കെനിയയിലെ വാഹനാപകടം: അഞ്ച്​ മലയാളികളുടെ മൃതദേഹം ഇന്ന് കൊച്ചിയിലെത്തിക്കും

നെ​ടു​മ്പാ​ശ്ശേ​രി: കെ​നി​യ​യി​ലു​ണ്ടാ​യ ബ​സ​പ​ക​ട​ത്തി​ല്‍ മ​രി​ച്ച അ​ഞ്ച് മ​ല​യാ​ളി​ക​ളു​ടെ മൃ​ത​ദേ​ഹം ഞാ​യ​റാ​ഴ്ച രാ​വി​ലെ 8.45ന് ​ഖ​ത്ത​ർ എ​യ​ർ​വേ​യ്സ് വി​മാ​ന​ത്തി​ൽ കൊ​ച്ചിയിൽ എ​ത്തി​ക്കും. മൂ​വാ​റ്റു​പു​ഴ സ്വ​ദേ​ശി​നി ജ​സ്ന (29), മ​ക​ൾ റൂ​ഹി മെ​ഹ്റി​ൻ (ഒ​ന്ന​ര വ​യ​സ്സ്), മാ​വേ​ലി​ക്ക​ര ചെ​റു​കോ​ൽ സ്വ​ദേ​ശി​നി ഗീ​ത ഷോ​ജി ഐ​സ​ക് (58), പാ​ല​ക്കാ​ട് മ​ണ്ണൂ​ർ സ്വ​ദേ​ശി​നി റി​യ ആ​ൻ (41), മ​ക​ൾ ടൈ​റ റോ​ഡ്രി​ഗ്​​സ് (ഏ​ഴ്) എ​ന്നി​വ​രാ​ണ്​ മ​രി​ച്ച​ത്.

കെ​നി​യ​യി​ൽ​നി​ന്ന്​ കൊ​ണ്ടു​വ​രു​ന്ന ഭൗ​തി​ക ശ​രീ​ര​ങ്ങ​ൾ​ക്കും ഒ​പ്പ​മു​ള്ള ബ​ന്ധു​ക്ക​ൾ​ക്കും ഇ​ന്ത്യ​യി​ലേ​ക്ക് പ്ര​വേ​ശി​ക്കു​ന്ന​തി​ന് യെ​ല്ലോ വാ​ക്സി​ൻ സ​ർ​ട്ടി​ഫി​ക്ക​റ്റ് വേ​ണ​മെ​ന്ന നി​ബ​ന്ധ​ന​യി​ൽ, മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ ഇ​ട​പെ​ട​ലി​നെ​ത്തു​ട​ർ​ന്ന് കേ​ന്ദ്ര​സ​ർ​ക്കാ​ർ പ്ര​ത്യേ​ക ഇ​ള​വ് അ​നു​വ​ദി​ച്ചു.

കെ​നി​യ​യി​ൽ​നി​ന്ന്​ ഖ​ത്ത​റി​ലേ​ക്ക്​ വി​മാ​നം പു​റ​പ്പെ​ടു​ന്ന​തി​ന് ഏ​താ​നും മ​ണി​ക്കൂ​ർ​മു​മ്പ്​ മാ​ത്ര​മാ​ണ് യെ​ല്ലോ​ഫീ​വ​ർ വാ​ക്സി​ൻ സ​ർ​ട്ടി​ഫി​ക്ക​റ്റ് അ​നി​വാ​ര്യ​മാ​ണെ​ന്ന് ട്രാ​വ​ൽ ഏ​ജ​ൻ​സി അ​ധി​കൃ​ത​ർ വ്യ​ക്ത​മാ​ക്കി​യ​ത്. ഇ​തോ​ടെ ഭൗ​തി​ക​ശ​രീ​ര​ങ്ങ​ൾ നാ​ട്ടി​ലെ​ത്തി​ക്കു​ന്ന​ത് വൈ​കു​മെ​ന്ന ആ​ശ​ങ്ക ഉ​യ​ർ​ന്നു.

കെ​നി​യ​യി​ലെ ലോ​ക കേ​ര​ള സ​ഭാം​ഗ​ങ്ങ​ൾ അ​ടി​യ​ന്ത​ര ഇ​ട​പെ​ട​ൽ​തേ​ടി നോ​ർ​ക്ക റൂ​ട്ട്സി​നെ വി​വ​രം അ​റി​യി​ച്ചു. ഉ​ട​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​ശ്ന​ത്തി​ൽ ഇ​ട​പെ​ട്ടു. നോ​ർ​ക്ക റൂ​ട്ട്സും സം​സ്ഥാ​ന ആ​രോ​ഗ്യ വ​കു​പ്പും കേ​ന്ദ്ര സ​ർ​ക്കാ​റു​മാ​യി അ​ടി​യ​ന്ത​ര ഇ​ട​പെ​ട​ൽ ന​ട​ത്തി. ഇ​തേ​തു​ട​ർ​ന്ന് സ​ർ​ട്ടി​ഫി​ക്ക​റ്റ് വേ​ണ​മെ​ന്ന നി​ബ​ന്ധ​ന പ്ര​ത്യേ​ക സാ​ഹ​ച​ര്യം പ​രി​ഗ​ണി​ച്ച് ഒ​ഴി​വാ​ക്കി.

സം​സ്ഥാ​ന സ​ർ​ക്കാ​റി​നെ പ്ര​തി​നി​ധീ​ക​രി​ച്ച് മൃ​ത​ദേ​ഹ​ങ്ങ​ൾ നോ​ർ​ക്ക റൂ​ട്ട്സ് ഏ​റ്റു​വാ​ങ്ങും. ഇ​വി​ടെ​നി​ന്ന്​ മൃ​ത​ദേ​ഹ​ങ്ങ​ൾ വീ​ടു​ക​ളി​ലേ​ക്ക്​ കൊ​ണ്ടു​പോ​കും. ജൂ​ണ്‍ ഒ​മ്പ​തി​നാ​ണ്​ വി​നോ​ദ​സ​ഞ്ചാ​ര​ത്തി​നെ​ത്തി​യ 28 പേ​ര​ട​ങ്ങു​ന്ന ഇ​ന്ത്യ​ന്‍സം​ഘം സ​ഞ്ച​രി​ച്ച ടൂ​റി​സ്റ്റ് ബ​സ് ​കെ​നി​യ​യി​ൽ താ​ഴ്ച​യി​ലേ​ക്ക്​ മറിഞ്ഞത്. ഖ​ത്ത​റി​ല്‍നി​ന്ന്​ വി​നോ​ദ​സ​ഞ്ചാ​ര​ത്തി​നാ​യി എ​ത്തി​യ​താ​യി​രു​ന്നു സംഘം.