വൈ​ദ്യു​തി​ബ​ന്ധം പു​നഃ​സ്ഥാ​പി​ച്ചി​ല്ല; ഉരുൾ ദുരന്തമേഖലയിലെ കൃഷി നശിക്കുന്നു

മു​ണ്ട​ക്കൈ (വ​യ​നാ​ട്): ഉ​രു​ൾ​ദു​ര​ന്തം ന​ട​ന്ന് ആ​റു​മാ​സം പി​ന്നി​ട്ടി​ട്ടും മു​ണ്ട​ക്കൈ​യി​ലെ​യും പു​ഞ്ചി​രി​മ​ട്ട​ത്തെ​യും വൈ​ദ്യു​തി​ബ​ന്ധം കെ.​എ​സ്.​ഇ.​ബി പു​നഃ​സ്ഥാ​പി​ച്ചി​ല്ല. ഇ​തോ​ടെ ഉ​രു​ൾ​പൊ​ട്ട​ലി​ൽ ബാ​ക്കി​യാ​യ കൃ​ഷി​യി​ട​ങ്ങ​ൾ സം​ര​ക്ഷി​ക്കാ​നാ​കാ​തെ അ​തി​ജീ​വി​ത​ർ ക​ഷ്ട​പ്പാ​ടി​ൽ. ക​ഴി​ഞ്ഞ ജൂ​ലൈ 30നു​ണ്ടാ​യ ദു​ര​ന്ത​ത്തി​ൽ കെ.​എ​സ്.​ഇ.​ബി​ക്ക് മൂ​ന്നു​കോ​ടി രൂ​പ​യു​ടെ ന​ഷ്ട​മാ​ണു​ണ്ടാ​യ​ത്. ഹൈ​ടെ​ന്‍ഷ​ന്‍ ലൈ​നു​ക​ളും ട്രാ​ൻ​സ്ഫോ​ർ​മ​റു​ക​ളു​മെ​ല്ലാം ത​ക​ർ​ന്നു.

മേ​പ്പാ​ടി സെ​ക്ഷ​ന് കീ​ഴി​ലെ മു​ണ്ട​ക്കൈ-​ചൂ​ര​ല്‍മ​ല ദു​ര​ന്ത പ്ര​ദേ​ശ​ങ്ങ​ളി​ലാ​യി 385 ഗാ​ര്‍ഹി​ക ക​ണ​ക്ഷ​നു​ക​ളും 70 സ്ഥാ​പ​ന​ങ്ങ​ളു​ടെ ക​ണ​ക്ഷ​നു​ക​ളു​മാ​ണു​ണ്ടാ​യി​രു​ന്ന​ത്. ഇ​വ പൂ​ർ​ണ​മാ​യി ത​ക​ര്‍ന്നി​രു​ന്നു. ഒ​രു​ദി​വ​സ​ത്തി​ന് ശേ​ഷം ത​ന്നെ ചൂ​ര​ൽ​മ​ല ടെ​ലി​ഫോ​ൺ എ​ക്സ്ചേ​ഞ്ച് മു​ത​ൽ ചൂ​ര​ൽ​മ​ല ടൗ​ൺ വ​രെ വൈ​ദ്യു​തി​ബ​ന്ധം പു​നഃ​സ്ഥാ​പി​ച്ചു. എ​ന്നാ​ൽ മു​ണ്ട​ക്കൈ​യി​ലും ഉ​രു​ൾ​പൊ​ട്ട​ൽ പ്ര​ഭ​വ​സ്ഥാ​ന​മാ​യ പു​ഞ്ചി​രി​മ​ട്ട​ത്തും ഇ​തു​വ​രെ വൈ​ദ്യു​തി എ​ത്തി​ക്കാ​നാ​യി​ട്ടി​ല്ല.

പു​ഞ്ചി​രി​മ​ട്ടം വ​ന​റാ​ണി എ​സ്റ്റേ​റ്റി​ന്റെ മു​ക​ളി​ലേ​ക്കും മു​ണ്ട​ക്കൈ ജു​മാ​മ​സ്ജി​ദി​ന്റെ മു​ക​ൾ​ഭാ​ഗ​ത്തു​നി​ന്ന് ഹാ​രി​സ​ൺ​സ് ഭൂ​മി വ​രെ​യു​ള്ള ഭാ​ഗ​ത്തും 150ഓ​ളം ഏ​ക്ക​ർ കൃ​ഷി​ഭൂ​മി ന​ശി​ച്ചി​ട്ടി​ല്ല. ഏ​ലം, കാ​പ്പി, കു​രു​മു​ള​ക് കൃ​ഷി​ക​ളാ​ണു​ള്ള​ത്. ദു​ര​ന്ത​ത്തി​ൽ സ​ർ​വ​തും ന​ശി​ച്ച് ഉ​പ​ജീ​വ​ന​മാ​ർ​ഗം ഇ​ല്ലാ​താ​യ​വ​രു​ടെ പ്ര​തീ​ക്ഷ ഈ ​കൃ​ഷി​ക​ളി​ലാ​യി​രു​ന്നു. വേ​ന​ലാ​യ​തോ​ടെ ഏ​ല​ത്തി​ന് ന​ല്ല വെ​ള്ളം ന​ന​ക്ക​ൽ ആ​വ​ശ്യ​മാ​ണ്.

ഏ​പ്രി​ൽ വ​രെ മ​തി​യാ​യ അ​ള​വി​ൽ വെ​ള്ള​മൊ​ഴി​ച്ച് വ​ളം കൊ​ടു​ത്താ​ലേ വേ​ന​ൽ​ചൂ​ടി​നെ അ​തി​ജീ​വി​ച്ച് മേ​യ് മാ​സ​ത്തോ​ടെ കാ​യ്ക്കു​ക​യും ജൂ​ണി​ൽ വി​ള​വെ​ടു​പ്പ് ന​ട​ത്താ​നും ക​ഴി​യൂ. നി​ല​വി​ൽ കി​ലോ​ക്ക് 3200 രൂ​പ വ​രെ വി​ല​യു​ണ്ട്. കു​രു​മു​ള​ക് ജ​ല​സേ​ച​ന​ത്തി​നു​മു​ള്ള സ​മ​യ​മാ​ണി​പ്പോ​ൾ. എ​ന്നാ​ൽ വൈ​ദ്യു​തി ഇ​ല്ലാ​ത്ത​തി​നാ​ൽ കൃ​ഷി​ക​ൾ ന​ശി​ക്കു​ന്ന സ്ഥി​തി​യാ​ണ്.