അടിവാട്ടെ ഗാലറി തകർച്ച; ഒഴിവായത് വൻ ദുരന്തം

കോ​ത​മം​ഗ​ലം: പ​ല്ലാ​രി​മം​ഗ​ല​ത്ത് സെ​വ​ൻ​സ് ഫു​ട്ബാ​ൾ മേ​ള​യു​ടെ ഗാ​ല​റി ത​ക​ർ​ന്ന സം​ഭ​വ​ത്തി​ൽ ഒ​ഴി​വാ​യ​ത് വ​ൻ ദു​ര​ന്തം. അ​ടി​വാ​ട് ഹീ​റോ യ​ങ്ങ്സ് ക്ല​ബ് ന​ട​ത്തു​ന്ന ഫു​ട്ബാ​ൾ മ​ത്സ​ര​ങ്ങ​ളു​ടെ സ​മാ​പ​ന ദി​വ​സ​മാ​യ ഞാ​യ​റാ​ഴ്ച രാ​ത്രി 10ഓ​ടെ​യാ​ണ് അ​പ​ക​ടം. ഇ​രു​മ്പ് പൈ​പ്പു​ക​ളും മ​ര​വും ഉ​പ​യോ​ഗി​ച്ച് കാ​ണി​ക​ൾ​ക്കാ​യി നി​ർ​മി​ച്ച ഗാ​ല​റി​യാ​ണ് ത​ക​ർ​ന്ന​ത്. 30ലേ​റെ പേ​ർ​ക്കാ​ണ്​ പ​രി​ക്കേ​റ്റ​ത്. അ​ഞ്ച് പേ​ർ ആ​ശു​പ​ത്രി​ക​ളി​ൽ ചി​കി​ത്സ​യി​ലു​ണ്ട്.

ഗാ​ല​റി​യി​ലു​ണ്ടാ​യി​രു​ന്ന​ത് ആ​യി​ര​ത്തോ​ളം പേ​ർ

അ​ടി​വാ​ട് മാ​ലി​ക് ദീ​നാ​ർ കാ​മ്പ​സി​ൽ ഏ​പ്രി​ൽ ആ​റി​ന് ആ​രം​ഭി​ച്ച് 20ന് ​സ​മാ​പി​ക്കു​ന്ന രീ​തി​യി​ലാ​ണ് മ​ത്സ​ര​ങ്ങ​ൾ ക്ര​മീ​ക​രി​ച്ചി​രു​ന്ന​ത്. ഫൈ​ന​ൽ മ​ത്സ​ര​ത്തി​ൽ എ​ത്തി​യ പ്രാ​ദേ​ശി​ക ടീ​മു​ക​ളാ​യ യ​ങ്ങ് സ്റ്റാ​ർ മൈ​ലൂ​രി​നാ​യി അ​ൽ മ​ദീ​ന ചെ​ർ​പ്പു​ള​ശ്ശേ​രി​യും ഗോ​ൾ​ഡ​ൻ നൈ​റ്റ് ചെ​റു​വ​ട്ടൂ​രി​നാ​യി കെ.​എം.​ജി മാ​വൂ​രു​മാ​ണ് മ​ത്സ​ര​ത്തി​ന് ഇ​റ​ങ്ങേ​ണ്ടി​യി​രു​ന്ന​ത്.

പ്രാ​ഥ​മി​ക മ​ത്സ​ര​ങ്ങ​ൾ​ക്ക്​ ശ​രാ​ശ​രി കാ​ണി​ക​ൾ മാ​ത്ര​മാ​ണ് എ​ത്തി​യി​രു​ന്ന​ത്. സെ​മി മു​ത​ലാ​ണ് കൂ​ടു​ത​ൽ കാ​ണി​ക​ൾ എ​ത്തി​ച്ചേ​ർ​ന്ന​ത്. ഞാ​യ​റാ​ഴ്ച കാ​ണി​ക​ൾ അ​ധി​ക​മാ​യെ​ത്തി. 1500 പേ​ർ​ക്ക് ഇ​രു​ന്ന് ക​ളി കാ​ണാ​നു​ള്ള സൗ​ക​ര്യ​മാ​ണ് ഒ​രു​ക്കി​യി​രു​ന്ന​ത്. സം​സ്ഥാ​ന​ത്തി​ന​ക​ത്തും പു​റ​ത്തും സെ​വ​ൻ​സ് ഫു​ട്ബോ​ൾ മേ​ള​ക്ക്​ ഗാ​ല​റി ഒ​രു​ക്കി പ​രി​ച​യ​മു​ള്ള വ​ള​യ​ൻ​ചി​റ​ങ്ങ​ര സ്വ​ദേ​ശി​യു​ടെ നേ​തൃ​ത്വ​ത്തി​ലാ​ണ് വേ​ദി ഒ​രു​ക്കി​യി​രു​ന്ന​ത്. അ​പ​ക​ടം ന​ട​ക്കു​മ്പോ​ൾ 823 പേ​ർ​ക്കാ​ണ് പ്ര​വേ​ശ​നം അ​നു​വ​ദി​ച്ചി​രു​ന്ന​ത്.

ദു​ര​ന്തം മ​ത്സ​രം തു​ട​ങ്ങും മു​മ്പ്​

രാ​ത്രി 10ഓ​ടെ മ​ത്സ​രം ആ​രം​ഭി​ക്കു​ന്ന​തി​ന് മു​ന്നോ​ടി​യാ​യി ട്രോ​ഫി​ക​ളു​മാ​യി ഗാ​ല​റി​യെ വ​ല​യം വെ​ക്കു​ന്ന​തി​നി​ടെ​യാ​ണ് തൂ​ണു​ക​ൾ താ​ഴ്ന്ന് ചെ​രി​ഞ്ഞു വീ​ണ​ത്. ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത വേ​ന​ൽ​മ​ഴ​യി​ൽ കാ​ലു​ക​ൾ മ​ണ്ണി​ൽ താ​ഴ്ന്ന് പോ​കാ​ൻ ഇ​ട​യാ​ക്കി​യ​താ​ണ് കാ​ര​ണം. ക​വാ​ട​ത്തി​ന് ചേ​ർ​ന്നാ​യ​തി​നാ​ൽ ക​ളി ന​ല്ല രീ​തി​യി​ൽ വീ​ക്ഷി​ക്കാ​ൻ ക​ഴി​യു​മെ​ന്ന പ​രി​ഗ​ണ​ന​യി​ൽ ആ​ദ്യം എ​ത്തി​യ കാ​ണി​ക​ൾ ഭൂ​രി​ഭാ​ഗ​വും ഈ ​വ​ശ​ത്തെ ഗാ​ല​റി​യി​ൽ പ്ര​വേ​ശി​ക്കു​ക​യാ​യി​രു​ന്നു.

ഫൈ​ന​ലി​ൽ മാ​റ്റു​ര​ക്കേ​ണ്ട മൈ​ലൂ​ർ ടീം ​അം​ഗ​ങ്ങ​ളും ആ​രാ​ധ​ക​രും ഈ ​സ​മ​യ​ത്ത് ഗ്രൗ​ണ്ടി​ൽ പ്ര​വേ​ശി​ച്ചി​രു​ന്നി​ല്ല. ഇ​വ​ർ പ്ര​വേ​ശി​ച്ച ശേ​ഷ​മാ​ണ് അ​പ​ക​ട​മെ​ങ്കി​ൽ അ​പ​ക​ട തോ​ത് ഉ​യ​രു​മാ​യി​രു​ന്നു. അ​പ​ക​ടം ന​ട​ന്ന ഉ​ട​ൻ സം​ഘാ​ട​ക​രും നാ​ട്ടു​കാ​രും ഗാ​ല​റി​യി​ൽ കു​ടു​ങ്ങി​യ​വ​രെ പു​റ​ത്തെ​ടു​ക്കാ​നും പ​രി​ക്കേ​റ്റ​വ​രെ ആ​ശു​പ​ത്രി​യി​ൽ എ​ത്തി​ക്കാ​നും സൗ​ക​ര്യ​ങ്ങ​ൾ ഒ​രു​ക്കി. കോ​ത​മം​ഗ​ലം, ക​ല്ലൂ​ർ​ക്കാ​ട് അ​ഗ്നി​ര​ക്ഷ നി​ല​യ​ങ്ങ​ളി​ലെ സേ​നാം​ഗ​ങ്ങ​ളും, കോ​ത​മം​ഗ​ലം- പോ​ത്താ​നി​ക്കാ​ട് സ്റ്റേ​ഷ​നു​ക​ളി​ലെ പൊ​ലീ​സും സ​മീ​പ പ്ര​ദേ​ശ​ങ്ങ​ളി​ലെ ആം​ബു​ല​ൻ​സ് സം​ഘ​വും ക​ർ​മ​നി​ര​ത​രാ​യി.

സു​ര​ക്ഷാ വീ​ഴ്ച പ​രി​ശോ​ധി​ക്കും

അ​പ​ക​ട​ത്തെ തു​ട​ർ​ന്ന് പോ​ത്താ​നി​ക്കാ​ട് പൊ​ലീ​സ് സം​ഘാ​ട​ക​ർ​ക്കെ​തി​രെ വി​വി​ധ വ​കു​പ്പു​ക​ൾ ചു​മ​ത്തി കേ​സെ​ടു​ത്തു. സു​ര​ക്ഷാ​വീ​ഴ്ച ഉ​ണ്ടാ​യോ എ​ന്നും പ​രി​ശോ​ധി​ക്കു​ന്നു​ണ്ട്. ആ​ശു​പ​ത്രി​യി​ൽ ക​ഴി​യു​ന്ന​വ​രെ ആ​ന്‍റ​ണി ജോ​ൺ എം.​എ​ൽ.​എ​യു​ടെ നേ​തൃ​ത്വ​ത്തി​ൽ ജ​ന​പ്ര​തി​നി​ധി​ക​ൾ സ​ന്ദ​ർ​ശി​ച്ചു. എ​ല്ലാ വ​ർ​ഷ​വും മ​ത്സ​ര​ങ്ങ​ൾ സം​ഘ​ടി​പ്പി​ക്കു​മ്പോ​ൾ ഗാ​ല​റി ഇ​ൻ​ഷൂ​ർ ചെ​യ്യാ​റു​ണ്ടെ​ന്നും ഇ​ത്ത​വ​ണ​യും ചെ​യ്തി​ട്ടു​ണ്ടെ​ന്നും സം​ഘാ​ട​ക​ർ വ്യ​ക്ത​മാ​ക്കി. പ​രി​ക്കേ​റ്റ​വ​രു​ടെ ചി​കി​ത്സാ ചെ​ല​വു​ക​ൾ വ​ഹി​ക്കു​മെ​ന്നും സം​ഘാ​ട​ക​ർ പ​റ​ഞ്ഞു.