മഴ തുണയായി; വൈദ്യുതി ഉപയോഗം കുത്തനെ കുറഞ്ഞു

തി​രു​വ​ന​ന്ത​പു​രം: മ​ഴ ക​ന​ത്ത​തോ​ടെ സം​സ്ഥാ​ന​ത്തെ വൈ​ദ്യു​തി ഉ​പ​യോ​ഗ​ത്തി​ൽ വ​ൻ കു​റ​വ്. വേ​ന​ൽ​ച്ചൂ​ടി​ൽ കു​തി​ച്ചു​യ​ർ​ന്ന ഉ​പ​യോ​ഗം കു​റ​ഞ്ഞ​തി​ന്‍റെ ആ​ശ്വാ​സ​ത്തി​ലാ​ണ്​ കെ.​എ​സ്.​ഇ.​ബി. ക​ഴി​ഞ്ഞ​വ​ർ​ഷം മേ​യ്​ മാ​സ​ത്തി​ൽ ക​ടു​ത്ത വേ​ന​ൽ​ച്ചൂ​ടും കാ​ല​വ​ർ​ഷം വൈ​കി​യ​തും പ്ര​തി​സ​ന്ധി​ക്ക്​ കാ​ര​ണ​മാ​യി​രു​ന്നു.

ഇ​തു​മൂ​ലം ഉ​യ​ർ​ന്ന വി​ല​ക്ക്​ വൈ​ദ്യു​തി വാ​ങ്ങി​യ​തി​ന്‍റെ ബാ​ധ്യ​ത ഉ​പ​​ഭോ​ക്താ​ക്ക​ളി​ൽ നി​ന്ന്​ യൂ​നി​റ്റി​ന്​ 32 പൈ​സ വീ​തം സ​ർ​ച്ചാ​ർ​ജാ​യി ഈ​ടാ​ക്കാ​ൻ കെ.​എ​സ്.​ഇ.​ബി റെ​ഗു​ലേ​റ്റ​റി ക​മീ​ഷ​നെ സ​മീ​പി​ച്ചി​രി​ക്കു​ക​യു​മാ​ണ്.

ഇ​ക്കു​റി വേ​ന​ലി​ലും വൈ​ദ്യു​തി ഉ​പ​​യോ​ഗ​ത്തി​ൽ വ​ൻ​വ​ർ​ധ​ന പ്ര​തീ​ക്ഷി​ച്ചെ​ങ്കി​ലും ഏ​പ്രി​ലി​ൽ ല​ഭി​ച്ച ഒ​​റ്റ​പ്പെ​ട്ട വേ​ന​ൽ​മ​ഴ​യും മേ​യി​ൽ കാ​ല​വ​ർ​ഷ​മെ​ത്തി​യ​തും ​ഗു​ണ​മാ​യി. ഈ​മാ​സ​ത്തെ ആ​ദ്യ ആ​ഴ്ച​ക​ളി​ൽ ചി​ല ദി​വ​സം പ്ര​തി​ദി​ന ഉ​പ​യോ​ഗം 100 ദ​ശ​ല​ക്ഷം യൂ​നി​റ്റ്​ ക​ട​ന്നെ​ങ്കി​ലും മ​ഴ എ​ത്തി​യ​തോ​ടെ, ഇ​തി​ൽ മാ​റ്റ​മു​ണ്ടാ​യി.

ക​ഴി​ഞ്ഞ അ​ഞ്ചു​ദി​വ​സ​മാ​യി 85 ദ​ശ​ല​ക്ഷ​ത്തി​ൽ താ​​ഴെ​യാ​ണ്​ പ്ര​തി​ദി​ന ആ​വ​ശ്യ​ക​ത. തി​ങ്ക​ൾ, ചൊ​വ്വ ദി​വ​സ​ങ്ങ​ളി​ൽ ഉ​പ​യോ​ഗം 66 ദ​ശ​ല​ക്ഷം യൂ​നി​റ്റാ​യി കു​റ​ഞ്ഞു. ഏ​താ​നും ദി​വ​സ​ങ്ങ​ളാ​യി പീ​ക്ക്​ സ​മ​യ ഉ​പ​യോ​ഗ​വും 4000 മെ​ഗാ​വാ​ട്ടി​ൽ താ​​ഴെ​യാ​ണ്. ഇ​ത്​ ചി​ല ദി​വ​സ​ങ്ങ​ളി​ൽ 3400 മെ​ഗാ​വാ​ട്ട്​ വ​രെ​യാ​യി കു​റ​യു​ക​യും ചെ​യ്തു.

2024ൽ ​വേ​ന​ൽ​ക്കാ​ല​ത്ത്​ പീ​ക്ക്​ സ​മ​യ ആ​വ​ശ്യ​ക​ത 5797 മെ​ഗാ​വാ​ട്ട്​ വ​രെ​യും പ്ര​തി​ദി​ന ഉ​പ​യോ​ഗം 115.9484 ദ​ശ​ല​ക്ഷം യൂ​നി​റ്റാ​യും വ​ർ​ധി​ച്ചി​രു​ന്നു. മ​ഴ വ​രും ആ​ഴ്ച​ക​ളി​ലും തു​ട​രു​മെ​ന്ന കാ​ലാ​വ​സ്ഥ വ​കു​പ്പി​ന്‍റെ പ്ര​വ​ച​ന​വും ഡാ​മു​ക​ളി​ൽ നീ​രൊ​ഴു​ക്ക്​ വ​ർ​ധി​ച്ച​തും മൂ​ലം ക​ഴി​ഞ്ഞ വ​ർ​ഷ​ത്തെ പ്ര​തി​സ​ന്ധി ഇ​ക്കു​റി അ​ക​ലു​ന്ന​തി​ന്‍റെ നേ​ട്ടം കെ.​എ​സ്.​ഇ.​ബി​ക്കു​ണ്ട്.

വേ​ന​ൽ​ക്കാ​ല പ്ര​തി​സ​ന്ധി മു​ന്നി​ൽ​ക്ക​ണ്ട്​ കൈ​മാ​റ്റ ക​രാ​റു​ക​ൾ വ​ഴി​യും ​ഹ്ര​സ്വ​കാ​ല ക​രാ​റു​ക​ളി​ലൂ​ടെ​യും വൈ​ദ്യു​തി ല​ഭ്യ​ത ഉ​റ​പ്പാ​ക്കാ​ൻ ​ക്ര​മീ​ക​ര​ണ​മൊ​രു​ക്കി​യി​രു​ന്നു. മ​ഴ തു​ട​രു​ക​യാ​ണെ​ങ്കി​ൽ ഉ​യ​ർ​ന്ന വി​ല​ക്ക്​ കൂ​ടു​ത​ൽ വൈ​ദ്യു​തി വാ​ങ്ങു​ന്ന സാ​ഹ​ച​ര്യം ഇ​ക്കൊ​ല്ലം ഒ​ഴി​വാ​കും. ​സ​ർ​ച്ചാ​ർ​ജി​ന​ത്തി​ൽ ഉ​പ​ഭോ​ക്താ​ക്ക​ളി​ലേ​ക്ക്​ ഇ​തി​ന്‍റെ ഭാ​രം എ​ത്തു​ന്ന പ​തി​വി​ലും വ്യ​ത്യാ​സം വ​രും.