ചെലവഴിക്കാൻ പണമില്ല, ട്രഷറിയിൽ പ്രതിസന്ധി

തി​രു​വ​ന​ന്ത​പു​രം: സാ​മ്പ​ത്തി​ക വ​ർ​ഷാ​വ​സാ​ന​ത്തെ ഭാ​രി​ച്ച ചെ​ല​വു​ക​ൾ മു​ന്നി​ൽ​നി​ൽ​ക്കെ ട്ര​ഷ​റി ക​ടു​ത്ത പ്ര​തി​സ​ന്ധി​യി​ൽ. ശ​മ്പ​ള​വും പെ​ൻ​ഷ​നു​മൊ​ഴി​​കെ മ​റ്റ്​ ബി​ല്ലു​ക​ളൊ​ന്നും മാ​റാ​തെ മു​റു​ക്കി​പ്പി​ടി​ച്ചാ​ണ്​ ട്ര​ഷ​റി​യി​ൽ നി​ന്നു​ള്ള പ​ണം ചെ​ല​വ​ഴി​ക്ക​ൽ. മാ​ർ​ച്ചി​ലെ ചെ​ല​വു​ക​ൾ​ക്കാ​യി 30000 കോ​ടി​യോ​ളം രൂ​പ വേ​ണ്ടി​വ​രു​മെ​ന്നാ​ണ്​ ക​ണ​ക്കാ​ക്കു​ന്ന​ത്. ക​ട​മെ​ടു​പ്പ്​ പ​രി​ധി​യി​ൽ അ​വ​ശേ​ഷി​ക്കു​ന്ന 605 കോ​ടി രൂ​പ​യു​ടെ വാ​യ്പ ചൊ​വ്വാ​ഴ്ച എ​ടു​ക്കും. ഇ​ത്​ നി​ല​വി​​ലെ പ്ര​തി​സ​ന്ധി​യി​ൽ നേ​രി​യ ആ​ശ്വാ​സ​മാ​കു​​മെ​ങ്കി​ലും പ്ര​തി​സ​ന്ധി​ക്ക്​ പ​രി​ഹാ​ര​മാ​കി​ല്ല. പ്ര​തി​സ​ന്ധി മ​റി​ക​ട​ക്കു​ന്ന​തി​ന്​ യൂ​നി​വേ​ഴ്സി​റ്റി​ക​ൾ, ത​ദ്ദേ​ശ​സ്ഥാ​പ​ന​ങ്ങ​ൾ, പൊ​തു​മേ​ഖ​ല സ്ഥാ​പ​ന​ങ്ങ​ൾ തു​ട​ങ്ങി​യ അ​നു​ബ​ന്ധ സ്ഥാ​പ​ന​ങ്ങ​ളി​ലെ നീ​ക്കി​യി​രു​പ്പ്, പ​ങ്കാ​ളി​ത്ത പെ​ൻ​ഷ​ൻ ഫ​ണ്ടി​ൽ നി​ന്നു​ള്ള അ​ധി​ക വാ​യ്പ എ​ന്നി​വ ട്ര​ഷ​റി​യി​ലേ​ക്ക് മാ​റ്റാ​നാ​ണ് ധ​ന​വ​കു​പ്പ്​ ശ്ര​മം.

ആ​ദ്യ​ത്തെ അ​ഞ്ച്​ ​പ്ര​വൃ​ത്തി​ദി​ന​ങ്ങ​ളി​ൽ ശ​മ്പ​ള​വും ​പെ​ൻ​ഷ​നും​മാ​ത്രം പാ​സാ​ക്കി​യാ​ൽ മ​തി​യെ​ന്ന​ത്​ അ​നൗ​ദ്യോ​ഗി​ക നി​ർ​ദേ​ശ​മാ​ണ്. ഈ ​സ​മ​യ​പ​രി​ധി പൂ​ർ​ത്തി​യാ​യ​ശേ​ഷം പി.​എ​ഫ്, മെ​ഡി​ക്ക​ൽ, പ്ലാ​ൻ ചെ​ല​വു​ക​ൾ എ​ന്നി​വ​യു​ടെ ബി​ല്ലു​ക​ൾ പ​രി​ഗ​ണി​ക്കേ​ണ്ടി​വ​രും. മ​റ്റ്​ ബി​ല്ലു​ക​ൾ​കൂ​ടി പ​രി​ഗ​ണി​ക്കു​മ്പോ​​ഴേ സാ​മ്പ​ത്തി​ക​സ്ഥി​തി​യു​ടെ കൃ​ത്യ​മാ​യ വി​വ​ര​ങ്ങ​ൾ ല​ഭ്യ​മാ​കു​വെ​ന്നാ​ണ്​ ട്ര​ഷ​റി​യി​ൽ നി​ന്നു​ള്ള വി​വ​രം. നി​ല​വി​ൽ 25 ല​ക്ഷ​മാ​ണ്​ ട്ര​ഷ​റി​യി​ലെ പി​ൻ​വ​ലി​ക്ക​ൽ പ​രി​ധി. മ​തി​യാ​യ പ​ണം ല​ഭി​ക്കാ​ത്ത​പ​ക്ഷം തി​ങ്ക​ൾ മു​ത​ൽ ട്ര​ഷ​റി​ക​ളി​ൽ നി​യ​ന്ത്ര​ണം ഏ​ർ​പ്പെ​ടു​ത്താ​നും സാ​ധ്യ​ത.

ട്ര​ഷ​റി അ​ക്കൗ​ണ്ടി​ൽ പ​ണം ഇ​ല്ലാ​ത്ത സാ​ഹ​ച​ര്യ​ങ്ങ​ളി​ൽ റി​സ​ർ​വ് ബാ​ങ്കി​ൽ നി​ന്നു​ള്ള താ​ൽ​ക്കാ​ലി​ക സ​ഹാ​യ​മാ​യ വെ​യ്സ് ആ​ൻ​ഡ് മീ​ൻ​സ് അ​ഡ്വാ​ൻ​സ് എ​ടു​ക്കാ​നാ​കും. 1670 കോ​ടി​യാ​ണ്​ വെ​യ്സ് ആ​ൻ​ഡ് മീ​ൻ​സ് പ​രി​ധി. ഇ​തി​നു​പു​റ​മേ ഒ​രു​വ​ട്ടം​കൂ​ടി 1670 കോ​ടി​യെ​ടു​ക്കാം. പ​ക്ഷേ, ര​ണ്ടാ​​മ​തെ​ടു​ത്ത​ത്​ ​ര​ണ്ടാ​ഴ്ച​ക്കു​ള്ളി​ൽ തി​രി​ച്ച​ട​യ്​​ക്ക​ണം. അ​തി​ന്​ സാ​ധി​ച്ചി​ല്ലെ​ങ്കി​ൽ ട്ര​ഷ​റി ഓ​വ​ർ​ഡ്രാ​ഫ്​​റ്റി​ലാ​കു​ന്ന സ്ഥി​തി​യു​ണ്ടാ​കും. വൈ​ദ്യു​തി മേ​ഖ​ല​യി​ലെ പ​രി​ഷ്ക​ര​ണ​ത്തി​ന്റെ പേ​രി​ൽ മൊ​ത്തം ആ​ഭ്യ​ന്ത​ര ഉ​ൽ​പാ​ദ​ന​ത്തി​ന്റെ 0.5 ശ​ത​മാ​നം വാ​യ്പ​യെ​ടു​ക്കാ​മെ​ന്ന്​ കേ​ന്ദ്രം വ്യ​ക്ത​മാ​ക്കി​യി​ട്ടു​ണ്ട്. അ​ങ്ങ​നെ​യെ​ങ്കി​ൽ 5500 കോ​ടി​കൂ​ടി വാ​യ്പ​യെ​ടു​ക്കാ​ൻ വ​ഴി​യൊ​രു​ങ്ങും. ഇ​തി​നി​ടെ മു​ഖ്യ​മ​​ന്ത്രി പി​ണ​റാ​യി വി​ജ​യ​ൻ ഡ​ൽ​ഹി​യി​ലെ​ത്തി ധ​ന​മ​​ന്ത്രി നി​ർ​മ​ല സീ​താ​രാ​മ​നെ നേ​രി​ൽ കാ​ണു​ന്നു​ണ്ട്.

വ​യ​നാ​ട്​ പു​ന​ര​ധി​വാ​സ​ത്തി​ന്​ അ​നു​വ​ദി​ച്ച ദീ​ർ​ഘ​കാ​ല മൂ​ല​ധ​ന വാ​യ്പ​യു​ടെ ചെ​ല​വ​ഴി​ക്ക​ൽ സ​മ​യ​പ​രി​ധി​യി​ൽ ഇ​ള​വ്​ തേ​ടി​യാ​ണ്​ മു​ഖ്യ​മ​ന്ത്രി കേ​ന്ദ്ര ധ​ന​മ​ന്ത്രി​യെ കാ​ണു​ന്ന​ത്.