കു​ടും​ബ ബ​ജ​റ്റു​ക​ളു​ടെ താ​ളം തെ​റ്റി​ച്ച്​ മ​ത്സ്യ, മാം​സ വി​ല

ഹ​രി​പ്പാ​ട്: വെ​ള്ള​ത്തി​ൽ നി​ന്നാ​ണ്​ ക​ര​ക​യ​റി​വ​രു​ന്ന​തെ​ങ്കി​ലും മീ​ൻ വാ​ങ്ങാ​ൻ ഇ​റ​ങ്ങി​യാ​ൽ കൈ​പൊ​ള്ളും. മീ​ൻ​ക​റി​യി​ല്ലാ​തെ ഉ​ൗണ്​ ക​ഴി​ക്കാ​ൻ ക​ഴി​യാ​ത്ത​വ​ർ മീ​ൻ​വി​ല കേ​ട്ട്​ ആ​ശ​ങ്ക​പ്പെ​ടു​ക​യാ​ണ്. അ​ത്ര​ക്കാ​ണ്​ മീ​ൻ വി​ല. കോ​ഴി​യി​റ​ച്ചി വി​ല​യി​ൽ പ​ല​പ്പോ​ഴും ചാ​ഞ്ചാ​ട്ട​മു​ണ്ടാ​കു​ന്നു. മാ​ട്ടി​റ​ച്ചി വി​ല മാ​ത്ര​മാ​ണ്​ വ​ലി​യ ചാ​ട്ട​മി​ല്ലാ​തെ നി​ൽ​ക്കുന്ന​ത്. താ​റാ​വി​റ​ച്ചി​ക്കും വ​ലി​യ വ​ർ​ധ​ന​യാ​ണു​ണ്ടാ​യ​ത്. ഇ​തെ​ല്ലാം അ​ടു​ക്ക​ള ബ​ജ​റ്റി​ന്‍റെ താ​ളം​തെ​റ്റി​ക്കു​ന്നു.

മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് മ​ത്സ്യ​ല​ഭ്യ​ത​യി​ലു​ണ്ടാ​യ വ​ലി​യ കു​റ​വാ​ണ് മീ​ൻ വി​ല വ​ർ​ധി​ക്കാ​ൻ കാ​ര​ണം. ചെ​റി​യ മ​ത്തി​യൊ​ഴി​ച്ച് ബാ​ക്കി മു​ഴു​വ​ൻ മ​ത്സ്യ​ങ്ങ​ൾ​ക്കും വി​പ​ണി​യി​ൽ പൊ​ള്ളു​ന്ന വി​ല​യാ​ണ്. മൊ​ത്ത​ക്ക​ച്ച​വ​ട കേ​ന്ദ്ര​ങ്ങ​ളി​ൽ നി​ന്ന്​ മ​ത്സ്യം വി​പ​ണി​യി​ലെ​ത്തു​മ്പോ​ൾ പൊ​ള്ളു​ന്ന വി​ല​യാ​യി മാ​റും. ക​ർ​ണാ​ട​ക, ഗോ​വ, മും​ബൈ​യി​ലെ ര​ത്ന​ഗി​രി, ആ​ന്ധ്ര​പ്ര​ദേ​ശ് തു​ട​ങ്ങി​യ സം​സ്ഥാ​ന​ങ്ങ​ളി​ൽ നി​ന്നാ​ണ് പ്ര​ധാ​ന​മാ​യി കേ​ര​ള​ത്തി​ലേ​ക്ക് മീ​ൻ എ​ത്തു​ന്ന​ത്. കേ​ര​ള​ത്തി​ലും പു​റ​ത്തും ഒ​രു​പോ​ലെ മ​ത്സ്യ​ക്ഷാ​മം നേ​രി​ടു​ന്ന​താ​ണ് മ​ത്സ്യ​ത്തി​ന്​ പൊ​ള്ളു​ന്ന വി​ല വ​രാ​ൻ കാ​ര​ണം.

ഈ ​മാ​സ​ങ്ങ​ളി​ൽ ഗു​രു​ത​ര​മാ​യ മ​ത്സ്യ​ക്ഷാ​മം ഉ​ണ്ടാ​യി​ട്ടി​ല്ലെ​ന്ന് മൊ​ത്ത വ്യാ​പാ​രി​യാ​യ സി.​എ​ച്ച്. സാ​ലി പ​റ​ഞ്ഞു. മു​മ്പൊ​ക്കെ ദി​നം​പ്ര​തി 15 ലോ​ഡ് മ​ത്സ്യം വ​ന്ന സ്ഥാ​ന​ത്ത് ര​ണ്ട് ലോ​ഡ് മാ​ത്ര​മാ​ണ് ഇ​പ്പോ​ൾ എ​ത്തു​ന്ന​ത്. വി​ല കു​തി​ച്ചു​യ​ർ​ന്ന​തോ​ടെ ചി​ല്ല​റ വി​ൽ​പ​ന​ക്കാ​ർ അ​ധി​കം പേ​രും മീ​ൻ എ​ടു​ക്കാ​തെ മ​ട​ങ്ങു​ക​യാ​ണ്. വ​രും ദി​വ​സ​ങ്ങ​ളി​ൽ പ്ര​തി​സ​ന്ധി​ക്ക് മാ​റ്റ​മു​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ് ക​ച്ച​വ​ട​ക്കാ​ർ. പൊ​ന്തു വ​ള്ള​ക്കാ​ർ​ക്ക് ല​ഭി​ക്കു​ന്ന ചെ​റി​യ മ​ത്തി​ക്ക് മാ​ത്ര​മാ​ണ് വി​ല​യി​ൽ ആ​ശ്വാ​സ​മു​ള്ള​ത്. 100 രൂ​പ​യും അ​തി​ൽ താ​ഴെ​യും വി​ല​യ്​ക്ക്​ മ​ത്തി ല​ഭി​ക്കു​ന്നു​ണ്ട്.

ആ​വ​ശ്യ​ക്കാ​ർ കു​റ​വാ​യ​തി​നാ​ൽ മൊ​ത്ത​ക്ക​ച്ച​വ​ട​ക്കാ​ർ മ​ത്തി വാ​ങ്ങാ​റി​ല്ല. ക​ട​ൽ​ത്തീ​ര​ങ്ങ​ളി​ൽ നി​ന്ന്​ വ​ളം ആ​വ​ശ്യ​ത്തി​നാ​ണ് മ​ത്തി അ​ധി​ക​വും പോ​കു​ന്ന​ത്. പൊ​ന്തു​വ​ള്ള​ക്കാ​ർ​ക്ക് ല​ഭി​ക്കു​ന്ന കു​റ​ഞ്ഞ അ​ള​വി​ലു​ള്ള മ​ത്തി​യാ​ണ് മാ​ർ​ക്ക​റ്റി​ൽ എ​ത്തു​ന്ന​ത്. മാ​ർ​ക്ക​റ്റി​ൽ ഡി​മാ​ന്‍റു​ള്ള കൊ​ഴു​വ, കി​ളി​മീ​ൻ തു​ട​ങ്ങി​യ​വ കി​ട്ടു​ന്നു​മി​ല്ല. വി​ല കൂ​ടി​യ​തോ​ടെ വി​ൽ​പ​ന കു​റ​ഞ്ഞ​താ​യി ക​ച്ച​വ​ട​ക്കാ​ർ പ​റ​യു​ന്നു.

ക​ട​ക​ളി​ൽ മ​ത്സ്യം വാ​ങ്ങാ​നെ​ത്തു​ന്ന പ​ല​രും വി​ല കേ​ൾ​ക്കു​മ്പോ​ൾ മ​ട​ങ്ങു​ന്ന അ​വ​സ്ഥ​യാ​ണ്. ഇ​റ​ച്ചി​വി​ല കു​റെ മാ​സ​ങ്ങ​ളാ​യി അ​ധി​കം താ​ഴ്ന്നോ ഉ​യ​ർ​ന്നോ പോ​കാ​തെ തു​ട​രു​ക​യാ​ണ്. പോ​ത്തി​റ​ച്ചി വി​ല ക​ഴി​ഞ്ഞ ചെ​റി​യ പെ​രു​ന്നാ​ളി​നാ​ണ് 400 രൂ​പ​യാ​യി ഉ​യ​ർ​ന്ന​ത്. ഇ​പ്പോ​ഴും ഈ ​ഉ​യ​ർ​ന്ന വി​ല​യി​ൽ ത​ന്നെ തു​ട​രു​ക​യാ​ണ്.

ആ​ശ്വാ​സം കോ​ഴി​വി​ല മാ​ത്രം

മീ​നി​നെ അ​പേ​ക്ഷി​ച്ച്​ കോ​ഴി​വി​ല അ​ൽ​പം ആ​ശ്വാ​സം പ​ക​രു​ന്ന​താ​ണ്. കോ​ഴി​ക്ക് കി​ലോ​ക്ക് 130 രൂ​പ​യാ​ണ് ചി​ല്ല​റ​വി​ല. ഇ​റ​ച്ചി കി​ലോ 200 രൂ​പ വ​രും. ഏ​താ​നും മാ​സ​ങ്ങ​ളാ​യി ചെ​റി​യ വ്യ​ത്യാ​സ​ത്തി​ൽ ത​ന്നെ​യാ​ണ് കോ​ഴി​വി​ല മു​ന്നോ​ട്ട് പോ​കു​ന്ന​ത്. ദീ​പാ​വ​ലി​ക്ക് കോ​ഴി​വി​ല​യി​ൽ ചെ​റി​യ വ​ർ​ധ​ന​വ് ഉ​ണ്ടാ​യി​രു​ന്നു.

അ​ന്ന് 170 രൂ​പ​യാ​യി​രു​ന്നു ഇ​റ​ച്ചി​ക്കോ​ഴി വി​ല. പ​ക്ഷി​പ്പ​നി ബാ​ധ വ​ന്നാ​ൽ ഇ​ത്​ ഏ​ത്​ സ​മ​യ​ത്തും മാ​റി​മ​റി​യാം. ആ​ട്ടി​റ​ച്ചി​യു​ടെ വി​ല 900 രൂ​പ​ക്ക് മു​ക​ളി​ലാ​ണ്. ചി​ല​യി​ട​ങ്ങ​ളി​ൽ കി​ലോ​ക്ക് 1000 രൂ​പ​യു​ണ്ട്. ജി​ല്ല​യു​ടെ ത​ന​ത്​ വി​ഭ​വ​മാ​യ താ​റാ​വി​റ​ച്ചി​ക്ക്​ വി​ല ഉ​യ​ർ​ന്ന നി​ല​യി​ലാ​ണ്.

ജി​ല്ല​യി​ൽ പ​ക്ഷി​വ​ള​ർ​ത്ത​ൽ നി​രോ​ധി​ച്ച​തോ​ടെ താ​റാ​വി​റ​ച്ചി ല​ഭ്യ​ത ഗ​ണ്യ​മാ​യി കു​റ​ഞ്ഞു. ഇ​പ്പോ​ൾ ത​മി​ഴ്​​നാ​ട്ടി​ൽ നി​ന്ന്​ എ​ത്തു​ന്ന താ​റാ​വു​ക​ളാ​ണ്​ വി​ൽ​ക്കു​ന്ന​ത്. താ​റാ​വ്​ ഒ​ന്നി​ന്​ 300 രൂ​പ​വ​രെ​യാ​ണ്​ വി​ല.

ത​മി​ഴ​നാ​ട്​ താ​റാ​വ്​ ഒ​ന്നി​ന്​ ഒ​രു​കി​ലോ​യി​ൽ താ​ഴെ മാ​ത്ര​മെ തൂ​ക്ക​മു​ള്ളൂ. ഇ​റ​ച്ചി​യാ​കു​മ്പോ​ൾ അ​ര​ക്കി​ലോ​യി​ൽ കൂ​ടു​ത​ൽ വ​രി​ല്ല. അ​തി​നാ​ൽ ര​ണ്ട്​ താ​റാ​വു​ക​ളെ വാ​ങ്ങി​യെ​ങ്കി​ലേ ഒ​രു​കി​ലോ ഇ​റ​ച്ചി ല​ഭി​ക്കൂ എ​ന്ന സ്ഥി​തി​യാ​ണ്.

തു​ട​രും....