പൊക്കാളിപാടങ്ങൾ സമ്പൂർണ​ ചെമ്മീൻകൃഷിയിലേക്കിറങ്ങുന്നു

അ​രൂ​ർ: പാ​ട​ങ്ങ​ളി​ൽ ഒ​രു നെ​ല്ലും ഒ​രു മീ​നും എ​ന്ന സ​ർ​ക്കാ​ർ ന​യം മാ​റു​ന്ന​തി​ന്​ ക​ള​മൊ​രു​ങ്ങു​ന്നു. ഇ​തി​നു​വേ​ണ്ടി​വാ​ദി​ച്ചു​വ​ന്ന സി.​പി.​എം ഇ​പ്പോ​ൾ ചെ​മ്മീ​ൻ​കൃ​ഷി​ക്ക്​ അ​നു​കൂ​ല​മാ​യി​ നി​ല​പാ​ട്​ മാ​റ്റു​ക​യാ​ണ്. ഇ​ത​നു​സ​രി​ച്ച്​ സ​ർ​ക്കാ​റി​ന്‍റെ ന​യ​വും മാ​റു​മെ​ന്നാ​ണ്​​ സൂ​ച​ന. അ​രൂ​ർ മ​ണ്ഡ​ല​ത്തി​ൽ വ​നാ​മി ചെ​മ്മീ​ൻ കൃ​ഷി വ്യാ​പ​ക​മാ​ക്കു​ന്ന​തി​ന്​​ സി.​പി.​എം മൗ​ന​സ​മ്മ​തം ന​ൽ​കി​യി​ട്ടു​ണ്ട്. ചെ​മ്മീ​ൻ കൃ​ഷി​ക്കാ​യി ഒ​രു​ക്കം ന​ട​ത്താ​ൻ പാ​ർ​ട്ടി​യു​ടെ വ​ർ​ഗ - ബ​ഹു​ജ​ന സം​ഘ​ട​ന​ക​ൾ​ക്ക്​ നേ​തൃ​ത്വം നി​ർ​ദേ​ശം ന​ൽ​കി. അ​രൂ​ർ മ​ണ്ഡ​ല​ത്തി​ൽ മാ​ത്രം ഹെ​ക്ട​ർ​ക​ണ​ക്കി​ന് പൊ​ക്കാ​ളി പാ​ട​ശേ​ഖ​ര​ങ്ങ​ളാ​ണു​ള്ള​ത്.

പൊ​ക്കാ​ളി​പാ​ട​ങ്ങ​ളി​ൽ ഒ​രു നെ​ല്ലും ഒ​രു​മീ​നും എ​ന്ന​താ​യി​തു​ന്നു ഇ​തു​വ​രെ​ ന​യം. മ​ത്സ്യ​കൃ​ഷി ക​ഴി​ഞ്ഞാ​ൽ ഇ​ട​വേ​ള​ക​ളി​ൽ നെ​ൽ​കൃ​ഷി ന​ട​ത്ത​ണ​മെ​ന്നും ഇ​ല്ലെ​ങ്കി​ൽ മ​ത്സ്യ​കൃ​ഷി ന​ട​ത്താ​തെ പാ​ടം ഒ​ഴി​ച്ചി​ട​ണം എ​ന്നു​മാ​യി​രു​ന്നു മു​ൻ തീ​രു​മാ​നം. മ​ത്സ്യ​കൃ​ഷി വ്യാ​പ​ക​മാ​ക്കാ​നു​ള്ള ശ്ര​മ​ങ്ങ​ൾ ശ​ക്​​ത​മാ​യ​പ്പോ​ൾ സി.​പി.​എം മൗ​ന​മാ​യി അ​ത​നു​വ​ദി​ക്കു​ക​യാ​യി​രു​ന്നു. പ്ര​ത്യ​ക്ഷ സ​മ​ര​ത്തി​ലേ​ക്ക് സി.​പി.​എ​മ്മും അ​നു​ബ​ന്ധ സം​ഘ​ട​ന​ക​ളും വ​ന്നി​ല്ല. ഇ​പ്പോ​ൾ സി.​ഐ.​ടി.​യു​വി​ന്റെ നേ​തൃ​ത്വ​ത്തി​ൽ മ​ത്സ്യ അ​നു​ബ​ന്ധ തൊ​ഴി​ലാ​ളി ഫെ​ഡ​റേ​ഷ​ൻ‘​വ​നാ​മി ചെ​മ്മീ​ൻ കൃ​ഷി കേ​ര​ള​ത്തി​ലെ സാ​ധ്യ​ത’ എ​ന്ന വി​ഷ​യ​ത്തെ ആ​സ്പ​ദ​മാ​ക്കി ച​ന്തി​രൂ​രി​ൽ മെ​യി​ൽ സെ​മി​നാ​ർ സം​ഘ​ടി​പ്പി​ക്കു​ന്നു​ണ്ട്. ഒ​രു​നെ​ല്ലും ഒ​രു മീ​നും എ​ന്ന ന​യം മാ​റ്റു​ന്ന​തി​നെ ഇ​തു​വ​രെ എ​തി​ർ​ത്തു​വ​ന്ന കെ.​എ​സ്.​കെ.​ടി.​യു​വും സെ​മി​നാ​റി​ൽ പ​​ങ്കെ​ടു​ക്കു​ന്നു​ണ്ട്. മേ​ഖ​ല​യി​ലെ സ​മു​ദ്രോ​ല്പ​ന്ന ക​യ​റ്റു​മ​തി സ്ഥാ​പ​ന​ങ്ങ​ൾ നേ​രി​ടു​ന്ന ക​ടു​ത്ത പ്ര​തി​സ​ന്ധി മ​റി​ക​ട​ക്കാ​നാ​ണ്​ വ​നാ​മി ചെ​മ്മീ​ൻ കൃ​ഷി വ്യ​പാ​പ​ക​മാ​ക്കാ​ൻ നീ​ക്കം ന​ട​ക്കു​ന്ന​ത്. ക​ട​ലി​ൽ നി​ന്നു​ള്ള ചെ​മ്മീ​ൻ ഇ​ന​ങ്ങ​ളു​ടെ ല​ഭ്യ​ത​ക്കു​റ​വും അ​യ​ൽ സം​സ്ഥാ​ന​ങ്ങ​ളി​ൽ നി​ന്നു​ള്ള ചെ​മ്മീ​നി​ന്റെ വ​ര​വ് കു​റ​ഞ്ഞ​തും നി​മി​ത്തം പ്ര​ദേ​ശ​ത്തെ ചെ​മ്മീ​ൻ ഫാ​ക്ട​റി​ക​ൾ നേ​രി​ടു​ന്ന പ്ര​തി​സ​ന്ധി മ​റി​ക​ട​ക്കാ​നാ​ണ്​ ചെ​മ്മീ​ൻ​കൃ​ഷി വ്യാ​പ​ക​മാ​ക്കാ​ൻ നീ​ക്കം ന​ട​ക്കു​ന്ന​ത്.

മ​ത്സ്യ സം​സ്ക​ര​ണ ക​യ​റ്റു​മ​തി​യി​ലൂ​ടെ സൃ​ഷ്ടി​ക്കു​ന്ന തൊ​ഴി​ലും വ​രു​മാ​ന​വും വി​ദേ​ശ​നാ​ണ്യ​വും വ​ലി​യ​തോ​തി​ൽ കു​റ​യു​ന്ന അ​ന്ത​രീ​ക്ഷ​ത്തി​ലാ​ണ് വ്യ​വ​സാ​യം കേ​ര​ള​ത്തി​ൽ പി​ടി​ച്ചു​നി​ർ​ത്താ​ൻ പു​തി​യ ശ്ര​മം ന​ട​ത്തു​ന്ന​ത്. മ​ത്സ്യ ക​യ​റ്റു​മ​തി രം​ഗ​ത്ത് കേ​ര​ളം ഇ​പ്പോ​ൾ അ​ഞ്ചാം സ്ഥാ​ന​ത്താ​ണ്. ന​ഷ്ട​പ്പെ​ട്ട പ്ര​ഥ​മ​സ്ഥാ​നം വീ​ണ്ടെ​ടു​ക്കാ​നു​ള്ള ശ്ര​മം കൂ​ടി​യാ​ണി​തെ​ന്ന് പാ​ർ​ട്ടി​യി​ലെ ചി​ല നേ​താ​ക്ക​ൾ പ​റ​യു​ന്നു. കേ​ര​ള​ത്തെ പി​ന്നി​ലാ​ക്കി വ​നാ​മി ചെ​മ്മീ​നി​ന്റെ ഉ​ൽ​പാ​ദ​ന​ത്തി​ൽ ഇ​പ്പോ​ൾ ഒ​ന്നാം സ്ഥാ​ന​ത്ത് നി​ൽ​ക്കു​ന്ന ആ​ന്ധ്ര​ക്കാ​ണ് ക​യ​റ്റു​മ​തി​യി​ലും ഒ​ന്നാം സ്ഥാ​നം.

ഓ​രു ജ​ല​വും ത​രി​ശു​പാ​ട​ശേ​ഖ​ര​വും സ​മൃ​ദ്ധ​മാ​യ അ​രൂ​ർ മേ​ഖ​ല​യി​ൽ വ​നാ​മി ചെ​മ്മീ​ൻ കൃ​ഷി​ക്കും മ​ത്സ്യ​കൃ​ഷി​ക്കും വി​പു​ല​മാ​യ സാ​ധ്യ​ത​ക​ളു​ണ്ട്. പ​ദ്ധ​തി വി​ജ​യി​ച്ചാ​ൽ കൃ​ഷി ചെ​യ്യു​ന്ന ക​ർ​ഷ​ക​ർ​ക്കും അ​നു​ബ​ന്ധ മേ​ഖ​ല​യി​ലു​ള്ള ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ൾ​ക്കും ര​ക്ഷ​യാ​കു​മെ​ന്ന് ക​യ​റ്റു​മ​തി​ക്കാ​ർ പ​റ​യു​ന്നു. അ​രൂ​ർ മ​ണ്ഡ​ല​ത്തി​ൽ 5000 ഹെ​ക്ട​ർ പാ​ട​ശേ​ഖ​ര​ത്തി​ൽ ഭൂ​രി​ഭാ​ഗ​വും ത​രി​ശാ​യി​കി​ട​ക്കു​ക​യാ​ണ്.

10 വ​ർ​ഷം തു​ട​ർ​ച്ച​യാ​യി നെ​ൽ​കൃ​ഷി​ക്ക് ഉ​പ​യോ​ഗി​ക്കാ​ത്ത പാ​ട​ശേ​ഖ​ര​ങ്ങ​ൾ സ​ർ​ക്കാ​ർ അ​നു​മ​തി​യോ​ടെ മ​ത്സ്യ​കൃ​ഷി ന​ട​ത്താ​നാ​ണ് നീ​ക്കം. മ​ത്സ്യ സം​സ്ക​ര​ണ ക​യ​റ്റു​മ​തി വ്യ​വ​സാ​യം ഏ​റ്റ​വും കൂ​ടു​ത​ൽ കേ​ന്ദ്രീ​ക​രി​ക്ക​പ്പെ​ട്ടി​ട്ടു​ള്ള​ത് അ​രൂ​രി​ലാ​ണ്. വ​നാ​മി ചെ​മ്മീ​ൻ കൃ​ഷി വ്യാ​പ​ക​മാ​യി ന​ട​ത്തു​ന്ന ആ​ന്ധ്ര ഉ​ൾ​പ്പെ​ടെ സം​സ്ഥാ​ന​ങ്ങ​ളി​ൽ നി​ന്നാ​ണ് കേ​ര​ള​ത്തി​ലേ​ക്ക് വ​നാ​മി ചെ​മ്മീ​ൻ എ​ത്തു​ന്ന​ത്.

ന​ഷ്ടം കു​റ​ക്കാ​ൻ ചെ​മ്മീ​ൻ​കൃ​ഷി അ​നി​വാ​ര്യം

ഒ​രു ലോ​ഡ് ചെ​മ്മീ​ൻ കേ​ര​ള​ത്തി​ൽ എ​ത്തു​മ്പോ​ൾ അ​ഞ്ച്​ ല​ക്ഷ​ത്തി​ല​ധി​കം രൂ​പ വാ​ഹ​ന ചെ​ല​വ് വ​രും. ആ​ന്ധ്ര​യി​ൽ പീ​ലിം​ഗ് വേ​ത​നം കേ​ര​ള​ത്തെ അ​പേ​ക്ഷി​ച്ച് വ​ള​രെ കു​റ​വാ​ണ്. ഇ​തു ര​ണ്ടും​മൂ​ല​മു​ണ്ടാ​കു​ന്ന ന​ഷ്ടം കേ​ര​ള​ത്തി​ൽ വ​നാ​മി ചെ​മ്മീ​ൻ ഉ​ത്പാ​ദി​പ്പി​ച്ചാ​ൽ മ​റി​ക​ട​ക്കാ​നാ​വു​മെ​ന്ന് ചേ​മ്പ​ർ ഓ​ഫ് കേ​ര​ള സീ​ഫു​ഡ് ഇ​ൻ​ഡ​സ്ട്രി സം​സ്ഥാ​ന പ്ര​സി​ഡ​ന്‍റ്​ ജെ.​ആ​ർ. അ​ജി​ത്ത് പ​റ​ഞ്ഞു.

സം​ഘ​ട​ന 40 ല​ക്ഷം രൂ​പ ചെ​ല​വ​ഴി​ച്ച് സ്വ​കാ​ര്യ ഏ​ജ​ൻ​സി​യെ കൊ​ണ്ട് പ​ഠ​നം ന​ട​ത്തി അ​രൂ​ർ മേ​ഖ​ല​യി​ൽ വ​നാ​മി കൃ​ഷി അ​നി​വാ​ര്യ​മാ​ണെ​ന്നു​ള്ള റി​പ്പോ​ർ​ട്ട് സ​ർ​ക്കാ​റി​ന് സ​മ​ർ​പ്പി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ത​രി​ശ് കി​ട​ക്കു​ന്ന മു​ഴു​വ​ൻ സ്ഥ​ല​ങ്ങ​ളി​ലും നെ​ൽ​കൃ​ഷി അ​സാ​ധ്യം -കെ.​എ​സ്.​കെ.​ടി.​യു

ത​രി​ശ് കി​ട​ക്കു​ന്ന മു​ഴു​വ​ൻ സ്ഥ​ല​ങ്ങ​ളി​ലും നെ​ൽ​കൃ​ഷി അ​സാ​ധ്യ​മാ​ണെ​ന്നും മ​ത്സ്യ​കൃ​ഷി ന​ട​ത്ത​ണ​മെ​ന്നു ത​ന്നെ​യാ​ണ് യൂ​നി​യ​ന്‍റെ നി​ല​പാ​ടെ​ന്നും ക​ർ​ഷ​ക​ത്തൊ​ഴി​ലാ​ളി യൂ​നി​യ​ൻ അ​രൂ​ർ ഏ​രി​യ ക​മ്മി​റ്റി സെ​ക്ര​ട്ട​റി സു​രേ​ഷ് കു​മാ​ർ പ​റ​യു​ന്നു. ഹെ​ക്ട​ർ ക​ണ​ക്കി​ന് നെ​ൽ​പ്പാ​ട​ങ്ങ​ൾ കൃ​ഷി​യി​ല്ലാ​തെ കി​ട​ക്കു​ന്ന​ത് സം​ഘ​ട​ന​യ്ക്കും വി​ഷ​മ​മു​ള്ള കാ​ര്യ​മാ​ണ്.

സാ​ധ്യ​മാ​യ കു​റെ സ്ഥ​ല​മെ​ങ്കി​ലും കൃ​ഷി​ക്ക് ഉ​പ​യോ​ഗി​ക്ക​ണ​മെ​ന്ന് ത​ന്നെ​യാ​ണ് യൂ​നി​യ​ന്‍റെ നി​ല​പാ​ട്. വ​രു​മാ​നം ഇ​ല്ലാ​തെ കി​ട​ക്കു​ന്ന നെ​ൽ​പ്പാ​ട​ങ്ങ​ൾ ക​ർ​ഷ​ക​ർ​ക്കും ബാ​ധ്യ​ത​യാ​യി മാ​റി​യി​ട്ടു​ണ്ട്. ചു​രു​ക്കം ചി​ല​രു​ടെ കൈ​ക​ളി​ലേ​ക്ക് വ​രു​മാ​നം പോ​കു​ന്ന​ത് തൊ​ഴി​ലാ​ളി​ക​ൾ​ക്കും ന​ഷ്ട​മാ​ണ്. കൃ​ഷി ചെ​യ്യാ​തെ പാ​ട​ങ്ങ​ൾ കി​ട​ക്കു​മ്പോ​ഴും പാ​രി​സ്ഥി​തി​ക പ്ര​ശ്ന​ങ്ങ​ൾ ഉ​ണ്ടാ​കു​ന്നു​ണ്ട്. മ​ത്സ്യ​കൃ​ഷി വ്യാ​പ​ക​മാ​ക്കു​ന്ന​തി​ൽ കൂ​ട്ടാ​യ ച​ർ​ച്ച ന​ട​ത്ത​ണം.

അ​തി​നു​വേ​ണ്ടി​യാ​ണ് സി.​ഐ.​ടി.​യു സെ​മി​നാ​ർ ന​ട​ത്തു​ന്ന​ത്. മ​ത്സ്യ​പ്പാ​ട ശേ​ഖ​ര​ങ്ങ​ൾ​ക്ക​രി​കി​ലെ ക​ർ​ഷ​ക തൊ​ഴി​ലാ​ളി കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​വാ​നും ക​ർ​ഷ​ക തൊ​ഴി​ലാ​ളി​ക​ൾ​ക്ക് കൃ​ഷി​പ്പാ​ട​ങ്ങ​ളി​ൽ ജോ​ലി ന​ൽ​കു​വാ​നും തീ​രു​മാ​നം ഉ​ണ്ടാ​ക​ണ​മെ​ന്നും സു​രേ​ഷ്കു​മാ​ർ പ​റ​ഞ്ഞു.