കെ.എസ്​.ആർ.ടി.സി ദീർഘദൂര സർവിസ്​; അപ്പീലിന്​ മടി, നിയമോപദേശത്തിൽ അടയിരുന്ന്​ സർക്കാർ

തി​രു​വ​ന​ന്ത​പു​രം: ​കെ.​എ​സ്.​ആ​ർ.​ടി.​സി​യു​ടെ ദീ​ർ​ഘ​ദൂ​ര സ​ർ​വി​സു​ക​ൾ സം​ര​ക്ഷി​ക്കു​ന്ന​തി​ന്​ അ​പ്പീ​ൽ ന​ൽ​കാ​ൻ കൃ​ത്യ​മാ​യ നി​യ​മോ​പ​ദേ​ശം ല​ഭി​ച്ചി​ട്ടും അ​ന​ക്ക​മി​ല്ലാ​തെ സ​ർ​ക്കാ​ർ. കെ.​എ​സ്.​ആ​ർ.​ടി.​സി​ക്ക്​ മാ​ത്രം സ​ർ​വി​സ്​ അ​ധി​കാ​ര​മു​ള്ള ദേ​ശ​സാ​ത്​​കൃ​ത റൂ​ട്ടു​ക​ളി​ൽ സ്വ​കാ​ര്യ​ബ​സു​ക​ൾ​ക്ക്​ കൂ​ടി അ​നു​മ​തി ന​ൽ​കി​യ ഹൈ​കോ​ട​തി വി​ധി​ക്കെ​തി​രെ സു​പ്രീം​കോ​ട​തി​യെ സ​മീ​പി​ക്കാ​ൻ മാ​ർ​ച്ച്​ 20 നാ​ണ്​ സ​ർ​ക്കാ​റി​ന്​ നി​യ​മോ​പ​ദേ​ശം ല​ഭി​ച്ച​ത്.

31 സം​ര​ക്ഷി​ത റൂ​ട്ടു​ക​ളി​ലെ 1700 സൂ​പ്പ​ര്‍ക്ലാ​സ് സ​ര്‍വി​സു​ക​ളു​ടെ വ​രു​മാ​ന​മാ​ണ് കെ.​എ​സ്.​ആ​ർ.​ടി.​സി​യു​ടെ സാ​മ്പ​ത്തി​ക ന​ട്ടെ​ല്ല്. ഈ ​വ​രു​മാ​ന​മു​പ​യോ​ഗി​ച്ചാ​ണ് സാ​മൂ​ഹി​ക പ്ര​തി​ബ​ദ്ധ​ത​യു​ടെ ഭാ​ഗ​മാ​യ സ​ർ​വി​സു​ക​ൾ ന​ട​ത്തു​ന്ന​തും. സ്ഥാ​പ​ന​ത്തി​ന്‍റെ നി​ല​നി​ൽ​പ്​​ പ്ര​തി​സ​ന്ധി​യി​ലാ​ക്കു​ന്ന വി​ധി​ക്കെ​തി​രെ ആ​ഴ്ച​ക​ൾ ക​ഴി​ഞ്ഞി​ട്ടും നി​യ​മ​പ​ര​മാ​യ നീ​ക്ക​ങ്ങ​ളൊ​ന്നും ഗ​താ​ഗ​ത വ​കു​പ്പി​ന്‍റെ ഭാ​ഗ​ത്തു​നി​ന്നി​ല്ല.

കെ.​എ​സ്.​ആ​ർ.​ടി.​സി​യി​​ലെ​യും വ​കു​പ്പി​ലെ​യും ചി​ല ഉ​ന്ന​ത​ർ​ക്ക്​ അ​പ്പീ​ൽ പോ​കു​ന്ന​തി​നോ​ട്​ യോ​ജി​പ്പി​ല്ലാ​ത്ത​താ​ണ്​ അ​നി​ശ്ചി​ത​ത്വ​ത്തി​ന്​ കാ​ര​ണം. ദേ​ശ​സാ​ത്കൃ​ത റൂ​ട്ടു​ക​ളി​ൽ സ്കീം ​ത​യാ​റാ​ക്കു​ന്ന​തി​ൽ വ​ന്ന വീ​ഴ്ച മു​ത​ൽ തു​ട​ങ്ങി​യ അ​ലം​ഭാ​വം അ​പ്പീ​ൽ കാ​ര്യ​ത്തി​ലും തു​ട​രു​ക​യാ​ണ്. കെ.​എ​സ്.​ആ​ർ.​ടി.​സി​യു​ടെ സ്കീം ​ത​യാ​റാ​ക്കു​ന്ന​തി​ൽ ഇ​തു​വ​രെ സ്വീ​ക​രി​ച്ച ന​ട​പ​ടി​ക്ര​മ​ങ്ങ​ളെ സാ​ധൂ​ക​രി​ക്കു​ന്ന സു​​പ്രീം​കോ​ട​തി വി​ധി​ക​ള​ട​ക്കം ഉ​ൾ​പ്പെ​ടു​ത്തി​യാ​ണ്​ കെ.​എ​സ്.​ആ​ർ.​ടി.​സി​ക്ക്​ നി​യ​മോ​പ​ദേ​ശം ല​ഭി​ച്ച​ത്.

റൂ​ട്ട്​ വി​ജ്ഞാ​പ​നം ചെ​യ്യാ​നു​ള്ള അ​ധി​കാ​രം സ​ർ​ക്കാ​റി​ന്​

മോ​ട്ടോ​ർ വാ​ഹ​ന നി​യ​മം അ​ധ്യാ​യം ആ​റ്​ പ്ര​കാ​രം ജ​ന​ങ്ങ​ൾ​ക്ക് കൂ​ടു​ത​ൽ മെ​ച്ച​പ്പെ​ട്ട​തും ചെ​ല​വ് കു​റ​ഞ്ഞ​തു​മാ​യ പൊ​തു ഗ​താ​ഗ​ത സം​വി​ധാ​നം ല​ഭ്യ​മാ​ക്കു​ന്ന​തി​ന്​ ഏ​ത്​ റൂ​ട്ടും വി​ജ്ഞാ​പ​നം ചെ​യ്യു​ന്ന​തി​നോ ഭേ​ദ​ഗ​തി വ​രു​ത്തു​ന്ന​തി​നോ ഉ​ള്ള അ​ധി​കാ​രം സം​സ്ഥാ​ന സ​ർ​ക്കാ​റി​ൽ നി​ക്ഷി​പ്ത​മാ​ണ്.

സ്കീം ​രൂ​പ​വ​ത്​​ക​രി​ക്കു​മ്പോ​ൾ സ്വ​കാ​ര്യ ഓ​പ​റേ​റ്റ​ർ​മാ​രെ പൂ​ർ​ണ​മാ​യോ ഭാ​ഗി​ക​മാ​യോ അ​ല്ലെ​ങ്കി​ൽ മ​റ്റേ​തെ​ങ്കി​ലും രീ​തി​യി​ലോ ഒ​ഴി​വാ​ക്കാ​ൻ സ​ർ​ക്കാ​റി​ന് അ​ധി​കാ​ര​മു​ണ്ട്. മോ​ട്ടോ​ർ വാ​ഹ​ന നി​യ​മം അ​ധ്യാ​യം ആ​റ്​ ഭ​ര​ണ​ഘ​ട​ന​യു​ടെ ഒ​മ്പ​താം ഷെ​ഡ്യൂ​ളി​ൽ ഉ​ൾ​പ്പെ​ട്ട​താ​യ​തി​നാ​ൽ വി​ജ്ഞാ​പ​നം ചെ​യ്യു​ന്ന സ്കീ​മി​ൽ കോ​ട​തി ഇ​ട​പെ​ട​ലു​ക​ൾ​ക്ക് പ​രി​മി​ത സാ​ധ്യ​ത മാ​ത്ര​മാ​ണു​ള്ള​ത്. വി​ജ്ഞാ​പ​ന​വും അ​തി​ലെ വ്യ​വ​സ്ഥ​ക​ളും സ​ർ​ക്കാ​റി​ന്‍റെ ന​യ​പ​ര​മാ​യ തീ​രു​മാ​ന​മാ​ണ്.

മു​ന്നി​ലു​ണ്ട്​ നി​യ​മ പി​ടി​വ​ള്ളി​ക​ൾ

1. സ​ർ​ക്കാ​ർ ത​യാ​റാ​ക്കി​യ സ്കീം ​റ​ദ്ദാ​ക്കു​ന്ന​തി​ന് പ്ര​ധാ​ന​മാ​യി കോ​ട​തി ചൂ​ണ്ടി​ക്കാ​ട്ടി​യ കാ​ര​ണം മോ​ട്ടോ​ർ വാ​ഹ​ന നി​യ​മം 1988, വ​കു​പ്പ് 100 (4) പ്ര​കാ​രം ‘ഒ​രു വ​ർ​ഷ​ത്തി​നു​ള്ളി​ൽ ക​ര​ട് സ്കീം ​എ​തി​ർ​വാ​ദ​ങ്ങ​ളി​ൽ ഹി​യ​റി​ങ്​ ന​ട​ത്തി അ​ന്തി​മ വി​ജ്ഞാ​പ​നം പു​റ​ത്തി​റ​ക്ക​ണം’ എ​ന്ന സ​മ​യ​പ​രി​ധി പാ​ലി​ച്ചി​ല്ലെ​ന്ന​താ​ണ്. എ​ന്നാ​ൽ, വാ​ഹ​ന നി​യ​മം 1988, വ​കു​പ്പ് 99 പ്ര​കാ​രം ഇ​റ​ക്കു​ന്ന പു​തി​യ സ്കീ​മി​നാ​ണ് ഈ ​നി​ബ​ന്ധ​ന ബാ​ധ​കം. വ​കു​പ്പ് 102 പ്ര​കാ​രം നി​ല​വി​ലെ ദേ​ശ​സാ​ത്​​ക​ര​ണ സ്കീം ​ഭേ​ദ​ഗ​തി ചെ​യ്ത് പു​തി​യ സ്കീം ​ഇ​റ​ക്കു​ന്ന​തി​ന് ഈ ​സ​മ​യ​പ​രി​ധി ബാ​ധ​ക​മ​ല്ല. സ​മാ​ന വി​ഷ​യ​ത്തി​ൽ അ​ല​ഹ​ബാ​ദ്​ ഹൈ​കോ​ട​തി വി​ധി​യു​ണ്ട്.

2. സ്വ​കാ​ര്യ ഓ​പ​റേ​റ്റ​ർ​മാ​രി​ൽ നി​ന്ന് എ​തി​ർ​വാ​ദം സ്വീ​ക​രി​ച്ച് ഹി​യ​റി​ങ്​ ന​ട​ത്തു​ന്ന സ്ഥ​ലം മു​ൻ​കൂ​ട്ടി അ​റി​യി​ച്ചി​ല്ല, വാ​ദ​ങ്ങ​ൾ ത​ള്ളി വി​ശ​ദ ഉ​ത്ത​ര​വ് പു​റ​പ്പെ​ടു​വി​ച്ചി​ല്ല എ​ന്നീ കാ​ര​ണ​ങ്ങ​ളാ​ണ്​ ഹൈ​കോ​ട​തി ഉ​ത്ത​ര​വി​ൽ ര​ണ്ടാ​മ​താ​യി പ​റ​യു​ന്ന​ത്. ക​ര​ട് സ്കീം ​ഇ​റ​ക്കു​മ്പോ​ൾ ത​ന്നെ എ​തി​ർ​വാ​ദം സ​മ​ർ​പ്പി​ച്ച​വ​രു​ടെ വി​ലാ​സ​മ​ട​ക്കം വി​ജ്ഞാ​പ​ന​ത്തി​നൊ​പ്പം ന​ൽ​കി​യി​രു​ന്നു. 700 ല​ധി​കം എ​തി​ർ​വാ​ദ​ങ്ങ​ൾ നേ​രി​ൽ കേ​ട്ട ശേ​ഷ​മാ​ണ് സ​ർ​ക്കാ​ർ ന​യ​പ​ര​മാ​യ തീ​രു​മാ​ന​മെ​ടു​ത്ത​തും. ഇ​ത്ത​ര​ത്തി​ൽ തീ​രു​മാ​ന​മെ​ടു​ക്കു​മ്പോ​ൾ ഓ​രോ പ​രാ​തി​ക്കാ​ര​ന്‍റെ​യും അ​പേ​ക്ഷ നി​ര​സി​ച്ച് വ്യ​ക്ത​മാ​യ ഉ​ത്ത​ര​വ് ന​ൽ​ക​ണ​മെ​ന്ന് മോ​ട്ടോ​ർ വാ​ഹ​ന നി​യ​മ​ത്തി​ൽ വ്യ​വ​സ്ഥ ചെ​യ്തി​ട്ടി​ല്ല. വി​ഷ​യ​ത്തി​ൽ സു​പ്രീം കോ​ട​തി ഉ​ത്ത​ര​വു​മു​ണ്ട്.