മുൻ എ.ഡി.എം കെ. നവീൻ ബാബുവിന്റെ മരണം: കുറ്റപത്രം ഉടൻ

ക​ണ്ണൂ​ർ: മു​ൻ എ.​ഡി.​എം കെ. ​ന​വീ​ൻ ബാ​ബു​വി​ന്റെ മ​ര​ണം സി.​ബി.​ഐ അ​ന്വേ​ഷി​ക്ക​ണ​മെ​ന്ന ആ​വ​ശ്യം ഹൈ​കോ​ട​തി ഡി​വി​ഷ​ൻ ബെ​ഞ്ചും ത​ള്ളി​യ​തോ​ടെ കേ​സി​ൽ കു​റ്റ​പ​ത്രം ന​ൽ​കാ​നു​ള്ള തി​ര​ക്കി​ട്ട നീ​ക്ക​വു​മാ​യി പ്ര​ത്യേ​ക അ​ന്വേ​ഷ​ണ സം​ഘം. ഒ​രാ​ഴ്ച​ക്ക​കം കു​റ്റ​പ​ത്രം സ​മ​ർ​പ്പി​ക്കാ​നു​ള്ള ശ്ര​മ​ങ്ങ​ളാ​ണ് പു​രോ​ഗ​മി​ക്കു​ന്ന​ത്. ന​വീ​ൻ ബാ​ബു മ​രി​ച്ചി​ട്ട് അ​ഞ്ചു​മാ​സം പൂ​ർ​ത്തി​യാ​വാ​ൻ ദി​വ​സ​ങ്ങ​ൾ മാ​ത്രം ശേ​ഷി​ക്കെ, കു​റ്റ​പ​ത്രം സ​മ​ർ​പ്പി​ക്കു​ന്ന​ത് ഇ​നി​യും നീ​ട്ടി​ക്കൊ​ണ്ടു​പോ​കേ​ണ്ട എ​ന്ന നി​ല​പാ​ടി​ലാ​ണ് അ​ന്വേ​ഷ​ണ സം​ഘം.

എ.​ഡി.​എ​മ്മി​ന്റെ മ​ര​ണം ആ​ത്മ​ഹ​ത്യ​യെ​ന്ന നി​ല​ക്കു​ത​ന്നെ​യാ​ണ് അ​ന്വേ​ഷ​ണ ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്. കേ​സി​ലെ ഏ​ക പ്ര​തി​യാ​യ ക​ണ്ണൂ​ർ ജി​ല്ല പ​ഞ്ചാ​യ​ത്ത് മു​ൻ പ്ര​സി​ഡ​ന്റ് പി.​പി. ദി​വ്യ​ക്കെ​തി​രെ ആ​ത്മ​ഹ​ത്യാ പ്രേ​ര​ണ കേ​സാ​ണ് ചു​മ​ത്തി​യ​ത്. എ.​ഡി.​എ​മ്മി​നെ കൊ​ല​പ്പെ​ടു​ത്തി കെ​ട്ടി​ത്തൂ​ക്കി​യെ​ന്ന കു​ടും​ബ​ത്തി​ന്റെ ആ​രോ​പ​ണ​ങ്ങ​ൾ ത​ള്ളു​ന്ന കാ​ര്യ​ങ്ങ​ളാ​ണ് കു​റ്റ​പ​ത്ര​ത്തി​ലു​ള്ള​തെ​ന്നാ​ണ് സൂ​ച​ന.

ക​ണ്ണൂ​ർ എ.​ഡി.​എ​മ്മാ​യി​രി​ക്കെ ക​ഴി​ഞ്ഞ​വ​ർ​ഷം ഒ​ക്ടോ​ബ​ർ 15നാ​ണ് ന​വീ​ൻ ബാ​ബു​വി​നെ പ​ള്ളി​ക്കു​ന്നി​ലെ താ​മ​സ​സ്ഥ​ല​ത്ത് തൂ​ങ്ങി​മ​രി​ച്ച നി​ല​യി​ൽ ക​ണ്ട​ത്. മൂ​ന്നു​മാ​സ​ത്തി​ന​കം കു​റ്റ​പ​ത്രം സ​മ​ർ​പ്പി​ക്കു​ക​യെ​ന്ന നി​ല​ക്കാ​ണ് അ​ന്വേ​ഷ​ണ സം​ഘം മു​ന്നോ​ട്ടു​പോ​യ​ത്. അ​തി​നി​ടെ​യാ​ണ് കേ​സി​ൽ സി.​ബി.​ഐ അ​ന്വേ​ഷ​ണം ആ​വ​ശ്യ​പ്പെ​ട്ട് ന​വീ​​ൻ ബാ​ബു​വി​ന്റെ ഭാ​ര്യ മ​ഞ്ജു​ഷ ഹൈ​കോ​ട​തി​യെ സ​മീ​പി​ച്ച​ത്. കേ​സ് ഡ​യ​റി ഉ​ൾ​പ്പ​ടെ​യു​ള്ള വി​ശ​ദ റി​പ്പോ​ർ​ട്ട് ഹാ​ജ​രാ​ക്കാ​ൻ കോ​ട​തി നി​​ർ​ദേ​ശി​ച്ച​തോ​ടെ കു​റ്റ​പ​ത്രം ന​ൽ​കു​ന്ന ന​ട​പ​ടി​ക​ൾ നി​ർ​ത്തി​വെ​ച്ചു. സി.​ബി.​ഐ അ​ന്വേ​ഷ​ണ ആ​വ​ശ്യം സിം​ഗി​ൾ ബെ​ഞ്ച് ത​ള്ളി​യെ​ങ്കി​ലും ഡി​വി​ഷ​ൻ ബെ​ഞ്ചി​ൽ അ​പ്പീ​ൽ സ​മ​ർ​പ്പി​ച്ച​തോ​ടെ കു​റ്റ​പ​ത്രം സ​മ​ർ​പ്പി​ക്കു​ന്ന​ത് വീ​ണ്ടും ത​ട​സ്സ​പ്പെ​ട്ടു. ക​ണ്ണൂ​ർ ഡി.​ഐ.​ജി​യു​ടെ മേ​ൽ​നോ​ട്ട​ത്തി​ൽ സി​റ്റി പൊ​ലീ​സ് ക​മീ​ഷ​ണ​ർ, ടൗ​ൺ എ​സ്.​എ​ച്ച്.​ഒ എ​ന്നി​വ​രു​ൾ​പ്പെ​ടു​ന്ന ഏ​ഴം​ഗ സം​ഘ​മാ​ണ് കേ​സ​ന്വേ​ഷി​ക്കു​ന്ന​ത്.