കരുവാറ്റ റെയിൽവേ സ്റ്റേഷൻ നിർത്തലാക്കാൻ നീക്കം; പ്ര​തി​ഷേ​ധം ശ​ക്തം

ഹ​രി​പ്പാ​ട്: അ​വ​ഗ​ണ​ന​യു​ടെ ചൂ​ളം​വി​ളി​ക്കൊ​ടു​വി​ൽ റെ​യി​ൽ​വേ സ്റ്റേ​ഷ​നും ജ​ന​ങ്ങ​ൾ​ക്ക് ന​ഷ്ട​മാ​കു​ന്നു. ട്രെ​യി​നു​ക​ൾ​ക്ക് സ്റ്റോ​പ് അ​നു​വ​ദി​ക്കാ​തെ അ​വ​ഗ​ണ​ന പേ​റി നി​ല​നി​ന്ന ക​രു​വാ​റ്റ റെ​യി​ൽ​വേ സ്റ്റേ​ഷ​ൻ വ​രു​മാ​ന​മി​ല്ലെ​ന്ന പേ​രി​ലാ​ണ് അ​ധി​കാ​രി​ക​ൾ അ​ട​ച്ചു​പൂ​ട്ടാ​ൻ ഒ​രു​ങ്ങു​ന്ന​ത്. തീ​ര​ദേ​ശ പാ​ത​യി​ൽ പ​തി​റ്റാ​ണ്ടു​ക​ളോ​ളം ജ​ന​ങ്ങ​ൾ​ക്ക് ആ​ശ്വാ​സ​മേ​കി​യ റെ​യി​ൽ​വേ സ്റ്റേ​ഷ​ന് താ​ഴി​ടാ​നു​ള്ള നീ​ക്ക​ത്തി​ൽ പ്ര​തി​ഷേ​ധം ശ​ക്ത​മാ​ണ്.

ക​രു​വാ​റ്റ​യി​ൽ റെ​യി​ൽ​വേ സ്റ്റേ​ഷ​ൻ ഉ​ണ്ടെ​ങ്കി​ലും ഫ​ല​ത്തി​ൽ നി​ർ​ജീ​വാ​വ​സ്ഥ​യി​ലാ​ണ്. നി​ല​വി​ല്‍ ട്രെ​യി​നു​ക​ള്‍ ഒ​ന്നും നി​ർ​ത്തു​ന്നി​ല്ല. ഇ​തു​മൂ​ലം ക​രു​വാ​റ്റ​യി​ല്‍നി​ന്ന് ആ​ല​പ്പു​ഴ, കൊ​ല്ലം, എ​റ​ണാ​കു​ളം ഭാ​ഗ​ത്തേ​ക്കു​ള്ള യാ​ത്ര​ക്കാ​ര്‍ ഹ​രി​പ്പാ​ടെ​ത്തി​യാ​ണ് പോ​കു​ന്ന​ത്. മു​മ്പ് ക​രു​വാ​റ്റ​യി​ല്‍ എ​റ​ണാ​കു​ള​ത്തേ​ക്കു​ള്ള പാ​സ​ഞ്ച​ർ ട്രെ​യി​നും ആ​ല​പ്പു​ഴ അ​വ​സാ​നി​ക്കു​ന്ന ര​ണ്ട് ട്രെ​യി​നും നി​ർ​ത്തി​യി​രു​ന്നു.

കോ​വി​ഡ് കാ​ല​ത്ത് എ​റ​ണാ​കു​ള​ത്തേ​ക്കു​ണ്ടാ​യി​രു​ന്ന ട്രെ​യി​നു​ക​ള്‍ താ​ൽ​ക്കാ​ലി​ക​മാ​യി നി​ര്‍ത്തി. പി​ന്നി​ട് ഇ​തു​വ​രെ പു​നഃ​സ്ഥാ​പി​ച്ചി​ട്ടി​ല്ല. യാ​ത്ര​ക്കാ​ർ കു​റ​ഞ്ഞ​തോ​ടെ ക​രു​വാ​റ്റ റെ​യി​ൽ​വേ സ്റ്റേ​ഷ​നെ അ​വ​ഗ​ണി​ക്കാ​ൻ തു​ട​ങ്ങി. ടി​ക്ക​റ്റ് കൗ​ണ്ട​ർ അ​ട​ച്ചു പൂ​ട്ടി​യ​തി​നു​ശേ​ഷം ഏ​റെ​നാ​ൾ ഹാ​ള്‍ട്ട് ഏ​ജ​ന്റി​നെ ഉ​പ​യോ​ഗി​ച്ചാ​ണ് ടി​ക്ക​റ്റ് വി​ത​ര​ണം ന​ട​ത്തി​യി​രു​ന്ന​ത്.

ക​ഴി​ഞ്ഞ കു​റ​ച്ചു​കാ​ല​മാ​യി ടി​ക്ക​റ്റ് വി​ത​ര​ണ​ത്തി​ന് സ്റ്റേ​ഷ​നി​ല്‍ ആ​ളി​ല്ലാ​ത്ത അ​വ​സ്ഥ​യാ​ണ്. പ​രി​ഹാ​രം കാ​ണാ​ൻ ല​ക്ഷ​ങ്ങ​ൾ ചെ​ല​വ​ഴി​ച്ച് പ്ലാ​റ്റ്ഫോ​മി​ന്റെ ന​വീ​ക​ര​ണം ന​ട​ത്തി​യി​രു​ന്നു. ഇ​തു​പോ​ലും പ​രി​ഗ​ണി​ക്കാ​തെ​യാ​ണ് സ്റ്റേ​ഷ​ൻ അ​ട​ച്ചു​പൂ​ട്ടാ​ൻ ഒ​രു​ങ്ങു​ന്ന​ത്. തീ​ര​ദേ​ശ മേ​ഖ​ല​യി​ൽ ഉ​ള്ള​വ​ർ​ക്കും തോ​ട്ട​പ്പ​ള്ളി മു​ത​ൽ ഹ​രി​പ്പാ​ടി​ന് സ​മീ​പം വ​രെ​യു​ള്ള യാ​ത്ര​ക്കാ​ർ​ക്കും സൗ​ക​ര്യ​പ്ര​ദ​മാ​യി എ​ത്താ​ൻ ക​ഴി​യു​ന്ന ഒ​രു സ്റ്റേ​ഷ​ൻ കൂ​ടി​യാ​ണി​ത്. ലോ​ക്ക​ൽ ട്രെ​യി​നു​ക​ൾ​ക്കെ​ങ്കി​ലും സ്റ്റോ​പ് അ​നു​വ​ദി​ച്ചാ​ൽ ക​രു​വാ​റ്റ റെ​യി​ൽ​വേ സ്റ്റേ​ഷ​ൻ മെ​ച്ച​പ്പെ​ട്ട അ​വ​സ്ഥ​യി​ലാ​കു​മെ​ന്ന് യാ​ത്ര​ക്കാ​ർ പ​റ​യു​ന്നു.

റെ​യി​ൽ​വേ സ്റ്റേ​ഷ​ന്‍ അ​ട​ച്ചു​പൂ​ട്ട​രു​ത് -എം.​പി

ഹ​രി​പ്പാ​ട്: വ​രു​മാ​ന​മി​ല്ലെ​ന്ന കാ​ര​ണം പ​റ​ഞ്ഞ് തീ​ര​ദേ​ശ പാ​ത​യി​ലെ ക​രു​വാ​റ്റ റെ​യി​ൽ​വേ സ്റ്റേ​ഷ​ൻ അ​ട​ച്ചു​പൂ​ട്ടാ​നു​ള്ള നീ​ക്കം ഉ​പേ​ക്ഷി​ക്ക​ണ​മെ​ന്ന് കെ.​സി. വേ​ണു​ഗോ​പാ​ൽ എം.​പി ആ​വ​ശ്യ​പ്പെ​ട്ടു. ടി​ക്ക​റ്റ് വി​ത​ര​ണം ന​ട​ന്നി​ല്ലെ​ങ്കി​ല്‍ സ്റ്റേ​ഷ​ന്‍ അ​ട​ക്കേ​ണ്ട അ​വ​സ്ഥ​യാ​ണ്. അ​തി​നാ​ല്‍ ടി​ക്ക​റ്റ് വി​ത​ര​ണം പു​ന​രാ​രം​ഭി​ച്ച് സ്റ്റേ​ഷ​ന്റെ പ്ര​വ​ര്‍ത്ത​നം സാ​ധാ​ര​ണ നി​ല​യി​ലാ​ക്ക​ണ​മെ​ന്നും കെ.​സി. വേ​ണു​ഗോ​പാ​ല്‍ എം.​പി. ആ​വ​ശ്യ​പ്പെ​ട്ടു. ഇ​ക്കാ​ര്യം ആ​വ​ശ്യ​പ്പെ​ട്ട് കെ.​സി. വേ​ണു​ഗോ​പാ​ല്‍ കേ​ന്ദ്ര റെ​യി​ല്‍വെ മ​ന്ത്രി അ​ശ്വി​നി വൈ​ഷ്ണ​വി​ന് ക​ത്ത്​ ന​ല്‍കി.