സി.പി.എമ്മിലെ വിഭാഗീയത പൂർണമായും തുടച്ചുനീക്കിയെന്ന് സി.എൻ. മോഹനൻ; ഇന്ന് സി.പി.എം സെക്രട്ടറി സ്ഥാനം ഒഴിയും

കൊ​ച്ചി: പാ​ർ​ട്ടി​യെ ബാ​ധി​ച്ചി​രു​ന്ന വി​ഭാ​ഗീ​യ​ത പൂ​ർ​ണ​മാ​യി തു​ട​ച്ചു​മാ​റ്റി​യെ​ന്ന സം​തൃ​പ്തി​യോ​ടെ​യാ​ണ് താ​ൻ സ്ഥാ​നം ഒ​ഴി​യു​ന്ന​തെ​ന്ന് സി.​പി.​എം ജി​ല്ല സെ​ക്ര​ട്ട​റി സി.​എ​ൻ. മോ​ഹ​ന​ൻ. സം​സ്ഥാ​ന സെ​ക്ര​ട്ട​റി​യേ​റ്റ്​ അം​ഗ​മാ​യി തെ​ര​ഞ്ഞെ​ടു​ക്ക​പ്പെ​ട്ട​തി​നെ തു​ട​ർ​ന്ന് ഞാ​യാ​റാ​ഴ്ച ജി​ല്ല സെ​ക്ര​ട്ട​റി സ്ഥാ​നം ഒ​ഴി​യു​ന്ന സാ​ഹ​ച​ര്യ​ത്തി​ൽ ‘മാ​ധ്യ​മ’ ത്തോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ജി​ല്ല​യി​ൽ വി​ഭാ​ഗീ​യ​ത പാ​ർ​ട്ടി​യെ ദോ​ഷ​ക​ര​മാ​യി ബാ​ധി​ച്ചി​രു​ന്നു. എ​ന്നാ​ൽ, സെ​ക്ര​ട്ട​റി​യേ​റ്റും ജി​ല്ല ക​മ്മി​റ്റി​യും ഒ​ത്തൊ​രു​മി​ച്ച് നി​ന്ന​തോ​ടെ അ​തി​ല്ലാ​താ​ക്കാ​നാ​യി. പാ​ർ​ട്ടി പ്ര​വ​ർ​ത്ത​നം സ്ഥാ​ന​മാ​ന​ങ്ങ​ൾ​ക്ക് വേ​ണ്ടി​യാ​ണെ​ന്ന ചി​ന്ത​മാ​റ്റു​ക​യെ​ന്ന ല​ക്ഷ്യ​ത്തോ​ടെ ജി​ല്ല​യി​ൽ പാ​ർ​ട്ടി അം​ഗ​ങ്ങ​ൾ​ക്കും നേ​താ​ക്ക​ൾ​ക്കു​മാ​യി ക്ലാ​സു​ക​ള​ട​ക്ക​മു​ള്ള പ​രി​പാ​ടി​ക​ൾ ന​ട​ത്തി. ഇ​തെ​തു​ട​ർ​ന്ന് ക​ഴി​ഞ്ഞ ജി​ല്ല സ​മ്മേ​ള​നം തി​ക​ഞ്ഞ അ​ച്ച​ട​ക്ക​ത്തോ​ടെ​യാ​ണ് ന​ട​ന്ന​ത്. 3156 ബ്രാ​ഞ്ച്​ ക​മ്മി​റ്റി​ക​ളി​ൽ എ​ട്ടെ​ണ്ണ​ത്തി​ലും ആ​റ്​ ലോ​ക്ക​ൽ ക​മ്മി​റ്റി​ക​ളി​ലു​മാ​ണ് ചി​ല്ല​റ പ്ര​ശ്ന​ങ്ങ​ളു​ണ്ടാ​യ​ത്. അ​തും പ​രി​ഹ​രി​ക്ക​പ്പെ​ട്ടു.

വേരോ​ട്ട​മു​ണ്ടാ​ക്കാ​ൻ ജ​ന​ങ്ങ​ളി​ലേ​ക്കി​റ​ങ്ങ​ണം

ജി​ല്ല​യി​ൽ തെ​ര​ഞ്ഞെ​ടു​പ്പ് രം​ഗ​ത്ത് നേ​ട്ട​മു​ണ്ടാ​ക്ക​ണ​മെ​ങ്കി​ൽ ജ​ന​ങ്ങ​ളി​ലേ​ക്കി​റ​ങ്ങ​ണം. ഇ​ത് ല​ക്ഷ്യ​മാ​ക്കി​യു​ള്ള പ്ര​വ​ർ​ത്ത​ന​ങ്ങ​ളാ​ണ് ആ​സൂ​ത്ര​ണം ചെ​യ്ത​ത്. തീ​ര​മേ​ഖ​ല​യി​ല​ട​ക്കം ക്രൈ​സ്​​ത​വ ന്യൂ​ന​പ​ക്ഷ​ങ്ങ​ൾ​ക്ക് സ്വാ​ധീ​ന​മു​ള്ള ജി​ല്ല​യാ​ണി​ത്. ഒ​പ്പം ന​ഗ​ര കേ​ന്ദ്രീ​കൃ​ത ജ​ന​ത​യും ഏ​റെ​യു​ണ്ട്. അ​തു​കൊ​ണ്ട് ത​ന്നെ രാ​ഷ്ട്രീ​യ​ങ്ങ​ൾ​ക്ക​പ്പു​റ​മു​ള്ള കാ​ര്യ​ങ്ങ​ളാ​ണ് തെ​ര​ഞ്ഞെ​ടു​പ്പി​ൽ പ്ര​ക​ട​മാ​കു​ക. ജ​ന​കീ​യ പ്ര​ശ്ന​ങ്ങ​ളി​ലി​ട​പെ​ട്ട് അ​വ​രു​ടെ വി​ശ്വാ​സം ആ​ർ​ജി​ച്ചാ​ൽ മാ​ത്ര​മേ നേ​ട്ട​മു​ണ്ടാ​ക്കാ​ൻ ക​ഴി​യൂ. ഇ​ത്ത​രം കാ​ര്യ​ങ്ങ​ളി​ൽ സ​ജീ​മാ​യി ഇ​ട​പെ​ട്ട് ത​ദ്ദേ​ശ തെ​ര​ഞ്ഞെ​ടു​പ്പി​ൽ നേ​ട്ട​മു​ണ്ടാ​ക്കാ​നു​ള്ള നി​ർ​ദേ​ശ​മാ​ണ് പാ​ർ​ട്ടി അം​ഗ​ങ്ങ​ൾ​ക്ക് ന​ൽ​കി​യി​രി​ക്കു​ന്ന​ത്.

വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് പി​ന്തു​ണ

ക​ഴി​ഞ്ഞ ഏ​ഴ് വ​ർ​ഷ​വും സം​സ്ഥാ​ന സ​ർ​ക്കാ​ർ ജി​ല്ല​യി​ൽ ന​ട​പ്പാ​ക്കി​യ വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് നി​റ​ഞ്ഞ പി​ന്തു​ണ ന​ൽ​കി. എ​റ​ണാ​കു​ളം ജ​ന​റ​ൽ ആ​ശു​പ​ത്രി, കൊ​ച്ചി​ൻ കാ​ൻ​സ​ർ സ​ന്‍റെ​ർ, ക​ള​മ​ശ്ശേ​രി മെ​ഡി​ക്ക​ൽ കോ​ള​ജ് അ​ട​ക്കം ആ​രോ​ഗ്യ- പൊ​തു​മ​രാ​മ​ത്ത് -വി​ദ്യാ​ഭ്യാ​സ മേ​ഖ​ല​ക​ളി​ൽ അ​ടി​സ്ഥാ​ന സൗ​ക​ര്യ വി​ക​സ​ന​മ​ട​ക്കം കോ​ടി​ക​ളു​ടെ പ​ദ്ധ​തി​ക​ളാ​ണ് ജി​ല്ല​യി​ൽ ന​ട​പ്പാ​ക്കി​യ​ത്. കൊ​ച്ചി മെ​ട്രോ മൂ​വാ​റ്റു​പു​ഴ​ക്ക് നീ​ട്ടു​ന്ന​ത​ട​ക്ക​മു​ള്ള വി​ക​സ​ന നി​ർ​ദേ​ശ​ങ്ങ​ളും സ​ർ​ക്കാ​ർ ത​ല​ത്തി​ൽ സ​മ​ർ​പ്പി​ച്ചു.

മു​ന​മ്പം; പാ​ർ​ട്ടി നി​ല​പാ​ട് ശ​രി​യെ​ന്ന് തെ​ളി​ഞ്ഞു

മു​ന​മ്പ​ത്തെ ജ​ന​ങ്ങ​ളെ കു​ടി​യി​റ​ക്ക​രു​തെ​ന്ന് ആ​ദ്യ​മാ​യി നി​ല​പാ​ടെ​ടു​ത്ത​ത് ത​ങ്ങ​ളാ​ണ്. താ​നും എ​സ്. ശ​ർ​മ​യു​മാ​ണ് ആ​ദ്യ യോ​ഗ​ത്തി​ൽ പ​ങ്കെ​ടു​ത്ത​ത്. എ​ന്നാ​ൽ, പി​ന്നീ​ട് ജ​ന​ങ്ങ​ളെ ക​ബ​ളി​പ്പി​ച്ച് ബി.​ജെ.​പി സ​മ​ര​ത്തെ ഹൈ​ജാ​ക്ക് ചെ​യ്തു. ത​ങ്ങ​ൾ പ​റ​ഞ്ഞ നി​ല​പാ​ടാ​യി​രു​ന്നു ശ​രി​യെ​ന്ന് ഇ​പ്പോ​ൾ അ​വി​ട​ത്തെ ജ​ന​ങ്ങ​ൾ​ക്ക് മ​ന​സ്സി​ലാ​യി. വ​ർ​ഗീ​യ അ​ജ​ണ്ട ന​ട​പ്പാ​ക്കാ​നാ​യി ബി.​ജെ.​പി ക​ബ​ളി​പ്പി​ക്കു​ക​യാ​യി​രു​ന്നെ​ന്നും ഇ​പ്പോ​ൾ വ്യ​ക്ത​മാ​യി.

ന​ട​പ്പാ​ക്കി​യ​ത് വൈ​വി​ധ്യ​മാ​ർ​ന്ന പ​രി​പാ​ടി​ക​ൾ

ജി​ല്ല സെ​ക്ര​ട്ട​റി​യെ​ന്ന നി​ല​യി​ൽ ക​ഴി​ഞ്ഞ ഏ​ഴ് വ​ർ​ഷം ജി​ല്ല​യി​ൽ വി​വി​ധ പ​രി​പാ​ടി​ക​ൾ ന​ട​പ്പാ​ക്കി. അ​ഭി​മ​ന്യൂ സ്മാ​ര​കം, ടി.​കെ. സ്മാ​ര​ക ഹാ​ൾ അ​ട​ക്കം ഇ​തി​ൽ​പെ​ടും. ടൗ​ൺ​ഹാ​ളി​ന് സ​മീ​പം ഓ​ഡി​റ്റോ​റി​യ​ത്തി​നും ഓ​ഫി​സി​നു​മാ​യി 17 സ​ന്‍റെ് സ്ഥ​ലം വാ​ങ്ങി. ക​നി​വ് പാ​ലി​യേ​റ്റി​വ് സെ​ന്‍റ​റി​ന് കീ​ഴി​ൽ ജി​ല്ല​യി​ൽ 20 ഫി​സി​യോ​തെ​റ​പ്പി സെൻറ​റു​ക​ൾ തു​ട​ങ്ങി. അ​വി​ട​ങ്ങ​ളി​ൽ ആ​യി​ര​ക​ണ​ക്കി​ന് പാ​വ​പ്പെ​ട്ട രോ​ഗി​ക​ൾ​ക്കാ​ണ് ആ​ശ്വാ​സ​മേ​കു​ന്ന​ത്. ഇ​തോ​ട​നു​ബ​ന്ധി​ച്ച് വി​വി​ധ സ്ഥ​ല​ങ്ങ​ളി​ൽ ആം​ബു​ല​ൻ​സ് സൗ​ക​ര്യ​വും ഏ​ർ​പ്പെ​ടു​ത്തി​യി​ട്ടു​ണ്ട്.

ജില്ല സെക്രട്ടറി; തീരുമാനം ഇന്ന്

കൊ​ച്ചി: സി.​പി.​എ​മ്മി​ന്‍റെ പു​തി​യ ജി​ല്ല സെ​ക്ര​ട്ട​റി​യെ ഞാ​യ​റാ​ഴ്ച തെ​ര​ഞ്ഞെ​ടു​ക്കും. നി​ല​വി​ലെ ജി​ല്ല സെ​ക്ര​ട്ട​റി​യാ​യ സി.​എ​ൻ. മോ​ഹ​ന​ൻ സം​സ്ഥാ​ന സെ​ക്ര​ട്ട​റി​യേ​റ്റ്​ അം​ഗ​മാ​യ​തോ​ടെ​യാ​ണ് ജി​ല്ല​യി​ൽ പു​തി​യ സെ​ക്ര​ട്ട​റി വ​രു​ന്ന​ത്. ഞാ​യ​റാ​ഴ്ച സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍റെ സാ​ന്നി​ധ്യ​ത്തി​ൽ ചേ​രു​ന്ന ജി​ല്ല ക​മ്മി​റ്റി​യോ​ഗ​മാ​ണ് പു​തി​യ ജി​ല്ലാ സെ​ക്ര​ട്ട​റി​യെ തെ​ര​ഞ്ഞെ​ടു​ക്കു​ന്ന​ത്. ഇ​തോ​ടൊ​പ്പം പു​തി​യ ജി​ല്ല സെ​ക്ര​ട്ട​റി​യേ​റ്റും രൂ​പ​വ​ത്​​ക​രി​ക്കും.

ജി​ല്ല സെ​ക്ര​ട്ട​റി​യാ​രെ​ന്ന് സം​ബ​ന്ധി​ച്ച് സം​സ്ഥാ​ന ക​മ്മി​റ്റി​യി​ൽ ധാ​ര​ണ​യാ​യ​താ​യാ​ണ് വി​വ​രം. ഇ​ത് ജി​ല്ല ക​മ്മി​റ്റി അം​ഗീ​ക​രി​ച്ച ശേ​ഷ​മാ​കും പ്ര​ഖ്യാ​പ​നം. നി​ല​വി​ലെ സൂ​ച​ന​ക​ൾ പ്ര​കാ​രം സം​സ്ഥാ​ന ക​മ്മി​റ്റി അം​ഗ​വും ഡി.​വൈ.​എ​ഫ്.​ഐ മു​ൻ സം​സ്ഥാ​ന പ്ര​സി​ഡ​ൻ​റു​മാ​യ എ​സ്. സ​തീ​ശി​നാ​ണ് മു​ൻ​തൂ​ക്ക​മെ​ന്നാ​ണ് വി​വ​രം. എ​ന്നാ​ൽ, ഇ​തോ​ടൊ​പ്പം ജി​ല്ല​യി​ലെ മു​തി​ർ​ന്ന നേ​താ​ക്ക​ളാ​യ പി.​ആ​ർ. മു​ര​ളീ​ധ​ര​ൻ, സി.​ബി. ദേ​വ​ദ​ർ​ശ​ന​ൻ, ജോ​ൺ ഫെ​ർ​ണാ​ണ്ട​സ്, എം. ​അ​നി​ൽ​കു​മാ​ർ എ​ന്നി​വ​രു​ടെ പേ​രു​ക​ളും സ​ജീ​വ​മാ​യി ഉ​യ​ർ​ന്ന് കേ​ൾ​ക്കു​ന്നു​ണ്ട്.