ഫോർട്ട്​കൊച്ചി കസ്റ്റംസ്​ ജെട്ടി; പേരിൽ മാത്രമാണ്​ ഗ്ലാമർ

ഫോ​ർ​ട്ട്​​കൊ​ച്ചി: പ​ഴ​മ​യു​ടെ പെ​രു​മ​യു​ണ്ട്, പു​തു​മ​യു​ടെ മൊ​ഞ്ചു​മു​ണ്ട്. പ​ക്ഷെ ഫോ​ർ​ട്ട്​​കൊ​ച്ചി ക​സ്റ്റം​സ് ജെ​ട്ടി​യി​ലൂ​ടെ ഒ​രു യാ​ത്ര പോ​യാ​ൽ ഈ ​സു​ഖ​മാ​ക്കെ പോ​കു​മെ​ന്ന്​ യാ​ത്ര​ക്കാ​ർ. ക​ഴി​ഞ്ഞ ര​ണ്ട് വ​ർ​ഷ​ക്കാ​ലം ന​വീ​ക​ര​ണം ന​ട​ക്കു​മ്പോ​ഴും ശേ​ഷ​വും ഈ ​ജെ​ട്ടി​യി​ൽ​നി​ന്ന്​ ബോ​ട്ട് ക​യ​റാ​ൻ എ​ത്തു​ന്ന​വ​രും ഇ​റ​ങ്ങു​ന്ന​വ​രും ഭീ​തി​യോ​ടെ​യാ​ണ് നീ​ങ്ങു​ന്ന​ത്.

കൊ​ച്ചി സ്മാ​ർ​ട്ട് മി​ഷ​ൻ ലി​മി​റ്റ​ഡി​ന്‍റെ നേ​തൃ​ത്വ​ത്തി​ൽ ജെ​ട്ടി പൈ​തൃ​ക ത​നി​മ​യി​ൽ ന​വീ​ക​രി​ക്കു​ന്ന ജോ​ലി​ക​ൾ ആ​രം​ഭി​ച്ച​തോ​ടെ​യാ​ണ് യാ​ത്ര​ക്കാ​ർ​ക്ക് ത​ല​വേ​ദ​ന ആ​രം​ഭി​ച്ച​ത്. ജെ​ട്ടി​യി​ലേ​ക്കു​ള്ള പ്ര​വേ​ശ​ന ഭാ​ഗം 200ഓ​ളം മീ​റ്റ​ർ നീ​ള​ത്തി​ൽ വീ​തി കു​റ​ഞ്ഞ പാ​ത​യാ​ണ്. ഈ ​പാ​ത​യി​ൽ ന​വീ​ക​ര​ണ ജോ​ലി​ക​ൾ​ക്കാ​യി കു​ഴി​ക​ളെ​ടു​ത്തു. എ​ന്നാ​ൽ ന​വീ​ക​ര​ണം ഒ​ച്ചി​ഴ​യു​ന്ന വേ​ഗ​ത്തി​ലാ​യ​തോ​ടെ ഈ ​കു​ഴി​ക​ൾ യാ​ത്ര​ക്കാ​ർ​ക്ക് അ​പ​ക​ട​ക്കെ​ണി​യാ​യി.

ഫ്ര​ഞ്ച് സ്വ​ദേ​ശി കു​ഴി​യി​ൽ വീ​ണ് കാ​ലൊ​ടി​ഞ്ഞ​ത്​ കൊ​ച്ചി​ക്ക് മാ​ത്ര​മ​ല്ല, കേ​ര​ള​ത്തി​ന്​ ത​ന്നെ നാ​ണ​ക്കേ​ടാ​യി​രു​ന്നു. ഇ​തി​ന​കം നി​ര​വ​ധി നാ​ട്ടു​കാ​രും ഇ​ത​ര സം​സ്ഥാ​ന തൊ​ഴി​ലാ​ളി​ക​ളും കു​ഴി​യി​ൽ വീ​ണ് പ​രി​ക്കേ​റ്റി​രു​ന്നു. വി​ദേ​ശി​ക്ക് പ​രി​ക്കേ​റ്റ​ ശേ​ഷ​മാ​ണ് ന​വീ​ക​ര​ണ​ത്തി​ന്​ വേ​ഗം കൂ​ടി​യ​ത്. ഫെ​ബ്രു​വ​രി നാ​ലി​ന് ഗ​താ​ഗ​ത മ​ന്ത്രി ഗ​ണേ​ഷ് കു​മാ​റാ​ണ്​ ഉ​ദ്ഘാ​ട​നം ​ചെ​യ്ത​ത്.

ഉ​ദ്ഘാ​ട​നം ക​ഴി​ഞ്ഞി​ട്ടും ദു​രി​തം മാ​റു​ന്നി​ല്ല

ഒ​രു കോ​ടി രൂ​പ ചെ​ല​വ​ഴി​ച്ച് ക​സ്റ്റം​സ് ജെ​ട്ടി ന​വീ​ക​രി​ച്ചെ​ങ്കി​ലും മ​ഴ​ക്കാ​ല​ത്ത് ചോ​ർ​ന്നൊ​ലി​ക്കു​ക​യാ​ണെ​ന്നാ​ണ്​ നാ​ട്ടു​കാ​രു​ടെ പ​രാ​തി. ഇ​തി​നി​ട​യി​ലാ​ണ് ശ​ക്ത​മാ​യ മ​ഴ​യി​ൽ ജെ​ട്ടി​യോ​ട് ചേ​ർ​ന്ന, നൂ​റ്റാ​ണ്ടു​ക​ൾ പ​ഴ​ക്ക​മു​ള്ള കെ​ട്ടി​ട​ത്തി​ന്‍റെ ഭാ​ഗ​ങ്ങ​ൾ അ​ട​ർ​ന്ന് വീ​ഴു​ന്ന​ത്. ജീ​ർ​ണി​ച്ച കെ​ട്ടി​ടം നി​ലം​പൊ​ത്താ​വു​ന്ന അ​വ​സ്ഥ​യി​ലാ​ണ്. ഇ​ക്കാ​ര്യം ന​വീ​ക​ര​ണ സ​മ​യ​ത്ത് സ​മീ​പ​ത്തെ സ്റ്റാ​ൻ​ഡി​ലെ ഓ​ട്ടോ​റി​ക്ഷ ഡ്രൈ​വ​ർ​മാ​ര​ട​ക്കം സി.​എ​സ്.​എം.​എ​ൽ അ​ധി​കൃ​ത​രോ​ട് ചൂ​ണ്ടി​ക്കാ​ണി​ച്ചെ​ങ്കി​ലും മു​ഖ​വി​ല​ക്കെ​ടു​ത്തി​ല്ല.

ശ​ക്ത​മാ​യ മ​ഴ​യും കാ​റ്റും ഉ​ള്ള​പ്പോ​ൾ കെ​ട്ടി​ട​ത്തി​ന്‍റെ ഓ​രോ ഭാ​ഗം അ​ട​ർ​ന്ന് ജെ​ട്ടി​യു​ടെ പു​തു​താ​യി നി​ർ​മി​ച്ച സീ​ലി​ങി​ന് മു​ക​ളി​ലേ​ക്ക്​ വീ​ണ് ത​ക​രു​ക​യാ​ണ്. യാ​ത്ര​ക്കാ​ർ ഒ​രു ഭാ​ഗം ചേ​ർ​ന്ന് പോ​കാ​ൻ ജ​ല​ഗ​താ​ഗ​ത വ​കു​പ്പ് ക​യ​ർ വ​ലി​ച്ച്​ കെ​ട്ടി​യി​ട്ടു​ണ്ട്. കെ​ട്ടി​ടം മ​റി​ഞ്ഞ് വീ​ഴു​മോ എ​ന്ന ആ​ശ​ങ്ക​യോ​ടെ​യാ​ണ്​ യാ​ത്ര​ക്കാ​ർ ഇ​തു​വ​ഴി പോ​കു​ന്ന​ത്. ന​വീ​ക​ര​ണം ന​ട​ക്കു​മ്പോ​ൾ കു​ഴി​ക​ളാ​യി​രു​ന്നു വി​ല്ല​നെ​ങ്കി​ൽ ന​വീ​ക​ര​ണം ക​ഴി​ഞ്ഞ​പ്പോ​ൾ സ​മീ​പ​ത്തെ ജീ​ർ​ണി​ച്ച കെ​ട്ടി​ട​മാ​ണ്​ പ്ര​ശ്നം. തി​ര​ക്കി​ട്ട്​ ഉ​ദ്ഘാ​ട​നം ചെ​യ്ത്​ ‘ത​ല്ലി​ക്കൂ​ട്ട്​’ പ​ണി​യാ​ണ് ചെ​യ്ത​തെ​ന്നാ​ണ്​ നാ​ട്ടു​കാ​രു​ടെ പ​രാ​തി.

തൂ​ങ്ങി​യാ​ടു​ന്ന മെ​യി​ൻ സ്വി​ച്ച് ബോ​ർ​ഡ്

ഒ​രു കോ​ടി രൂ​പ ചെ​ല​വ​ഴി​ച്ച് ന​വീ​ക​രി​​ച്ചെ​ങ്കി​ലും ഇ​ല​ക്​​ട്രി​ക് വ​യ​റി​ങ്​ ജോ​ലി പോ​ലും പൂ​ർ​ത്തി​യാ​യി​ട്ടി​ല്ല. ജെ​ട്ടി​യി​ലേ​ക്കു​ള്ള മെ​യി​ൻ സ്വി​ച്ച് ബോ​ർ​ഡ് പ്ര​വേ​ശ​ന ക​വാ​ട​ത്തി​ന്​ സ​മീ​പം ത​ന്നെ തൂ​ങ്ങി ആ​ടു​ക​യാ​ണ്. സ്വി​ച്ചി​ൽ നി​ന്നു​ള്ള വ​യ​റു​ക​ളും വ​ഴി നീ​ളെ തൂ​ങ്ങി കി​ട​പ്പു​ണ്ട്. തൊ​ട്ടാ​ൽ ഷോ​ക്കേ​ൽ​ക്കാ​ൻ സാ​ധ്യ​ത​യു​ണ്ട്. ശ​ക്ത​മാ​യ മ​ഴ​യി​ൽ സീ​ലി​ങ്​ ചോ​ർ​ന്നൊ​ലി​ക്കു​മ്പേ​ൾ ചി​ല വേ​ള​ക​ളി​ൽ വൈ​ദ്യു​തി​യി​ൽ​നി​ന്നു​ള്ള എ​ർ​ത്ത് അ​നു​ഭ​വ​പ്പെ​ടാ​റു​ണ്ടെ​ന്ന് യാ​ത്ര​ക്കാ​ർ പ​റ​യു​ന്നു.

ടോ​യ്​​ല​റ്റ് സം​വി​ധാ​നം ഇ​ല്ല

വി​ദേ​ശി​ക​ൾ അ​ട​ക്കം ആ​യി​ര​ക്ക​ണ​ക്കി​ന് യാ​ത്ര​ക്കാ​ർ ആ​ശ്ര​യി​ക്കു​ന്ന ജെ​ട്ടി​യാ​ണി​ത്. എ​ന്നാ​ൽ ന​വീ​ക​ര​ണം ന​ട​ന്നി​ട്ടും യാ​ത്ര​ക്കാ​ർ​ക്ക് ടോ​യ്​​ല​റ്റ് സൗ​ക​ര്യം ഒ​രു​ക്കി​യി​ല്ല. ജ​ല​ഗ​താ​ഗ​ത വ​കു​പ്പി​ന്‍റെ ന​വീ​ക​ര​ണ​ത്തി​ൽ ടോ​യ്​​ല​റ്റ് നി​ർ​മി​ച്ചെ​ങ്കി​ലും വെ​ള്ളം ഇ​ല്ലാ​ത്ത​തി​നാ​ൽ ഉ​പ​യോ​ഗി​ക്കാ​നാ​വി​ല്ല.

കെ​ട്ടി​ടം പൊ​ളി​ക്കാ​ൻ ഉ​ട​മ​ക്ക് നോ​ട്ടീ​സ്

അ​പ​ക​ടാ​വ​സ്ഥ​യി​ലാ​യ കെ​ട്ടി​ട​ത്തി​ന്‍റെ ഉ​ട​മ​ക്ക്​ കൊ​ച്ചി കോ​ർ​പ​റേ​ഷ​ൻ ടൗ​ൺ പ്ലാ​നി​ങ്​ വി​ഭാ​ഗം നോ​ട്ടീ​സ് ന​ൽ​കി​യി​ട്ടു​ണ്ട്. മു​മ്പ്​ ഗോ​ഡൗ​ണാ​യി​രു​ന്ന കെ​ട്ടി​ടം ജീ​ർ​ണ​ത മൂ​ലം അ​ട​ച്ചി​രി​ക്കു​ക​യാ​ണ്. വ​ലി​യ അ​പ​ക​ടം സം​ഭ​വി​ക്കും​ മു​മ്പ്​ പൊ​ളി​ച്ച്​ മാ​റ്റ​ണ​മെ​ന്നാ​ണ് നി​ർ​ദ്ദേ​ശം. ശ​ക്ത​മാ​യ മ​ഴ​യും കാ​റ്റു​മു​ള്ള​പ്പോ​ൾ യാ​ത്ര​ക്കാ​ർ​ക്ക്​ ഭ​യ​മാ​ണ്. നേ​ര​ത്തെ ജ​ല​ഗ​താ​ഗ​ത വ​കു​പ്പ് അ​ധി​കൃ​ത​രും കെ​ട്ടി​ട ഉ​ട​മ​യോ​ട് കെ​ട്ടി​ടം പൊ​ളി​ച്ചു മാ​റ്റാ​ൻ ആ​വ​ശ്യ​പ്പെ​ട്ടി​രു​ന്നു. കെ​ട്ടി​ട​ത്തി​ന്‍റെ ശോ​ച്യാ​വ​സ്ഥ ക​ണ്ടാ​ണ്​ കെ​ട്ടി​ട​ത്തി​നോ​ട് ചേ​ർ​ന്ന് വ​ൻ തു​ക ചെ​ല​വ​ഴി​ച്ച്​ ന​വീ​ക​ര​ണം ന​ട​ത്തി​യ​ത് എ​ന്ന​താ​ണ് ആ​ശ്ച​ര്യം.