കുട്ടികളുടെ പാർക്കിൽ തിരക്കേറി; കളിഉപകരണങ്ങൾ കട്ടപ്പുറത്ത്

മൂ​വാ​റ്റു​പു​ഴ: മ​ധ്യ​വേ​ന​ൽ അ​വ​ധി​യി​ൽ കു​ട്ടി​ക​ളെ നി​രാ​ശ​രാ​ക്കി പാ​ർ​ക്കി​ലെ അ​വ​സ്ഥ. നാ​ല് പ​തി​റ്റാ​ണ്ട് മു​മ്പ് ന​ഗ​ര മ​ധ്യ​ത്തി​ലെ പു​ഴ​യോ​ര​ത്ത് നി​ർ​മി​ച്ച കു​ട്ടി​ക​ളു​ടെ പാ​ർ​ക്ക് അ​ധി​കൃ​ത​രു​ടെ അ​നാ​സ്ഥ മൂ​ലം ന​ശി​ക്കു​ക​യാ​ണ്. പാ​ർ​ക്കി​ലെ ക​ളി ഉ​പ​ക​ര​ണ​ങ്ങ​ൾ പ​ല​തും ഉ​പ​യോ​ഗ​ശൂ​ന്യ​മാ​യി​ട്ട് നാ​ളു​ക​ളാ​യി. അ​വ​ധി​ക്ക് മു​മ്പ് പാ​ർ​ക്ക് ന​വീ​ക​രി​ക്കു​മെ​ന്ന് പ്ര​ഖ്യാ​പ​നം ഉ​ണ്ടാ​യ​ങ്കി​ലും ഒ​ന്നും ന​ട​ന്നി​ല്ല. നി​ര​വ​ധി കു​ട്ടി​ക​ളാ​ണ് പാ​ർ​ക്കി​ലെ​ത്തു​ന്ന​ത്.

2022 ൽ ​പാ​ർ​ക്കി​ൽ താ​മ​ര​ക്കു​ളം, ഏ​റു​മാ​ടം അ​ട​ക്കം ഒ​രു​ക്കി മ​നോ​ഹ​ര​മാ​ക്കി​യ പാ​ർ​ക്കി​ൽ ഇ​പ്പോ​ൾ ഇ​തെ​ല്ലാം ത​ക​ർ​ന്ന നി​ല​യി​ലാ​ണ്. കു​ട്ടി​ക​ള്‍ക്ക് സൈ​ക്കി​ള്‍ സ​വാ​രി ചെ​യ്യാ​നാ​യി സൈ​ക്കി​ളു​ക​ളും ഒ​രു​ക്കി​യി​രു​ന്നു. ഇ​തും നി​ല​വി​ലി​ല്ല. നേ​ര​ത്തെ എം.​സി റോ​ഡി​ൽ നി​ന്ന്​ പാ​ർ​ക്കി​ലേ​ക്ക് നേ​രി​ട്ടു​ണ്ടാ​യി​രു​ന്ന പ്ര​വേ​ശ​ന ക​വാ​ട​വും അ​ട​ച്ചു​പൂ​ട്ടി.

മു​തി​ർ​ന്ന​വ​ർ​ക്ക്​ 20 രൂ​പ​യും കു​ട്ടി​ക​ൾ​ക്ക് 10 രൂ​പ​യു​മാ​ണ് ടി​ക്ക​റ്റ് നി​ര​ക്ക്. അ​ടി​യ​ന്ത​ര​മാ​യി പാ​ർ​ക്ക് ന​വീ​ക​രി​ക്ക​ണ​മെ​ന്നും പാ​ർ​ക്കി​ന്‍റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്നും ആ​വ​ശ്യം ഉ​യ​ർ​ന്നി​ട്ടു​ണ്ട്.