നോമ്പുകഞ്ഞിയിൽ വിഷം കലർത്തി വയോധികയെ കൊന്ന കേസ്: കോടതിയിൽ പൊട്ടിക്കരഞ്ഞ് ഫസീല

മ​ണ്ണാ​ര്‍ക്കാ​ട്: പാലക്കാട് മണ്ണാർക്കാട് നോമ്പുകഞ്ഞിയിൽ വിഷം കലർത്തി നൽകി ഭർത്താവിന്‍റെ വല്യുമ്മയെ കൊലപ്പെടുത്തിയ കേസിൽ അന്തിമ വാദത്തിനിടെ പ്രതി ഫസീല കോടതിയിൽ പൊട്ടിക്കരഞ്ഞു. മകനുള്ളതിനാൽ ശിക്ഷ ഒഴിവാക്കണമെന്ന് ഒന്നാം പ്രതിയായ ക​ണ്ട​മം​ഗ​ലം സ്വ​ദേ​ശി​നി ഫ​സീ​ല (27) ആവശ്യപ്പെട്ടു. ക​രി​മ്പു​ഴ തോ​ട്ട​ര​യി​ലെ ഈ​ങ്ങാ​ക്കോ​ട്ടി​ല്‍ മ​മ്മി​യു​ടെ ഭാ​ര്യ ന​ബീ​സ​യെ (71) ആണ് കൊലപ്പെടുത്തിയത്. ന​ബീ​സ​യു​ടെ മ​ക​ളു​ടെ മ​ക​ൻ ക​രി​മ്പു​ഴ തോ​ട്ട​ര പ​ടി​ഞ്ഞാ​റേ​തി​ല്‍ വീ​ട്ടി​ല്‍ ബ​ഷീ​ര്‍ (33) ആണ് രണ്ടാം പ്രതി.

ഭ​ര്‍ത്താ​വി​ന്റെ പി​താ​വി​ന് മെ​ത്തോ​മൈ​ന്‍ എ​ന്ന വി​ഷ​പ​ദാ​ര്‍ഥം ന​ല്‍കി കൊ​ല​പ്പെ​ടു​ത്താ​ന്‍ ശ്ര​മി​ച്ച കേ​സി​ല്‍ ഫ​സീ​ല നേ​ര​ത്തേ ശി​ക്ഷ അ​നു​ഭ​വി​ച്ചി​ട്ടു​ണ്ട്. തൃപ്പുണ്ണിത്തറയിൽ പർദ ധരിച്ചെത്തി മുളകുപൊടി സ്പ്രേ ചെയ്ത് പണവും ആഭരണവും കവർന്ന കേസിലും, 2018 ൽ കല്ലേക്കാട് ബ്ലോക്കോഫീസിനു സമീപത്തെ ഫ്ലാറ്റിൽ നിന്ന് സ്വർണം കവർന്ന കേസിലും ഫസീല പ്രതിയാണ്.

പാപങ്ങൾ പൊറുക്കാൻ വേണ്ടി പ്രാർത്ഥിക്കുന്ന റമദാൻ മാസത്തിലാണ് പ്രതികൾ അതിക്രൂരമായ കൊലപാതകം നടത്തിയത്. നബീസ കൊല്ലപ്പെട്ടത് അതിക്രൂരമായിട്ടാണെന്നും പ്രതികൾക്ക് വധശിക്ഷ നൽകണമെന്നും പ്രോസിക്യൂഷൻ ആവശ്യപ്പെട്ടു.

സ്വ​ത്ത് ത​ട്ടി​യെ​ടു​ക്കാ​നാണ് പേരമകൻ ബഷീറും ഭാര്യയും ചേർന്ന് നബീസയെ കൊലപ്പെടുത്തിയത്. കൊ​ല​പാ​ത​ക​ത്തി​ന് നാ​ലു ദി​വ​സം മു​മ്പ് നബീസയെ ബ​ഷീ​ര്‍ മ​ണ്ണാ​ർ​ക്കാ​ട്ടെ ത​ന്റെ വീ​ട്ടി​ലേ​ക്ക് കൊ​ണ്ടു​വ​ന്നു. രാത്രി നോമ്പുകഞ്ഞിയിൽ ചി​ത​ലി​നു​ള്ള മ​രു​ന്ന് ചേ​ര്‍ത്ത് ന​ബീ​സ​ക്ക് ക​ഴി​ക്കാ​ന്‍ ന​ല്‍കി. എ​ന്നാ​ൽ, ആ​രോ​ഗ്യ​പ്ര​ശ്ന​ങ്ങ​ളി​ല്ലെ​ന്ന് മ​ന​സ്സി​ലാ​ക്കി​യ​തോ​ടെ ബ​ലം​പ്ര​യോ​ഗി​ച്ച്‌ വാ​യി​ലേ​ക്ക് വി​ഷം ഒ​ഴി​ച്ചു. മൃ​ത​ദേ​ഹം ഒ​രു ദി​വ​സം വീ​ട്ടി​ല്‍ സൂ​ക്ഷി​ച്ചു. ബ​ഷീ​റും ഫ​സീ​ല​യും ആ​ത്മ​ഹ​ത്യ​ക്കു​റി​പ്പ് തയാറാക്കി 2016 ജൂ​ണ്‍ 24ന് ന​ബീ​സ​യു​ടെ മൃ​ത​ദേ​ഹം ആ​ര്യ​മ്പാ​വ് - ഒ​റ്റ​പ്പാ​ലം റോ​ഡി​ല്‍ നാ​യാ​ടി​പ്പാ​റ​ക്കു സ​മീ​പം റോ​ഡ​രി​കി​ല്‍ ഉപേക്ഷിച്ചു. എ​ഴു​ത്തും വാ​യ​ന​യു​മ​റി​യാ​ത്ത ന​ബീ​സ​യു​ടെ സ​ഞ്ചി​യി​ല്‍നി​ന്ന് ക​ണ്ടെ​ടു​ത്ത ഈ ആ​ത്മ​ഹ​ത്യ​ക്കു​റി​പ്പാ​ണ് അ​ന്വേ​ഷ​ണ​ത്തി​ല്‍ വ​ഴി​ത്തി​രി​വാ​യ​ത്.