ക്രമക്കേടുകൾക്ക്​ മൂക്കുകയർ ലക്ഷ്യം​; സഹകരണ ടീം ഓഡിറ്റിന്​​ ഇടക്കാല സ്കീം പ്രാബല്യത്തിൽ

തി​രു​വ​ന​ന്ത​പു​രം: ക്ര​മ​ക്കേ​ടു​ക​ളി​ൽ​നി​ന്ന്​ മു​ക്​​ത​മാ​ക്കി സ​ഹ​ക​ര​ണ മേ​ഖ​ല​യെ നേ​ർ​വ​ഴി​ക്ക്​ ന​യി​ക്കാ​ൻ സ​ർ​ക്കാ​ർ ന​ട​പ്പാ​ക്കി​യ ടീം ​ഓ​ഡി​റ്റി​ന്‍റെ ഭാ​ഗ​മാ​യ ഇ​ട​ക്കാ​ല സ്​​കീം പ്രാ​ബ​ല്യ​ത്തി​ൽ. നി​ല​വി​ലു​ണ്ടാ​യി​രു​ന്ന ഓ​ഡി​റ്റ്​ രീ​തി പ​രി​ഷ്ക​രി​ച്ച്​ ടീം ​ഓ​ഡി​റ്റ്​ തീ​രു​മാ​നി​ച്ചെ​ങ്കി​ലും ഇ​ത്​ എ​ങ്ങ​നെ വേ​ണ​മെ​ന്ന ‘സ്കീം’ ​നി​ശ്ച​യി​ച്ച്​ ഉ​ത്ത​ര​വി​റ​ക്കി​യി​രു​ന്നി​ല്ല. ഇ​ത്​ ഓ​ഡി​റ്റി​ങ്ങി​ൽ പ്ര​തി​സ​ന്ധി സൃ​ഷ്ടി​ച്ചി​രു​ന്നു. ഇ​തു​മാ​യി ബ​ന്ധ​പ്പെ​ട്ട്​ പ്ര​തി​ഷേ​ധം ഉ​യ​ർ​ന്ന സാ​ഹ​ച​ര്യ​ത്തി​ലാ​ണ്​ ഇ​ട​ക്കാ​ല സ്കീം ​അം​ഗീ​ക​രി​ച്ച്​ ഉ​ത്ത​ര​വി​റ​ങ്ങി​യ​ത്.

ഓ​ഡി​റ്റ് സം​ഘ​ത്തി​ന്‍റെ രൂ​പ​വ​ത്ക​ര​ണം, ഘ​ട​ന, ഓ​ഡി​റ്റ് രീ​തി, റി​പ്പോ​ർ​ട്ടി​ന്റെ ഘ​ട​ന, ചെ​ല​വ് എ​ന്നി​വ ഉ​ൾ​പ്പെ​ടു​ത്തി സ​ർ​ക്കാ​ർ അം​ഗീ​ക​രി​ക്കു​ന്ന സ്‌​കീം പ്ര​കാ​ര​മാ​യി​രി​ക്ക​ണം ഓ​ഡി​റ്റ് ഡ​യ​റ​ക്ട​ർ ടീ​മി​നെ നി​യോ​ഗി​ക്കേ​ണ്ട​ത്. ഇ​ട​ക്കാ​ല സ്കീം ​പ്ര​ഖ്യാ​പി​ച്ച​തോ​ടെ ഇ​തു​സം​ബ​ന്ധി​ച്ച അ​വ്യ​ക്​​ത​ത​ക​ൾ​ക്ക്​ പ​രി​ഹാ​ര​മാ​യി. വി​ശ​ദ​മാ​യ ‘ടീം ​ഓ​ഡി​റ്റ്​ പ​ദ്ധ​തി’ ആ​വി​ഷ്ക​രി​ക്കു​ന്ന​തു​വ​രെ നി​ല​വി​ലെ ടീം ​ഓ​ഡി​റ്റ്​ സു​ഗ​മ​മാ​യി തു​ട​രു​ന്ന​തി​നാ​ണ്​ ഇ​ട​ക്കാ​ല സ്​​കീം അം​ഗീ​ക​രി​ച്ച​തെ​ന്ന്​ സ​ഹ​ക​ര​ണ വ​കു​പ്പ്​ വ്യ​ക്​​ത​മാ​ക്കു​ന്നു.

അ​തേ​സ​മ​യം, ടീം ​ഓ​ഡി​റ്റ്​ കാ​ര്യ​ക്ഷ​മ​മാ​യി ന​ട​ത്താ​ൻ നൂ​റോ​ളം അ​ധി​ക ത​സ്തി​ക വേ​ണ​മെ​ങ്കി​ലും ഇ​ക്കാ​ര്യം ഉ​ത്ത​ര​വി​ൽ പ​രാ​മ​ർ​ശി​ക്കു​ന്നി​ല്ല. മാ​ത്ര​മ​ല്ല, ടീം ​ഓ​ഡി​റ്റ്​ ന​ട​പ്പാ​ക്കു​മ്പോ​ൾ പു​തി​യ ത​സ്​​തി​ക സൃ​ഷ്ടി​ക്കാ​തെ​യും സ​ർ​ക്കാ​റി​ന് സാ​മ്പ​ത്തി​ക ബാ​ധ്യ​ത വ​രു​ത്താ​തെ​യും നോ​ക്ക​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. സം​ഘ​ങ്ങ​ളു​ടെ തീ​രു​മാ​ന​മി​ല്ലെ​ങ്കി​ലും​ അ​നു​യോ​ജ്യ​മാ​യ ടീ​മി​നെ പ​രി​ശോ​ധ​ന​ക്ക്​ നി​​യോ​ഗി​ക്കാ​ൻ ഓ​ഡി​റ്റ്​ ഡ​യ​റ​ക്ട​ർ​ക്ക്​ ഇ​ട​ക്കാ​ല സ്കീം ​അ​ധി​കാ​രം ന​ൽ​കു​ന്നു. ഗ്രൂ​പ്പി​നെ നി​ശ്ച​യി​ച്ചാ​ൽ ബ​ന്ധ​​പ്പെ​ട്ട സ്ഥാ​പ​ന​ങ്ങ​ൾ ടീ​മി​ന്‍റെ പ്ര​വ​ർ​ത്ത​ന ചെ​ല​വ്​ മു​ൻ​കൂ​റാ​യി അ​ട​ക്ക​ണം.

ഡെ​പ്യൂ​ട്ടി ഡ​യ​റ​ക്ട​ർ ടീം, ​അ​സി. ​ഡ​യ​റ​ക്ട​ർ ടീം, ​സ്പെ​ഷ​ൽ ഗ്രേ​ഡ്​/​സീ​നി​യ​ർ ഓ​ഡി​റ്റ​ർ ടീം, ​യൂ​നി​റ്റ്​ ഓ​ഡി​റ്റ​ർ ടീം ​എ​ന്നി​ങ്ങ​നെ നാ​ല്​ ത​രം പ​രി​​ശോ​ധ​ന​യാ​ണ്​​ നി​ശ്ച​യി​ച്ചി​ട്ടു​ള്ള​ത്. ഓ​രോ ഘ​ട​ക​വും ന​ട​ത്തേ​ണ്ട പ​രി​ശോ​ധ​ന​ക​ളു​ടെ രീ​തി​യും എ​ണ്ണ​വും നി​ർ​വ​ചി​ച്ചി​ട്ടു​ണ്ട്. നി​ല​വി​ൽ ഒ​രു ഓ​ഡി​റ്റ​ർ 36 മു​ത​ൽ 48 വ​രെ സം​ഘ​ങ്ങ​ളു​ടെ ഓ​ഡി​റ്റാ​ണ്​ പ്ര​തി​വ​ർ​ഷം പൂ​ർ​ത്തി​യാ​ക്കു​ന്ന​ത്. യൂ​നി​റ്റ്​ ഓ​ഡി​റ്റ്​ ടീം ​ഓ​ഡി​റ്റി​ലേ​ക്ക്​ മാ​റി​യ​തോ​ടെ മൂ​ന്ന്​ ഓ​ഡി​റ്റ​ർ​മാ​ർ അ​ട​ങ്ങി​യ ഒ​രു ടീം ​ആ​കെ 92 സം​ഘ​ങ്ങ​ളു​ടെ ഓ​ഡി​റ്റാ​വും പ്ര​തി​വ​ർ​ഷം നി​ർ​വ​ഹി​ക്കു​ക. ഇ​തു​മൂ​ലം ഓ​ഡി​റ്റി​ന്‍റെ ഗു​ണ​മേ​ന്മ വ​ർ​ധി​ക്കു​മെ​ന്നാ​ണ്​ വി​ല​യി​രു​ത്ത​ൽ.