ദുബൈ നിയമത്തിന്‍റെ കേരളത്തിലെ സാധുതയിൽ ആശയക്കുഴപ്പം; നടപടിയെടുക്കാനാകാതെ വെഹിക്കിൾ ഇൻസ്​പെക്ടർമാർ

കോ​ട്ട​യം: മീ​റ്റ​ർ പ്ര​വ​ർ​ത്തി​ച്ചി​ല്ലെ​ങ്കി​ൽ ‘യാ​ത്ര സൗ​ജ​ന്യം’ എ​ന്ന്​ ഓ​ട്ടോ​റി​ക്ഷ​ക​ളി​ൽ ബോ​ർ​ഡ്​ വെ​ക്ക​ണ​മെ​ന്ന ദു​ബൈ നി​യ​മ​ത്തി​ന്​ സ​മാ​ന​മാ​യ നി​ർ​ദേ​ശ​ത്തി​ന്‍റെ​​ കേ​ര​ള​ത്തി​ലെ നി​യ​മ​സാ​ധു​ത​യെ​ക്കു​റി​ച്ച്​ ആ​ശ​യ​ക്കു​ഴ​പ്പം; ന​ട​പ​ടി എ​ടു​​ക്കാ​നാ​കാ​തെ മോ​ട്ടോ​ർ വെ​ഹി​ക്കി​ൾ ഇ​ൻ​സ്​​പെ​ക്​​ട​ർ​മാ​രും. ഫെ​യ​ർ മീ​റ്റ​ർ പ്ര​വ​ർ​ത്തി​ക്കു​ന്നി​ല്ലെ​ങ്കി​ൽ ‘യാ​ത്ര സൗ​ജ​ന്യം’ എ​ന്ന് ടാ​ക്സി വാ​ഹ​ന​ങ്ങ​ളി​ൽ പ്ര​ദ​ർ​ശി​പ്പി​ക്ക​ണം എ​ന്ന നി​യ​മ​മാ​ണ്​ ദു​ബൈ​യി​ലു​ള്ള​ത്. അ​തി​ന്​ സ​മാ​ന​മാ​യ ബോ​ർ​ഡു​ക​ൾ ഓ​ട്ടോ​റി​ക്ഷ​ക​ളി​ൽ സ്ഥാ​പി​ക്ക​ണ​മെ​ന്ന നി​ർ​ദേ​ശ​മാ​ണ്​ കേ​ര​ള​ത്തി​ൽ ന​ട​പ്പാ​ക്കി ട്രാ​ൻ​സ്‌​പോ​ർ​ട്ട്​ ക​മീ​ഷ​ണ​ർ സി.​എ​ച്ച്. നാ​ഗ​രാ​ജു ദി​വ​സ​ങ്ങ​ൾ​ക്കു​മു​മ്പ്​ സ​ർ​ക്കു​ല​ർ ഇ​റ​ക്കി​യ​ത്.

ദു​ബൈ ഗ​താ​ഗ​ത വ​കു​പ്പ്​ വി​ജ​യ​ക​ര​മാ​യി ന​ട​പ്പാ​ക്കി​യ ഈ ​പ​ദ്ധ​തി സം​ബ​ന്ധി​ച്ച്​ കൊ​ച്ചി സ്വ​ദേ​ശി​യാ​യ കെ.​പി. മ​ത്ത്യാ​സി​ന്‍റെ നി​ർ​ദേ​ശം ജ​നു​വ​രി 24ന്​ ​സം​സ്ഥാ​ന ട്രാ​ൻ​സ്‌​പോ​ർ​ട്ട്​ അ​തോ​റി​റ്റി അം​ഗീ​ക​രി​ച്ചെ​ന്നും അ​ത്​ സം​സ്ഥാ​ന​ത്ത്​ ന​ട​പ്പാ​ക്കു​ന്നെ​ന്നു​മാ​ണ്​ ഫെ​ബ്രു​വ​രി 15ന്​ ​ട്രാ​ൻ​സ്​​പോ​ർ​ട്ട്​ ക​മീ​ഷ​ണ​ർ പു​റ​പ്പെ​ടു​വി​ച്ച ഉ​ത്ത​ര​വ്. പൊ​തു​ഗ​താ​ഗ​ത സ​ർ​വി​സ് ന​ട​ത്തു​ന്ന വാ​ഹ​ന​ങ്ങ​ളു​ടെ വാ​ട​ക​നി​ര​ക്ക്, പെ​ർ​മി​റ്റ്‌ ഇ​വ​യൊ​ക്കെ തീ​രു​മാ​നി​ക്കാ​ൻ സം​സ്ഥാ​ന ട്രാ​ൻ​സ്‌​പോ​ർ​ട്ട്​ അ​തോ​റി​റ്റി​ക്ക് അ​ധി​കാ​രം ഉ​ണ്ട്. പ​ക്ഷേ, കേ​ന്ദ്ര​നി​യ​മ​ത്തി​ലോ ച​ട്ട​ങ്ങ​ളി​ലോ പ​റ​യു​ന്ന​തി​ന​പ്പു​റ​മു​ള്ള നി​യ​മ​ങ്ങ​ൾ ഉ​ണ്ടാ​ക്കാ​നോ ന​ട​പ്പാ​ക്കാ​നോ ഈ ​അ​തോ​റി​റ്റി​ക്ക് അ​ധി​കാ​ര​മി​ല്ലെ​ന്ന​താ​ണ്​ വ​സ്തു​ത. ആ ​സാ​ഹ​ച​ര്യ​ത്തി​ൽ ദു​ബൈ സ​ർ​ക്കാ​റി​ന്‍റെ നി​യ​മ​ത്തി​ന്‍റെ അ​ടി​സ്ഥാ​ന​ത്തി​ൽ ഇ​വി​ടെ ഉ​ത്ത​ര​വി​റ​ക്കാ​ൻ ട്രാ​ൻ​സ്​​പോ​ർ​ട്ട്​ അ​തോ​റി​റ്റി​ക്കാ​കി​ല്ലെ​ന്ന്​ സാ​രം.

എ​ന്നാ​ൽ, ഓ​ട്ടോ​റി​ക്ഷ​ക​ളി​ൽ ഇ​രു​ണ്ട പ്ര​ത​ല​ത്തി​ൽ വെ​ള്ള അ​ക്ഷ​ര​ത്തി​ൽ ‘യാ​ത്ര സൗ​ജ​ന്യം’ എ​ന്ന്​ പ്ര​ദ​ർ​ശി​പ്പി​ക്ക​ണ​മെ​ന്നാ​ണ്​ സ​ർ​ക്കു​ല​റി​ലു​ള്ള​ത്. ഈ ​മാ​സം ഒ​ന്നു​മു​ത​ൽ ഇ​ത്​ ന​ട​പ്പാ​ക്ക​ണ​മെ​ന്നാ​യി​രു​ന്നു നി​ർ​ദേ​ശം. ഓ​ട്ടോ​റി​ക്ഷ തൊ​ഴി​ലാ​ളി യൂ​നി​യ​നു​ക​ൾ ഉ​ൾ​പ്പെ​ടെ ഈ ​നീ​ക്ക​ത്തി​ൽ പ്ര​തി​ഷേ​ധ​വു​മാ​യി രം​ഗ​ത്തു​ള്ള സാ​ഹ​ച​ര്യ​ത്തി​ൽ നി​യ​മം ന​ട​പ്പാ​ക്കു​ന്ന​തി​ൽ പെ​ട്ടു​പോ​യ​ത്​ മോ​ട്ടോ​ർ വെ​ഹി​ക്കി​ൾ ഇ​ൻ​സ്‌​പെ​ക്ട​ർ​മാ​രാ​ണ്.

ഒ​രു ഓ​ട്ടോ​റി​ക്ഷ​യി​ൽ ഇ​ങ്ങ​നെ എ​ഴു​തി​െ​വ​ച്ചി​ല്ലെ​ങ്കി​ൽ എ​ന്ത് ശി​ക്ഷാ​ന​ട​പ​ടി സ്വീ​ക​രി​ക്കും എ​ന്ന​തി​ൽ വ്യ​ക്ത​ത​യി​ല്ലെ​ന്ന​താ​ണ്​ പ്ര​ധാ​ന പ്ര​ശ്നം. കേ​ന്ദ്ര മോ​ട്ടോ​ർ വാ​ഹ​ന നി​യ​മ​ത്തി​ലെ സെ​ക്​​ഷ​ൻ 77 മു​ത​ൽ 209 വ​രെ​യാ​ണ്​ മോ​ട്ടോ​ർ വാ​ഹ​ന നി​യ​മ​ലം​ഘ​ന​ങ്ങ​ളും അ​വ​ക്കു​ള്ള പി​ഴ​യും നി​ർ​ദേ​ശി​ച്ചി​രി​ക്കു​ന്ന​ത്. ഈ ​നി​യ​മ​ത്തി​ൽ ഒ​രി​ട​ത്തും മീ​റ്റ​ർ പ്ര​വ​ർ​ത്ത​ന​ര​ഹി​ത​മാ​യാ​ൽ യാ​ത്ര സൗ​ജ​ന്യ​മാ​ക്ക​ണ​മെ​ന്ന്​ പ​റ​യു​ന്നു​മി​ല്ല.

നി​ല​വി​ലെ മോ​ട്ടോ​ർ വാ​ഹ​ന നി​യ​മ​ത്തി​ൽ അ​മി​ത ചാ​ർ​ജ് ഈ​ടാ​ക്കി​യാ​ൽ ന​ട​പ​ടി എ​ടു​ക്കാ​ൻ വ്യ​വ​സ്ഥ​യു​ണ്ട്. മോ​ട്ടോ​ർ വെ​ഹി​ക്കി​ൾ ആ​ക്ട്​ സെ​ക്​​ഷ​ൻ 177 അ​നു​സ​രി​ച്ച്​ മീ​റ്റ​റി​ല്ലാ​ത്ത ഓ​ട്ടോ​റി​ക്ഷ​ക്ക് 250 രൂ​പ പി​ഴ അ​ട​പ്പി​ക്കാം. സെ​ക്​​ഷ​ൻ 177 പ​റ​യു​ന്ന​ത് കേ​ന്ദ്ര നി​യ​മ​ത്തി​ലോ ച​ട്ട​ങ്ങ​ളി​ലോ ഇ​വ​യി​ൽ പ​റ​യു​ന്ന നി​ർ​ദേ​ശ​ങ്ങ​ള​നു​സ​രി​ച്ച്​ പു​റ​പ്പെ​ടു​വി​ക്കു​ന്ന നി​ർ​ദേ​ശ​ങ്ങ​ളി​ലോ വി​ജ്ഞാ​പ​ന​ങ്ങ​ളി​ലോ പ​റ​യു​ന്ന നി​ർ​ദേ​ശ​ങ്ങ​ൾ ലം​ഘി​ക്കു​ന്ന​വ​ർ​ക്ക് അ​തി​ന് പ്ര​ത്യേ​ക പി​ഴ പ​റ​യു​ന്നി​ല്ലെ​ങ്കി​ൽ 500 രൂ​പ പി​ഴ ചു​മ​ത്താം എ​ന്നാ​ണ്. കേ​ര​ളം ഇ​ത് 250 ആ​യി കു​റ​ച്ചി​ട്ടു​ണ്ട്.