ഒ​മ്പ​ത്​ വ​ർ​ഷ​ത്തി​നി​ടെ കേ​ര​ളത്തിൽ 3070 കൊ​ല​പാ​ത​ക​ങ്ങ​ൾ

കോ​ട്ട​യം: സം​സ്ഥാ​ന​ത്ത്​ ചോ​ര​ക്ക​ളി അ​ട​ങ്ങു​ന്നി​ല്ല, ക​ഴി​ഞ്ഞ ഒ​മ്പ​ത്​ വ​ർ​ഷ​ത്തി​നി​ടെ ​ന​ട​ന്ന​ത്​ 3070 കൊ​ല​പാ​ത​ക​ങ്ങ​ൾ! ഗു​ണ്ട​സം​ഘ​ങ്ങ​ൾ ത​മ്മി​ലു​ള്ള ഏ​റ്റു​മു​ട്ട​ൽ, കു​ടും​ബ​ക​ല​ഹം, പ്ര​ണ​യ​പ്പ​ക, വാ​ക്​​ത​ർ​ക്ക​ങ്ങ​ൾ, രാ​ഷ്ട്രീ​യം, അ​ന്ധ​വി​ശ്വാ​സം, സാ​മ്പ​ത്തി​ക നേ​ട്ട​ത്തി​നാ​യു​ള്ള കൊ​ല​പാ​ത​ക​ങ്ങ​ൾ ഉ​ൾ​പ്പെ​ടെ ഇ​തി​ൽ​പെ​ടും.

ഗു​ണ്ട​സം​ഘ​ങ്ങ​ളു​ടെ കു​ടി​പ്പ​ക​യെ​ടു​ത്ത​ത്​ 18 ജീ​വ​നാ​ണെ​ന്ന്​ സം​സ്ഥാ​ന ക്രൈം ​റെ​ക്കോ​ഡ്സ് ബ്യൂ​റോ ക​ണ​ക്കു​ക​ൾ വ്യ​ക്ത​മാ​ക്കു​ന്നു. ല​ഹ​രി ഉ​പ​യോ​ഗ​വും കൊ​ല​പാ​ത​ക​ത്തി​ന്​ കാ​ര​ണ​മാ​കു​ന്നെ​ന്ന്​ വ്യ​ക്തം. അ​തി​നു​പു​റ​മെ, ബ​ന്ധു​ക്ക​ളെ​യും മാ​താ​പി​താ​ക്ക​ളെ​യും ഉ​ൾ​പ്പെ​ടെ കൊ​ല​പ്പെ​ടു​ത്തി​യ സം​ഭ​വ​ങ്ങ​ളു​മു​ണ്ട്. 2016 മേ​യ്​ മു​ത​ൽ 2025 മാ​ർ​ച്ച്​ 16 വ​രെ​യു​ള്ള ക​ണ​ക്കു​ക​ൾ പ്ര​കാ​ര​മാ​ണ്​ 3070 പേ​ർ കൊ​ല്ല​പ്പെ​ട്ട​ത്. മു​ൻ​വ​ർ​ഷ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ ഈ ​വ​ർ​ഷം ര​ണ്ട​ര​മാ​സ​ത്തി​നു​ള്ളി​ൽ കൊ​ല​പാ​ത​ക​ങ്ങ​ളു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​യാ​ണു​ണ്ടാ​യ​തെ​ന്ന് ക്രൈം ​റെ​ക്കോ​ഡ്സ് വി​ഭാ​ഗം സൂ​ച​ന ന​ൽ​കു​ന്നു.

തി​രു​വ​ന​ന്ത​പു​രം റൂ​റ​ൽ (287), പാ​ല​ക്കാ​ട്​ (233), എ​റ​ണാ​കു​ളം റൂ​റ​ൽ പൊ​ലീ​സ്​ (219) ജി​ല്ല​ക​ളി​ലാ​ണ്​ ഈ ​കാ​ല​ഘ​ട്ട​ത്തി​ൽ ഏ​റ്റ​വും കൂ​ടു​ത​ൽ കൊ​ല​പാ​ത​ക​ങ്ങ​ൾ റി​പ്പോ​ർ​ട്ട്​ ചെ​യ്ത​ത്.​

• ല​ഹ​രി ഉ​പ​യോ​ഗം മൂ​ല​മു​ണ്ടാ​യ​ത്​ 52 കൊ​ല​പാ​ത​കം.
• ചി​ല കേ​സു​ക​ളു​ടെ വി​ചാ​ര​ണ ന​ട​പ​ടി​ക​ൾ നീ​ളു​ക​യാ​ണ്.​
• മ​റ്റ്​ പ​ല കേ​സി​ലും തെ​ളി​വു​ക​ളു​ടെ അ​ഭാ​വ​ത്തി​ൽ പ്ര​തി​ക​ളെ വെ​റു​തെ വി​ട്ടു
• ശി​ക്ഷി​ക്ക​പ്പെ​ട്ട​ത്​ 476 പേ​ർ, പ്ര​തി​ക​ളാ​യ 78 പേ​ർ ഇ​പ്പോ​ഴും ഒ​ളി​വി​ൽ
• ആ​ർ​ക്കും ശി​ക്ഷ​യി​ള​വ്​ ന​ൽ​കി​യി​ട്ടി​ല്ല; 168 പേ​ർ​ക്ക്​​ പ​രോ​ൾ ആ​നു​കൂ​ല്യ​ങ്ങ​ൾ ഉ​ൾ​പ്പെ​ടെ ല​ഭി​ച്ചു.