മുനമ്പം കമീഷൻ: ജീവനക്കാർക്ക്​ ശമ്പളവും ആനുകൂല്യങ്ങളും നൽകാതെ സർക്കാർ;ചെ​ല​വാ​ക്കി​യ​ത്​ 60,000 രൂ​പ കെ​ട്ടി​ട വാ​ട​ക​മാ​ത്രം

കോ​ട്ട​യം: മു​ന​മ്പം ഭൂ​പ്ര​ശ്നം പ​രി​ശോ​ധി​ച്ച് പ​രി​ഹാ​രം നി​ർ​ദേ​ശി​ക്കാ​ൻ ക​മീ​ഷ​നെ​വെ​ച്ച് റി​പ്പോ​ർ​ട്ട് വാ​ങ്ങി​യ സ​ർ​ക്കാ​ർ പ​ക്ഷേ, ക​മീ​ഷ​ന്‍റെ പ്ര​വ​ർ​ത്ത​ന​ങ്ങ​ൾ​ക്കാ​യി ചെ​ല​വാ​യ തു​ക​യും ജീ​വ​ന​ക്കാ​രു​ടെ ആ​നു​കൂ​ല്യ​ങ്ങ​ളും ന​ൽ​കി​യി​ല്ല! ആ​കെ 60,000 രൂ​പ​യാ​ണ്​ സ​ർ​ക്കാ​ർ ഇ​തു​വ​രെ ചെ​ല​വാ​ക്കി​യ​ത്. അ​താ​ക​ട്ടെ ക​മീ​ഷ​ന്‍റെ ഓ​ഫി​സ് കെ​ട്ടി​ട​ത്തി​ന്‍റെ വാ​ട​ക​യാ​ണ്. എ​ന്നാ​ൽ, ഓ​ഫി​സി​ന്‍റെ പ്ര​വ​ർ​ത്ത​ന​ച്ചെ​ല​വ്, ജീ​വ​ന​ക്കാ​രു​ടെ യാ​ത്ര​ക​ൾ, സി​റ്റി​ങ്ങു​ക​ൾ, ഭ​ക്ഷ​ണം, മ​റ്റ് ആ​നു​കൂ​ല്യ​ങ്ങ​ൾ എ​ന്നി​വ​യു​ടെ തു​ക​യാ​ണ്​ അ​നു​വ​ദി​ക്കാ​ത്ത​ത്.

ഹൈ​കോ​ട​തി അ​ഭി​ഭാ​ഷ​ക​നാ​യ അ​ഡ്വ. കു​ള​ത്തൂ​ർ ജ​യ്‌​സി​ങ് ചീ​ഫ് സെ​ക്ര​ട്ട​റി ഓ​ഫി​സി​ന് ന​ൽ​കി​യ വി​വ​രാ​വ​കാ​ശ അ​പേ​ക്ഷ​പ്ര​കാ​രം ല​ഭി​ച്ച​താ​ണ്​ ഈ ​വി​വ​ര​ങ്ങ​ൾ. ക​മീ​ഷ​നി​ൽ പ്ര​വ​ർ​ത്തി​ച്ച​വ​ർ​ക്ക് ശ​മ്പ​ളം ന​ൽ​കാ​ൻ ഉ​ത്ത​ര​വു​ണ്ടെ​ങ്കി​ലും സാ​ങ്കേ​തി​ക​പ്ര​ശ്നം മൂ​ലം ന​ൽ​കി​യി​ട്ടി​ല്ലെ​ന്ന് സ​ർ​ക്കാ​ർ വ്യ​ക്ത​മാ​ക്കു​ന്നു. എ​ന്നാ​ൽ, സാ​ങ്കേ​തി​ക​പ്ര​ശ്നം എ​ന്താ​ണെ​ന്ന് വ്യ​ക്ത​മാ​ക്കി​യി​ട്ടി​ല്ല.

സി​റ്റി​ങ്ങി​നും യാ​ത്രാ​ബ​ത്ത​ക്കും ഇ​തു​വ​രെ തു​ക അ​നു​വ​ദി​ച്ചി​ട്ടി​ല്ല. ഹൈ​കോ​ട​തി റി​ട്ട. ജ​സ്റ്റി​സ് രാ​മ​ച​ന്ദ്ര​ൻ നാ​യ​രെ ക​ഴി​ഞ്ഞ​വ​ർ​ഷം ന​വം​ബ​ർ 27നാ​ണ്​ ക​മീ​ഷ​നാ​യി നി​യോ​ഗി​ച്ച​ത്. മേ​യ് അ​വ​സാ​നം മു​ഖ്യ​മ​ന്ത്രി​ക്ക്​ റി​പ്പോ​ർ​ട്ട് സ​മ​ർ​പ്പി​ച്ചു. മേ​യ്​ 17ന് ​ക​മീ​ഷ​ൻ സി​റ്റി​ങ്ങി​നും യാ​ത്ര​ക്കു​മു​ള്ള പ​ണം അ​നു​വ​ദി​ക്കാ​ൻ സ​ർ​ക്കാ​ർ ഉ​ത്ത​ര​വു​മി​ട്ടു. ക​മീ​ഷ​ൻ ജ​സ്റ്റി​സ് രാ​മ​ച​ന്ദ്ര​ൻ നാ​യ​ർ ശ​മ്പ​ളം വാ​ങ്ങി​യി​ട്ടി​ല്ല. എ​ന്നാ​ൽ, ക​മീ​ഷ​നു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ച്ച​വ​ർ​ക്കു​ള്ള ശ​മ്പ​ള​വും ആ​നു​കൂ​ല്യ​ങ്ങ​ളു​മാ​ണ്​ സ​ർ​ക്കാ​ർ ന​ൽ​കാ​ത്ത​ത്. വി​വി​ധ ദി​വ​സ​ങ്ങ​ളി​ൽ സി​റ്റി​ങ് ന​ട​ത്തി വ​ഖ​ഫ് ബോ​ർ​ഡി​ന്‍റെ​യും സ​മ​രം ചെ​യ്യു​ന്ന​വ​രു​ടെ​യും ഉ​ൾ​പ്പെ​ടെ മൊ​ഴി​യെ​ടു​ത്ത ശേ​ഷ​മാ​ണ് ക​മീ​ഷ​ൻ 70 പേ​ജു​ള്ള റി​പ്പോ​ർ​ട്ട് സ​മ​ർ​പ്പി​ച്ച​ത്.