'മാധ്യമം' മുൻ റെസിഡന്‍റ് മാനേജർ വി.കെ. അലി നിര്യാതനായി
text_fields
ഇടപ്പള്ളി (എറണാകുളം): ഇടപ്പള്ളി നോർത്ത് കുന്നുംപുറത്ത് വലിയവീട്ടിൽ പരേതനായ കുഞ്ഞുമുഹമ്മദിന്‍റെ മകൻ വി.കെ. അലി (64) നിര്യാതനായി. 'മാധ്യമം' കോട്ടയം, തൃശൂർ യൂനിറ്റുകളിൽ റെസിഡന്‍റ് മാനേജരായി സേവനമനുഷ്ഠിച്ചിട്ടുണ്ട്.
എറണാകുളം ഗ്രാന്‍റ് മസ്ജിദ് സെക്രട്ടറി, വെൽഫെയർ പാർട്ടി എറണാകുളം മണ്ഡലം പ്രസിഡന്‍റ്, ജമാഅത്തെ ഇസ്ലാമി കൊച്ചി സിറ്റി സമിതി അംഗം, ഇടപ്പള്ളി പ്രാദേശിക അമീർ, എറണാകുളം ഇസ്ലാമിക് സെന്‍റർ ട്രസ്റ്റ് അംഗം, ഇടപ്പള്ളി ധർമധാര ചാരിറ്റബിൾ ട്രസ്റ്റ് ചെയർമാൻ, വട്ടേക്കുന്നം ട്രൂപാത്ത് ചാരിറ്റബിൾ ട്രസ്റ്റ് വൈസ് ചെയർമാൻ തുടങ്ങിയ സ്ഥാനങ്ങൾ വഹിച്ചിരുന്നു.
മാതാവ്: പരേതയായ ഫാത്തിമ. ഭാര്യ: ഒ.എ. സുലൈഖ (ജമാഅത്തെ ഇസ്ലാമി വനിത വിഭാഗം മുൻ സംസ്ഥാന സമിതി അംഗം). മക്കൾ: ഡോ. അഹ്സന അലി, സന അലി, സ്വലീൽ ഫലാഹി. മരുമക്കൾ: സിദ്ദീഖ് അലി, ഡോ. മുഹമ്മദ് ഷാൻ, ഡോ. ഫഹ്മിദ യൂസുഫ്. ഖബറടക്കം വെള്ളിയാഴ്ച രാവിലെ എട്ടിന് ഇടപ്പള്ളി ജുമാമസ്ജിദ് ഖബർസ്ഥാനിൽ.
