സോളാര്‍ പാനല്‍ സ്ഥാപിക്കൽ: ഒമ്പതുലക്ഷം തട്ടിയതായി പരാതി

പെ​രു​മ്പാ​വൂ​ര്‍: ഒ​ക്ക​ല്‍ പ​ഞ്ചാ​യ​ത്ത് ഓ​ഫി​സി​ല്‍ സോ​ളാ​ര്‍ പാ​ന​ല്‍ സ്ഥാ​പി​ക്കു​ന്ന​തി​ന്റെ പേ​രി​ല്‍ ഒ​മ്പ​തു​ല​ക്ഷം ത​ട്ടി​യെ​ടു​ത്ത​താ​യി പ​രാ​തി. 2023 ജൂ​ലൈ 27ന് ​കൂ​ടി​യ പ​ഞ്ചാ​യ​ത്ത് ക​മ്മി​റ്റി​യി​ലാ​ണ് സോ​ളാ​ര്‍ പാ​ന​ല്‍ സ്ഥാ​പി​ക്കാ​ന്‍ അ​ട​ങ്ക​ല്‍ തു​ക​യാ​യി 8,80,000 രൂ​പ ക​ണ​ക്കാ​ക്കി 12 കെ.​വി വൈ​ദ്യു​തി​ക്കു​ള്ള പാ​ന​ല്‍ സ്ഥാ​പി​ക്കാ​ൻ തീ​രു​മാ​നി​ച്ച​ത്.

ഇ​തി​നാ​യി 2024 ജ​നു​വ​രി നാ​ലി​ന് അ​ന​ര്‍ട്ടി​ന്റ പേ​രി​ല്‍ വ്യാ​ജ ക​രാ​ര്‍ ഉ​ണ്ടാ​ക്കി​യ​താ​യി വി​വ​രാ​വ​കാ​ശ രേ​ഖ​യി​ല്‍ ക​ണ്ടെ​ത്തി​യ​താ​യി പ​രാ​തി​ക്കാ​ര​നാ​യ എ​ന്‍.​കെ. ഷാ​ജ​ഹാ​ന്‍ പ​റ​യു​ന്നു. പ​ഞ്ചാ​യ​ത്ത് സെ​ക്ര​ട്ട​റി മാ​ത്രം സീ​ല്‍ വെ​ച്ച് ഒ​പ്പി​ട്ട ക​രാ​റി​ന്റ അ​ടി​സ്ഥാ​ന​ത്തി​ല്‍ ജ​നു​വ​രി 18ന് 30,000 ​രൂ​പ കൊ​ടു​ത്ത​താ​യും രേ​ഖ​യു​ണ്ട്.

ഡെ​പ്പോ​സി​റ്റ് വ​ര്‍ക്ക് ആ​യ​തി​നാ​ല്‍ എ​സ്റ്റി​മേ​റ്റ് തു​ക മു​ഴു​വ​ന്‍ അ​ട​ക്ക​ണ​മെ​ന്ന് അ​ന​ര്‍ട്ട് പ​റ​യു​ന്നു​ണ്ട്. നി​ല​വി​ല്‍ അ​ങ്ങ​നെ ഒ​രു അ​നു​മ​തി വാ​ങ്ങി​യി​ട്ടി​ല്ലെ​ന്നാ​ണ് രേ​ഖ​ക​ള്‍. ഒ​ക്ക​ല്‍ പ​ഞ്ചാ​യ​ത്തു​മാ​യി സോ​ളാ​ര്‍ പ​ദ്ധ​തി​ക്ക് ക​രാ​ർ ഒ​പ്പു​വ​ച്ചി​ട്ടി​ല്ലെ​ന്നും ഡ്രാ​ഫ്റ്റ് ക​രാ​ര്‍ കോ​പ്പി പ​ഞ്ചാ​യ​ത്തി​ന് കൊ​ടു​ക്കു​ക മാ​ത്ര​മാ​ണ് ചെ​യ്ത​തെ​ന്നും അ​ന​ര്‍ട്ട് മ​റു​പ​ടി​യി​ല്‍ പ​റ​യു​ന്നു.

ക​രാ​റി​ന്റ അ​ടി​സ്ഥാ​ന​ത്തി​ല്‍ 2024 ജ​നു​വ​രി​യി​ല്‍ 30,000 രൂ​പ​യും മാ​ര്‍ച്ച് 30ന് 7,65,000 ​രൂ​പ​യും അ​ന​ര്‍ട്ടി​ന് ഇ-​ഗ്രാം സ്വ​രാ​ജ് പോ​ര്‍ട്ട​ല്‍ വ​ഴി ഓ​ണ്‍ലൈ​നാ​യി സം​സ്ഥാ​ന ട്ര​ഷ​റി​യി​ല്‍നി​ന്ന് കൈ​മാ​റി എ​ന്നാ​ണ് പ​ഞ്ചാ​യ​ത്ത് രേ​ഖ​യി​ല്‍നി​ന്ന്​ ക​ണ്ടെ​ത്തി​യ​ത്. 13 മാ​സം ക​ഴി​ഞ്ഞി​ട്ടും 7,95,000 രൂ​പ എ​വി​ടെ​യാ​ണെ​ന്ന് ആ​ര്‍ക്കും അ​റി​യാ​ത്ത അ​വ​സ്ഥ​യാ​ണെ​ന്ന് പ​രാ​തി​ക്കാ​ര​ന്‍ അ​റി​യി​ച്ചു.

അ​ഞ്ചു​വ​ര്‍ഷം കൊ​ണ്ട് മൂ​ന്ന് പ്ര​സി​ഡ​ന്റ് ഭ​രി​ച്ച പ​ഞ്ചാ​യ​ത്തി​ല്‍ കെ.​എം. ഷി​യാ​സി​ന്റെ കാ​ല​ഘ​ട്ട​ത്തി​ല്‍ ന​ട​ന്ന തി​രി​മ​റി​യി​ല്‍ അ​ന്വേ​ഷ​ണം ആ​വ​ശ്യ​പ്പെ​ട്ട് ഓ​ബു​ഡ്സ്മാ​നും വി​ജി​ല​ന്‍സി​നും ത​ദ്ദേ​ശ സ്വ​യം​ഭ​ര​ണ വ​കു​പ്പ് ഡ​യ​റ​ക്ട​ര്‍ക്കും ബ്ലോ​ക്ക് ഡെ​വ​ല​പ്മെ​ന്റ് ഓ​ഫി​സ​ര്‍ക്കും ഷാ​ജ​ഹാ​ന്‍ പ​രാ​തി ന​ല്‍കി.