നിക്ഷേപത്തട്ടിപ്പ്​; പരാതി അട്ടിമറിക്കാന്‍ ശ്രമിക്കുന്നതായി ആരോപണം

കാ​ല​ടി: ഭ​ര​ണ​സ​മി​തി അം​ഗ​ങ്ങ​ൾ ചേ​ര്‍ന്ന് 100 കോ​ടി​യു​ടെ ത​ട്ടി​പ്പ് ന​ട​ത്തി​യ അ​ങ്ക​മാ​ലി അ​ര്‍ബ​ന്‍ സ​ഹ​ക​ര​ണ സം​ഘ​ത്തി​ന് കീ​ഴി​ലെ കൊ​റ്റ​മം ശാ​ഖ​യി​ല്‍ പ​ണം നി​ക്ഷേ​പി​ച്ച് ത​ട്ടി​പ്പി​നി​ര​യാ​യ നി​ക്ഷേ​പ​ക​രു​ടെ പ​രാ​തി​ക​ൾ അ​ട്ടി​മ​റി​ക്കാ​ന്‍ കാ​ല​ടി പൊ​ലീ​സ് ശ്ര​മി​ക്കു​ന്ന​താ​യി ആ​രോ​പി​ച്ച് നി​ക്ഷേ​പ​ക കൂ​ട്ടാ​യ്മ അ​ര്‍ബ​ന്‍ സ​ഹ​ക​ര​ണ സം​ര​ക്ഷ​ണ സ​മി​തി റൂ​റ​ല്‍ എ​സ്.​പി എം. ​ഹേ​മ​ല​ത​ക്ക് പ​രാ​തി ന​ൽകി.

ശാ​ഖ​യി​ല്‍ പ​ണം നി​ക്ഷേ​പി​ച്ച നി​ര​വ​ധി​യാ​ളു​ക​ളു​ടെ പ​ണം ന​ഷ്ട​പ്പെ​ട്ട പ​രാ​തി​ക​ള്‍ സ്റ്റേ​ഷ​നി​ല്‍ ഫ​യ​ല്‍ ചെ​യ്യ​പ്പെ​ട്ടി​ട്ടും പ​ല​തി​ലും എ​ഫ്.​ഐ.​ആ​ർ ര​ജി​സ്റ്റ​ര്‍ ചെ​യ്തി​ട്ടി​ല്ല. ചി​ല എ​ഫ്.​ഐ.​ആ​റു​ക​ള്‍ ര​ജി​സ്റ്റ​ര്‍ ചെ​യ്തി​ട്ടു​ണ്ടെ​ങ്കി​ലും 20 മാ​സം ക​ഴി​ഞ്ഞി​ട്ടും തു​ട​ര്‍ന​ട​പ​ടി​ക​ള്‍ സ്വീ​ക​രി​ച്ചി​ട്ടി​ല്ലെ​ന്നും പ​രാ​തി​യി​ല്‍ പ​റ​യു​ന്നു. നി​ക്ഷേ​പ​ക​രു​ടെ പ​രാ​തി​യി​ൽ കാ​ല​ടി പൊ​ലീ​സ് ഓ​രോ കേ​സി​ലും എ​ഫ്.​ഐ.​ആ​ര്‍ ര​ജി​സ്റ്റ​ര്‍ ചെ​യ്യു​ക​യും പൊ​ലീ​സ് ആ​സ്ഥാ​നം വ​ഴി ക്രൈം​ബ്രാ​ഞ്ചി​ന് കൈ​മാ​റു​ക​യും ചെ​യ്യു​ന്ന​തി​ല്‍ പ​രാ​ജ​യ​പ്പെ​ടു​ക​യും വീ​ഴ്ച വ​രു​ത്തു​ക​യും ചെ​യ്തു.

ബ​ഡ്‌​സ് ആ​ക്ട് മാ​ത്ര​മേ ഈ ​കേ​സി​ല്‍ ബാ​ധ​ക​മാ​കൂ എ​ന്നും എ​ഫ്.​എ.​ഡി​ക്ക് നീ​ക്കം ന​ട​ക്കു​ന്നു​ണ്ടെ​ന്നു​മാ​ണ് പൊ​ലീ​സ് വാ​ദി​ക്കു​ന്ന​ത്, അ​തി​നാ​ല്‍ കേ​സു​മാ​യി ത​ങ്ങ​ള്‍ക്ക് ഒ​രു ബ​ന്ധ​വു​മി​ല്ലെ​ന്ന് ഉ​ദ്യോ​ഗ​സ്ഥ​ര്‍ പ​റ​യു​ന്നു. സ​ര്‍ക്കാ​ര്‍ നി​യ​മി​ച്ച റെ​ഗു​ലേ​റ്റ​റാ​ണ് പ​രാ​തി ഫ​യ​ല്‍ ചെ​യ്യേ​ണ്ട​തെ​ന്ന് സെ​ക്ഷ​ന്‍ 27 വ്യ​വ​സ്ഥ ചെ​യ്യു​ന്നു. വ​ഞ്ചി​ക്ക​പ്പെ​ട്ട് നി​ക്ഷേ​പ​ക​രി​ല്‍നി​ന്ന് ല​ഭി​ക്കു​ന്ന എ​ല്ലാ പ​രാ​തി​ക​ളി​ലും എ​ഫ്.​ഐ.​ആ​ര്‍ ര​ജി​സ്റ്റ​ര്‍ ചെ​യ്യാ​ന്‍ പൊ​ലീ​സി​ന് നി​ർ​ദേ​ശം ന​ൽ​ക​ണ​മെ​ന്നും പ​രാ​തി​യി​ലു​ണ്ട്.