ഇഷാസ്: കൺമഷിയിൽ തുടങ്ങി മി​െല്ലറ്റിൽ എത്തിനിൽക്കുന്ന വിജയഗാഥ

ഹ​രി​പ്പാ​ട്: ദേ​വി​കു​ള​ങ്ങ​ര ഗ്രാ​മ​പ​ഞ്ചാ​യ​ത്തി​ൽ 2021ൽ ​ഒ​രു മാ​താ​വി​ന്റെ സ്നേ​ഹ​ത്തി​ൽ നി​ന്ന് പി​റ​ന്ന ‘ഇ​ഷാ​സ് ബൈ ​ആ​ൻ​ഡ് സെ​ൽ’ എ​ന്ന കു​ടും​ബ​ശ്രീ സം​രം​ഭം ഇ​ന്ന് സം​സ്ഥാ​ന​ത്തെ കാ​ർ​ഷി​ക സം​രം​ഭ​ക​ത്വ രം​ഗ​ത്തെ മാ​തൃ​ക​യാ​ണ്. മ​ക​ൾ ഇ​ഷി​ത​യ്ക്കാ​യി മാ​യ​മി​ല്ലാ​ത്ത ക​ൺ​മ​ഷി ത​യ്യാ​റാ​ക്കി​യ ച​ഞ്ച​ല​യു​ടെ (39) ഉ​റ​ച്ച തീ​രു​മാ​ന​മാ​ണ് ഈ ​വി​ജ​യ​ഗാ​ഥ​യു​ടെ തു​ട​ക്കം. കൃ​ഷി​വി​ജ്ഞാ​ന കേ​ന്ദ്ര​ത്തി​ന്റെ​യും അ​വി​ടു​ത്തെ ജി​സി ജോ​ർ​ജി​ന്റെ മാ​ർ​ഗ​നി​ർ​ദേ​ശ​ത്തി​ന്റെ​യും പി​ന്തു​ണ​യോ​ടെ, ഇ​ഷാ​സ് ആ​ല​പ്പു​ഴ​യു​ടെ അ​ഭി​മാ​ന​മാ​യി മാ​റി. കൃ​ഷി വി​ജ്ഞാ​ന കേ​ന്ദ്ര​ത്തി​ൽ നി​ന്നും ല​ഭി​ച്ച പ​രി​ശീ​ല​ന​വും കൃ​ഷി​വ​കു​പ്പി​ന്റെ പി​ന്തു​ണ​യു​മാ​ണ് സാ​ധ്യ​ത​ക​ളു​ടെ വ​ലി​യ ലോ​കം ഇ​ഷാ​സി​ന് തു​റ​ന്നു ന​ൽ​കി​യ​ത്. മി​ല്ല​റ്റി​ന്റെ ആ​രോ​ഗ്യ​വും രു​ചി​യും കേ​ര​ള​ത്തി​ന്റെ വി​വി​ധ ഭാ​ഗ​ങ്ങ​ളി​ലേ​ക്ക് പ​ക​ർ​ന്നു​ന​ൽ​കു​ന്ന വ​ലി​യ സം​രം​ഭ​മാ​യി ഇ​ഷാ​സ് വ​ള​ർ​ന്നു ക​ഴി​ഞ്ഞു.

ഒ​രു സ്നേ​ഹ​ത്തി​ന്റെ തു​ട​ക്കം

വി​ദേ​ശ​ത്ത് അ​ധ്യാ​പി​ക​യാ​യി​രു​ന്ന ച​ഞ്ച​ല​യും മെ​ക്കാ​നി​ക്കാ​യി​രു​ന്ന ഭ​ർ​ത്താ​വ് പ്ര​താ​പ​നും 2020-ൽ ​കോ​വി​ഡ് മ​ഹാ​മാ​രി​യു​ടെ പ​ശ്ചാ​ത്ത​ല​ത്തി​ൽ നാ​ട്ടി​ലെ​ത്തി. വീ​ടി​ന്റെ വാ​സ്തു​ബ​ലി​ക്ക്​ എ​ത്തി​യ​താ​ണെ​ങ്കി​ലും മ​ട​ങ്ങി​പ്പോ​കാ​ൻ ക​ഴി​ഞ്ഞി​ല്ല. ഗ​ർ​ഭി​ണി​യാ​യ​തോ​ടെ ച​ഞ്ച​ല നാ​ട്ടി​ൽ സ്ഥി​ര​താ​മ​സ​മാ​ക്കി. മ​ക​ൾ ഇ​ഷി​ത​യ്ക്ക് മൂ​ന്ന് മാ​സം പ്രാ​യ​മാ​യ​പ്പോ​ൾ, മാ​യ​മി​ല്ലാ​ത്ത ഒ​രു ക​ൺ​മ​ഷി ഒ​രു​ക്കാ​നു​ള്ള ച​ഞ്ച​ല​യു​ടെ നി​ർ​ബ​ന്ധം ‘ഇ​ഷാ​സി’​ന്റെ ജ​ന​ന​ത്തി​ന് വ​ഴി​യൊ​രു​ക്കി​യ​ത്. ഔ​ഷ​ധ​ച്ചെ​ടി​ക​ളു​ടെ ഇ​ല​ക​ൾ, ആ​വ​ണ​ക്കെ​ണ്ണ, ആ​ൽ​മ​ണ്ട് ഓ​യി​ൽ, തേ​നീ​ച്ച മെ​ഴു​ക് എ​ന്നി​വ ചേ​ർ​ത്ത് ത​യ്യാ​റാ​ക്കി​യ ക​ൺ​മ​ഷി ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും ന​ൽ​കി​യ​പ്പോ​ൾ മി​ക​ച്ച പ്ര​തി​ക​ര​ണം ല​ഭി​ച്ചു. 120 രൂ​പ വി​ല​യു​ള്ള ഈ ​ഉ​ൽ​പ്പ​ന്നം കു​ടും​ബ​ശ്രീ​യു​ടെ ഓ​ൺ​ലൈ​ൻ, ഹോം ​ഷോ​പ്പി, ക​ട​ക​ൾ എ​ന്നി​വ വ​ഴി വി​പ​ണി​യി​ലെ​ത്തി, ഇ​ന്ന് മാ​സം ഒ​രു ല​ക്ഷം രൂ​പ​യ്ക്ക് മു​ക​ളി​ൽ വി​റ്റു​വ​ര​വ് നേ​ടു​ന്നു.

മി​ല്ല​റ്റ് (ചെ​റു​ധാ​ന്യം) ക​ഫെ: ആ​രോ​ഗ്യ​ത്തി​ന്റെ പു​തി​യ ശീ​ലം

കാ​ർ​ഷി​ക വി​ക​സ​ന-​ക​ർ​ഷ​ക ക്ഷേ​മ വ​കു​പ്പി​ന്റെ ‘ഓ​രോ ജി​ല്ല​യ്ക്കും ഒ​രു മി​ല്ല​റ്റ് ക​ഫെ എ​ന്ന സ്വ​പ്ന പ​ദ്ധ​തി​യി​ലൂ​ടെ ആ​ല​പ്പു​ഴ​യി​ലെ ഏ​ക മി​ല്ല​റ്റ് ക​ഫെ ഇ​ഷാ​സി​ന്റെ നേ​തൃ​ത്വ​ത്തി​ൽ പ്ര​വ​ർ​ത്തി​ക്കു​ന്നു. ദേ​വി​കു​ള​ങ്ങ​ര കൃ​ഷി​ഭ​വ​ന്റെ പി​ന്തു​ണ​യി​ലും പ്രോ​ത്സാ​ഹ​ന​ത്തി​ലു​മാ​ണ് മി​ല്ല​റ്റ് ക​ഫെ ല​ഭി​ച്ച​ത്. കൃ​ഷി​വ​കു​പ്പ് മ​ന്ത്രി പി. ​പ്ര​സാ​ദാ​ണ് ഉ​ദ്ഘാ​ട​നം നി​ർ​വ​ഹി​ച്ച​ത്. ഒ​രു ടൂ​റി​സ്റ്റ് കേ​ന്ദ്രം കൂ​ടി​യാ​യ കാ​യം​കു​ള​ത്തി​ന് പ​ടി​ഞ്ഞാ​റു​ള്ള കൂ​ട്ടും വാ​തു​ക്ക​ൽ പാ​ല​ത്തി​ന്റെ കി​ഴ​ക്കേ​ക്ക​ര​യി​ൽ പ്ര​വ​ർ​ത്തി​ക്കു​ന്ന മി​ല്ല​റ്റ് ക​ഫെ ഇ​വി​ടെ​യെ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ ഇ​ഷ്ട കേ​ന്ദ്രം കൂ​ടി​യാ​ണ്.

ജി​സി ജോ​ർ​ജി​ന്റെ മാ​ർ​ഗ​നി​ർ​ദേ​ശ​ത്തി​ൽ ത​യാ​റാ​ക്കി​യ മ​ണി​ച്ചോ​ളം പു​ട്ട്, റാ​ഗി ഇ​ഡ​ലി, മി​ല്ല​റ്റ് പാ​യ​സം, വ​ര​ക് നെ​യ് റോ​സ്റ്റ്, ചാ​മ​യ​രി ഇ​ഡ​ലി, മി​ല്ല​റ്റ് ഐ​സ്ക്രീം, സ്മൂ​ത്തി തു​ട​ങ്ങി​യ വി​ഭ​വ​ങ്ങ​ൾ ക​ഫെ​യി​ൽ ആ​സ്വാ​ദ്യ​മാ​ണ്. 2024 ജൂ​ൺ മു​ത​ൽ 2025 ഓ​ഗ​സ്റ്റ് വ​രെ 1535 കി​ലോ മി​ല്ല​റ്റ് ഉ​ൽ​പ്പ​ന്ന​ങ്ങ​ൾ ജ​ന​ങ്ങ​ളി​ലേ​ക്ക് എ​ത്തി​ച്ചു. ഈ ​വി​ഭ​വ​ങ്ങ​ൾ ആ​രോ​ഗ്യ​പ്ര​ദ​വും രു​ചി​ക​ര​വു​മാ​യ​തി​നാ​ൽ വ​ൻ ജ​ന​പ്രീ​തി നേ​ടി. പ്ര​ശാ​ന്ത്, ചി​ന്നു, ശ​ര​ണ്യ, അ​നീ​ഷ് എ​ന്നി​വ​രും മി​ല്ല​റ്റ് ക​ഫ​യു​ടെ പ്ര​വ​ർ​ത്ത​ന​ത്തി​ൽ സ​ജീ​വ പ​ങ്കാ​ളി​ക​ളാ​ണ്.

വെ​ല്ലു​വി​ളി​ക​ളെ തോൽപി​ച്ച വി​ജ​യം

ഇ​ഷാ​സി​ന്റെ യാ​ത്ര എ​ളു​പ്പ​മാ​യി​രു​ന്നി​ല്ല. തു​ട​ക്ക​ത്തി​ൽ സാ​മ്പ​ത്തി​ക പ്ര​തി​സ​ന്ധി​യും ക​ണ്ണ​ങ്കാ​യ പോ​ലു​ള്ള അ​സം​സ്കൃ​ത വ​സ്തു​ക്ക​ളു​ടെ ല​ഭ്യ​ത​ക്കു​റ​വും വ​ലി​യ വെ​ല്ലു​വി​ളി​ക​ളാ​യി. ആ​ല​പ്പു​ഴ കൃ​ഷി​വി​ജ്ഞാ​ന കേ​ന്ദ്ര​ത്തി​ലെ ഇ​ൻ​കു​ബേ​ഷ​ൻ സെ​ന്റ​ർ ഈ ​പ്ര​തി​സ​ന്ധി​ക​ൾ മ​റി​ക​ട​ക്കാ​ൻ നി​ർ​ണാ​യ​ക പി​ന്തു​ണ ന​ൽ​കി. അ​സം​സ്കൃ​ത വ​സ്തു​ക്ക​ളു​ടെ ക്ഷാ​മം പ​രി​ഹ​രി​ക്കാ​ൻ കൃ​ഷി​ഭ​വ​നു​മാ​യി ചേ​ർ​ന്ന് കൃ​ഷി​ക്കൂ​ട്ടം രൂ​പ​വ​ത്​​ക​രി​ച്ചു. ഇ​ന്ന് എ​ട്ട് പ​ഞ്ചാ​യ​ത്തു​ക​ളി​ലെ ക​ർ​ഷ​ക​രി​ൽ നി​ന്ന് നേ​രി​ട്ട് ഉ​ൽ​പ്പ​ന്ന​ങ്ങ​ൾ ശേ​ഖ​രി​ക്കു​ന്നു. ഇ​ത് പ്രാ​ദേ​ശി​ക ക​ർ​ഷ​ക​ർ​ക്കും വ​രു​മാ​ന​മാ​ർ​ഗ​മാ​യി.

വി​പു​ല​മാ​യ ഉ​ൽ​പ​ന്ന​നി​ര​യും സം​രം​ഭ​ക​ത്വ​വും

ക​ൺ​മ​ഷി​യി​ൽ തു​ട​ങ്ങി​യ ഇ​ഷാ​സ് ഇ​ന്ന് വൈ​വി​ധ്യ​മാ​ർ​ന്ന മൂ​ല്യ​വ​ർ​ദ്ധി​ത ഉ​ൽ​പ്പ​ന്ന​ങ്ങ​ളു​ടെ നി​ര പു​റ​ത്തി​റ​ക്കു​ന്നു. ഔ​ഷ​ധ ഉ​മി​ക്ക​രി, തേ​നീ​ച്ച മെ​ഴു​ക് ബാം, ​നെ​ല്ലി​ക്ക മി​ഠാ​യി, നാ​ളി​കേ​ര സ​ർ​ബ​ത്ത്, ക​സ്തൂ​രി മ​ഞ്ഞ​ൾ, ക​ണ്ണ​ങ്കാ​യ പൊ​ടി, ഡ​യ​ബ​റ്റി​ക് മി​ല്ല​റ്റ് ക​ഞ്ഞി​ക്കൂ​ട്ട് തു​ട​ങ്ങി​യ​വ ഇ​തി​ൽ ഉ​ൾ​പ്പെ​ടു​ന്നു. ആ​യു​ർ​വേ​ദ ഡോ​ക്ട​ർ​മാ​രു​ടെ മേ​ൽ​നോ​ട്ട​ത്തി​ൽ കു​ടും​ബ​ശ്രീ ര​ജി​സ്ട്രേ​ഷ​നോ​ടെ നി​ർ​മി​ക്കു​ന്ന ഈ ​ഉ​ൽ​പ്പ​ന്ന​ങ്ങ​ൾ ഗു​ണ​നി​ല​വാ​ര​ത്തി​ന്റെ കാ​ര്യ​ത്തി​ൽ വി​ശ്വ​സ​നീ​യ​മാ​ണ്. അ​ഞ്ച് സ്ഥി​രം ജീ​വ​ന​ക്കാ​രും മൂ​ന്ന് താ​ൽ​ക്കാ​ലി​ക ജീ​വ​ന​ക്കാ​രും ഇ​ഷാ​സി​ന്റെ വ​ള​ർ​ച്ച​യ്ക്ക് ക​രു​ത്തേ​കു​ന്നു. വി​ദേ​ശ ജോ​ലി ഉ​പേ​ക്ഷി​ച്ച പ്ര​താ​പ​ൻ ഇ​ന്ന് ഇ​ഷാ​സി​ന്റെ മേ​ൽ​നോ​ട്ടം വ​ഹി​ക്കു​ന്നു. ച​ഞ്ച​ല എ​ക്സ്പോ​ർ​ട്ടി​ങ് ലൈ​സ​ൻ​സ് നേ​ടാ​നു​ള്ള ശ്ര​മ​ത്തി​ലാ​ണ്.

കൃ​ഷി​ക്കൂ​ട്ട​ത്തി​ലൂ​ടെ പ്രാ​ദേ​ശി​ക ക​ർ​ഷ​ക​രു​മാ​യു​ള്ള സ​ഹ​ക​ര​ണം ഇ​ഷാ​സി​ന്റെ വി​ജ​യ​ത്തി​ന് മാ​ത്ര​മ​ല്ല, ക​ർ​ഷ​ക സ​മൂ​ഹ​ത്തി​ന്റെ ഉ​ന്ന​മ​ന​ത്തി​നും വ​ഴി​യൊ​രു​ക്കി. കൃ​ഷി​യി​ലൂ​ന്നി​യ സം​രം​ഭ​ക​ത്വ​ത്തി​ന്റെ​യും സ​മൂ​ഹ​ത്തി​ന്റെ കൂ​ട്ടാ​യ്മ​യു​ടെ​യും മാ​തൃ​ക​യാ​യി ഇ​ഷാ​സ് മാ​റി​യി​രി​ക്കു​ന്നു. ഇ​ഷാ​സ് ആ​ല​പ്പു​ഴ​യു​ടെ മാ​ത്ര​മ​ല്ല, കേ​ര​ള​ത്തി​ന്റെ ത​ന്നെ അ​ഭി​മാ​ന​മാ​യി തി​ള​ങ്ങു​ന്നു. ഇ​ഷാ​സി​ന്റെ ന​ന്മ​യും രു​ചി​യും നി​റ​ഞ്ഞ ഉ​ൽ​പ്പ​ന്ന​ങ്ങ​ൾ ഇ​നി വി​ദേ​ശ വി​പ​ണി​ക​ളി​ലേ​ക്കും വ്യാ​പി​ക്കാ​നു​ള്ള പു​റ​പ്പാ​ടി​ലാ​ണ് പി​ന്ന​ണി പ്ര​വ​ർ​ത്ത​ക​ർ.