കാൽപന്തുകളിയിലെ പെൺകരുത്ത്

മ​ണ്ണ‌​ഞ്ചേ​രി: പ്ര​തി​കൂ​ല സാ​ഹ​ച​ര്യ​ത്തെ​യും അ​വ​ഗ​ണ​ന​യെ​യും അ​തി​ജീ​വി​ച്ച് സു​ലു ഫു​ട്​ബാ​ൾ ലോ​ക​ത്ത് പൂ​ർ​ത്തി​യാ​ക്കി​യ​ത് 20 വ​ർ​ഷ​ങ്ങ​ൾ. 12ാം വ​യ​സ്സി​ലാ​ണ് കാ​ൽ​പ​ന്തി​ന്‍റെ ക​ളി​ക്ക​ള​ത്തി​ലേ​ക്ക് ബൂ​ട്ടും ജേ​ഴ്‌​സി​യു​മ​ണി​ഞ്ഞ് സു​ലു കു​ഞ്ഞു​മോ​ൻ എ​ന്ന കൊ​ച്ചു​പെ​ൺ​കു​ട്ടി പി​താ​വി​ന്റെ കൈ​പി​ടി​ച്ച് ക​ട​ന്നു​ചെ​ല്ലു​ന്ന​ത്. ആ ​ദൃ​ഢ​നി​ശ്ച​യ​ത്തി​ന് കാ​ൽ​പ​ന്തി​ന്റെ ലോ​കം സു​ലു​വിന്​ കാ​ത്തു​വെ​ച്ച​ത് മി​ക​ച്ച വ​നി​ത ഫു​ട്ബാ​ൾ താ​ര​മെ​ന്ന മേ​ൽ​വി​ലാ​സം.

കേ​ര​ള ടീ​മി​ന്റെ ബ്ലൈ​ൻ​ഡ് ഫു​ട്ബാ​ളി​ന്റെ കീ​പ്പ​റാ​യി പോ​യി മൂ​ന്നാം സ്ഥാ​നം ക​ര​സ്ഥ​മാ​ക്കി. ഡി.​എ​ഫ്.​ആ​ർ അ​സോ​സി​യേ​ഷ​ന്റെ എ​ക്സി. മെം​ബ​ർ, അ​സോ​സി​യേ​ഷ​ന്റെ കോ​ച്ച്, അ​സോ​സി​യേ​ഷ​ൻ ട്ര​ഷ​റ​ർ, ജി​ല്ല​യി​ലെ റ​ഫ​റി വി​ത്ത് കോ​ച്ച് മ​റ്റു ജി​ല്ല​ക​ൾ​ക്ക് വേ​ണ്ടി മാ​സ്റ്റേ​ഴ്സ് പോ​ലു​ള്ള ഗെ​യി​മി​ൽ പ്ലെ​യ​ർ എ​ന്നി​ങ്ങ​നെ ഫു​ട്​ബാ​ളി​ൽ ത​ന്‍റേ​താ​യ സാ​ന്നി​ധ്യം സു​ലു ഉ​റ​പ്പി​ച്ചു.

അ​വ​സാ​നം 2025 വ​ണ്ടൂ​രി​ൽ ന​ട​ന്ന മാ​സ്റ്റേ​ഴ്സ് ടൂ​ർ​ണ​മെ​ന്റി​ൽ റ​ണ്ണേ​ഴ്സാ​യി. മ​ല​പ്പു​റം ജി​ല്ല​ക്കു​വേ​ണ്ടി​യാ​ണ് ബൂ​ട്ട​ണി​ഞ്ഞ​ത്. ക​ളി​ക്ക​ള​ത്തി​ലെ പ്ര​തി​കൂ​ല സാ​ഹ​ച​ര്യ​ങ്ങ​ളെ​ക്കാ​ൾ സ​മൂ​ഹം ന​ൽ​കി​യ അ​വ​ഗ​ണ​ന​യും അ​വ​ഹേ​ള​ന​വും അ​തി​ജീ​വി​ച്ച​പ്പോ​ൾ കോ​ട്ട​യ​ത്തെ ആ​ദ്യ വ​നി​ത പ​രി​ശീ​ല​ക, ആ​ല​പ്പു​ഴ​യി​ലെ ആ​ദ്യ വ​നി​ത റ​ഫ​റി എ​ന്നീ പ​ദ​വി​ക​ൾ സ്വ​ന്ത​മാ​ക്കി. ഒ​പ്പം കോ​ട്ട​യം ലീ​ഡ്‌​സ് ഫു​ട്‌​ബാ​ൾ അ​ക്കാ​ദ​മി​യി​ലെ വ​നി​ത പ​രി​ശീ​ല​ക എ​ന്ന നേ​ട്ട​വും.

ആ​ല​പ്പു​ഴ ആ​ശ്ര​മം വാ​ർ​ഡി​ൽ വെ​ളി​യം​പ​റ​മ്പി​ൽ വീ​ട്ടി​ൽ കൂ​ലി​പ്പ​ണി​ക്കാ​ര​നാ​യ ടി.​എ. കു​ഞ്ഞു​മോ​ന്റെ​യും ഷൈ​ല​യു​ടെ​യും ര​ണ്ട് പെ​ൺ​മ​ക്ക​ളി​ൽ മൂ​ത്ത​യാ​ളാ​ണ് 31കാ​രി​യാ​യ സു​ലു. ആ​റു വ​ർ​ഷം ആ​ല​പ്പു​ഴ ജി​ല്ല ടീ​മി​ൽ ക​ളി​ച്ച സു​ലു വി​വാ​ഹ​ത്തോ​ടെ ക​ളി​ക്ക​ള​ത്തോ​ട് വി​ട പ​റ​ഞ്ഞു. എ​ന്നാ​ൽ, പ​രി​ശീ​ല​ക​ൻ വി​ജ​യ​കു​മാ​റി​ന്റെ ഇ​ട​പെ​ട​ലി​ൽ ഭ​ർ​ത്താ​വ് മ​ണ്ണ​ഞ്ചേ​രി വാ​ഴ​ച്ചി​റ​യി​ൽ ഫൈ​സാ​ദി​ന്റെ പി​ന്തു​ണ​യോ​ടെ​യാ​ണ് സു​ലു ക​ളി​ക്ക​ള​ത്തി​ലേ​ക്ക് ര​ണ്ടാം​വ​ര​വ് ന​ട​ത്തി​യ​ത്. ഇ​പ്പോ​ൾ പ​രി​ശീ​ല​ക​യു​ടെ മേ​ലാ​പ്പ​ണി​ഞ്ഞു. ജീ​വി​താ​നു​ഭ​വ​ങ്ങ​ൾ പാ​ഠ​മാ​ക്കി ഒ​രു​പ​റ്റം വീ​ട്ട​മ്മ​മാ​രെ​യാ​ണ് സു​ലു കാ​ൽ​പ​ന്തി​ന്റെ ലോ​ക​ത്തേ​ക്കെ​ത്തി​ക്കു​ന്ന​ത്.

ആ​ല​പ്പു​ഴ ടൗ​ൺ ഫു​ട്ബാ​ൾ ക്ല​ബ് എ​ന്ന പേ​രി​ൽ തൃ​ശൂ​രി​ൽ ന​ട​ന്ന പ്രാ​ദേ​ശി​ക ഫു​ട്ബാ​ൾ മ​ത്സ​ര​ത്തി​ൽ വി​ജ​യം നേ​ടി​യ​തോ​ടെ സു​ലു​വി​ന്റെ പെ​ൺ​പ​ട​യു​ടെ പെ​രു​മ നാ​ട​റി​ഞ്ഞു. 40നും 50​നു​മി​ട​യി​ൽ പ്രാ​യ​മു​ള്ള വീ​ട്ട​മ്മ​മാ​രാ​ണ് ടീ​മം​ഗ​ങ്ങ​ൾ. കാ​ൽ​പ​ന്ത് ലോ​ക​ത്തേ​ക്ക് സ്ത്രീ​ക​ൾ ക​ട​ന്നു​വ​ര​ണ​മെ​ന്നും അ​വ​രെ പ​രി​ശീ​ലി​പ്പി​ക്കാ​ൻ താ​ൻ ത​യാ​റാണെ​ന്നും സു​ലു പ​റ​യു​ന്നു. ഇ​പ്പോ​ൾ ഭ​ർ​ത്താ​വി​നൊ​പ്പം മ​ക്ക​ളാ​യ ഫ​ർ​സാ​ന​യു​ടെ​യും ഫ​ർ​ഹാ​ന​യു​ടെ​യും പി​ന്തു​ണ​യും ത​നി​ക്ക് പ്ര​ചോ​ദ​ന​മെ​ന്ന് സു​ലു പ​റ​ഞ്ഞു.