ഉരുൾദുരന്തം; ടൗണ്‍ഷിപ് നിർമാണ പ്രാരംഭ പ്രവര്‍ത്തനം തുടങ്ങി

ക​ൽ​പ​റ്റ: മു​ണ്ട​ക്കൈ-​ചൂ​ര​ൽ​മ​ല ഉ​രു​ൾ​ദു​ര​ന്ത​ബാ​ധി​ത​രു​ടെ പു​ന​ര​ധി​വാ​സ ടൗ​ൺ​ഷി​പ് നി​ർ​മാ​ണ​ത്തി​ന്റെ പ്രാ​രം​ഭ പ്ര​വ​ർ​ത്ത​നം തു​ട​ങ്ങി. പ​ദ്ധ​തി ഭൂ​മി​യാ​യ എ​ൽ​സ്റ്റ​ൺ എ​സ്റ്റേ​റ്റ്, ഹൈ​കോ​ട​തി ഉ​ത്ത​ര​വി​നെ തു​ട​ർ​ന്ന് വെ​ള്ളി​യാ​ഴ്ച​ത​ന്നെ സ​ർ​ക്കാ​ർ ഔ​ദ്യോ​ഗി​ക​മാ​യി ഏ​റ്റെ​ടു​ത്തി​രു​ന്നു. ഇ​തോ​ടെ​യാ​ണ് ശ​നി​യാ​ഴ്ച രാ​വി​ലെ പ്ര​വ​ർ​ത്ത​ന​ങ്ങ​ൾ തു​ട​ങ്ങി​യ​ത്. ഹൈ​കോ​ട​തി​യു​ടെ നേ​ര​ത്തേ​യു​ള്ള ഉ​ത്ത​ര​വി​ന്റെ അ​ടി​സ്ഥാ​ന​ത്തി​ല്‍ 26 കോ​ടി രൂ​പ ഹൈ​കോ​ട​തി ര​ജി​സ്റ്റ​ര്‍ ജ​ന​റ​ലി​ന്റെ അ​ക്കൗ​ണ്ടി​ല്‍ മു​മ്പ് കെ​ട്ടി​വെ​ച്ചി​രു​ന്നു. വെ​ള്ളി​യാ​ഴ്ച​ത്തെ ഉ​ത്ത​ര​വ് പ്ര​കാ​രം 17.7754875 കോ​ടി രൂ​പ​കൂ​ടി ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി യോ​ഗം ചേ​ര്‍ന്ന് ഹൈ​കോ​ട​തി​യി​ൽ കെ​ട്ടി​വെ​ച്ചു. ക​ൽ​പ​റ്റ വി​ല്ലേ​ജ് ബ്ലോ​ക്ക് 19 റീ​സ​ർ​വേ ന​മ്പ​ര്‍ 88ല്‍ 64.4705 ​ഹെ​ക്ട​ര്‍ ഭൂ​മി​യാ​ണ് സ​ര്‍ക്കാ​ര്‍ ഏ​റ്റെ​ടു​ത്ത​ത്.

ശ​നി​യാ​ഴ്ച രാ​വി​ലെ​യോ​ടെ 12 പേ​ര​ട​ങ്ങു​ന്ന റ​വ​ന്യൂ സ​ർ​വേ ടീം ​ഭൂ​മി​യു​ടെ അ​തി​രു​ക​ൾ നി​ർ​ണ​യി​ക്ക​ൽ തു​ട​ങ്ങി. സ​ർ​വേ​യ​ർ​മാ​രും ഹെ​ൽ​പ​ർ​മാ​രു​മ​ട​ക്കം 27 അം​ഗ​ങ്ങ​ളാ​ണ് സ​ർ​വേ ന​ട​ത്തി​യ​ത്. ഇ​ത് ഞാ​യ​റാ​ഴ്ച​യും തു​ട​രും. മ​ണ്ണു​മാ​ന്തി​യ​ന്ത്ര​ങ്ങ​ൾ ഉ​പ​യോ​ഗി​ച്ച് ചി​ല​യി​ട​ങ്ങ​ളി​ൽ തേ​യി​ല​ച്ചെ​ടി​ക​ൾ പി​ഴു​തു​മാ​റ്റു​ക​യും ചെ​യ്തി​ട്ടു​ണ്ട്. ഏ​റ്റെ​ടു​ത്ത ഭൂ​മി​യി​ൽ ഉ​ൾ​പ്പെ​ടു​ന്ന സ്ഥ​ല​മാ​ണെ​ന്ന് ഉ​റ​പ്പു​ള്ള ചെ​റി​യ ഭാ​ഗ​ത്തെ തേ​യി​ല​ച്ചെ​ടി​ക​ളാ​ണ് പി​ഴു​തു​മാ​റ്റി​യ​ത്. ടൗ​ൺ​ഷി​പ് നി​ർ​മാ​ണ​ത്തി​ന്റെ ക​രാ​ർ ഏ​റ്റെ​ടു​ത്ത ഊ​രാ​ളു​ങ്ക​ൽ ലേ​ബ​ർ സൊ​​സൈ​റ്റി​യു​ടെ നേ​തൃ​ത്വ​ത്തി​ൽ വ​രും​ദി​വ​സ​ങ്ങ​ളി​ൽ നി​ർ​മാ​ണ പ്ര​വൃ​ത്തി​ക​ൾ തു​ട​ങ്ങും.

അ​തി​നി​ടെ, എ​ൽ​സ്റ്റ​ൺ എ​സ്റ്റേ​റ്റി​ലെ നി​ല​വി​ലു​ള്ള തൊ​ഴി​ലാ​ളി​ക​ളു​ടെ കു​ടി​ശ്ശി​ക​യു​ള്ള ശ​മ്പ​ളം, പി.​എ​ഫ് ആ​നു​കൂ​ല്യം തു​ട​ങ്ങി​യ​വ സം​ബ​ന്ധി​ച്ച കാ​ര്യ​ത്തി​ൽ ഇ​നി​യും തീ​രു​മാ​ന​മാ​യി​ട്ടി​ല്ല. നേ​ര​ത്തേ സം​യു​ക്ത തൊ​ഴി​ലാ​ളി യൂ​നി​യ​ൻ നേ​താ​ക്ക​ളു​മാ​യി ന​ട​ന്ന ച​ർ​ച്ച​യി​ൽ എ​സ്റ്റേ​റ്റ് മാ​നേ​ജ്മെ​ന്റി​ന് സ​ർ​ക്കാ​ർ ന​ൽ​കു​ന്ന ന​ഷ്ട​പ​രി​ഹാ​ര​ത്തു​ക​യി​ൽ​നി​ന്ന് തൊ​ഴി​ലാ​ളി​ക​ളു​ടെ ആ​നു​കൂ​ല്യ​ങ്ങ​ൾ ന​ൽ​കു​മെ​ന്നാ​ണ് ഉ​റ​പ്പു​കൊ​ടു​ത്ത​ത്. എ​ന്നാ​ൽ, ഹൈ​കോ​ട​തി​യു​ടെ പു​തി​യ ഇ​ട​ക്കാ​ല ഉ​ത്ത​ര​വു​പ്ര​കാ​ര​മു​ള്ള ന​ഷ്ട​പ​രി​ഹാ​ര​ത്തു​ക​യും അ​പ​ര്യാ​പ്ത​മെ​ന്ന് കാ​ണി​ച്ച് എ​സ്​​റ്റേ​റ്റ് മാ​നേ​ജ്മെ​ന്റ് സു​പ്രീം​കോ​ട​തി​യെ സ​മീ​പി​ക്കാ​നി​രി​ക്കു​ക​യാ​ണ്. ഇ​തോ​ടെ തൊ​ഴി​ലാ​ളി​ക​ളു​ടെ ആ​നു​കൂ​ല്യം സം​ബ​ന്ധി​ച്ച് വീ​ണ്ടും അ​നി​ശ്ചി​ത​ത്വ​മു​ണ്ടാ​യി. ഇ​ക്കാ​ര്യം ഉ​ന്ന​യി​ച്ച് ശ​നി​യാ​ഴ്ച പ​ദ്ധ​തി പ്ര​ദേ​ശ​ത്ത് എ​ത്തി​യ തൊ​ഴി​ലാ​ളി യൂ​നി​യ​ൻ നേ​താ​ക്ക​ളു​മാ​യി തൊ​ഴി​ലാ​ളി​ക​ൾ വാ​ക്ത​ർ​ക്ക​മു​ണ്ടാ​യി.

പു​ന​ര​ധി​വാ​സ​ത്തി​ന് ത​ങ്ങ​ൾ ത​ട​സ്സ​മ​ല്ലെ​ന്നും എ​ന്നാ​ൽ, അ​ർ​ഹ​മാ​യ ആ​നു​കൂ​ല്യ​ങ്ങ​ൾ ന​ൽ​കാ​തെ എ​ല്ലാ​വ​രും ചേ​ർ​ന്ന് ത​ങ്ങ​ളെ വ​ഞ്ചി​ക്കു​ക​യാ​ണെ​ന്നും തൊ​ഴി​ലാ​ളി​ക​ൾ ആ​രോ​പി​ച്ചു. സം​യു​ക്ത തൊ​ഴി​ലാ​ളി യൂ​നി​യ​ന്റെ നേ​തൃ​ത്വ​ത്തി​ൽ ഞാ​യ​റാ​ഴ്ച മു​ത​ൽ പ​ദ്ധ​തി പ്ര​ദേ​ശ​ത്ത് അ​നി​ശ്ചി​ത​കാ​ല സ​മ​രം ന​ട​ത്തും. എ​ന്നാ​ൽ, നി​ർ​മാ​ണ​ത്തി​ന് ത​ട​സ്സ​മു​ണ്ടാ​ക്കി​ല്ല. ചൊ​വ്വാ​ഴ്ച സ​ബ് ക​ല​ക്ട​ർ തൊ​ഴി​ലാ​ളി​ക​ളെ ച​ർ​ച്ച​ക്ക് വി​ളി​ച്ചി​ട്ടു​ണ്ട്.