സ്മാ​ർ​ട്ട്​ സി​റ്റി​ പ​ദ്ധ​തി; ചോദ്യമുന സർക്കാറിന്‍റെ നിസ്സംഗതയി​ലേക്കും

തി​രു​വ​ന​ന്ത​പു​രം: സ്​​മാ​ർ​ട്ട്​ സി​റ്റി ല​ക്ഷ്യം ​പ​രാ​ജ​യ​മെ​ന്ന്​ വി​ല​യി​രു​ത്തു​മ്പോ​ഴും ക​രാ​ർ വ​ർ​ഷ​ങ്ങ​ളി​ൽ കൃ​ത്യ​മാ​യ ഇ​ട​പെ​ട​ലു​ക​ൾ​ക്ക്​ അ​ധി​കാ​ര​മു​ള്ള സ​ർ​ക്കാ​റി​ന്‍റെ നി​സ്സം​ഗ​ത​യി​ലേ​ക്കും ചോ​ദ്യ​മു​ന നീ​ളു​ന്നു. ഓ​രോ വ​ർ​ഷ​വും ഇ​ത്ര ച​തു​ര​​ശ്ര​യ​ടി സ​ജ്ജ​മാ​ക്ക​ണ​മെ​ന്നും ഇ​ത്ര തൊ​ഴി​ലു​ക​ൾ സൃ​ഷ്​​ടി​ക്ക​ണ​മെ​ന്ന​ത​ട​ക്കം സ​മ​ഗ്ര​മാ​യ വ്യ​വ​സ്ഥ​യാ​ണ്​ സ​ർ​ക്കാ​റും ടീ​കോ​മും ത​മ്മി​ൽ ഒ​പ്പു​വെ​ച്ചി​രു​ന്ന​ത്. കൃ​ത്യ​മാ​യ ഇ​ട​വേ​ള​ക​ളി​ൽ പ്ര​വ​ർ​ത്ത​ന പു​രോ​ഗ​തി അ​വ​ലോ​ക​നം ചെ​യ്യാ​നും പോ​രാ​യ്മ​ക​ളി​ൽ ഇ​ട​പെ​ടാ​നു​മു​ള്ള അ​ധി​കാ​രം സ​ർ​ക്കാ​റി​നു​ണ്ട്. എ​ന്നാ​ൽ അ​ത്ത​രം ഒ​രു നീ​ക്ക​വും സ​ർ​ക്കാ​റി​ന്‍റെ ഭാ​ഗ​ത്ത്​ നി​ന്നു​ണ്ടാ​യി​ല്ല എ​ന്ന​ത്​ ഗു​ര​ത​ര​വീ​ഴ്ച​യാ​ണ്. 2011ന്​ ​ശേ​ഷം അ​ധി​കാ​ര​ത്തി​ൽ വ​ന്ന യു.​ഡി.​എ​ഫ്​ സ​ർ​ക്കാ​റും ഒ​ന്നും ര​ണ്ടും പി​ണ​റാ​യി സ​ർ​ക്കാ​റു​ക​ളും ഇ​തി​ൽ ഉ​ത്ത​ര​വാ​ദി​ക​ളാ​ണ്. 86 ശ​ത​മാ​നം ഓ​ഹ​രി പ​ങ്കാ​ളി​ത്തം സ്വ​കാ​ര്യ ക​മ്പ​നി​ക​ൾ​ക്കാ​ണെ​ങ്കി​ൽ ശേ​ഷി​ക്കു​ന്ന 16 ശ​ത​മാ​നം സ​ർ​ക്കാ​റി​ൽ നി​ല​നി​ർ​ത്തി​യി​രി​ക്കു​ന്ന​ത്​ ത​ന്നെ ഇ​ത്ത​രം ഇ​ട​പെ​ട​ലു​ക​ൾ​ക്കു​ള്ള അ​ധി​കാ​ര​മെ​ന്ന നി​ല​യി​ലാ​ണ്.

സം​സ്ഥാ​ന സ​ർ​ക്കാ​റും ടീ​കോ​മും ത​മ്മി​ൽ ഒ​പ്പി​ട്ട ക​രാ​ർ അ​നു​സ​രി​ച്ചാ​ണ്​ സ്മാ​ർ​ട്ട്​ സി​റ്റി​ക്കാ​യി സ്​​പെ​ഷ​ൽ പ​ർ​പ്പ​സ്​ വെ​ഹി​ക്കി​ൾ (എ​സ്.​പി.​വി) രൂ​പ​വ​ത്​​ക​രി​ച്ച​ത്. ഈ ​എ​സ്.​പി.​വി​ക്കാ​ണ്​ 246 ഏ​ക്ക​ർ ഭൂ​മി 99 വ​ർ​ഷ​ത്തേ​ക്ക്, ഏ​ക്ക​റി​ന്​ ഒ​രു രൂ​പ നി​ര​ക്കി​ൽ സ​ർ​ക്കാ​ർ പാ​ട്ട​ത്തി​ന്​ ന​ൽ​കി​യ​ത്. 10 വ​ർ​ഷം കൊ​ണ്ട് 88 ല​ക്ഷം ച​തു​ര​ശ്ര​യ​ടി കെ​ട്ടി​ട​ങ്ങ​ൾ നി​ർ​മി​ക്ക​ണ​മെ​ന്നും ഇ​തി​ൽ 69 ല​ക്ഷം ച​തു​ര​ശ്ര​യ​ടി​യും ഐ.​ടി സ്ഥാ​പ​ന​ങ്ങ​ൾ​ക്ക് മാ​ത്ര​മേ ന​ൽ​കാ​ൻ പാ​ടു​ള്ളൂ​വെ​ന്നു​മാ​ണ്​ വ്യ​വ​സ്ഥ. എ​ല്ലാ വ​ർ​ഷ​വും ഇ​ക്കാ​ര്യ​ങ്ങ​ൾ വി​ല​യി​രു​ത്താ​ൻ മു​ഖ്യ​മ​ന്ത്രി ചെ​യ​ർ​മാ​നാ​യ ഡ​യ​റ​ക്ട​ർ ബോ​ർ​ഡി​ന്​ അ​ധി​കാ​ര​മു​ണ്ടാ​യി​ട്ടും ആ​ദ്യ വ​ർ​ഷ​മൊ​ഴി​കെ അ​ത്ത​രം നീ​ക്ക​ങ്ങ​​ളൊ​ന്നും സ​ർ​ക്കാ​റി​ന്‍റെ ഭാ​ഗ​ത്ത്​ നി​ന്നു​ണ്ടാ​യി​ല്ല. പ​ദ്ധ​തി പൂ​ർ​ത്തി​യാ​കേ​ണ്ട സ​മ​യ​മാ​യ​പ്പോ​ൾ ‘അ​വ​ർ​ക്ക​തി​ന്​ സാ​ധി​ച്ചി​ല്ല’ എ​ന്നു​ള്ള സ​ർ​ക്കാ​റി​ന്‍റെ കൈ​മ​ല​ർ​ത്ത​ലി​ന്‍റെ ഉ​ദ്ദേ​ശ​ശു​ദ്ധി സം​ശ​യാ​സ്പ​ദ​മാ​കു​ന്ന​ത്​ ഇ​വി​ടെ​യാ​ണ്. എ​സ്.​പി.​വി​യി​ലെ ടീ​കോം ക​മ്പ​നി​യു​ടെ പ​ങ്കാ​ളി​ത്തം കൂ​ടി സം​സ്ഥാ​ന സ​ർ​ക്കാ​ർ ഏ​റ്റെ​ടു​ക്കു​ന്ന സാ​ഹ​ച​ര്യ​ത്തി​ൽ അ​തി​നാ​യി ഒ​രു മൂ​ല്യ​നി​ർ​ണ​യ പ​രി​ശോ​ധ​ന (അ​സ​സ്​​മെ​ന്‍റ്) ന​ട​ത്തു​ന്ന​തി​നു​ള്ള വ്യ​വ​സ്ഥ​ക​ൾ ക​രാ​റി​ലു​ണ്ട്. അ​ല്ലാ​തെ പ​ദ്ധ​തി ല​ക്ഷ്യം പൂ​ർ​ത്തീ​ക​രി​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ൽ ന​ഷ്ട​പ​രി​ഹാ​രം അ​ങ്ങോ​ട്ടു​ന​ൽ​കി ഒ​ഴി​വാ​ക്കാ​ൻ വ്യ​വ​സ്ഥ​യി​ല്ലെ​ന്നാ​ണ്​ വി​ദ​ഗ്ദ​ർ ചൂ​ണ്ടി​ക്കാ​ട്ടു​ന്ന​ത്. നി​ല​വി​ൽ സ​ർ​ക്കാ​റും സ്വ​കാ​ര്യ ക​മ്പ​നി​യും പൊ​തു​ധാ​ര​ണ പ്ര​കാ​ര​മു​ള്ള പി​ന്മാ​റ്റ​മാ​ണ്​ ല​ക്ഷ്യ​മി​ടു​ന്ന​തെ​ന്നാ​ണ്​ സൂ​ച​ന. ഈ ​സാ​ഹ​ച​ര്യ​ത്തി​ലാ​ണ്​ ന​ഷ്ട​പ​രി​ഹാ​രം സ​ജീ​വ ച​ർ​ച്ച​യാ​കു​ന്ന​ത്.

ഐ.​ടി പ​ദ്ധ​തി എ​ന്ന​തി​ന​പ്പു​റം 2004 മു​ത​ൽ 2011 വ​രെ രാ​ഷ്ട്രീ​യ കേ​ര​ള​ത്തി​ന്‍റെ സ​ജീ​വ ച​ർ​ച്ചാ​വി​ഷ​യം കൂ​ടി​യാ​യി​രു​ന്നു സ്മാ​ർ​ട്ട്​ സി​റ്റി. കൊ​ച്ചി​യു​ടെ അ​ന​ന്ത​മാ​യ സാ​ധ്യ​ത​ക​ളെ ലോ​ക വി​പ​ണി​യി​ൽ ടീ​കോം മാ​ർ​ക്ക​റ്റ് ചെ​യ്യു​മെ​ന്ന​താ​യി​രു​ന്നു സം​സ്ഥാ​ന സ​ർ​ക്കാ​റി​ന്‍റെ പ്ര​തീ​ക്ഷ. കേ​ര​ള​ത്തി​ലെ ആ​ദ്യ​ത്തെ സ്വ​കാ​ര്യ പ്ര​ത്യേ​ക സാ​മ്പ​ത്തി​ക മേ​ഖ​ല കൂ​ടി​യാ​ണി​ത്.

പ​ദ്ധ​തി​യു​ടെ ഭൂ​മി വ്യ​വ​സ്ഥ മു​ത​ൽ ഓ​ഹ​രി പ​ങ്കാ​ളി​ത്തം​വ​രെ ഇ​ഴ​കീ​റി​യു​ള്ള ച​ർ​ച്ച​ക​ളാ​ണ്​ അ​ന്ന്​ ന​ട​ന്ന​ത്. സം​സ്ഥാ​ന സ​ർ​ക്കാ​റി​ന്​ 26 ശ​ത​മാ​നം ഓ​ഹ​രി പ​ങ്കാ​ളി​ത്തം വേ​ണ​​മെ​ന്ന​താ​യി​രു​ന്നു നി​ല​പാ​ടെ​ങ്കി​ലും അം​ഗീ​ക​രി​ക്ക​പ്പെ​ട്ടി​ല്ല. 11 ശ​ത​മാ​ന​ത്തി​ലാ​യി​രു​ന്നു ആ​ദ്യ ധാ​ര​ണ. പി​ന്നീ​ട്​ 16 ശ​ത​മാ​ന​ത്തി​ലേ​ക്കെ​ത്തി​ക്കാ​ൻ നീ​ണ്ട ച​ർ​ച്ച​ക​ൾ വേ​ണ്ടി​വ​ന്നു.