ചരക്ക് കപ്പൽ മുങ്ങിയ സംഭവം; കണ്ടെയ്നറുകൾ പുറത്തെടുക്കൽ വലിയ കടമ്പ

കൊ​ച്ചി: കേ​ര​ള തീ​ര​ത്ത് മു​ങ്ങി​യ എം.​എ​സ്.​സി എ​ൽ​സ-3 ക​പ്പ​ലി​ലെ ക​ണ്ടെ​യ്ന​റു​ക​ൾ വീ​ണ്ടെ​ടു​ക്ക​ൽ ശ്ര​മ​ക​ര​മാ​യ ദൗ​ത്യ​മെ​ന്ന് വി​ദ​ഗ്ധ​ർ. വ​ലി​യ സാ​മ്പ​ത്തി​ക ചെ​ല​വ്​ ആ​വ​ശ്യ​മാ​യ​തി​നാ​ൽ കൃ​ത്യ​മാ​യി വി​ശ​ക​ല​നം ന​ട​ത്തി​യ ശേ​ഷ​മാ​യി​രി​ക്കും ക​ണ്ടെ​യ്ന​റു​ക​ൾ ഉ​യ​ർ​ത്തു​ന്ന​തി​നു​ള്ള പ്ര​വ​ർ​ത്ത​നം ന​ട​ത്തു​ക. ക​പ്പ​ലി​ന്‍റെ ഇ​ൻ​ഷു​റ​ൻ​സ് ക​മ്പ​നി​വ​രെ ഉ​ൾ​പ്പെ​ടു​ന്ന കാ​ര്യ​ങ്ങ​ളാ​ണി​ത്.

കാ​ലാ​വ​സ്ഥ അ​നു​കൂ​ല​മാ​കു​ക​യെ​ന്ന​താ​ണ് വീ​ണ്ടെ​ടു​ക്ക​ൽ പ്ര​വ​ർ​ത്ത​ന​ത്തി​ന്‍റെ ഒ​രു പ്ര​ധാ​ന ക​ട​മ്പ. ഒ​രു​പ​ക്ഷേ, ദീ​ർ​ഘ​കാ​ല പ്ര​ക്രി​യ​യി​ലൂ​ടെ​യാ​യി​രി​ക്കും ന​ട​പ​ടി​ക​ൾ പൂ​ർ​ത്തീ​ക​രി​ക്കാ​നാ​കു​ക. ക​പ്പ​ൽ ക​മ്പ​നി​യു​മാ​യി ബ​ന്ധ​പ്പെ​ട്ട വി​ദ​ഗ്ധ​ർ ഇ​തി​ന്‍റെ പ്ര​വ​ർ​ത്ത​ന​ങ്ങ​ൾ ഉ​ട​ൻ ആ​രം​ഭി​ക്കും. ഇ​തി​ന് ഷി​പ്പി​ങ് ഡ​യ​റ​ക്ട​ർ ജ​ന​റ​ലി​ന്‍റെ അ​നു​മ​തി ആ​വ​ശ്യ​മാ​ണ്. ഇ​ത് ല​ഭി​ച്ചാ​ൽ ക​പ്പ​ൽ ക​മ്പ​നി അ​ധി​കൃ​ത​രാ​യി​രി​ക്കും ന​ട​പ​ടി​ക​ൾ തു​ട​ങ്ങു​ക. തു​റ​മു​ഖ അ​തോ​റി​റ്റി, കോ​സ്റ്റ് ഗാ​ർ​ഡ്, പാ​രി​സ്ഥി​തി​കാ​നു​മ​തി ആ​വ​ശ്യ​മാ​ണെ​ങ്കി​ൽ പ​രി​സ്ഥി​തി മ​ന്ത്രാ​ല​യം എ​ന്നി​വി​ട​ങ്ങ​ളി​ൽ നി​ന്നൊ​ക്കെ​യു​ള്ള അ​നു​മ​തി​ക​ളും ആ​വ​ശ്യ​മാ​ണ്.

ഏ​തു​ത​ര​ത്തി​ലു​ള്ള ന​ട​പ​ടി​ക്ര​മ​ങ്ങ​ളാ​ണ് അ​വ​ലം​ബി​ക്കു​ന്ന​ത്, ഉ​പ​ക​ര​ണ​ങ്ങ​ളു​ടെ വി​വ​ര​ങ്ങ​ൾ, സു​ര​ക്ഷ മു​ൻ​ക​രു​ത​ൽ എ​ന്നി​വ​യൊ​ക്കെ ക​പ്പ​ൽ ക​മ്പ​നി​യോ വീ​ണ്ടെ​ടു​ക്ക​ൽ പ്ര​വ​ർ​ത്ത​നം ഏ​കോ​പി​പ്പി​ക്കു​ന്ന​വ​രോ ഷി​പ്പി​ങ് ഡ​യ​റ​ക്ട​ർ ജ​ന​റ​ൽ മു​മ്പാ​കെ വ്യ​ക്ത​മാ​ക്കി​യി​രി​ക്ക​ണം. ഡി.​ജി ഷി​പ്പി​ങ് സാ​ങ്കേ​തി​ക​വി​ഭാ​ഗം, തു​റ​മു​ഖ വി​ഭാ​ഗം, കോ​സ്റ്റ് ഗാ​ർ​ഡ് എ​ന്നി​വ​രു​ടെ പ​രി​ശോ​ധ​ന​ക​ളു​മു​ണ്ടാ​കും. പ്രാ​ഥ​മി​ക വി​വ​ര​ശേ​ഖ​ര​ണം, സൈ​റ്റ് അ​വ​ലോ​ക​നം, സു​ര​ക്ഷ വി​ല​യി​രു​ത്ത​ൽ, പ്ലാ​നി​ങ് എ​ന്നി​ങ്ങ​നെ ന​ട​പ​ടി​ക്ര​മ​ങ്ങ​ളി​ലൂ​ടെ​യാ​ണ് ക​ണ്ടെ​യ്ന​റു​ക​ൾ ഉ​യ​ർ​ത്തു​ന്ന​തി​ലേ​ക്ക് എ​ത്തു​ക. വ​ലി​യ ക​പ്പ​ലു​ക​ളും ക്രെ​യി​നു​ക​ളു​മ​ട​ക്കം സാ​മ​ഗ്രി​ക​ളി​ലൂ​ടെ​യാ​ണ് ഇ​ത് സാ​ധ്യ​മാ​കു​ക. രാ​സ​വ​സ്തു​ക്ക​ൾ ചോ​ർ​ന്നി​ട്ടു​ണ്ടെ​ങ്കി​ൽ സ​മു​ദ്ര​ജീ​വി വൈ​വി​ധ്യ​ത്തെ ബാ​ധി​ക്കാ​ത്ത​വി​ധം നീ​ക്കം​ചെ​യ്യ​ലും ഇ​തി​ന്‍റെ ഭാ​ഗ​മാ​ണ്. പ്ര​വൃ​ത്തി​ക​ൾ പൂ​ർ​ത്തീ​ക​രി​ച്ച​ശേ​ഷം റി​പ്പോ​ർ​ട്ട് അ​ധി​കൃ​ത​ർ​ക്ക് സ​മ​ർ​പ്പി​ക്ക​ണം.

നി​ല​വി​ൽ അ​പ​ക​ടം ന​ട​ന്ന സ്ഥ​ല​ത്ത് എ​ണ്ണ​പ്പാ​ട കാ​ണു​ന്നു​ണ്ട്. നൂ​റോ​ളം ക​ണ്ടെ​യ്ന​റു​ക​ളാ​ണ് വേ​ർ​പെ​ട്ട് ഒ​ഴു​കി​ന​ട​ക്കു​ന്ന​ത്. ബാ​ക്കി​യു​ള്ള​വ ക​പ്പ​ലി​നൊ​പ്പം മു​ങ്ങി. ക​പ്പ​ലി​ന്‍റെ ഭാ​ഗ​ങ്ങ​ളോ ക​ണ്ടെ​യ്ന​റു​ക​ളോ ഇ​തു​വ​ഴി​യെ​ത്തു​ന്ന മ​റ്റ് ക​പ്പ​ലു​ക​ൾ​ക്ക് ത​ട​സ്സ​മോ അ​പ​ക​ട​മോ സൃ​ഷ്ടി​ക്കാ​തി​രി​ക്കാ​ൻ അ​ധി​കൃ​ത​ർ മു​ന്ന​റി​യി​പ്പ് ന​ൽ​കു​ന്നു​ണ്ട്.