കാറുമായി റോഡിൽ ഭീകരാന്തരീക്ഷം; ആറംഗ സംഘത്തെ പിന്തുടർന്ന്​ പിടികൂടി

അ​മ്പ​ല​പ്പു​ഴ: പൊ​ലീ​സ് ജീ​പ്പി​ൽ ഉ​ള്‍പ്പെ​ടെ വി​വി​ധ വാ​ഹ​ന​ങ്ങ​ളി​ല്‍ ഇ​ടി​പ്പി​ച്ച​ശേ​ഷം സി​നി​മ മോ​ഡ​ലി​ല്‍ ക​ട​ക്കാ​ന്‍ ശ്ര​മി​ച്ച യു​വാ​ക്ക​ളെ നാ​ട്ടു​കാ​രു​ടെ സ​ഹാ​യ​ത്തോ​ടെ പൊ​ലീ​സ് പി​ടി​കൂ​ടി. CH 01AB 7629 എ​ന്ന ര​ജി​സ്റ്റ​ർ ന​മ്പ​രി​ലു​ള്ള ഇ​ന്നോ​വ കാ​റാ​ണ് നാ​ട്ടു​കാ​രു​ടെ സ​ഹാ​യ​ത്തോ​ടെ പു​ന്ന​പ്ര, അ​മ്പ​ല​പ്പു​ഴ പൊ​ലീ​സ് ചേ​ര്‍ന്ന് പി​ടി​കൂ​ടി​യ​ത്.

കാ​റി​ലു​ണ്ടാ​യി​രു​ന്ന കൊ​ല്ലം ക​രു​നാ​ഗ​പ്പ​ള്ളി സ്വ​ദേ​ശി​ക​ളാ​യ ആ​ലി​ൻ​ക​ട​വ് പു​ന്ന​മൂ​ട്ടി​ൽ അ​ഖി​ൽ (26), ദി​ലീ​പ് ഭ​വ​ന​ത്തി​ൽ സ​ഞ്ജ​യ് (25), പ്ര​വീ​ൺ നി​വാ​സി​ൽ പ്ര​വീ​ൺ (25), ഓ​ച്ചി​റ ച​ങ്ങം​കു​ള​ങ്ങ​ര ഗൗ​രി ഭ​വ​നി​ൽ ആ​ദ​ർ​ശ് (23), ഷി​യാ​സ് മ​ൻ​സി​ലി​ൽ നി​യാ​സ് (22), കാ​ട്ടി​ൽ​ക​ട​വ് ത​റ​യി​ൽ​വീ​ട്ടി​ൽ സൂ​ര​ജ് (21) എ​ന്നി​വ​രെ​യും വാ​ഹ​ന​വും പൊ​ലീ​സ് ക​സ്റ്റ​ഡി​യി​ലെ​ടു​ത്തു.

ഞാ​യ​റാ​ഴ്ച രാ​ത്രി 11.30ഓ​ടെ​യാ​യി​രു​ന്നു സം​ഭ​വം. സു​ഹൃ​ത്തു​ക​ളാ​യ ഇ​വ​ർ, സ​ഞ്ജ​യി​യെ വി​ദേ​ശ​ത്തേ​ക്ക് യാ​ത്ര​യാ​ക്കാ​ൻ നെ​ടു​മ്പാ​ശ്ശേ​രി​യി​ലേ​ക്ക് പോ​കു​ക​യാ​യി​രു​ന്നു. വ​ലി​യ​ഴീ​ക്ക​ൽ പാ​ലം ക​ട​ന്ന് തീ​ര​ദേ​ശ റോ​ഡു​വ​ഴി എ​ത്തി​യ ഇ​വ​ർ സ​ഞ്ച​രി​ച്ച വാ​ഹ​നം എ​തി​രെ വ​ന്ന മാ​രു​തി കാ​റി​ൽ ത​ട്ടി മാ​രു​തി​യു​ടെ ഒ​രു വ​ശ​ത്തെ ക​ണ്ണാ​ടി ത​ക​ർ​ന്നു.

ഇ​തി​നു​ള്ള ന​ഷ്ട​പ​രി​ഹാ​രം ന​ൽ​കി യാ​ത്ര തു​ട​ർ​ന്ന​താ​യി പൊ​ലീ​സ് പ​റ​ഞ്ഞു. യാ​ത്ര​ക്കി​ടെ സ്കൂ​ട്ട​റി​ൽ ത​ട്ടി​യെ​ങ്കി​ലും നി​ർ​ത്താ​തെ പോ​യ​താ​യി നാ​ട്ടു​കാ​ർ പ​റ​യു​ന്നു. ഇ​തി​നി​ടെ സ​മീ​പ​ത്തെ ക​ട​യി​ൽ നി​ർ​ത്തി കു​ടി​വെ​ള്ളം വാ​ങ്ങു​ന്ന​തി​നി​ടെ നാ​ട്ടു​കാ​രു​മാ​യി വാ​ക്കേ​റ്റ​മു​ണ്ടാ​യി.

നാ​ട്ടു​കാ​രെ ഭീ​ഷ​ണി​പ്പെ​ടു​ത്തി​യും അ​സ​ഭ്യ​വും പ​റ​ഞ്ഞ​ശേ​ഷം വേ​ഗ​ത്തി​ൽ വാ​ഹ​ന​മോ​ടി​ച്ചു​പോ​യ ഇ​വ​രു​ടെ പി​ന്നാ​ലെ പ​ല്ല​ന സ്വ​ദേ​ശി​ക​ളാ​യ ഒ​രു സം​ഘം നാ​ട്ടു​കാ​ർ കാ​റി​ലും ഇ​രു​ച​ക്ര വാ​ഹ​ന​ങ്ങ​ളി​ലു​മാ​യി പി​ൻ​തു​ട​ർ​ന്നു. വി​വ​ര​മ​റി​ഞ്ഞ് അ​മ്പ​ല​പ്പു​ഴ​യി​ൽ വാ​ഹ​നം ത​ട​യാ​ൻ നി​ന്ന പൊ​ലീ​സി​നെ വെ​ട്ടി​ച്ച് ഇ​ന്നോ​വ കാ​ർ മു​ന്നോ​ട്ടു​പാ​ഞ്ഞു. ഇ​തി​നി​ടെ പൊ​ലീ​സ് ജീ​പ്പി​ന്‍റെ വ​ശ​ത്തെ ക​ണ്ണാ​ടി, ബ​മ്പ​ർ എ​ന്നി​വ ത​ക​ർ​ത്തു.

അ​മി​ത​വേ​ഗ​ത്തി​ൽ മു​മ്പോ​ട്ടു​പാ​ഞ്ഞ കാ​ർ, കാ​ക്കാ​ഴം റെ​യി​ൽ​വേ മേ​ൽ​പാ​ല​ത്തി​ന്‍റെ വ​ല​ത് ഫു​ട്പാ​ത്തി​ൽ ഇ​ടി​ച്ചു​ക​യ​റി കാ​റി​ന്‍റെ വ​ല​തു​വ​ശം പി​ൻ​ഭാ​ഗ​ത്തെ ട​യ​ർ പൊ​ട്ടി​ത്തെ​റി​ച്ചു. പി​ന്നീ​ടും കി​ലോ​മീ​റ്റ​റു​ക​ൾ മു​ന്നോ​ട്ട് ഓ​ടി​യ കാ​ർ ദേ​ശl​യ​പാ​ത​യി​ല്‍ പു​ന്ന​പ്ര​യി​ല്‍ നി​ന്നും കി​ഴ​ക്കോ​ട്ട് പോ​യി ക​ള​രി ക്ഷേ​ത്ര​ത്തി​ന് സ​മീ​പ​ത്തെ ആ​ളൊ​ഴി​ഞ്ഞ പ​റ​മ്പി​ല്‍ വ​ഴി​യ​റി​യാ​തെ നി​ർ​ത്തി. പൊ​ട്ടി​യ ട​യ​ര്‍ പൂ​ര്‍ണ​മാ​യും തേ​ഞ്ഞു​തീ​ര്‍ന്നി​രു​ന്നു.

വി​വ​ര​മ​റി​ഞ്ഞ് പു​ന്ന​പ്ര പൊ​ലീ​സും സ്ഥ​ല​ത്തെ​ത്തി. കാ​റി​ൽ​നി​ന്ന് ഓ​ടി ര​ക്ഷ​പെ​ട്ട് സ​മീ​പ​ത്തെ പു​ര​യി​ട​ങ്ങ​ളി​ല്‍ ഒ​ളി​ച്ച യു​വാ​ക്ക​ളി​ൽ മൂ​ന്നു പേ​രെ നാ​ട്ടു​കാ​ർ പി​ടി​കൂ​ടി പൊ​ലീ​സി​ന് കൈ​മാ​റി. മ​റ്റ് മൂ​ന്നു​പേ​രെ പി​ന്‍തു​ട​ര്‍ന്നെ​ത്തി​യ അ​മ്പ​ല​പ്പു​ഴ പൊ​ലീ​സും പി​ടി​കൂ​ടി. വാ​ഹ​ന​ത്തി​ല്‍ എ​ന്തൊ ലാ​യ​നി നി​റ​ച്ച കു​പ്പി ഉ​ണ്ടാ​യി​രു​ന്ന​താ​യി പ​റ​യു​ന്നു.

അ​ഖി​ലാ​ണ് കാ​ർ ഓ​ടി​ച്ച​തെ​ന്ന് പൊ​ലീ​സ് പ​റ​ഞ്ഞു. യു​വാ​ക്ക​ൾ​ക്കെ​തി​രെ പൊ​തു​മു​ത​ൽ ന​ശി​പ്പി​ച്ച​തി​നു​ൾ​പ്പ​ടെ കേ​സെ​ടു​ത്തു. അ​മ്പ​ല​പ്പു​ഴ കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ്​ ചെ​യ്തു.