കായംകുളം നഗരസഭ; അഴിമതി സ്മാരകമായി കൗൺസിൽ ഹാളും ലിഫ്റ്റും

കാ​യം​കു​ളം: കാ​ര്യാ​ല​യ​ത്തി​ൽ​ത​ന്നെ അ​ഴി​മ​തി​യു​ടെ സ്മാ​ര​കം സൃ​ഷ്ടി​ച്ച പ​ദ്ധ​തി​യാ​ണ് കൗ​ൺ​സി​ൽ ഹാ​ളും ലി​ഫ്റ്റും. ‘ക​മ​ഴ്ന്ന് വീ​ണാ​ൽ കാ​ൽ​പ​ണം’ എ​ന്ന പ​ഴ​മൊ​ഴി അ​ന്വ​ർ​ഥ​മാ​ക്കു​ന്ന പ​ദ്ധ​തി​ക​ളാ​ണ് ന​ഗ​ര​ത്തി​ൽ രൂ​പ​പ്പെ​ടു​ന്ന​ത്. റോ​ഡ് വി​ക​സ​നം മു​ത​ൽ ഓ​രോ​ന്നി​ലും ഈ ​നി​ല​പാ​ട് ത​ന്നെ​യാ​ണ്.

അ​ര നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള ജീ​ർ​ണി​ച്ച കെ​ട്ടി​ട​ത്തി​ന് മു​ക​ളി​ൽ ഒ​മ്പ​തു​വ​ർ​ഷം മു​മ്പാ​ണ് 60 ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് കൗ​ൺ​സി​ൽ ഹാ​ൾ നി​ർ​മി​ച്ച​ത്. ലി​ഫ്റ്റ് അ​ട​ക്കം സ്ഥാ​പി​ച്ച ഹാ​ളി​ൽ ഒ​രി​ക്ക​ൽ പോ​ലും കൗ​ൺ​സി​ല​ർ​മാ​ർ​ക്ക് ഇ​രി​ക്കാ​നാ​യി​ല്ല. ന​വീ​ക​ര​ണ​ത്തി​ന്‍റെ തു​ട​ക്കം ത​ന്നെ ലി​ഫ്റ്റ് പ്ര​വ​ർ​ത്ത​ന​ര​ഹി​ത​മാ​യി.

ഫ​യ​ർ എ​ൻ.​ഒ.​സി​യി​ല്ലാ​തെ ലി​ഫ്റ്റ് സ്ഥാ​പി​ച്ച​ത് അ​ന്നേ വി​വാ​ദ​മാ​യി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് 2021-22ലെ ​ഓ​ഡി​റ്റ് റി​പ്പോ​ർ​ട്ടി​ൽ നി​ർ​മാ​ണ​ത്തി​ലെ വീ​ഴ്ച​ക​ളും ക്ര​മ​ക്കേ​ടും ഇ​ടം​പി​ടി​ക്കു​ന്ന​ത്. ച​ട്ട​ലം​ഘ​ന​വും അ​ഴി​മ​തി​യും ന​ട​ന്നു​വെ​ന്ന ക​ണ്ടെ​ത്ത​ൽ ഇ​ട​ത് ഭ​ര​ണ നേ​തൃ​ത്വ​ത്തെ വെ​ട്ടി​ലാ​ക്കു​ന്ന​താ​യി​രു​ന്നു.

ദീ​ർ​ഘ​വീ​ക്ഷ​ണ​മി​ല്ലാ​ത്ത പ​ദ്ധ​തി​ക​ളി​ലൂ​ടെ കോ​ടി​ക​ളു​ടെ വ​രു​മാ​ന ന​ഷ്ടം സം​ഭ​വി​ച്ച​താ​യും റി​പ്പോ​ർ​ട്ടി​ലു​ണ്ട്. എ​ന്നാ​ൽ, ഇ​തു​വ​രെ​യും റി​പ്പോ​ർ​ട്ട് കൗ​ൺ​സി​ൽ ച​ർ​ച്ച ചെ​യ്തി​ട്ടി​ല്ല. അ​ഴി​മ​തി ന​ട​ന്ന​താ​യി ഓ​ഡി​റ്റി​ൽ ഇ​ടം​നേ​ടി​യ കെ​ട്ടി​ട​ത്തി​ൽ ന​വീ​ക​ര​ണ​ത്തി​നാ​യി വീ​ണ്ടും 10 ല​ക്ഷം രൂ​പ അ​നു​വ​ദി​ച്ച​തും ച​ർ​ച്ച​യാ​യി​രു​ന്നു.

കൗ​ൺ​സി​ൽ ഹാ​ൾ ഇ​ട​ക്കാ​ല​ത്ത് മ​ദ്യ​പാ​ന മു​റി​യാ​യി മാ​റി​യെ​ന്ന​ത് കു​പ്പി​ക​ള​ട​ക്ക​മു​ള്ള തെ​ളി​വു​ക​ൾ സ​ഹി​തം പി​ടി​ക്ക​പ്പെ​ട്ട​തും വി​വാ​ദ​മാ​യി​രു​ന്നു. ആ​രോ​പ​ണ​ങ്ങ​ൾ ഉ​യ​രു​മ്പോ​ൾ കാ​ണാ​താ​കു​ന്ന ഫ​യ​ലു​ക​ൾ നി​ക്ഷേ​പി​ക്കു​ന്ന സ്ഥ​ല​മാ​യും ഹാ​ൾ മാ​റി. ന​ഗ​ര​ത്തി​ൽ ന​ട​ക്കു​ന്ന അ​ന​ധി​കൃ​ത നി​ർ​മാ​ണ​ങ്ങ​ൾ​ക്കു നേ​രെ ക​ണ്ണ​ട​ക്കു​ന്ന​തി​ന് പി​ന്നി​ലും അ​ഴി​മ​തി​യാ​ണ്.