ആ​ലു​വ​യി​ൽ സാ​മൂ​ഹികവി​രു​ദ്ധ​രും മ​ദ്യ​പാ​നി​ക​ളും അ​ഴി​ഞ്ഞാ​ടു​ന്നു

ആ​ലു​വ: സാ​മൂ​ഹ്യ വി​രു​ദ്ധ​രു​ടെ​യും മ​ദ്യ​പാ​നി​ക​ളും അ​ഴി​ഞ്ഞാ​ടു​ന്നു. മ​ദ്യ​പാ​നി​ക​ൾ ത​മ്മി​ലു​ള്ള വാ​ക്ക് ത​ർ​ക്കം ക​ത്തി​ക്കു​ത്തി​ൽ ക​ലാ​ശി​ച്ചു. ഗു​രു​ത​രാ​വ​സ്ഥ​യി​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച യു​വാ​വ് ചി​കി​ത്സ​യി​ലി​രി​ക്കെ മ​രി​ച്ചു. സാ​മൂ​ഹ്യ വി​രു​ദ്ധ​ർ​ക്കെ​തി​രെ ന​ട​പ​ടി​യെ​ടു​ക്കാ​ത്ത അ​ധി​കൃ​ത​രു​ടെ നി​ല​പാ​ടാ​ണ് സം​ഭ​വ​ത്തി​നി​ട​യാ​ക്കി​യ​തെ​ന്ന് ആ​ക്ഷേ​പ​മു​യ​ർ​ന്നി​ട്ടു​ണ്ട്.

ഇ​ത്ത​ര​ക്കാ​രെ അ​മ​ർ​ച്ച ചെ​യ്യാ​തെ കാ​ല​ങ്ങ​ളാ​യി പൊ​ലീ​സ് ഒ​ഴി​ഞ്ഞു​മാ​റു​ക​യാ​ണ്. യു.​സി കോ​ള​ജി​ന് സ​മീ​പം താ​മ​സി​ക്കു​ന്ന വ​ലി​യ​പ​റ​മ്പി​ൽ വീ​ട്ടി​ൽ രാ​ജ​ൻ​റെ മ​ക​ൻ സാ​ജ​നാ​ണ് (48) കു​ത്തേ​റ്റ​ത്. ശ​നി​യാ​ഴ്ച രാ​വി​ലെ ഒ​മ്പ​തു മ​ണി​യോ​ടെ ആ​ലു​വ മാ​ർ​ക്ക​റ്റി​ന് സ​മീ​പ​മാ​യി​രു​ന്നു സം​ഭ​വം. ഇ​യാ​ൾ സു​ഹൃ​ത്തു​ക്ക​ളു​മാ​യി മ​ദ്യ​പി​ക്കു​ക​യാ​യി​രു​ന്നു. ഇ​തി​നി​ടെ ഉ​ണ്ടാ​യ ത​ർ​ക്ക​ത്തി​നി​ട​യി​ലാ​ണ് സാ​ജ​ന് കു​ത്തേ​റ്റ​ത്ത്. ഇ​യാ​ളെ ​ക​ള​മ​ശ്ശേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും പി​ന്നീ​ട് മ​രി​ക്കു​കു​ക​യാ​യി​രു​ന്നു.

മാ​ർ​ക്ക​റ്റി​ന് സ​മീ​പം മ​ദ്യ​പാ​നി​ക​ൾ സ്ഥി​രം ശ​ല്യ​ക്കാ​രാ​യി മാ​റു​ക​യാ​ണ്. ന​ഗ​ര​ത്തി​ൽ രാ​പ്പ​ക​ൽ വ്യ​ത്യാ​സ​മി​ല്ലാ​തെ സാ​മൂ​ഹ്യ വി​രു​ദ്ധ​രു​ടെ​യും മ​ദ്യ​പാ​നി​ക​ളു​ടെ​യും വി​ള​യാ​ട്ട​മാ​ണ്.

അ​ക്ര​മ​കാ​രി​ക​ളാ​യ മ​ദ്യ​പാ​നി​ക​ളും ല​ഹ​രി ഇ​ട​പാ​ടു​കാ​രും ന​ഗ​ര​ത്തി​ൽ നി​റ​ഞ്ഞി​രി​ക്കു​ക​യാ​ണ്. ഇ​വ​രു​ടെ ശ​ല്യം മൂ​ലം യാ​ത്ര​ക്കാ​രാ​യ സ്ത്രീ​ക​ൾ​ക്കും വി​ദ്യാ​ർ​ഥി​ക​ൾ​ക്കും സു​ര​ക്ഷി​ത​ത്വ​മി​ല്ലാ​താ​യി. മ​ദ്യ ല​ഹ​രി​യി​ൽ ബ​സ് കാ​ത്ത് നി​ൽ​ക്കു​ന്ന​വ​ര​ട​ക്ക​മു​ള്ള സ്ത്രീ​ക​ൾ​ക്ക് നേ​രെ അ​സ​ഭ്യം പ​റ​യു​ന്ന​ത​ട​ക്കം പ​തി​വാ​യി​ട്ടു​ണ്ട്.

ഓ​രോ ദി​വ​സം ക​ഴി​യു​ന്തോ​റും സാ​മൂ​ഹി​ക വി​രു​ദ്ധ​രു​ടെ ശ​ല്യം വ​ർ​ദ്ധി​ക്കു​മ്പോ​ഴും ഇ​ത്ത​രം സം​ഘ​ങ്ങ​ളെ നി​യ​ന്ത്രി​ക്കാ​ൻ യാ​തൊ​രു ന​ട​പ​ടി​ക​ളു​മു​ണ്ടാ​കു​ന്നി​ല്ലെ​ന്ന് ആ​ക്ഷേ​പ​മു​ണ്ട്. ഇ​തു​മൂ​ലം ഇ​ത്ത​രം കു​റ്റ​വാ​ളി​ക​ൾ സ്വ​ത​ന്ത്ര​മാ​യി വി​ഹ​രി​ക്കു​ക​യാ​ണ്.

ഗു​ണ്ട​ക​ളും സ​ജീ​വം....

ന​ഗ​ര​ത്തി​ലും പ​രി​സ​ര പ്ര​ദേ​ശ​ങ്ങ​ളി​ലും ഗു​ണ്ട സം​ഘ​ങ്ങ​ൾ വീ​ണ്ടും സ​ജീ​വ​മാ​യി​ട്ടു​ണ്ട്. ഇ​ത്ത​രം സാ​മൂ​ഹ്യ വി​രു​ദ്ധ സം​ഘ​ങ്ങ​ളു​ടെ സം​ര​ക്ഷ​ക​രാ​യാ​ണ് പു​തി​യ ഗു​ണ്ട​ക​ൾ വ​ന്നി​രി​ക്കു​ന്ന​ത്. സ്വ​കാ​ര്യ ബ​സ് സ്റ്റാ​ൻ​ഡ്, സി​വി​ൽ സ്‌​റ്റേ​ഷ​ൻ റോ​ഡ്, എ​സ്.​എ​ൻ.​ഡി.​പി സ്കൂ​ൾ - റെ​യി​ൽ​വേ ലൈ​ൻ പ​രി​സ​രം, റെ​യി​ൽ​വേ സ്റ്റേ​ഷ​ൻ മു​ത​ൽ ജി​ല്ല ആ​ശു​പ​ത്രി വ​രെ​യു​ള്ള ഭാ​ഗ​ങ്ങ​ൾ, റെ​യി​ൽ​വേ ഓ​വ​ർ ബ്രി​ഡ്ജ്, ഗാ​ന്ധി സ്ക്വ​യ​ർ, മ​ണ​പ്പു​റം ന​ട​പ്പാ​ലം എ​ന്നി​വി​ട​ങ്ങ​ളി​ൽ സാ​മൂ​ഹി​ക വി​രു​ദ്ധ​രു​ടെ​യും മ​റ്റു വി​ഭാ​ഗ​ക്കാ​രു​ടെ​യും പ​ല​ത​ര​ത്തി​ലു​ള്ള സാ​മൂ​ഹ്യ​വി​രു​ദ്ധ പ്ര​വ​ർ​ത്ത​ക​രു​ടേ​യും കേ​ന്ദ്ര​മാ​യി മാ​റി​യി​രി​ക്കു​ന്നു. ഈ ​പ്ര​ദേ​ശ​ങ്ങ​ളി​ൽ നാ​ളു​ക​ളാ​യി ഗു​ണ്ട​ക​ളും പി​ടി​ച്ചു​പ​റി​ക്കാ​രും വി​ല​സു​ന്നു​ണ്ട്.

ഇ​വ​രു​ടെ​യെ​ല്ലാം പി​ന്നി​ൽ മ​യ​ക്കു​മ​രു​ന്ന് മാ​ഫി​യ​ക​ളാ​ണ് പ്ര​വ​ർ​ത്തി​ക്കു​ന്ന​ത്. ബി​വ​റേ​ജ​സ് ഷോ​പ്പി​ൽ നി​ന്ന് മ​ദ്യം വാ​ങ്ങു​ന്ന സം​ഘ​ങ്ങ​ൾ സ​മീ​പ​ത്തെ വ​ഴി​ക​ളി​ലും മാ​ർ​ക്ക​റ്റി​ലെ ആ​ളൊ​ഴി​ഞ്ഞ ഭാ​ഗ​ങ്ങ​ളി​ലും ബൈ​പ്പാ​സ് അ​ട്ടി​പ്പാ​ത​ക​ളി​ലും മ​റ്റു​മി​രു​ന്നാ​ണ് മ​ദ്യം ക​ഴി​ക്കു​ന്ന​ത്. ഇ​തു​മൂ​ലം പ​രി​സ​ര​വാ​സി​ക​ൾ​ക്ക് പു​റ​ത്തി​റ​ങ്ങാ​ൻ പോ​ലും ക​ഴി​യു​ന്നി​ല്ല. ജ​ന​വാ​സ കേ​ന്ദ്ര​ത്തി​ലാ​ണ് ബി​വ​റേ​ജ​സ് ഷോ​പ്പ് പ്ര​വ​ർ​ത്തി​ക്കു​ന്ന​ത്.

ഇ​തി​നെ​തി​രെ പ​രി​സ​ര​വാ​സി​ക​ൾ പ​ല ത​വ​ണ പ​രാ​തി​ക​ൾ പ​റ​ഞ്ഞി​ട്ടും ന​ട​പ​ടി​ക​ളു​ണ്ടാ​യി​ല്ല. എ​ക്‌​സൈ​സ് ഓ​ഫി​സു​ക​ൾ​ക്ക് മൂ​ക്കി​ന് താ​ഴെ​യാ​ണ് പ​ര​സ്യ​മാ​യ മ​ദ്യ​പാ​ന​വും അ​തെ തു​ട​ർ​ന്നു​ള്ള പ്ര​ശ്ന​ങ്ങ​ളും അ​ര​ങ്ങേ​റു​ന്ന​ത്. എ​ന്നാ​ൽ, ഉ​ദ്യോ​ഗ​സ്ഥ​ർ അ​തൊ​ന്നും ക​ണ്ടി​ല്ലെ​ന്ന് ന​ടി​ക്കു​ക​യാ​ണ്.