രണ്ടുമാസമായി സീ കുട്ടനാട്​ ബോട്ടിൽ ടോയ്​ലെറ്റില്ല; ആ ‘ശങ്ക’യിൽ യാത്രക്കാർ

കു​ട്ട​നാ​ട്: നാ​ട്ടു​കാ​രും വി​നോ​ദ​സ​ഞ്ചാ​രി​ക​ളും ഒ​രു​പോ​ലെ ആ​ശ്ര​യി​ക്കു​ന്ന സീ ​കു​ട്ട​നാ​ട് ബോ​ട്ടി​ലെ ടോ​യ്​​ലെ​റ്റ് പ്ര​വ​ർ​ത്ത​ന​ര​ഹി​ത​മാ​യി​ട്ട് ര​ണ്ട് മാ​സം ക​ഴി​ഞ്ഞു. ജ​ല​ഗ​താ​ഗ​ത വ​കു​പ്പി​ന് ഏ​റ്റ​വും കൂ​ടു​ത​ൽ ക​ള​ക്ഷ​ൻ കി​ട്ടു​ന്ന ബോ​ട്ടി​ലാ​ണ് ഈ ​ദുഃ​സ്ഥി​തി. ടോ​യ്​​ല​റ്റ് തു​റ​ക്കാ​തി​രി​ക്കാ​ൻ പു​റ​ത്ത് നി​ന്ന് ആ​ണി​യ​ടി​ച്ച് പൂ​ട്ടി​യി​രി​ക്കു​ക​യാ​ണ്.വി​ദേ​ശി​ക​ളും സ്വ​ദേ​ശി​ക​ളു​മ​ട​ക്കം ആ​യി​ര​ക്ക​ണ​ക്കി​ന് യാ​ത്ര​ക്കാ​രാ​ണ് അ​പ്പ​ർ​ഡെ​ക്ക് സം​വി​ധാ​ന​മു​ള്ള ബോ​ട്ടി​ൽ യാ​ത്ര ചെ​യ്യു​ന്ന​ത്. യാ​ത്ര​ക്കാ​ർ ബോ​ട്ടി​റ​ങ്ങി​യാ​ൽ മൂ​ത്ര​മൊ​ഴി​ക്കാ​ൻ ഓ​ടി ന​ട​ക്കു​ന്ന കാ​ഴ്ച്യാ​ണ്. സ്ത്രീ ​യാ​ത്ര​ക്കാ​രാ​ണ് വെ​ട്ടി​ലാ​കു​ന്ന​ത്.

സാ​ധാ​ര​ണ ബോ​ട്ടി​ൽ ടി​ക്ക​റ്റ് നി​ര​ക്ക് മി​നി​മം 13 രൂ​പ​യാ​ണെ​ങ്കി​ൽ സീ ​കു​ട്ട​നാ​ടി​ൽ 23 രൂ​പ​യാ​ണ്. അ​പ്പ​ർ ഡെ​ക്കി​ൽ ചാ​ർ​ജ് ഇ​ര​ട്ടി​യാ​ണ്. മ​ണി​ക്കൂ​റു​ക​ളോ​ളം ഈ ​ബോ​ട്ടി​ൽ ജോ​ലി ചെ​യ്യു​ന്ന ജീ​വ​ന​ക്കാ​രും ബു​ദ്ധി​മു​ട്ടു​ന്ന സ്ഥി​തി​യാ​ണ്. രാ​വി​ലെ 5.45 ന് ​സ​ർ​വി​സ് ആ​രം​ഭി​ക്കു​ന്ന സീ​കു​ട്ട​നാ​ട് അ​വ​സാ​നി​പ്പി​ക്കു​ന്ന​ത് വൈ​കി​ട്ട് ഏ​ഴി​നാ​ണ്. ആ​ല​പ്പു​ഴ​യി​ൽ നി​ന്ന് കു​ട്ട​നാ​ട് ക​റ​ങ്ങി സ​ർ​വി​സ് ന​ട​ത്തു​ന്ന ഏ​ക ബോ​ട്ടു കൂ​ടി​യാ​ണ് സീ ​കു​ട്ട​നാ​ട്. ടൂ​റി​സം വ​ള​ർ​ത്താ​ൻ ല​ക്ഷ്യ​മി​ട്ട് ആ​രം​ഭി​ച്ച സീ ​കു​ട്ട​നാ​ട് ബോ​ട്ടി​ൽ ടോ​യ്​​ല​റ്റി​ല്ലാ​ത്ത​ത് അ​പ​മാ​ന​ക​ര​മാ​ണെ​ന്ന് യാ​ത്ര​ക്കാ​ർ പ്ര​തി​ക​രി​ച്ചു.