്വ​ങ്ങ​ൾ.

ന​ട​ക്കാ​ൻ പോ​കു​ന്ന​ത്​ അ​ങ്ക​ണ​വാ​ടി തെ​ര​ഞ്ഞെ​ടു​പ്പ​ല്ലെ​ന്ന്​ യൂ​ത്ത്​ കോ​ൺ​ഗ്ര​സ്​ പ്ര​സി​ഡ​ന്‍റ്​​ രാ​ഹു​ൽ മാ​ങ്കൂ​ട്ട​ത്തി​ൽ മു​തി​ർ​ന്ന നേ​തൃ​ത്വ​ത്തെ രൂ​ക്ഷ​മാ​യ ഭാ​ഷ​യി​ൽ ഓ​ർ​മ​പ്പെ​ടു​ത്തേ​ണ്ടി​വ​ന്ന​തും ഈ ​സാ​ഹ​ച​ര്യ​ത്തി​ലാ​ണ്. നി​യ​മ​സ​ഭ​യി​ലും ലോ​ക്സ​ഭ​യി​​ലും നേ​താ​ക്ക​ളെ വി​ജ​യി​പ്പി​ക്കാ​ൻ വി​യ​ർ​പ്പൊ​ഴു​ക്കി​യ സാ​ധാ​ര​ണ അ​ണി​ക​ൾ​ക്ക്​ മ​ത്സ​രി​ക്കാ​നു​ള്ള അ​വ​സ​ര​മാ​ണ്​ ത​ദ്ദേ​​ശ തെ​ര​ഞ്ഞെ​ടു​പ്പ്. നേ​തൃ​ത്വ​മാ​റ്റം സം​ബ​ന്ധി​ച്ച അ​നി​ശ്ചി​ത​ത്വ​ങ്ങ​ൾ ​ഈ ​സാ​ധ്യ​ത​ക​ളി​ലേ​ക്കാ​ണ്​ മ​ണ്ണു​വാ​രി​യി​ടു​ന്ന​തെ​ന്ന വി​കാ​ര​വും പാ​ർ​ട്ടി​ക്കു​ള്ളി​ലു​ണ്ട്.

അ​തേ സ​മ​യം ​കെ. ​സു​ധാ​ക​ര​ൻ നി​ല​പാ​ടി​ൽ ഉ​റ​ച്ചു​നി​ൽ​ക്കു​ക​യാ​ണ്. ഞാ​യ​റാ​ഴ്ച ത​ല​സ്ഥാ​ന​ത്ത്​ ന​ട​ന്ന കെ.​പി.​സി.​സി​യു​ടെ ‘സം​വി​ധാ​ൻ ബെ​ചാ​വോ റാ​ലി​യി​ൽ’ പൂ​ർ​ണ സ​മ​യം ന​ട​ന്നാ​ണ്​ സു​ധാ​ക​ര​ൻ പ​ങ്കാ​ളി​യാ​യ​ത്. ത​നി​ക്ക്​ ആ​രോ​ഗ്യ പ്ര​ശ്ന​ങ്ങ​ളു​ണ്ടെ​ന്ന്​ വ​രു​ത്താ​ൻ ശ്ര​മി​ക്കു​ന്ന​വ​ർ​ക്കു​ള്ള മ​റു​പ​ടി കൂ​ടി​യാ​യി​രു​ന്നു ഈ ​ന​ട​ത്തം.

നി​റ​ഞ്ഞ ആ​ത്മ​വി​ശ്വാ​സ​ത്തോ​ടെ​യാ​യി​രു​ന്നു വേ​ദി​യി​ലെ മു​ഴു​നീ​ള സാ​ന്നി​ധ്യ​വും. സു​ധാ​ക​ര​നെ​തി​രെ​യു​ള്ള നീ​ക്ക​ത്തി​ൽ വി​യോ​ജി​പ്പു​മാ​യി രം​ഗ​ത്തെ​ത്തു​ന്ന മു​തി​ർ​ന്ന നേ​താ​ക്ക​ളെ​ല്ലാം നേ​തൃ​ത്വം പ​റ​ഞ്ഞാ​ൽ അം​ഗീ​ക​രി​ക്കാ​മെ​ന്നും പ​ക്ഷേ ‘പാ​ൻ കേ​ര​ള’ പ​രി​വേ​ഷ​മു​ള്ള നേ​താ​വാ​യി​രി​ക്ക​ണ​മെ​ന്ന ഉ​പാ​ധി​യും മു​ന്നോ​ട്ടു​വെ​ക്കു​ന്നെ​ന്ന​തും ശ്ര​ദ്ധേ​യം. ‘എ​ക്സ്’ മാ​റി ‘വൈ’ ​വ​രു​ന്ന​തി​ന്​ കു​ഴ​പ്പ​മി​ല്ലെ​ന്നും എ​ന്നാ​ൽ, എ​ക്സി​നെ​ക്കാ​ൾ മി​ക​ച്ച​താ​വ​ണം ‘വൈ’ ​എ​ന്നാ​യി​രു​ന്നു കെ. ​മു​ര​ളീ​ധ​ര​ന്‍റെ പ്ര​തി​ക​ര​ണം.