പൊളിച്ചിടാൻമാത്രം പോരാ ഉത്സാഹം; റോഡ്​ അറ്റകുറ്റപ്പണി നിലച്ചതോടെ ബുദ്ധിമുട്ടിലായി ജനങ്ങൾ

മൂ​വാ​റ്റു​പു​ഴ: ന​ഗ​ര​ത്തി​ലെ ര​ണ്ട്​ പ്ര​ധാ​ന റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ​ക്കാ​യി വാ​ട്ട​ർ അ​തോ​റി​റ്റി പ​ണ​മ​ട​ച്ച് മാ​സ​ങ്ങ​ൾ ക​ഴി​ഞ്ഞി​ട്ടും നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കാ​ത്ത​തി​ൽ പ്ര​തി​ഷേ​ധി​ച്ച് മു​നി​സി​പ്പ​ൽ കൗ​ൺ​സി​ല​ർ​മാ​രു​ടെ നേ​തൃ​ത്വ​ത്തി​ൽ പി.​ഡ​ബ്ല്യു.​ഡി എ​ൻ​ജി​നീ​യ​റെ ഉ​പ​രോ​ധി​ച്ചു. ന​ഗ​ര​ത്തി​ലെ വ​ള്ള​ക്കാ​ലി​ൽ റോ​ഡ്, ആ​ര​ക്കു​ഴ റോ​ഡ് എ​ന്നി​വ​യാ​ണ് ത​ക​ർ​ന്നു​കി​ട​ക്കു​ന്ന​ത്. ഒ​രു​വ​ർ​ഷം മു​മ്പ്​ ജ​ല അ​തോ​റി​റ്റി​യു​ടെ നേ​തൃ​ത്വ​ത്തി​ൽ ഇ​രു​റോ​ഡും അ​മൃ​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി കു​ടി​വെ​ള്ള പൈ​പ്പു​ക​ൾ സ്ഥാ​പി​ക്കു​ന്ന​തി​നാ​യി കു​ത്തി​പ്പൊ​ളി​ച്ചി​രു​ന്നു. പൊ​ളി​ക്കു​ന്ന​തി​ന് നാ​ലു​മാ​സം മു​മ്പാ​ണ് ഈ ​റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ പി.​ഡ​ബ്ല്യു.​ഡി പൂ​ർ​ത്തീ​ക​രി​ച്ച​ത്.

ഈ ​സാ​ഹ​ച​ര്യ​ത്തി​ൽ ജ​ല അ​തോ​റി​റ്റി 38 ല​ക്ഷം രൂ​പ മു​ൻ​കൂ​റാ​യി പ​ണം അ​ട​ച്ച​ശേ​ഷ​മാ​ണ് റോ​ഡ് പൊ​ളി​ക്കു​ന്ന​തി​നു​ള്ള അ​നു​മ​തി പി.​ഡ​ബ്ല്യു.​ഡി ന​ൽ​കി​യി​രു​ന്ന​ത്. എ​ന്നാ​ൽ, ജ​ല അ​തോ​റി​റ്റി സ​മ​യ​ബ​ന്ധി​ത​മാ​യി പൈ​പ്പു​ക​ൾ സ്ഥാ​പി​ക്കു​ന്ന ജോ​ലി​ക​ൾ പൂ​ർ​ത്തീ​ക​രി​ച്ചെ​ങ്കി​ലും പി.​ഡ​ബ്ല്യു.​ഡി പി​ന്നീ​ട് ഈ ​റോ​ഡി​ന്‍റെ ന​വീ​ക​ര​ണ​പ്ര​വ​ർ​ത്ത​ന​ങ്ങ​ൾ ന​ട​ത്തി​യി​ല്ല. വാ​ർ​ഡ് കൗ​ൺ​സി​ല​ർ​മാ​രാ​യ ജി​നു മ​ടേ​യ്ക്ക​ൽ, ജോ​സ് കു​ര്യാ​ക്കോ​സ് എ​ന്നി​വ​ർ നി​ര​വ​ധി​ത​വ​ണ പി.​ഡ​ബ്ല്യു.​ഡി അ​ധി​കൃ​ത​രെ സ​മീ​പി​ച്ചെ​ങ്കി​ലും ഇ​തു​വ​രെ പ​ണി ആ​രം​ഭി​ച്ചി​ട്ടി​ല്ല. മാ​റാ​ടി, ആ​ര​ക്കു​ഴ പ​ഞ്ചാ​യ​ത്തു​ക​ളി​ലേ​ക്കു​ള്ള പ്ര​ധാ​ന വ​ഴി​ക​ളി​ലൊ​ന്നാ​ണി​ത്. പൊ​ടി​ശ​ല്യം​കൊ​ണ്ട് പ​രി​സ​ര​വാ​സി​ക​ൾ പൊ​റു​തി​മു​ട്ടു​ക​യാ​ണ്.

ഈ ​സാ​ഹ​ച​ര്യ​ത്തി​ലാ​ണ് റോ​ഡ് സ​ഞ്ചാ​ര​യോ​ഗ്യ​മാ​ക്ക​ണം എ​ന്നാ​വ​ശ്യ​പ്പെ​ട്ട് ജി​നു മ​ടേ​ക്ക​നും ജോ​സ് കു​ര്യാ​ക്കോ​സും വ്യാ​ഴാ​ഴ്ച പ്ല​ക്കാ​ർ​ഡു​ക​ളു​മാ​യി പി.​ഡ​ബ്ല്യു.​ഡി എ​ക്സി. എ​ൻ​ജി​നീ​യ​റെ ഉ​പ​രോ​ധി​ച്ച​ത്.

ഉ​ട​ൻ അ​റ്റ​കു​റ്റ​പ്പ​ണി​ക​ൾ പൂ​ർ​ത്തി​യാ​ക്കാ​മെ​ന്ന എ​ൻ​ജി​നീ​യ​റു​ടെ ഉ​റ​പ്പി​നെ​ത്തു​ട​ർ​ന്നാ​ണ് കൗ​ൺ​സി​ല​ർ​മാ​ർ പി​രി​ഞ്ഞു​പോ​യ​ത്. ര​ണ്ടാ​ഴ്ച​ക്കു​ള്ളി​ൽ റോ​ഡി​ന്‍റെ അ​റ്റ​കു​റ്റ​പ്പ​ണി​ക​ൾ ആ​രം​ഭി​ച്ചി​ല്ലെ​ങ്കി​ൽ വാ​ർ​ഡി​ലെ ജ​ന​ങ്ങ​ളെ​യും മ​റ്റ് കൗ​ൺ​സി​ല​ർ​മാ​രെ​യും ഉ​ൾ​പ്പെ​ടു​ത്തി ശ​ക്ത​മാ​യ പ്ര​തി​ഷേ​ധം ന​ട​ത്തു​മെ​ന്ന് കൗ​ൺ​സി​ല​ർ​മാ​ർ അ​റി​യി​ച്ചു.