ഭാഷാപഠനത്തിന് നൂതന കണ്ടുപിടിത്തവുമായി പ്രേംദാസ്

ചെ​ങ്ങ​ന്നൂ​ർ: ഭാ​ഷാ​പ​ഠ​ന​ത്തി​ന് അ​തി​നൂ​ത​ന ക​ണ്ടു​പി​ടി​ത്ത​വു​മാ​യി ഇം​ഗ്ലീ​ഷ്​ അ​ധ്യാ​പ​ക​ൻ പ്രേം​ദാ​സ്. ചെ​ങ്ങ​ന്നൂ​ർ പു​ലി​യൂ​ർ സ്വ​ദേ​ശി​യാ​ണ്​ ഈ 57 ​കാ​ര​ൻ. മൂ​ന്ന​ര പ​തി​റ്റാ​ണ്ടി​ന്റെ അ​ധ്യാ​പ​ന​സ​പ​ര്യ​യി​ൽ ല​ക്ഷ​ക്ക​ണ​ക്കി​ന് ഇം​ഗ്ലീ​ഷ് വാ​ക്യ​ങ്ങ​ൾ തെ​റ്റു​കൂ​ടാ​തെ എ​ഴു​താ​നും സം​സാ​രി​ക്കാ​നും സ​ഹാ​യി​ക്കു​ന്ന പാ​ഠ്യ​പ​ദ്ധ​തി ‘പ്രേം​സ് ഇം​ഗ്ലീ​ഷ്’ എ​ന്ന പേ​രി​ൽ ത​യാ​റാ​ക്കി. 180 രാ​ജ്യ​ങ്ങ​ളി​ൽ അം​ഗീ​കാ​ര​മു​ള്ള ഇ​ന്റ​ർ​നാ​ഷ​ണ​ൽ കോ​പ്പി​റൈ​റ്റ് ല​ഭി​ക്കു​ക​യു​ണ്ടാ​യി.110-​ൽ പ​രം പ്ര​ഫ​സ​ർ​മാ​ർ ഇ​തി​നെ പ്ര​ശം​സി​ച്ച എ​ഴു​തു​ക​യു​ണ്ടാ​യി. 18ാം വ​യ​സ്സി​ലാ​ണ് ഇം​ഗ്ലീ​ഷ് പ​ഠ​നം കാ​ര്യ​മാ​യി​ട്ടെ​ടു​ക്കു​ന്ന​ത്. ഇം​ഗ്ലീ​ഷ് വാ​ക്യ​ങ്ങ​ൾ എ​ഴു​താ​നും സം​സാ​രി​ക്കാ​നും പ​ഠി​പ്പി​ക്കു​ന്ന പാ​ഠ്യ​പ​ദ്ധ​തി ലോ​ക​ത്തെ​ങ്ങും നി​ല​വി​ലി​ല്ലെ​ന്ന് മ​ന​സ്സി​ലാ​ക്കി​യ​പ്പോ​ൾ എ​ന്തു​കൊ​ണ്ട് അ​ങ്ങ​നെ ഒ​രു പാ​ഠ്യ​പ​ദ്ധ​തി ത​യാ​റാ​ക്കി​ക്കൂ​ടാ എ​ന്ന ചി​ന്ത​യാ​ണ് ഈ ​ക​ണ്ടു​പി​ടു​ത്ത​ത്തി​ന് കാ​ര​ണ​മാ​യ​ത്. അ​ധ്യാ​പ​ന​പ​രി​ച​യം ക​ണ്ടു​പി​ടു​ത്ത​ത്തി​ന് ഏ​റെ സ​ഹാ​യ​ക​ര​മാ​യി.

എ​ൽ.​കെ.​ജി മു​ത​ൽ പി.​ജി വ​രെ 19 വ​ർ​ഷം പ​ഠി​ച്ചി​റ​ങ്ങു​ന്ന​വ​ർ​ക്ക് ഇം​ഗ്ലീ​ഷ് വാ​ക്യ​ങ്ങ​ൾ പോ​ലും തെ​റ്റു കൂ​ടാ​തെ ഉ​പ​യോ​ഗി​ക്കാ​ൻ ബു​ദ്ധി​മു​ട്ട് നേ​രി​ടു​ന്നു. സ്കൂ​ളു​ക​ളി​ലും കോ​ളേ​ജു​ക​ളി​ലും ഇം​ഗ്ലീ​ഷ് ഭാ​ഷാ പ​ഠ​ന​ത്തി​ന്റെ ഭാ​ഗ​മാ​യി ഇം​ഗ്ലീ​ഷ് അ​ക്ഷ​രം, വാ​ക്ക്, ക​ഥ, ക​വി​ത, നോ​വ​ൽ, വ്യാ​ക​ര​ണം എ​ന്നി​ങ്ങ​നെ മാ​ത്ര​മാ​ണ് പ​ഠി​പ്പി​ക്കു​ന്ന​ത്. ഈ ​പാ​ഠ്യ​പ​ദ്ധ​തി ലോ​ക​ത്തു​ള്ള എ​ല്ലാ ഭാ​ഷ​ക​ളി​ലും പ്ര​സി​ദ്ധീ​ക​രി​ക്കാ​നു​ള്ള ത​യാ​റെ​ടു​പ്പി​ലാ​ണെ​ന്ന്​ പ്രേം​ദാ​സ് ‘മാ​ധ്യ​മ’​ത്തോ​ട് പ​റ​ഞ്ഞു.