ബ്ര​ഹ്മ​ഗി​രി ഡെ​വ​ല​പ്മെ​ന്റ് സൊ​സൈ​റ്റി​യു​ടെ നി​ക്ഷേ​പ​ക​ർ വീ​ണ്ടും സ​മ​ര​ത്തി​ന്; സ​ർ​ക്കാ​ർ 10 കോ​ടി രൂ​പ വ​ക​യി​രു​ത്തി​യി​ട്ടും ഫാ​ക്ട​റി തു​റ​ക്കാ​നാ​യി​ല്ല; പിടിവിട്ട് സി.പി.എം

ക​ൽ​പ​റ്റ: 100 കോ​ടി​യോ​ളം രൂ​പ​യു​ടെ ബാ​ധ്യ​ത​യു​മാ​യി പ്ര​വ​ർ​ത്ത​നം നി​ല​ച്ച സി.​പി.​എം നി​യ​ന്ത്ര​ണ​ത്തി​ലു​ള്ള ബ്ര​ഹ്മ​ഗി​രി ഡെ​വ​ല​പ്മെ​ന്റ് സൊ​സൈ​റ്റി​യു​ടെ നി​ക്ഷേ​പ​ക​ർ വീ​ണ്ടും സ​മ​ര​ത്തി​ന്. ജീ​വ​ന​ക്കാ​രെ​യും 600ഓ​ളം നി​ക്ഷേ​പ​ക​രെ​യും പ്ര​തി​സ​ന്ധി​യി​ലാ​ക്കി ര​ണ്ടു വ​ർ​ഷം മു​മ്പ് പ്ര​വ​ർ​ത്ത​നം നി​ല​ച്ച മാം​സ സം​സ്ക​ര​ണ​ശാ​ല വീ​ണ്ടും തു​റ​ക്കു​ന്ന​തി​ന് പാ​ർ​ട്ടി സം​സ്ഥാ​ന ക​മ്മി​റ്റി ഉ​ൾ​പ്പെ​ടെ ഇ​ട​പെ​ട്ടി​രു​ന്നെ​ങ്കി​ലും പ​രി​ഹാ​ര​മാ​യി​ല്ല.

സം​സ്ഥാ​ന സ​ർ​ക്കാ​ർ ഇ​ത്ത​വ​ണ​ത്തെ ബ​ജ​റ്റി​ൽ ഫാ​ക്ട​റി പ്ര​വ​ർ​ത്ത​ന​ത്തി​ന് 10 കോ​ടി രൂ​പ വ​ക​യി​രു​ത്തി​യി​രു​ന്നു. ബ്ര​ഹ്മ​ഗി​രി​യി​ൽ നി​ക്ഷേ​പ​മി​റ​ക്കാ​ൻ സ്വ​കാ​ര്യ ക​മ്പ​നി ത​യാ​റാ​വു​ക​യും ചെ​യ്തു. എ​ന്നാ​ൽ, ഫാ​ക്ട​റി വീ​ണ്ടും തു​റ​ക്കാ​നോ നി​ക്ഷേ​പ​ക​രു​ടെ പ​ണം തി​രി​കെ ന​ൽ​കാ​നോ യാ​തൊ​രു ന​ട​പ​ടി​ക​ളും മാ​നേ​ജ്മെ​ന്റി​ന്റെ ഭാ​ഗ​ത്തു​നി​ന്ന് ഉ​ണ്ടാ​വു​ന്നി​ല്ലെ​ന്നാ​ണ് ജീ​വ​ന​ക്കാ​രും നി​ക്ഷേ​പ​ക​രും ആ​രോ​പി​ക്കു​ന്ന​ത്. ആ​ക്ഷ​ൻ ക​മ്മി​റ്റി​യു​ടെ നേ​തൃ​ത്വ​ത്തി​ൽ നി​ക്ഷേ​പ​ക​ർ ക​ഴി​ഞ്ഞ ദി​വ​സം മ​ഞ്ഞാ​ടി​യി​ലെ ഫാ​ക്ട​റി ഓ​ഫി​സി​ലെ​ത്തി പ്ര​തി​ഷേ​ധി​ച്ചു.

ന​ട​ത്തി​പ്പി​ലെ പി​ഴ​വു​ക​ൾ കാ​ര​ണം ന​ഷ്ട​ത്തി​ലാ​യി പൂ​ട്ടി​പ്പോ​യ സ്ഥാ​പ​ന​ത്തി​ൽ 220 തൊ​ഴി​ലാ​ളി​ക​ളാ​ണ് ഉ​ണ്ടാ​യി​രു​ന്ന​ത്. അ​തി​ൽ 130 പേ​രും സ്ഥി​രം ജീ​വ​ന​ക്കാ​രാ​യി​രു​ന്നു. തൊ​ഴി​ലി​ല്ലാ​താ​യ ഇ​വ​ർ ര​ണ്ട​ര വ​ർ​ഷ​മാ​യി പ്ര​തി​സ​ന്ധി​യി​ലാ​ണ്. സൊ​സൈ​റ്റി​ക്കു​വേ​ണ്ടി വി​വി​ധ ബാ​ങ്കു​ക​ളി​ൽ നി​ന്നെ​ടു​ത്ത കോ​ടി​ക​ളു​ടെ വാ​യ്പ​യി​ൽ ജ​പ്തി ഭീ​ഷ​ണി​യും നേ​രി​ടു​ക​യാ​ണ്.

ബ​ജ​റ്റി​ൽ തു​ക വ​ക​യി​രു​ത്തു​ക​യും 50 ശ​ത​മാ​നം ലാ​ഭ​വി​ഹി​ത​ത്തി​ൽ ക​മ്പ​നി​യി​ൽ നി​ക്ഷേ​പ​മി​റ​ക്കാ​ൻ സ്വ​കാ​ര്യ ക​മ്പ​നി ത​യാ​റാ​വു​ക​യും ചെ​യ്ത​തോ​ടെ വീ​ണ്ടും ഫാ​ക്ട​റി തു​റ​ക്കാ​ൻ നീ​ക്കം ന​ട​ന്നി​രു​ന്നു. എ​ന്നാ​ൽ, 100 കോ​ടി​യോ​ളം രൂ​പ​യു​ടെ ബാ​ധ്യ​ത പ​രി​ഹ​രി​ക്കാ​ൻ ക​ഴി​യാ​താ​യ​തോ​ടെ ച​ർ​ച്ച​ക​ൾ വ​ഴി​മു​ട്ടി. പ​ണം തി​രി​കെ കി​ട്ടു​ന്ന​തി​ന് നാ​ല് നി​ക്ഷേ​പ​ക​ർ കോ​ട​തി​യെ സ​മീ​പി​ച്ച​തി​നെ തു​ട​ർ​ന്ന് സൊ​സൈ​റ്റി​യു​ടെ ഉ​ട​മ​സ്ഥ​ത​യി​ലു​ള്ള സ്ഥ​ലം വി​ൽ​പ​ന ന​ട​ത്തു​ന്ന​ത് ത​ട​ഞ്ഞി​രു​ന്നു. നി​ക്ഷേ​പ​ക​രും ജീ​വ​ന​ക്കാ​രും ഭൂ​രി​ഭാ​ഗ​വും പാ​ർ​ട്ടി പ്ര​വ​ർ​ത്ത​ക​രോ അ​നു​ഭാ​വി​ക​ളോ ആ​യ​തി​നാ​ൽ, ഉ​പ​തെ​ര​ഞ്ഞെ​ടു​പ്പ് കാ​ല​ത്തെ സ​മ​രം സം​സ്ഥാ​ന​ത​ല​ത്തി​ൽ ത​ന്നെ പാ​ർ​ട്ടി​ക്ക് വ​ലി​യ ദോ​ഷ​മു​ണ്ടാ​ക്കു​മെ​ന്നാ​ണ് വി​ല​യി​രു​ത്ത​ൽ.

വ​യ​നാ​ട് ഡി.​സി.​സി ട്ര​ഷ​റ​ർ ആ​യി​രു​ന്ന എ​ൻ.​എം. വി​ജ​യ​ൻ ആ​ത്മ​ഹ​ത്യ​ചെ​യ്ത സം​ഭ​വ​ത്തി​ൽ കോ​ൺ​ഗ്ര​സി​നെ​യും എം.​എ​ൽ.​എ​യെ​യും പ്ര​തി​ക്കൂ​ട്ടി​ലാ​ക്കി സി.​പി.​എം നേ​തൃ​ത്വം രം​ഗ​ത്തു​വ​ന്നി​രു​ന്നു. കോ​ൺ​ഗ്ര​സ് നേ​താ​ക്ക​ൾ വ​രു​ത്തി​യ കോ​ടി​ക​ളു​ടെ ബാ​ധ്യ​ത പാ​ർ​ട്ടി ഏ​റ്റെ​ടു​ക്കാ​തെ എ​ൻ.​എം. വി​ജ​യ​ന്റെ ത​ല​യി​ൽ കെ​ട്ടി​വെ​ച്ച​തി​നാ​ലാ​ണ് അ​ദ്ദേ​ഹം ആ​ത്മ​ഹ​ത്യ ചെ​യ്ത​തെ​ന്ന് മ​ക്ക​ള​ട​ക്ക​മു​ള്ള​വ​ർ ആ​രോ​പി​ച്ചി​രു​ന്നു. ഇ​ത് സി.​പി.​എം രാ​ഷ്ടീ​യ ആ​യു​ധ​മാ​ക്കി​യ​പ്പോ​ൾ, പാ​ർ​ട്ടി നി​യ​ന്ത്ര​ണ​ത്തി​ലു​ള്ള ബ്ര​ഹ്മ​ഗി​രി സൊ​സൈ​റ്റി​യി​ൽ സ്വ​ന്തം പ്ര​വ​ർ​ത്ത​ക​ർ നി​ക്ഷേ​പി​ച്ച കോ​ടി​ക​ളു​ടെ കാ​ര്യ​ത്തി​ൽ ആ​രാ​ണ് മ​റു​പ​ടി പ​റ​യു​ക​യെ​ന്നാ​ണ് നി​ക്ഷേ​പ​ക​ർ ചോ​ദി​ക്കു​ന്ന​ത്.