ഒരു മരം വീണപ്പോൾ റെയിൽവേക്ക്​ നഷ്ടം 20 ലക്ഷം; പാളങ്ങൾക്കരികെ 6000 വൻമരങ്ങൾ

തി​രു​വ​ന​ന്ത​പു​രം:​ ട്രെ​യി​ൻ ഗ​താ​ഗ​ത​ത്തി​ന്​ ഭീ​ഷ​ണി​യാ​യി പാ​ള​ങ്ങ​ൾ​ക്ക്​ അ​രി​കി​ൽ സ്വ​കാ​ര്യ ഭൂ​മി​യി​ലു​ള്ള​ത്​ ആ​റാ​യി​ര​ത്തോ​ളം വ​ൻ​മ​ര​ങ്ങ​ൾ. മു​റി​ച്ചു​മാ​റ്റ​ണ​മെ​ന്ന്​ പ​ല​വ​ട്ടം ആ​വ​ശ്യ​പ്പെ​ട്ടി​ട്ടും ഉ​ട​മ​ക​ൾ ത​യാ​റാ​കാ​ത്ത സാ​ഹ​ച​ര്യ​ത്തി​ൽ ജി​ല്ല ഭ​ര​ണ​കൂ​ട​ങ്ങ​ളു​ടെ സ​ഹാ​യ​ത്തോ​ടെ ക​ർ​ശ​ന ന​ട​പ​ടി​ക്ക് റെ​യി​ൽ​വേ നീ​ക്കം.

കാ​ല​വ​ർ​ഷ​ത്തി​ന്​ മു​ന്നോ​ടി​യാ​യി തി​രു​വ​ന​ന്ത​പു​രം ഡി​വി​ഷ​ൻ ന​ട​ത്തി​യ പ്ര​ത്യേ​ക സ​ർ​വേ​യി​ൽ റെ​യി​ൽ​വേ ഭൂ​മി​യി​ലെ​യും സ​ർ​ക്കാ​ർ ഭൂ​മി​യി​ലെ​യും ഭീ​ഷ​ണി​യാ​യ മ​ര​ങ്ങ​ളു​ടെ പ​ട്ടി​ക ത​യാ​റാ​ക്കി​യി​രു​ന്നു. പി​ന്നാ​ലെ ട്രാ​ക്കി​ൽ​നി​ന്ന് അ​ഞ്ച്​ മീ​റ്റ​ർ പ​രി​ധി​യി​ലെ മ​ര​ങ്ങ​ൾ മു​റി​ച്ചു. പ​ണ​മി​ല്ലെ​ന്ന​റി​യി​ച്ച സ്വ​കാ​ര്യ ഉ​ട​മ​ക​ളു​ടെ മ​ര​ങ്ങ​ളും റെ​യി​ൽ​വേ മു​ൻ​കൈ​യെ​ടു​ത്ത് മു​റി​ച്ചു​നീ​ക്കി. എ​ന്നാ​ൽ, ട്രാ​ക്കി​ൽ​നി​ന്ന്​ അ​ഞ്ച്​ മീ​റ്റ​റി​ന് പു​റ​ത്തു​ള്ള 6000 മ​ര​ങ്ങ​ളു​ടെ കാ​ര്യ​ത്തി​ൽ ഉ​ട​മ​ക​ൾ നീ​ക്കു​പോ​ക്കി​ന് ത​യാ​റാ​കു​ന്നി​ല്ലെ​ന്നാ​ണ്​ റെ​യി​ൽ​വേ വി​ല​യി​രു​ത്ത​ൽ. ര​ണ്ട് മീ​റ്റ​ർ വ​രെ വ​ണ്ണ​മു​ള്ള മ​ര​ങ്ങ​ളാ​ണ് പ​ല​തും.

മ​രം വീ​ണ് ട്രെ​യി​ൻ ഗ​താ​ഗ​തം ത​ട​സ്സ​പ്പെ​ടു​ന്ന​ത് മൂ​ലം വ​ലി​യ ന​ഷ്ട​മാ​ണ് റെ​യി​ൽ​വേ​ക്കു​ണ്ടാ​കു​ന്ന​ത്. ഇ​ക്ക​ഴി​ഞ്ഞ 26ന് ​ഗു​രു​വാ​യൂ​ർ-​പൂ​ങ്കു​ന്നം സെ​ക്ഷ​നി​ൽ മ​രം വീ​ണ് ഗ​താ​ഗ​തം മു​ട​ങ്ങി​യ​തി​നെ​ത്തു​ട​ർ​ന്ന് 20 ല​ക്ഷം രൂ​പ​യു​ടെ ന​ഷ്ട​മു​ണ്ടാ​യെ​ന്നാ​ണ്​ റെ​യി​ൽ​വേ വി​ല​യി​രു​ത്ത​ൽ. വൈ​ദ്യു​തി ലൈ​നി​ലേ​ത​ട​ക്കം ത​ക​രാ​റ് പ​രി​ഹ​രി​ച്ച​തി​ലു​ള്ള ക​ണ​ക്കു​ക​ൾ കൂ​ടി ചേ​രു​മ്പോ​ൾ 20 ല​ക്ഷ​ത്തി​ന്റെ പ​ത്ത​ര ശ​ത​മാ​നം കൂ​ടി ചെ​ല​വ് വ​ർ​ധി​ക്കും. ഇ​ത് ഒ​രി​ട​ത്തെ മ​രം വീ​ഴ​ലി​ൽ മാ​ത്രം സം​ഭ​വി​ച്ച ന​ഷ്ട​മാ​ണ്.

ഒ​രാ​ഴ്ച​യ്ക്കി​ടെ തി​രു​വ​ന​ന്ത​പു​രം ഡി​വി​ഷ​നി​ൽ 20ലേ​റെ സ്ഥ​ല​ങ്ങ​ളി​ൽ മ​രം വീ​ണ് ഗ​താ​ഗ​തം ത​ട​സ്സ​പ്പെ​ട്ടു. പ്ര​ശ്നം ഗു​രു​ത​ര​മാ​കു​ന്ന സാ​ഹ​ച​ര്യ​ത്തി​ൽ വെ​ള്ളി​യാ​ഴ്ച റെ​യി​ൽ​വേ ഡി​വി​ഷ​നി​ൽ യോ​ഗം ചേ​ർ​ന്നു. ഓ​രോ അ​സി​സ്റ്റ​ൻ​റ് ഡി​വി​ഷ​ൻ എ​ൻ​ജി​നീ​യ​റും ത​ങ്ങ​ളു​ടെ പ​രി​ധി​യി​ലെ ക​ല​ക്ട​ർ​മാ​ർ​ക്ക് ക​ത്ത് ന​ൽ​കാ​നാ​ണ് തീ​രു​മാ​നം. നോ​ട്ടീ​സ് കൈ​പ്പ​റ്റാ​ത്ത​വ​രു​ടെ മ​ര​ങ്ങ​ളി​ൽ നോ​ട്ടീ​സ് പ​തി​ക്കും. പി​ന്നാ​ലെ ആ​ർ.​പി.​എ​ഫി​ന്റെ​യും പൊ​ലീ​സി​ന്‍റെ​യും സ​ഹാ​യ​ത്തോ​ടെ മ​ര​ങ്ങ​ൾ നീ​ക്കാ​ൻ ന​ട​പ​ടി സ്വീ​ക​രി​ക്കും.

പ്ര​വ​ഹി​ക്കു​ന്ന​ത്​ 25,000 വോ​ൾ​ട്ട്, വ​ലി​യ അ​പ​ക​ട​സാ​ധ്യ​ത

ഇ​ല​ക്​​ട്രി​ക് ലൈ​നു​ക​ളി​ൽ മ​ര​ങ്ങ​ൾ വീ​ണാ​ൽ ട്രെ​യി​ൻ ഗ​താ​ഗ​ത​ത​ട​സ്സം മാ​ത്ര​മ​ല്ല, വ​ലി​യ അ​പ​ക​ട​സാ​ധ്യ​ത​യും പ​തി​യി​രി​ക്കു​ന്നു​ണ്ട്. 25 കി​ലോ​വാ​ട്ട് (25,000 വോ​ൾ​ട്ട്) വൈ​ദ്യു​തി​യാ​ണ് പാ​ള​ങ്ങ​ൾ​ക്ക് മു​ക​ളി​ലെ വൈ​ദ്യു​തി ലൈ​നു​ക​ളി​ൽ​കൂ​ടി പ്ര​വ​ഹി​ക്കു​ന്ന​ത്. വീ​ടു​ക​ളി​ലെ​ത്തു​ന്ന​ത്​ 230 വോ​ൾ​ട്ട് മാ​ത്ര​മാ​ണ്. കെ.​എ​സ്.​ഇ.​ബി​യു​ടെ വി​ത​ര​ണ ലൈ​നു​ക​ളി​ൽ കൂ​ടി ക​ട​ന്നു​പോ​കു​ന്ന​ത് 11 കി​ലോ​വാ​ട്ടും.

റെ​യി​ൽ​വേ വൈ​ദ്യു​തി ലൈ​നി​ൽ സ്പ​ർ​ശി​ക്ക​ണ​മെ​ന്നി​ല്ല, മ​ര​ച്ചി​ല്ല​ക​ൾ ഇ​ല​ക്​​ട്രി​ക്​ ലൈ​നു​ക​ളു​ടെ ര​ണ്ട്​ മീ​റ്റ​ർ പ​രി​ധി​യി​ൽ വ​ന്നാ​ൽ പോ​ലും വൈ​ദ്യു​​താ​ഘാ​ത​മു​ണ്ടാ​കും. മ​ഴ​യു​ള്ള സാ​ഹ​ച​ര്യ​ങ്ങ​ളി​ൽ വി​ശേ​ഷി​ച്ച്. കാ​ല​വ​ർ​ഷ​ത്തോ​ടൊ​പ്പം മ​ണി​ക്കൂ​റി​ൽ 60 കി​ലോ​മീ​റ്റ​ർ വേ​ഗ​ത്തി​ലാ​ണ് കാ​റ്റ് വീ​ശു​ന്ന​ത്. ഈ ​അ​സാ​ധാ​ര​ണ സാ​ഹ​ച​ര്യം​കൂ​ടി ക​ണ​ക്കി​ലെ​ടു​ത്താ​ണ് ഇ​ത്ത​രം മ​ര​ങ്ങ​ൾ ഒ​രു​മാ​സ​ത്തി​നു​ള്ളി​ൽ നീ​ക്കം​ചെ​യ്യാ​ൻ റെ​യി​ൽ​വേ ത​യാ​റെ​ടു​ക്കു​ന്ന​ത്.