പടിയിറങ്ങുന്നത് സംഘ്പരിവാറിനോട് കലഹിച്ച ചരിത്രകാരൻ

ക​ണ്ണൂ​ർ: വി.​സി പു​ന​ർ​നി​യ​മ​നം ​സു​പ്രീം​കോ​ട​തി റ​ദ്ദാ​ക്കി​യ​തോ​ടെ പ​ടി​യി​റ​ങ്ങു​ന്ന​ത് സം​ഘ്പ​രി​വാ​റി​ന് വ​ഴ​ങ്ങാ​ത്ത, ച​രി​ത്ര​ത്തി​ന്റെ കാ​വി​വ​ത്ക​ര​ണ​ത്തി​നെ​തി​രെ നി​ര​ന്ത​രം ക​ല​ഹി​ച്ച ച​രി​ത്ര​കാ​ര​ൻ.

മ​​ത​നി​ര​പേ​ക്ഷ​ത​യു​ടെ മു​ഖ​മാ​യ ഡോ. ​ഗോ​പി​നാ​ഥ് ര​വീ​ന്ദ്ര​ൻ പു​തി​യ ത​ല​മു​റ​യി​ലെ ശ്ര​ദ്ധേ​യ​നാ​യ സാ​മ്പ​ത്തി​ക ച​രി​ത്ര​കാ​ര​ന്മാ​രി​ൽ ഒ​രാ​ളാ​ണ്. ഇ​ന്ത്യ​ന്‍ കൗ​ൺ​സി​ൽ ഓ​ഫ് ഹി​സ്റ്റോ​റി​ക്ക​ൽ റി​സ​ർ​ച് (ഐ.​സി.​എ​ച്ച്.​ആ​ർ) മെം​ബ​ര്‍ സെ​ക്ര​ട്ട​റി​യാ​യി​രി​ക്കെ മോ​ദി സ​ർ​ക്കാ​റി​ന്റെ ച​രി​ത്ര കൗ​ണ്‍സി​ല്‍ പു​നഃ​സം​ഘ​ട​ന​യി​ലും കാ​വി​വ​ത്ക​ര​ണ​ത്തി​ലും പ്ര​തി​ഷേ​ധി​ച്ച് ആ ​സ്ഥാ​നം രാ​ജി​വെ​ച്ച​തോ​ടെ​യാ​ണ് അ​​ദ്ദേ​ഹം സം​ഘ്പ​രി​വാ​റി​ന്റെ ക​ണ്ണി​ലെ ക​ര​ടാ​യ​ത്.

2013 ഒ​ക്‌​ടോ​ബ​റി​ൽ യു.​പി.​എ സ​ര്‍ക്കാ​റാ​ണ് ച​രി​ത്ര കൗ​ണ്‍സി​ലി​ന്റെ മെം​ബ​ർ സെ​ക്ര​ട്ട​റി​യാ​യി ഗോ​പി​നാ​ഥ് ര​വീ​ന്ദ്ര​നെ നി​യ​മി​ച്ച​ത്. കൗ​ൺ​സി​ൽ ചെ​യ​ർ​പേ​ഴ്‌​സ​നും അം​ഗ​ങ്ങ​ളും അ​ട​ക്കം ച​രി​ത്ര​പ​ണ്ഡി​ത​രും ഗ​വേ​ഷ​ക​രും അ​ട​ങ്ങി​യ അ​സ്സ​ൽ പ്ര​ഫ​ഷ​ന​ൽ സം​ഘം. എ​ന്നാ​ൽ, ന​രേ​ന്ദ്ര മോ​ദി സ​ര്‍ക്കാ​ര്‍ അ​ധി​കാ​ര​ത്തി​ലെ​ത്തി​പ്പോ​ള്‍ ച​രി​ത്ര കൗ​ണ്‍സി​ല്‍ പു​നഃ​സം​ഘ​ടി​പ്പി​ക്കു​ക​യും പ്ര​ഫ. വൈ. ​സു​ദ​ർ​ശ​ൻ റാ​വു​വി​നെ ചെ​യ​ര്‍മാ​നാ​ക്കു​ക​യും ചെ​യ്തു.

മ​ധ്യ​കാ​ല​ഘ​ട്ട​ത്തി​ൽ ക്ഷേ​ത്ര​ങ്ങ​ൾ ന​ശി​പ്പി​ക്ക​പ്പെ​ടു​ക​യും പ​ള്ളി​ക​ൾ നി​ർ​മി​ക്കു​ക​യും ചെ​യ്ത​പ്പോ​ഴാ​ണ് സം​ഘ​ർ​ഷ​ങ്ങ​ളു​ണ്ടാ​യ​തെ​ന്ന റാ​വു​വി​ന്റെ വാ​ദ​ത്തെ​യും ച​രി​ത്ര​ത്തി​ന്റെ മ​ത​പ​ര​മാ​യ വ്യാ​ഖ്യാ​നം മു​ൻ​നി​ർ​ത്തി​യു​ള്ള പ്ര​വ​ർ​ത്ത​ന​ങ്ങ​ളെ​യും ഗോ​പി​നാ​ഥ് ര​വീ​ന്ദ്ര​ൻ വി​മ​ർ​ശി​ച്ചു. പു​തി​യ കൗ​ൺ​സി​ലി​ലേ​ക്ക് നാ​മ​നി​ർ​ദേ​ശം ചെ​യ്യാ​ൻ എ​ൻ.​ഡി.​എ സ​ർ​ക്കാ​ർ മൂ​ന്ന് മാ​സ​മെ​ടു​ത്തു.

പു​തി​യ കൗ​ൺ​സി​ലി​ൽ മൂ​ന്നോ നാ​ലോ പേ​രൊ​ഴി​കെ​യു​ള്ള 18 ച​രി​ത്ര​കാ​ര​ന്മാ​രും സം​ഘ്പ​രി​വാ​ർ മു​ഖ​ങ്ങ​ൾ. റൊ​മീ​ല ഥാ​പ്പ​റെ​യും ഇ​ർ​ഫാ​ൻ ഹ​ബീ​ബി​നെ​യും പോ​ലെ​യു​ള്ള ലോ​കം അം​ഗീ​ക​രി​ച്ച അ​ക്കാ​ദ​മി​ക് പ്ര​തി​ഭ​ക​ളെ ഒ​ഴി​വാ​ക്കി.

അ​ന്ധ​വി​ശ്വാ​സ​ങ്ങ​ളി​ൽ​നി​ന്ന് മു​ക്ത​മാ​യ ശാ​സ്ത്രീ​യ ച​രി​ത്ര​ര​ച​ന​യും മ​തേ​ത​ര​ത്വ​വും ഇ​ന്ത്യ​യു​ടെ ബ​ഹു​സ്വ​ര സ്വ​ത്വ​വും പ്രോ​ത്സാ​ഹി​പ്പി​ക്കു​ന്ന ഐ.​സി.​എ​ച്ച്.​ആ​റി​ന്റെ ഭ​ര​ണ​ഘ​ട​ന മാ​റ്റാ​നും കൗ​ൺ​സി​ലി​ന്റെ ജേ​ണ​ൽ സ​മി​തി​യെ പി​രി​ച്ചു​വി​ടാ​നും തു​ട​ങ്ങി​യ​തോ​ടെ വി​യോ​ജി​പ്പ് രേ​ഖ​പ്പെ​ടു​ത്തി ഗോ​പി​നാ​ഥ് ര​വീ​ന്ദ്ര​ൻ മെം​ബ​ർ സെ​ക്ര​ട്ട​റി സ്ഥാ​ന​മൊ​ഴി​ഞ്ഞു. ഐ.​സി.​എ​ച്ച്.​ആ​ർ ഫൗ​ണ്ടേ​ഷ​ൻ ദി​ന പ്ര​ഭാ​ഷ​ണ പ​രി​പാ​ടി​യി​ൽ അ​മേ​രി​ക്ക​ൻ വം​ശ​ജ​നും തീ​വ്ര വ​ല​തു​പ​ക്ഷ വേ​ദ​പ്ര​ചാ​ര​ക​നു​മാ​യ ഡേ​വി​ഡ് ഫ്ര​വ് ലി​യു​ടെ നി​ല​പാ​ടു​ക​ളോ​ട് വി​യോ​ജി​പ്പ് പ്ര​ക​ടി​പ്പി​ച്ച​തി​ന് അ​ദ്ദേ​ഹ​ത്തെ സം​ഘ്പ​രി​വാ​ർ അ​നു​കൂ​ലി​ക​ൾ വേ​ദി​യി​ൽ കൈ​യേ​റ്റം ചെ​യ്തി​രു​ന്നു.

സം​ഘ്പ​രി​വാ​ർ തി​ര​ഞ്ഞെ​ടു​ത്ത മി​ത്തു​ക​ളും ജ​ന​പ്രി​യ ഇ​തി​ഹാ​സ​ങ്ങ​ളും ച​രി​ത്ര​ത്തി​ന് പ​ക​രം​വെ​ക്കാ​ൻ ക​ഴി​യി​ല്ലെ​ന്നാ​യി​രു​ന്നു എ​ന്നും ഗോ​പി​നാ​ഥ് ര​വീ​ന്ദ്ര​ൻ എ​ന്ന ച​രി​ത്ര​കാ​ര​ന്റെ നി​ല​പാ​ട്.