സ്വ​കാ​ര്യ സ്കൂ​ളു​ക​ളി​ൽ എ​ല്ലാ വി​ദ്യാ​ർ​ഥി​ക​ൾ​ക്കും യൂ​ണി​ഫോം, സ​ർ​ക്കാ​ർ സ്കൂ​ളു​ക​ളി​ൽ മേ​ൽ​ത്ത​ട്ടി​ലെ ആ​ൺ​കു​ട്ടി​ക​ൾ​ക്ക് മാ​ത്രം; വിവേചനം വിവാദത്തിൽ

കാ​യം​കു​ളം: പൊ​തു​വി​ദ്യാ​ഭ്യാ​സ മേ​ഖ​ല​യി​ലെ സ്കൂ​ൾ വി​ദ്യാ​ർ​ഥി​ക​ൾ​ക്കു​ള്ള യൂ​ണി​ഫോം വി​ത​ര​ണ​ത്തി​ലെ ഇ​ര​ട്ട സ​മീ​പ​നം വി​വാ​ദ​മാ​കു​ന്നു. എ​യ്ഡ​ഡ് സ്കൂ​ളു​ക​ളി​ലെ എ​ല്ലാ​വി​ഭാ​ഗം വി​ദ്യാ​ർ​ഥി​ക​ൾ​ക്കും യൂ​ണി​ഫോം ന​ൽ​കു​മ്പോ​ൾ സ​ർ​ക്കാ​ർ സ്കൂ​ളി​ലെ പാ​വ​പ്പെ​ട്ട വി​ദ്യാ​ർ​ത്ഥി​ക​ൾ​ക്ക് നി​ഷേ​ധി​ക്കു​ന്ന​താ​ണ് ച​ർ​ച്ച​യാ​കു​ന്ന​ത്. എ​യ്ഡ​ഡ് മേ​ഖ​ല​യി​ൽ ഒ​ന്ന് മു​ത​ൽ എ​ട്ട് വ​രെ ക്ലാ​സു​ക​ളി​ൽ പ​ഠി​ക്കു​ന്ന എ​ല്ലാ കു​ട്ടി​ക​ൾ​ക്കും യൂ​ണി​ഫോ​മി​നാ​യി 600 രൂ​പ​യാ​ണ് സ​ർ​ക്കാ​ർ സ​ഹാ​യ​മാ​യി ന​ൽ​കു​ന്ന​ത്.

എ​ന്നാ​ൽ സ​ർ​ക്കാ​ർ സ്കൂ​ളു​ക​ളി​ൽ എ.​പി.​എ​ൽ വി​ഭാ​ഗം ആ​ൺ​കു​ട്ടി​ക​ൾ​ക്ക് മാ​ത്ര​മാ​ണ് ഇ​പ്പോ​ൾ സ​ഹാ​യ​മു​ള്ള​ത്. സ​ർ​ക്കാ​ർ സ്കൂ​ളു​ക​ളി​ലെ പെ​ൺ​കു​ട്ടി​ക​ളും പ​ട്ടി​ക​ജാ​തി -പി​ന്നാ​ക്ക വി​ഭാ​ഗ​ങ്ങ​ളി​ലെ ആ​ൺ​കു​ട്ടി​ക​ളും സ​ഹാ​യ​ത്തി​ൽ നി​ന്നും പൂ​ർ​ണ​മാ​യി പു​റ​ത്താ​യി. എ.​പി.​എ​ൽ വി​ഭാ​ഗ​ത്തി​നു​ള്ള യൂ​ണി​ഫോം ഫ​ണ്ട് സ​ർ​ക്കാ​ർ സ്കൂ​ളു​ക​ളി​ൽ എ​ത്തി​യ​തോ​ടെ ഇ​വ​ർ​ക്ക് മാ​ത്ര​മാ​യി എ​ങ്ങ​നെ വി​ത​ര​ണം ചെ​യ്യു​മെ​ന്ന ആ​ശ​ങ്ക​യി​ലാ​ണ്​ അ​ധ്യാ​പ​ക​ർ. എ​യ്ഡ​ഡ് സ്കൂ​ളി​ലെ എ​ല്ലാ കു​ട്ടി​ക​ൾ​ക്കും യൂ​ണി​ഫോം സൗ​ജ​ന്യ​മാ​യി ല​ഭി​ക്കു​ക​യും സ​ർ​ക്കാ​ർ സ്കൂ​ളി​ലെ കു​ട്ടി​ക​ൾ​ക്ക് നി​ഷേ​ധി​ക്ക​പ്പെ​ടു​ക​യും ചെ​യ്യു​ന്ന​ത് പ്ര​തി​ഷേ​ധ​ത്തി​നും കാ​ര​ണ​മാ​യി​ട്ടു​ണ്ട്. എ​യ്ഡ​ഡ് മേ​ഖ​ല​യോ​ട് പൊ​രു​തി പി​ടി​ച്ചു​നി​ൽ​ക്കു​ന്ന സ​ർ​ക്കാ​ർ സ്കൂ​ളു​ക​ളു​ടെ നി​ല​നി​ൽ​പ്പി​നെ ഇ​ത്‌ ബാ​ധി​ക്കു​മെ​ന്ന​താ​ണ് കാ​ര​ണം.

സാ​മ്പ​ത്തി​ക​മാ​യി വ​ള​രെ​യ​ധി​കം പി​ന്നാ​ക്കം നി​ൽ​ക്കു​ന്ന കു​ട്ടി​ക​ളാ​ണ് സ​ർ​ക്കാ​ർ സ്കൂ​ളു​ക​ളി​ൽ കൂ​ടു​ത​ലാ​യി പ്ര​വേ​ശ​നം നേ​ടു​ന്ന​ത്. വി​വി​ധ ആ​നു​കൂ​ല്യ​ങ്ങ​ൾ വാ​ഗ്ദാ​നം ചെ​യ്താ​ണ് ഇ​വ​രെ ആ​ക​ർ​ഷി​ക്കു​ന്ന​ത്. ഈ ​പ​ശ്ചാ​ത്ത​ല​ത്തി​ൽ യൂ​ണി​ഫോം പോ​ലും ന​ൽ​കാ​ൻ ക​ഴി​യാ​ത്ത​ത് പ്ര​വേ​ശ​ന​ത്തെ ബാ​ധി​ക്കു​മെ​ന്ന് സ​ർ​ക്കാ​ർ അ​ധ്യാ​പ​ക​ർ പ​റ​യു​ന്നു.

സ​ർ​ക്കാ​ർ സ്കൂ​ളു​ക​ളി​ലെ എ​ല്ലാ പെ​ൺ​കു​ട്ടി​ക​ൾ​ക്കും ബി.​പി.​എ​ൽ-​പ​ട്ടി​ക​ജാ​തി വി​ഭാ​ഗം ആ​ൺ​കു​ട്ടി​ക​ൾ​ക്കു​മു​ള്ള യൂ​ണി​ഫോം സ​ഹാ​യം സ​മ​ഗ്ര ശി​ക്ഷ കേ​ര​ള വ​ഴി​യാ​ണ് ല​ഭി​ച്ചി​രു​ന്ന​ത്. ക​ഴി​ഞ്ഞ ര​ണ്ട് വ​ർ​ഷ​മാ​യി ഇ​വ​രി​ത് ന​ൽ​കു​ന്നി​ല്ല. മെ​യി​ന്‍റ​ന​ൻ​സ് ഗ്രാ​ൻ​റും നി​ല​ച്ചി​രി​ക്കു​ക​യാ​ണ്. എ​സ്.​എ​സ്.​കെ ഈ ​പ​ദ്ധ​തി ന​ട​പ്പാ​ക്കി​യ​പ്പോ​ഴാ​ണ് എ​യ്ഡ​ഡ് മേ​ഖ​ല​യി​ലെ മു​ഴു​വ​ൻ കു​ട്ടി​ക​ൾ​ക്കും സ​ർ​ക്കാ​ർ സ്കൂ​ളു​ക​ളി​ലെ എ.​പി.​എ​ൽ വി​ഭാ​ഗ​ത്തി​നും യൂ​ണി​ഫോം സ​ഹാ​യം ന​ൽ​കു​ന്ന പ​ദ്ധ​തി സം​സ്ഥാ​ന സ​ർ​ക്കാ​രും ന​ട​പ്പാ​ക്കി​യ​ത്. എ​സ്.​എ​സ്.​കെ പ​ദ്ധ​തി ഒ​ഴി​വാ​ക്കി​യ​പ്പോ​ൾ ഫ​ണ്ട് വി​ത​ര​ണം സ​ർ​ക്കാ​രും നി​ർ​ത്തി​വെ​ച്ചി​രു​ന്നു. എ​ന്നാ​ൽ ഈ ​വ​ർ​ഷം ഫ​ണ്ട് വി​ത​ര​ണം പു​ന​രാ​രം​ഭി​ച്ച​പ്പോ​ഴാ​ണ് പ്ര​ശ്ന​മാ​യ​ത്.

പാ​വ​പ്പെ​ട്ട​വ​രെ ഒ​ഴി​വാ​ക്കി​യു​ള്ള വി​ത​ര​ണ​ത്തി​ലെ സാ​ങ്കേ​തി​ക പ്ര​ശ്ന​ങ്ങ​ൾ ര​ക്ഷാ​ക​ർ​ത്താ​ക്ക​ളും കു​ട്ടി​ക​ളും എ​ങ്ങ​നെ ഉ​ൾ​ക്കൊ​ള്ളു​മെ​ന്ന ച​ർ​ച്ച​യാ​ണ് അ​ധ്യാ​പ​ക സ​മൂ​ഹ മാ​ധ്യ​മ ഗ്രൂ​പ്പു​ക​ളി​ൽ നി​റ​യു​ന്ന​ത്. വി​വേ​ച​നം ഒ​ഴി​വാ​ക്കി​യു​ള്ള അ​ടി​യ​ന്തി​ര പ​രി​ഹാ​ര മാ​ർ​ഗ​ങ്ങ​ളു​ണ്ടാ​ക​ണ​മെ​ന്നാ​ണ് ആ​വ​ശ്യം.